“അജു ഇന്നലെ വീട്ടിൽ പോയിരുന്നു അല്ലെ.”
ഞാൻ ഒന്ന് മൂളി. അവളുടെ മുഖത്തേക്ക് കോപം ഇരച്ചു കയറുന്നത് എനിക്ക് കാണാമായിരുന്നു.
“അജുവിനോട് ഞാൻ പറഞ്ഞിട്ടില്ലേ എന്റെ വീട്ടിലേക്ക് പോകരുത് എന്ന്. പിന്നെ എന്തിനാ പോയത്. ”
“നിനക്ക് ജോലി കിട്ടിയ സന്തോഷം നിന്റെ കൂടെ ചെലവിടണം എന്ന് തോന്നി. അപ്പോഴേക്കും നീ വിപിന്റെ കൂടെ പോയിരുന്നു. പിന്നെ നിന്നെ കാണാൻ തോന്നിയത് കൊണ്ട് ഞാൻ പോയി.”
“അജു എനിക്ക് അത് ഇഷ്ടമല്ല. അജുവിനെ ഞാൻ അങ്ങനെ ഒന്നും അല്ല കണ്ടിരിക്കുന്നത്.”
“നീയും വിപിനും തമ്മിൽ എന്താണ്. നിനക്ക് സഹായം വേണ്ടി വരുമ്പോൾ ഓടി വന്ന് കയറാൻ പറ്റിയ ഒരു ചാഞ്ഞ മരം മാത്രം അല്ലെ ഞാൻ.”
“അജു ഞാൻ അങ്ങനെ ഒന്നും കരുതീയിട്ടില്ല. നിന്നെ എനിക്ക് ഇഷ്ടം ആണ്. പക്ഷേ എപ്പോഴോ ഞാൻ പോലും അറിയാതെ ഞാൻ വിപിനെ സ്നേഹിച്ചു പോയി. നിന്നെ കല്യാണം കഴിക്കണം എന്ന് ഞാൻ ആഗ്രഹിച്ചത് ആണ്. പക്ഷേ എന്നെ പോലുള്ള ഒരു പെണ്ണ് നിനക്ക് ചേരില്ല. നിനക്ക് എന്നെക്കാളും നല്ല ഒരു പെൺകുട്ടിയെ കിട്ടും.”
ഇത് തേപ്പിന്റെ സമയത്ത് എല്ലാ പെൺപിള്ളേരും പറയുന്ന സ്ഥിരം ഡയലോഗ് ആണ്. പക്ഷേ എനിക്ക് അങ്ങനെ അങ്ങ് വിടാൻ കഴിഞ്ഞില്ല. ഞാൻ പറഞ്ഞു
“എനിക്ക് അങ്ങനെ വേറെ നല്ല പെൺപിള്ളേരെ ഒന്നും വേണ്ടാ. ഞാൻ ഇഷ്ടപെട്ടത് നിന്നെയാണ്.”
അപ്പോഴേക്കും വിപിൻ അങ്ങോട്ടേക്ക് വന്നു ലെച്ചുവിനോടായി:
“ലെക്‌സ് വാ നമുക്ക് പോകാം.”
“വിപിൻ നീ നടന്നോ ഞാൻ ഇപ്പോൾ വരാം.” ലെച്ചു വിപിനോടായി മറുപടി പറഞ്ഞു.
“അജു എനിക്ക് നിന്നെ സ്നേഹിക്കാൻ പറ്റുന്നില്ല. നീ മനസ്സിലാക്കൂ.”
ആ നിമിഷത്തിൽ എനിക്ക് ലെച്ചു പൂർണമായും നഷ്ടപ്പെട്ടതായി മനസ്സിലായി.
അവിടുന്ന് നടക്കാൻ തുടങ്ങിയ ലെച്ചുവിനെ ഞാൻ തടഞ്ഞു. വിപിൻ അപ്പോഴേക്കും വേറെ ഒരുത്തന്റെ ബൈക്കിൽ കയറി പോയിരുന്നു. ഞാൻ ലെച്ചുവിനോടായി:
“നിനക്ക് എന്നെ സ്നേഹിക്കാൻ പറ്റുന്നില്ലെങ്കിൽ വേണ്ട. പക്ഷേ ആ വിപിനേ നീ വിട്ടേക്ക്. അവൻ നിന്നെ ചതിക്കും. കള്ളും കഞ്ചാവും അടിച്ചു അമ്മയെയും പെങ്ങളെയും തിരിച്ചറിയാത്തവൻ ആണ്. ഇലക്ട്രിക്കലിലെ നന്ദനയെ നോക്ക്. എങ്ങനെ നടന്ന കുട്ടി ആയിരുന്നു. അവൻ ചതിചത് കാരണം ഇപ്പൊൾ ആകെ തകർന്ന് സൈലന്റ് ആയി പോയി. ഞാൻ ഇത് നിന്റെ നന്മക്കായി ആണ് പറയുന്നത്.”
എന്നെ തുടരാൻ അനുവദിക്കാതെ ലെച്ചു ഇടയിൽ കയറി.
“നിർത്തൂ അജു. നിനക്ക് അവനെ ഇഷ്ടം അല്ല എന്ന് എനിക്കറിയാം. അത് കൊണ്ട് ഇല്ലാവചനം പറയരുത്. അവള് ഒരു അട്രാക്ഷനെ പ്രേമം എന്ന് തെറ്റിദ്ധരിച്ചത് ആണ്. വിപി എന്നോട് എല്ലാം പറഞ്ഞിട്ടുണ്ട്. എങ്ങനെ നിനക്ക് ഇത്രയും തരം താഴാൻ പറ്റുന്നു. കഷ്ടം! ഞാൻ നിന്നെ ആണല്ലോ ഒരു ഫ്രണ്ട് ആയി കണ്ടത്. ഇനി മേലാൽ ഇത് പോലത്തെ എന്തെങ്കിലും പറയാൻ ആണെങ്കിൽ എന്നെ കാണാനോ വർത്തമാനം പറയാനോ നിൽക്കണ്ട.”
ലെച്ചു അവിടെ നിന്ന് പോയി. ആ പോക്ക് കണ്ടപ്പോൾ തന്നെ എനിക്ക് ലെച്ചു എന്നെന്നേക്കും ആയി നഷ്ടപെട്ടു എന്ന് മനസ്സിലായി. തേപ്പ് അല്ലെങ്കിൽ പ്രേമനൈരാശ്യം എന്ന അവസ്ഥ എനിക്ക് അന്ന് മനസ്സിലായി. ഇൗ അവസ്ഥയിൽ നമ്മുടെ ബോധമനാസ നമ്മുക്ക് അവള് നമ്മളെ ഊംബിചു പോയി, അവളെ മറന്ന് ജീവിതം മുന്നോട്ട് കൊണ്ട് പോകാൻ ഉപദേശിക്കും. പക്ഷേ നമ്മൾ നമ്മുടെ മനസ്സിനെ മറന്നു പിന്നെയും ആ പെണ്ണിനെ ആലോചിച്ച് സങ്കടപെട്ട്‌ ജീവിതം മറക്കും. എനിക്ക് ഒരിക്കലും മറക്കാൻ പറ്റാത്ത ഒരു ദിവസം ആയിരുന്നു അടുത്തത്.
പിറ്റേന്ന് ഉച്ചക്ക് ഭക്ഷണം കഴിക്കാൻ ഞാൻ മെസ്സിലേക്ക്‌ പോകുക ആയിരുന്നു. കോളേജ് ഗ്രൗണ്ട് കടന്ന് വേണം എനിക്ക് മെസ്സിലോട്ട്‌ പോകാൻ. ഗ്രൗണ്ടിന്റെ അവിടെ എത്തിയപ്പോൾ മുന്നിൽ അതാ വിപിൻ നിൽക്കുന്നു. അവൻ എന്റെ അടുത്തേക്ക്‌ വന്ന് എന്റെ കോളർ കൂട്ടി പിടിച്ചു കൊണ്ട് ചോദിച്ചു:
“ഞാൻ നന്ദനയെ പിഴപ്പിക്കുന്നത് നീ കണ്ടോടാ പട്ടിക്കുണ്ടായ പുലയാടി മോനെ?”
ഞാൻ എന്ത് പറയണം എന്നറിയാതെ കുഴങ്ങി. ലെച്ചു ഇങ്ങനെ ഒരു ചതി ചെയ്യും എന്ന് ഞാൻ ഒരിക്കലും പ്രതീക്ഷിച്ചില്ല. അല്ലെങ്കിൽ അവളോട് മാത്രം ഞാൻ പറഞ്ഞ കാര്യം എങ്ങനെ ഇവൻ അറിഞ്ഞു. ഞാൻ ചുറ്റും നോക്കിയപ്പോൾ ഇവിടെ നടക്കുന്ന കാര്യങ്ങൽ നോക്കി കണ്ടു കൊണ്ട് ലക്ഷ്മി നിൽക്കുന്നു. അവളുടെ മുഖത്തെ ഭാവം എന്താണ് എന്ന് എനിക്ക് മനസ്സിലാവുന്നില്ല. ദേഷ്യം ആണോ, പരിഹാസം ആണോ, പുച്ഛം ആണോ എന്ന് വിവേചിച്ചു അറിയാൻ പറ്റാത്ത ഒരു ഭാവം. ഞാൻ ഒരു പുഞ്ചിരിയോടെ അവളുടെ മുഖത്തേക്ക് നോക്കി. എന്റെ ആ ഭാവം വിപിന് ക്രോധം കൂട്ടിയതേ ഉള്ളൂ.
“എന്താടാ മൈരെ നീ അവിടെ നോക്കുന്നത് ഇവിടെ നോക്കെടാ” എന്ന് പറഞ്ഞു എന്റെ ചെള്ളക്ക് വിപിൻെറ അടി വീണു. എന്നിട്ടും ഞാൻ ലക്ഷ്മിയുടെ മുഖത്തേക്ക് ഉള്ള എന്റെ നോട്ടം നിർത്തിയില്ല. എന്റെ നോട്ടം താങ്ങാൻ പറ്റാത്തത് കൊണ്ടോ അതോ കുറ്റബോധം കൊണ്ടോ എന്നറിയില്ല ലക്ഷ്മി മുഖം മാറ്റി. പിന്നെയും എന്റെ നോട്ടം മാറുന്നില്ല എന്ന് കണ്ടത് കൊണ്ട് അവള് ഞങ്ങളുടെ അടുത്തേക്ക്‌ വന്ന് വിപിനോടായി പറഞ്ഞു.
“വാ വിപി ഇത് വിട്ടേക്ക്.”
മനസ്സില്ലാമനസ്സോടെ വിപിൻ എന്റെ കോളറിൽ ഉള്ള പിടി വിട്ടു. പോകുന്ന പോക്കിൽ എന്റെ മുഖം പിടിച്ചു തള്ളി. ഞാൻ പിന്നോട്ടെക്ക്‌ ആഞ്ഞെങ്കിലും വീണില്ല. ശരീരത്തിലെ വേദനെയേക്കാളും ആ സംഭവം എന്റെ മനസ്സിലാണ് വേദന ഉണ്ടാക്കിയത്. ലക്ഷ്മി എന്നെ ചതിച്ചു. ഞാൻ അവളോട് മാത്രമായി പറഞ്ഞ കാര്യം അവള് വിപിനോട് പറഞ്ഞിരിക്കുന്നു. ലക്ഷ്മിയുടെ ആ ചതി തുടർന്നുള്ള എന്റെ ജീവിതത്തിൽ ഉണ്ടാക്കിയ ആഘാതം വളരെ വലുതായിരുന്നു.
ആ ഒരു സംഭവത്തിന് ശേഷം എന്നിക്ക്‌ എല്ലാ കാര്യത്തിനും ഉണ്ടായ ശ്രദ്ധ പോയി. എപ്പോഴും എല്ലാവരിൽ നിന്നും അകന്നു ഒറ്റക്കിരിക്കാൻ മാത്രമായി എന്റെ ശ്രദ്ധ. ഊണും ഉറക്കവും ഇല്ലാതെ ആയി. പഠിക്കാനായി പുസ്തകം തുറന്നാൽ ഒന്നും തലയിൽ കയറാതെയായി. അത്രയും കാലം ഒരു സപ്ലി പോലും ഇല്ലാതെ ഡിപ്പാർട്ട്മെന്റ് ടോപ്പർ ആയ ഞാൻ ഫൈനൽ സെമിൽ ഒരു പരീക്ഷ പോലും എഴുതിയില്ല. HODയും മറ്റ് ടീച്ചർമാരും സഹായിച്ചത് കൊണ്ട് കോഴ്സ് വൈവയും പ്രോജക്ട് വൈവയും നല്ല മാർക്ക് തന്നെ ലഭിച്ചു.
കോഴ്സ് കഴിഞ്ഞു വീട്ടിൽ എത്തിയിട്ടും ഞാൻ ആ ഷോക്കിൽ നിന്നും മുക്തനായില്ല. ഞാൻ കുറച്ച് ദിവസം കൊണ്ട് ശരി ആകും എന്ന് പ്രതീക്ഷിച്ച അച്ഛനും അമ്മക്കും ഞാൻ ശരി ആകുന്ന ഒരു ലക്ഷണവും കണ്ടില്ല. അവർ അവരെ കൊണ്ട് കഴിയുന്നത് മാതിരി ഒക്കെ ശ്രമിച്ചു നോക്കി. എന്റെ പഴയ കൂട്ടുകാരെ ഒക്കെ വിളിച്ചു അവരെ കൊണ്ട് ചോദിപ്പിച്ചു പക്ഷേ എല്ലാവരും തോറ്റു മടങ്ങിയതെ ഉള്ളൂ. ഒടുവിൽ അറ്റകൈ എന്ന നിലയിൽ അവർ അമേരിക്കയിൽ നിന്നും ചേച്ചിയെ വരുത്തി.
