✨✨✨
അങ്ങനെ ലാസ്റ്റ് ഓവറിലെ ലാസ്റ്റ് ബോൾ അവന്മാർക്ക് ജയിക്കാൻ 28 റൺസൂടെ വേണം അത് എന്തായാലും ഒരു ബോളിൽ കിട്ടൂലാന്ന് അവർക്കും അറിയാ നമ്മക്കും അറിയാ….
അതോണ്ട് ഞാൻ ഗാലറിലോട്ട് ഒന്ന് നോക്കി…അപ്പോഴാണെങ്കി ഒരോറ്റണ്ണത്തിന്റെ മുഖത്ത് ചോര ഇല്ല. അത് പോലെ തീർന്ന് എല്ലാം.. അവരുടെ കപ്പ് മനസ്സിൽ കണ്ടുള്ള പ്രതീക്ഷയും ആർപ്പ് വിളിയും ഒക്കെ അവസാനിച്ചു……അപ്പൊ ഞാൻ തിരിഞ്ഞ് നിന്ന് ഗാലറിയെ മൊത്തത്തിൽ ഒന്ന് നോക്കി.
എന്നിട്ട് കൈ കറക്കി വണങ്ങി… ഞാൻ ചെയ്യുന്ന കണ്ട് നമ്മടെ ടീമിലെ എല്ലാവരും അങ്ങനെ ചെയ്ത്…
അതോടെ ഗാലറിലെ മൊത്തമെണ്ണത്തിന്റെയും എതിർ ടീമിന്റെയും സമാധിയായി. ഇതിൽ കൂടുതൽ അവർ ഇനി നാണം കെടാൻ ഒന്നുല്ല…. എനിക്ക് ആണേ ഇന്ത്യ വേൾഡ് കപ്പ് ജയിച്ച സുഖമാർന്നു…
അപ്പോഴാണ് ഞാൻ ചിന്തിച്ചേ…ഞങ്ങ ആദ്യം ബാറ്റിംഗ് നു ഇറങ്ങിയപ്പോ ഞങ്ങളെ കൂവി വിളിച്ചവന്മാർ ഒക്കെ എവിടെന്തോ… ചത്തോ ഇനി…
അപ്പോളാണ് പ്രണവ് ലാസ്റ്റ് ബോൾ എറിയാൻ നിക്കണേ. അവൻ ചുമ്മാ ഒരു നോർമൽ ഫുൾട്ടോസ് അങ്ങ് എറിഞ്ഞു.. ഒട്ടും പ്രതിക്ഷ ഇല്ലാണ്ട് എതിർ ടീമിന്റെ ബാറ്റർ അത് ചുമ്മാ തട്ടി വിട്ടു…അപ്പൊ തന്നെ കമന്ററിയും വന്നു.
“”കാണികളെ …. ഇക്കൊല്ലത്തെ കേളുനായർ മെമ്മോറിയൽ ട്രോഫിയുടെ ചാമ്പ്യൻസ് പാണംതോട് ഇലവൻസ്””
ഇത് കേട്ടതൊടെ എല്ലാവരും അങ്ങോട്ടും ഇങ്ങോട്ടും കെട്ടിപ്പിടിക്കാനും കൈ കൊടുക്കാനുമൊക്കെ തൊടങ്ങി. ഞങ്ങടെ ആളൊള് ഒക്കെ ഗ്രൗണ്ടിൽ ഇറങ്ങി എന്റെ അടുത്തോട്ടു വന്ന് എന്നെ പൊക്കി തോളിൽ കേറ്റി..
അനു… അനു.. അനു…. എല്ലാ എണ്ണവും എന്റെ പേരും വിളിച്ചോണ്ട് ഗ്രൗണ്ടിൽ നടക്കാൻ തൊടങ്ങി..
“”മൈരോളെ ഒന്ന് അടങ്ങ് വേൾഡ് കപ്പ് ഒന്നുല്ലല്ലോ ഇങ്ങനെ എന്നെ പൊക്കിക്കൊണ്ട് ഒക്കെ വിളിക്കാൻ””ഞാൻ മേലോന്നാകെ കുടഞ്ഞോണ്ട് ഇറങ്ങി നിന്നിട്ട് പറഞ്ഞു…
“”വേൾഡ് കപ്പും മൈരും ഒന്നുല്ല…. പക്ഷെങ്കി ഇവന്മാരുടെ നാട്ടി വന്നിട്ട് ഇവിടന്ന് കപ്പ് തൂക്കണെങ്കി അത് വേറൊരു റേഞ്ച് ആണ് മോനെ….അതിനുള്ള തന്ത്രം മൊത്തം നിന്റെ ആയോണ്ട് ഞങ്ങൾ സന്തോഷിക്കും കേട്ട….. കേട്ടോന്ന് ”” കിച്ചു ഇതും പറഞ്ഞു അവന്മാരെ നോക്കി തിരിഞ്ഞ് നിന്ന് ഡാൻസ് കളിച്ചു.. ഇത് കണ്ട് കളി തോറ്റിരിക്കുന്ന അവന്മാർക്ക് നല്ലോണം പൊളിഞ്ഞു…. എന്നിട്ടപ്പോ ദാണ്ട് എല്ലാ എണ്ണവും ഓടി ഞങ്ങടെ അടുത്തോട്ടു വരണ്…..
“”ടാ അനുവേ…. നീ ഇതൊന്ന് മാനേജ് ചെയ്യ് കേട്ടോ.. ഒന്നിനേം വിടണ്ട ഞാൻ വക്കിലുമായി വരാ… “”ഇതും പറഞ്ഞു കൺവീൻസിങ് സ്റ്റാർ ആയി ഒരു വലിയ വള്ളി വലിച്ചിട്ടിട്ട് കിച്ചു മൈരൻ സ്കൂട്ടായി..
“‘മൈര് കുടുങ്ങിയല്ലോട അജുവേ””
ഞാൻ അജുനെ നോക്കി ഒന്ന് ചിരിച്ചോണ്ട് പറഞ്ഞു.
“”എന്തോന്ന് കുടുങ്ങാൻ…. നീ ഉള്ള കാലത്തോളം എനിക്ക് എന്തായാലും അടി കൊള്ളൂല.. കിട്ടണ മൊത്തം നീ വാങ്ങിച്ച് കൂട്ടിക്കോ… കൊടുക്കാനും മറക്കണ്ട കേട്ടോ.. പിന്നെ എപ്പോളാ നിന്റെ MMA മാച്ച്???.’”
“”ഏഹ്!!!??… എന്തോന്ന് മാച്ച്?? ആർടെ മാച്ച്?? അജൂ….. നമ്മൾ ഇവിടെ ക്രിക്കറ്റ് കളിക്കാൻ ആണ് വന്നത് മലരേ അല്ലാണ്ട് ബോക്സിങ് ന് അല്ല!!!. പിന്നെ ഇത് ഗ്രൗണ്ടാണ് അല്ലാണ്ട് ബോക്സിങ് റിങ്ങൊന്നുല്ല..കേട്ടാ നീ !!!…..
ആ കിച്ചു മൈര് ഓരോ വള്ളി വലിച്ചിട്ടിട്ടു മുങ്ങി.. ആ കെണ്ടയെ കൊണ്ട്…ഇതൊന്നു തീരട്ടെ എന്നിട്ട് അവനെ എനിക്കൊന്ന് കാണണം മൈര്…””
ഇതും പറഞ്ഞു എല്ലാരേം പിന്നിലാക്കി.. ഓടി പാഞ്ഞു വരണ അവന്മാരെ നോക്കി നിന്നിട്ട് ഞാൻ പറഞ്ഞു…
“”എടാ വൈശാഖേ …സനുപേ… നവീ…ടാ ഒന്ന് അടങ്ങെടാ..അവൻ ചുമ്മാ തമാശക്ക് കാണിച്ചേണ്.. നിങ്ങൾ ചുമ്മാ ഇതൊക്കെ സീരിയസ് ആയി എടുക്കല്ലേ””..
പറഞ്ഞു തീരലും എന്റെ ചെവിക്കല്ല് നോക്കി ഒരു അടി പറന്നു വന്ന്.
അതെന്റെ തലചോർ പ്രവർത്തിച്ചെടുക്കുമ്പോഴേക്കും ഞാൻ അടി കൊണ്ട് ഒരു സൈഡ് ലോട്ട് വേച്ചു പോയി…ഉഫ് പൊന്നീച്ച പറന്നെന്റെ…. ആരാണാവോ ഇത്ര ഊക്കുള്ളോൻ അവരുടെ ടീമിൽ……