എന്റെ ചിന്തിക്കാനുള്ള ശേഷി നഷ്ടപ്പെടുന്നത് പോലെ തോന്നി…. നേരത്തെ ഉണ്ടായിരുന്ന എന്റെ ചിന്തകൾ പോലും ക്ഷയിക്കുന്നായും അനുഭവപ്പെട്ടു.
ആയിരക്കണക്കിന് തേനീച്ചകള്‍ എന്റെ തലച്ചോറിനെ കുത്തി കുടയുന്നത് പോലെ തോന്നി.
എന്റെ തല പിടിച്ചുകൊണ്ട് ഞാൻ കരഞ്ഞു. പെട്ടന്ന് എന്റെ ഹൃദയത്തെ പിന്നെയും ആ ചുറ്റിക പ്രഹരിച്ചു.
അലറി കൊണ്ട് ചാടിയെഴുന്നേറ്റ ഞാൻ നെഞ്ചിനെ അമര്‍ത്തി കൊണ്ട് ഭ്രാന്തനെ പോലെ അങ്ങോട്ടുമിങ്ങോട്ടും വിരണ്ടു നടന്നു.
ഞാൻ ഭ്രാന്തനായി മാറുകയാണോ?
എന്റെ ഹൃദയത്തിൽ ഏര്‍പ്പെട്ട വേദനയെ താങ്ങാന്‍ കഴിയാതെ വന്നപ്പോ, താല്‍ക്കാലികമായി എന്റെ തലച്ചോറ്‌ അതിന്‍റെ പ്രവര്‍ത്തനത്തെ നിർത്തി വയ്ക്കാൻ ശ്രമിക്കുന്നത് പോലെ തോന്നി.
എന്റെ കാഴ്ച പെട്ടന്ന് മങ്ങി… ശ്വാസം കിട്ടാതെ വന്നു…. ബെഞ്ചിന് വല്ലാത്ത ഭാരവും വേദനയും കൂടി കൊണ്ടിരുന്നു.
ആവശ്യത്തിലധികം കാറ്റ്‌ നിറഞ്ഞ് പൊട്ടാറായ ബലൂൺ പോലെയായിരുന്നു എന്റെ ഹൃദയം.
തീര്‍ച്ചയായും അത് ഇപ്പൊ പൊട്ടുമെന്ന് ഞാൻ ഭയന്നു.
എന്റെ ഹൃദയം വലിഞ്ഞു മുറുകാൻ തുടങ്ങി.. പെട്ടന്ന് എന്റെ ചിന്തകളെ മറ്റാരോ ഏറ്റെടുത്തത് പോലെയാണ് തോന്നിയത്‌.
എന്താണ് എനിക്ക് സംഭവിക്കുന്നത്..?
ബാൽക്കണിയിൽ പോയി താഴേക്ക് ചാടണം എന്ന പ്രേരണ എന്റെ മനസ്സിനെ ആക്രമിച്ചു.. എങ്ങോട്ടെങ്കിലും ഇറങ്ങി ഓടണം എന്ന ചിന്തയും ഉടലെടുത്തു…
എന്റെ ഫ്ലാറ്റിനകത്തുള്ള എല്ലാറ്റിനെയും അടിച്ചു തകര്‍ക്കാന്‍ എന്റെ കൈകൾ തരിച്ചു… എന്റെ മുഖവും ദേഹവും മാന്തി പൊളിക്കാനുള്ള ക്രോധപാരവശ്യം എന്നില്‍ നിറഞ്ഞു.
എല്ലാത്തിനേയും നശിപ്പിക്കണമെന്ന ഒരു തരം ഭ്രാന്ത് എന്റെ മനസ്സിനെ ആക്രമിച്ച് എന്റെ നല്ല ചിന്തകളെ മൂടി.
ഉടനെ ടീപ്പോയിൽ വച്ചിരുന്ന എന്റെ മൊബൈലിനെ യാന്ത്രികമായി ഞാൻ എടുത്തു… ടിവിയെ നോക്കി എറിയാനായി എന്റെ കൈയിനെ ഞാൻ ആഞ്ഞതും…!!
എന്റെ ഫ്ലാറ്റ് വാതിലിന്‍റെ ലോക്കിൽ ചാവി ഇടുന്ന ശബ്ദം എന്നെ സ്തംഭനാവസ്ഥയിൽ ആക്കി.
“അഞ്ചന..!” പെട്ടന്ന് എന്റെ മനസ്സും നാവ് ഒരുപോലെ മൊഴിഞ്ഞു.
ആ പേര് ഒരു ഊര്‍ജ്ജമായി എന്റെ ഉള്ളിലേക്ക് പടർന്നു. ദുഷ്ട ശക്തിയെ തുരത്താൻ വന്ന മാലാഖയെ പോലെ ആ ഊര്‍ജ്ജം എന്റെ ഭ്രാന്തിനെ ബഹിഷ്കരിച്ചു.
അപ്പോൾ മാത്രമാണ് സാധാരണ ഗതിയിൽ എനിക്ക് ചിന്തിക്കാൻ കഴിഞ്ഞത്. എന്റെ കണ്ണിലെ ഇരുട്ട് മാറി പ്രകാശം നിറഞ്ഞു. എന്റെ മനസിനെ പൊതിഞ്ഞിരുന്ന ആ ഭയവും മന്ദഗതിയിൽ അലിയാൻ തുടങ്ങി.
എന്റെ താക്കോലിനെ ലോക്കിൽ തന്നെ തള്ളി വെച്ചിരുന്നത് കൊണ്ട് അവള്‍ക്ക് ഫ്ലാറ്റ് ഡോറിനെ തുറക്കാന്‍ കഴിഞ്ഞില്ല.
അതുകാരണം ദേഷ്യം പിടിച്ചത് പോലെ, അഞ്ചന കോളിങ് ബെല്ലിനെ തുടർച്ചയായി അമര്‍ത്തി പിടിക്കുകയും.. അതേ സമയത്ത്‌ വാതിലിനെയും ശക്തിയോടെ ഇട്ട് അടിക്കാനും തുടങ്ങി.
ആ ശബ്ദം എന്റെ ചെവിക്കും മനസ്സിനും ഒരു സുഖത്തെ പ്രദാനം ചെയ്തു.
ഞാൻ വേഗം ചെന്ന് ചാവി തിരിച്ച് വാതിലിനു മലർക്കെ തുറന്നതും, കോപം പൂണ്ടു നില്‍ക്കുന്ന എന്റെ അഞ്ചനയെ യാണ് കണ്ടത്‌.
അവളെ കണ്ട മാത്രയില്‍ എന്റെ മനസ്സ് പൂര്‍ണ ശാന്തമായി.. ആഹ്ലാദം എന്റെ ഉള്ളില്‍ അലയടിച്ചു.. ആശ്വാസം എന്റെ മനസ്സിനെ പൊതിഞ്ഞു മൂടി… വലിഞ്ഞു മുറുകിയിരുന്ന എന്റെ മുഖവും ഹൃദയവും വേഗത്തിൽ അയഞ്ഞു. ഒരു പുഞ്ചിരിയും എന്റെ ചുണ്ടില്‍ വിരിഞ്ഞു.
അവളുടെ ആ ദേഷ്യവും ഭാവവും കണ്ടിട്ട് പോലും എനിക്ക് ചിരിയാണ് വന്നത്. എന്റെ മാലാഖയെ വാരി പുണരാൻ എന്റെ കൈയും മനസ്സും വെമ്പി. കോടി ചുംബനങ്ങൾ കൊണ്ടവളെ മൂടാൻ ഞാൻ കൊതിച്ചു.
അവള്‍ക്ക് മുന്നില്‍ മുട്ടുകുത്തി അവളെ കെട്ടിപിടിച്ചു കൊണ്ട് ആർത്തു കരയാൻ എന്റെ ഉള്ളം കല്പിച്ചു. എന്റെ കണ്ണുനീര്‍ കൊണ്ട് എന്റെ മാലാഖയുടെ പാദങ്ങളെ കഴുകാനും ഞാൻ ഒരുങ്ങി.
“എന്നെ പുറത്താക്കീട്ട് നി വാതിൽ പൂട്ടും, അല്ലേടാ..?” രണ്ട് മുഷ്ടിയും ചുരുട്ടി പിടിച്ചുകൊണ്ട് അവൾ ദേഷ്യത്തില്‍ ചീറി.
അവളുടെ ആ മുഷ്ടി ചുരുട്ടിയുള്ള നില്‍പ്പും, തോളും തലയും മാത്രം അല്‍പ്പം മുന്നോട് തള്ളി പിടിച്ചിരുന്ന രീതിയും, ചുണ്ട് കൂര്‍പ്പിച്ച് കോട്ടിയിരുന്ന കാഴ്ചയും….., എല്ലാം കണ്ട് ചിരിയും സ്നേഹവും വര്‍ധിക്കുകയാണ് ചെയ്തത്… കടുത്ത പ്രണയമാണ് എന്നില്‍ നിറഞ്ഞ് പുറത്തേക്ക്‌ വ്യാപിച്ചത്.
പൊട്ടി വന്ന ചിരിയും സന്തോഷവും അടക്കാൻ കഴിയാതെ ഞാൻ പൊട്ടി പൊട്ടി ചിരിച്ചു.
“എന്നെ നി കളിയാക്കും അല്ലേടാ…?” വിളിച്ചു കൂവി കൊണ്ട് അവള്‍ എന്റെ മേല്‍ ചാടി വീണു.
എന്റെ കഴുത്തിൽ ചുറ്റി പിടിച്ചുകൊണ്ട്… രണ്ട് കാലും എന്റെ അരയിൽ ചുറ്റി മുറുക്കി പിടിച്ചു കൊണ്ട്…. എന്റെ കവിളും ചെവിയും താടിയും എല്ലാം കടിച്ചു പറിക്കാൻ അവള്‍ ശ്രമിച്ചു.
അപ്പോഴും പൊട്ടിച്ചിരിച്ചു കൊണ്ട് എന്റെ മുഖത്തെ അങ്ങോട്ടും ഇങ്ങോട്ടും മാറ്റി അവളുടെ പല്ലുകളിൽ നിന്ന് രക്ഷപ്പെടാന്‍ ഞാനും ശ്രമിച്ചു കൊണ്ടിരുന്നു.
എന്നെ എന്തൊക്കെയോ ഭീഷണിപ്പെടുത്തി കൊണ്ട് അവൾ എന്നെ കടിക്കാൻ ശ്രമിച്ചു കൊണ്ടേയിരുന്നു.
എന്നെ രക്ഷിച്ച എന്റെ മാലാഖയുടെ ആ കളി ഭീഷണി കൂടെ കേട്ടതും എന്റെ ചിരി അടക്കാനും കഴിഞ്ഞില്ല.
അവസാനം, എന്റെ അഞ്ചന കൂടുതൽ ദേഷ്യത്തില്‍ വായും നല്ലോണം തുറന്നു പിടിച്ചിട്ട് എന്റെ എവിടെയെങ്കിലും ഒരു കടി എങ്കിലും തരണം എന്നപോലെ ആവേശം കൂടി ശ്രമിച്ചു കൊണ്ടിരുന്നു.
അവസാനം ഒരു കൈ അവളുടെ ചന്തിക്ക് അടിയിലൂടെ കുറുകെ താങ്ങി എന്നോട് ചേര്‍ത്ത് പിടിച്ചുകൊണ്ട് അവളുടെ ഇടുപ്പിൽ ഞാൻ ഇക്കിളി കാട്ടി. ഉടനെ ചിരിച്ചുകൊണ്ട് അവളെന്റെ കഴുത്തിൽ ചുണ്ടുകള്‍ കൊണ്ട് കടിച്ചു പിടിച്ചിട്ട് പമ്മി കിടന്നു.
“ഇക്കിളി ആവുന്നെടി എന്റെ ചക്കരെ..!” ചിരിച്ചുകൊണ്ട് ഞാൻ പറഞ്ഞതും അവളുടെ ചുണ്ടുകള്‍ എന്റെ കഴുത്തിനെ മോചിപ്പിച്ചു.
ശേഷം എന്റെ കഴുത്തിനെ മുറുകെ കെട്ടിപിടിക്കുകയും എന്റെ വലത് കഴുത്തിൽ മുഖം അമര്‍ത്തി വച്ചുകൊണ്ടും അവള്‍ കിടന്നു. അവളുടെ കാലുകൾ അപ്പോഴും എന്റെ ഇടുപ്പിനെ വരിഞ്ഞു ചുറ്റി പിടിച്ചിരുന്നു.
ചന്തിക്കടിയിലൂടെ എന്റെ കൈകളെ വളച്ച് അവളെ താങ്ങി എന്നോട് അമർത്തി ചേര്‍ത്താണ് പിടിച്ചിരുന്നത്.
അവസാനം അവളെയും കൊണ്ട് ഞാൻ നടന്നു. അവളെ എന്നോട് ചേര്‍ത്തു പിടിച്ചുകൊണ്ട് തന്നെയാണ് സോഫയിൽ ഞാൻ ഇരുന്നതും.
ഞാൻ ഇരുന്ന ഉടനെ എന്റെ മടിയില്‍ ഇരുന്ന അഞ്ചനയും എന്റെ ഇടുപ്പിനെ കാലുകൾ കൊണ്ട് നന്നായി ചുറ്റി വരിഞ്ഞു പിടിച്ചു. ശേഷം എന്റെ കക്ഷങ്ങൾക്ക് അടിയിലൂടെ അവളുടെ കൈകളെ കടത്തി എന്നെ കെട്ടിപിടിച്ചിരുന്നു.
