“പ്രേമെട്ടന് എങ്ങനെ മാലിനി ചേച്ചിയോട് ക്ഷമിക്കാന്‍ കഴിഞ്ഞു.”
“ഞാന്‍ കുറച് കാലം കഴിഞ്ഞു ആലോചിച്ചപ്പോള്‍ ഞങ്ങളുടെ ബന്ധം പിരിയാന്‍ അവള്‍ മാത്രം അല്ല കാരണം എന്ന് മനസ്സിലായി. എനിക്കും അതില്‍ തുല്യ ഉത്തരവാദിത്തം ഉണ്ട് എന്ന് മനസ്സിലായി. ഞങ്ങള്‍ രണ്ടു പേരും ഉത്തരവാദികള്‍ ആയ ഒരു കാര്യത്തില്‍ അവളോട്‌ ഞാന്‍ ദേഷ്യം വെച്ചിട്ട് എന്താ കാര്യം.”
“അത് എങ്ങനെ?” എനിക്ക് എന്റെ ആകാംഷ അടക്കാന്‍ കഴിഞ്ഞില്ല.
“ഞാന്‍ യു എസില്‍ എം എസ് ചെയുമ്പോള്‍ ആണ് മാലതിയെ കാണുന്നത്. ഒരുമിച്ചു ഒരു യൂണിവേര്‍‌സിറ്റിയില്‍ എം എസ് ചെയുന്ന രണ്ട് മലയാളികള്‍. സ്വാഭാവികമായി ഞങ്ങളുടെ ഇടയില്‍ ഒരു സൗഹൃദം രൂപപെട്ടു. മാലിനി നല്ലവണ്ണം കവിത എഴുതും. എവിടെയും പ്രസിദ്ധീകരിക്കാന്‍ അല്ല. പക്ഷെ അവളുടെ ആത്മസംതൃപ്തിക്കായി. അവളുടെ കവിതകളുടെ ഏറ്റവും വലിയ ക്രിട്ടിക്ക് ഞാന്‍ ആയിരുന്നു. എം എസ് കഴിഞ്ഞതും ഞങ്ങള്‍ക്ക് രണ്ടു പേര്‍ക്കും ജോലി ലഭിച്ചു. അതിന്റെ കൂടെ തന്നെ വീട്ടുക്കാര്‍ മുന്‍കൈയെടുത്തുഞങ്ങളുടെ കല്യാണവും നടത്തി. ഞാന്‍ ജോലിയില്‍ കയറിയതില്‍ പിന്നെ ഭയങ്കര വര്‍ക്കഹോളിക്ക് ആയിരുന്നു. അതിന്റെ ഭാഗമായി എനിക്ക് ആദ്യത്തെ പ്രമോഷനും ലഭിച്ചു. ഉത്തരവാദിത്വം കൂടിയപ്പോള്‍ ഞാന്‍ ഓഫീസില്‍ ചിലവഴിക്കുന്ന സമയവും കൂടി. മാലിനി എന്നില്‍ നിന്നും അകലുകയായിരുന്നു. ഞങ്ങളെ അടുപ്പിച്ച അവളുടെ കവിതകള്‍ ഞാന്‍ തുറന്നു നോക്കാതെ ആയി. എന്തിനു ഞങ്ങള്‍ തമ്മില്‍ ആഴ്ചകളോളം കാണാതെ ഇരുന്നിട്ടുണ്ട്. ഇതെല്ലാം മാലിനിക്ക് എന്നോടുള്ള അകല്‍ച്ച കൂട്ടുകയായിരുന്നു. ആയിടക്കാണ് അവളുടെ ഓഫീസില്‍ ഒരു മലയാളി ജോലി ലഭിച്ചു വന്നത്. അവള്‍ അവനുമായി സൗഹൃദം തുടങ്ങി. അവള്‍ എനിക്ക് വേണ്ടി എഴുതിയ കവിതകള്‍ അവന്‍ ആയി അതിന്റെ ശ്രോതാവ്. അവര്‍ തമ്മില്‍ അടുത്തു. ഒരു ദിവസം അവള്‍ അവന്റെ കൂടെ ഇറങ്ങി പോയി. അവന്‍ ആണെങ്കിലോ വെറും ഒരു അവസരവാദി ആയിരുന്നു. മാലിനി എന്നില്‍ നിന്നും ഡൈവോഴ്‌സ് വാങ്ങി വരും എന്ന് അവന്‍ പ്രതീക്ഷിച്ചില്ലായിരുന്നു. കുറച്ചു കാലം ഒരുമിച്ച് ജീവിച്ചു വീട്ടുകാരുടെ അടുത്ത് നിന്നും സമ്മതം വാങ്ങി വരാം എന്ന് പറഞ്ഞ അവനെ പിന്നെ മാലിനി കണ്ടിട്ടില്ല. അവന്‍ ആ കമ്പനിയില്‍ ഉള്ള ജോലിയെ വേണ്ട എന്ന് വെച്ചു വേറെ എവിടെക്കോ മുങ്ങി.” ഗ്ലാസില്‍ ഉണ്ടായിരുന്നത് കുടിച്ചു തീര്‍ത്തു പ്രേമേട്ടന്‍ തുടര്‍ന്നു.
“കുറച്ചു കാലം കഴിഞ്ഞപ്പോള്‍ തന്നെ എനിക്ക് എന്റെ തെറ്റുകള്‍ മനസ്സിലായി. അങ്ങനെ ഒരു ദിവസം നാട്ടില്‍ നിന്നും യു എസിലേക്ക് തിരിച്ചു വരുമ്പോള്‍ ഉള്ള ഫ്ലൈറ്റില്‍ മാലിനി ഉണ്ടായിരുന്നു. ആ മുപ്പത് മണിക്കൂറിന്റെ ഫ്ലൈറ്റ് യാത്ര ഞങ്ങളെ വീണ്ടും അടുപ്പിച്ചു. അപ്പോഴേക്കും അമ്മക്ക് സുഖമില്ലാതെ ഞാന്‍ എന്റെ യു എസ് വാസം അവസാനിപ്പിച്ചു വരാന്‍ ആയിരിക്കുന്നു. അന്ന് മുതല്‍ ഞങ്ങള്‍ വളരെ സൌഹൃദത്തില്‍ ആണ്.”
“എനിക്ക് തോന്നുന്നത് ചേച്ചിക്ക് ഇപ്പോഴും ചേട്ടനോട് ഭയങ്കര ഇഷ്ടം ആണ് എന്നാണ്. ഇന്ന് കാറില്‍ കയറിയപ്പോള്‍ കണ്ണ്‍ ഒക്കെ കലങ്ങിയിട്ടുണ്ടായിരുന്നു.” അപ്പോഴാണ്‌ മാലിനി ചേച്ചി പിരിയാന്‍ നേരം എന്നോട് പറഞ്ഞ വാക്കുകളുടെ അര്‍ഥം എനിക്ക് ശരിക്കും കത്തിയത്.
പ്രേമേട്ടന്റെ മൂല്യം എന്തായിരുന്നു എന്ന് ജീവിതം ചേച്ചിയെ പഠിപ്പിച്ച മാതിരി എന്റെ മൂല്യം എന്താണ് എന്ന് ലക്ഷ്മിയെ ജീവിതം പഠിപ്പിക്കും.
“ഞാനും മാലിനിയും എന്നായാലും പിരിയുമായിരുന്നു. അന്നലെങ്കില്‍ ഞാന്‍ യു എസ് നിര്‍ത്തി പോരാന്‍ തീരുമാനിച്ച സമയത്ത്. പൊട്ടിച്ചെറിഞ്ഞത് എങ്ങനെ വിളക്കിയാലും പഴയ ബലം ഉണ്ടാവില്ല. അത് അവള്‍ക്കും നല്ലവണ്ണം അറിയാം. അര്‍ഹിക്കാത്ത ഒരാള്‍ക്ക് വേണ്ടി ആണല്ലോ എന്നെ ഉപേക്ഷിച്ചത് എന്ന ഒരു സങ്കടം അവള്‍ക്ക് ഉണ്ട്. അത് അല്ലാതെ വേറെ ഒന്നും ഇല്ല.”
പിന്നെയും ഞങ്ങള്‍ കുറെ നേരം ഇരുന്നു സംസാരിച്ചു. അതിനു പിറ്റേ ദിവസം തന്നെ ഞാന്‍ പ്രേമേട്ടനോട് യാത്ര പറഞ്ഞു വീട്ടിലേക്ക് വന്നു. അതിനു ശേഷം ഒരാഴ്ച കഴിഞ്ഞപ്പോള്‍ ഞാന്‍ ബാംഗ്ലൂരില്‍ വന്നു പുതിയ ജോലിയില്‍ ചേര്‍ന്നു.
ഞാന്‍ ഭൂതകാലത്തിന്റെ ഓര്‍മകളില്‍ നിന്നും ഉറങ്ങിയെഴുന്നേറ്റു. പിന്നെയും ദിവസങ്ങള്‍ മുന്നോട്ട് പോയി. അങ്ങനെ ഒരു ദിവസം ഞാന്‍ ജോലിയും കഴിഞ്ഞു തിരിച്ചു ഫ്ലാറ്റില്‍ എത്തി. ലിഫ്റ്റിലേക്ക് ഓടി കയറി നോക്കുമ്പോള്‍ ആണ് അതില്‍ ഒരു പെണ്ണ്‍ നില്‍ക്കുന്നുണ്ടായിരുന്നു. അവരുടെ മുഖം കണ്ടപ്പോള്‍ ഞാന്‍ ഞെട്ടിപ്പോയി. ലക്ഷ്മി!. അവള്‍ക്കാണെങ്കില്‍ എന്നെ കണ്ടു യാതൊരുവിധ ഭാവഭേദവും ഇല്ല. അവള്‍ ലിഫ്റ്റില്‍ അമര്‍ത്തിയിരുന്നത് എന്റെ അതെ ഫ്ലോറിലേക്കുള്ള ബട്ടണ്‍ ആണ്. ഇത്രയും ദിവസം എന്റെ അടുത്ത് താമസിച്ചിട്ടും ഞാന്‍ അറിഞ്ഞില്ലലോ. ലിഫ്റ്റ്‌ ഞങ്ങളുടെ നിലയില്‍ നിന്നു. അവള്‍ ലിഫ്റ്റില്‍ നിന്നും പുറത്തിറങ്ങി നടക്കുന്ന വഴിക്ക് തിരിഞ്ഞു കൊണ്ട് എന്നോട്.
“അര്‍ജുന്‍ എല്ലാത്തിനും സോറി.”
ലക്ഷ്മിക്ക് എന്നെ ഇപ്പോഴും ഓര്‍മ്മയുണ്ട്. അവള്‍ ഏത് ഫ്ലാറ്റിലെക്ക് ആണ് പോകുന്നത് എന്ന് ഞാന്‍ നോക്കി നിന്നു. എന്റെ തൊട്ടടുത്ത് ഉള്ള ഫ്ലാറ്റില്‍ തന്നെ ആണവള്‍ ജീവിക്കുന്നത് എന്ന് എനിക്ക് ഒരു പുതിയ അറിവ് ആയിരുന്നു. കുറെ ചോദ്യങ്ങള്‍ക്ക് എനിക്ക് ഉത്തരം ആവശ്യമായിരുന്നു. അവളെ നേരിടാന്‍ എനിക്ക് ഇപ്പോഴും ഭയമായിരുന്നു.
ലക്ഷ്മി എന്റെ തൊട്ടടുത്ത്നുള്ള ഫ്ലാറ്റില്‍ ഉണ്ട് എന്നാ അറിവുമായി ഞാന്‍ ജീവിക്കാന്‍ തുടങ്ങിയിട്ട് കുറച്ചു ദിവസങ്ങള്‍ കഴിഞ്ഞു. ഒരു ദിവസം ഞാന്‍ അവരുടെ ഫ്ലാറ്റിന്റെ മുന്നില്‍ കൂടെ നടക്കുമ്പോള്‍ ഉള്ളില്‍ നിന്നും കുറെ ശബ്ദങ്ങള്‍ കേട്ടു. തുറന്നിട്ട വാതിലിനുള്ളില്‍ കൂടി ഞാന്‍ നോക്കുമ്പോള്‍ വിപിനും ലക്ഷ്മിയും കൂടി വഴക്കിടുന്നു. വഴക്കിനൊടുവില്‍ ലക്ഷ്മിയെ കുത്തിനു പിടിച്ചു വിപിന്‍ മാറിമാറി അടിക്കുക ആയിരുന്നു.അടിയുടെ ഒടുവില്‍ വിപിന്‍ ലക്ഷ്മിയെ പിടിച്ചു തള്ളികൊണ്ട് അകത്തേക്ക് കയറി പോയി. വിപിന്‍ അകത്തേക്ക് കയറുന്നത് കണ്ടിട്ട്‌ ധൈര്യം സംഭരിച് ഞാന്‍ ഉള്ളിലേക്ക് കയറി. എന്നെ കണ്ടതും അടി കൊണ്ട് വീണിടത്ത് നിന്നും ലക്ഷ്മി എഴുന്നേറ്റു എന്നെ തള്ളി കൊണ്ട് വീട്ടിനു പുറത്തേക്ക് തള്ളി കൊണ്ട് പോയി.
“അര്‍ജുന്‍ നീ ഇപ്പോള്‍ പോകു. നമ്മുക്ക് പിന്നെ സംസാരിക്കാം.”
ലക്ഷ്മിയുടെ വാക്ക് കേട്ടു ഞാന്‍ എന്റെ ഫ്ലാറ്റിലേക്ക് തിരിച്ചു പോയി. ഒന്നര മണിക്കൂറോളം കഴിഞ്ഞപ്പോള്‍ എന്റെ കതകില്‍ അധികം ശബ്ദം ഉണ്ടാക്കാത്ത ഒരു മുട്ട് കേട്ടു. ഞാന്‍ വാതില്‍ തുറന്നു നോക്കിയപ്പോള്‍ അതാ മുന്നില്‍ ലക്ഷ്മി. അവള്‍ എന്റെ കൂടെ എന്റെ ഫ്ലാറ്റിലേക്ക് കയറി. ഞാന്‍ ആകാംഷയോടെ ചോദിച്ചു.
