ബൈക്കിന്റെ പുറകിൽ എന്നെയും കെട്ടിപിടിച്ച് ഇരിക്കുന്ന അവളുടെ കണ്ണുകളിലെ സന്തോഷത്തിന് അതിരില്ല. ഇരുകൈകളും എന്റെ നെഞ്ചോട് ചേർത്തുപിടിച്ച് എന്നിലേക്ക് ഒട്ടിച്ചേർന്നിരിക്കുന്ന അവളുടെ കൂർത്ത മുലകൾ മുതുകിൽ അമരുമ്പോൾ മനസും ശരീരവും ഒരുപോലെ കുളിരിൽ മുങ്ങി.
കണ്ണാടിയിൽ തെളിഞ്ഞ അവളുടെ മുഖം പതിഞ്ഞത് മനസിന്റെ ആഴങ്ങളിലാണ്. ഇത്രയും സുന്ദരിയായിരുന്നോ എന്റെ പെണ്ണ്. ഇത്രയും നാൾ ഈ കണ്ണുകൾ അവളുടെ സൗന്ദര്യം കാണാതെ പോയല്ലോ. കൂട്ടംതെറ്റിയ മുടിയിഴകൾ കാറ്റിൽ പാറിപ്പറക്കുന്ന മനോഹര ദൃശ്യം. കാട്ടുചോലപോലെ അരക്കെട്ടിലേക്ക് ഒഴുകിയിറങ്ങിയ കേശഭാരം തുഷാരയെന്ന വെണ്ണക്കൽ ശിൽപ്പത്തിനഴകാണ്. ആ മുടിയിഴകൾക്കിടയിലൂടെ അവളെ പുൽകാൻ ഏതൊരു കൈകളും കൊതിക്കും. വിരിഞ്ഞ ചെന്താമര ചുണ്ടിൽ ഒട്ടിയിരിക്കുന്ന വില്ലുപോലെ കൊത്തിയെടുത്ത മേൽച്ചുണ്ടിന് മുകളിൽ കുഞ്ഞു സ്വർണരാജികളിൽ പൊടിയുന്ന വിയർപ്പുതുള്ളിപോലെ തിളങ്ങുന്ന മുഖത്തിൽ, മാൻപേട മിഴികൾക്ക് അലങ്കാരമാകും നീളൻ പുരികങ്ങൾ. പുഞ്ചിരി തൂകുമ്പോൾ ചുണ്ടുകൾക്കിടയിൽ വിടരുന്ന പാൽവെള്ള പല്ലുകൾ പോലെ നെറ്റിയിലെ കറുത്ത പൊട്ടുപോലും തുഷാരയെന്ന വശ്യസുന്ദരിയുടെ അഴകിന്റെ കാവലാളാണ്. വിജനമായ വഴിയിൽ ആളൊഴിഞ്ഞ വ്യൂ പോയിന്റിൽ ചൂട് ചായ ഊതി കുടിക്കുമ്പോൾ
മുന്നിൽ കാണുന്ന വിസ്മയകാഴ്ചയേക്കാൾ മനസ് നിറച്ചത് അവളുടെ പാൽപുഞ്ചിരി തൂകിയ മുഖമാണ്.
: ഏട്ടാ…
: ഉം….
: മ്ച്….. (മുതുക് രണ്ടും കുലുക്കികൊണ്ട് ചുണ്ടിൽ ചായഗ്ലാസും കണ്ണുകൾ എന്റെ മുഖത്തേക്കും നോക്കികൊണ്ട് അവൾ നിന്നു)
: പറയെടി കാന്താരി…
: ഏട്ടൻ എന്താ ആലോചിക്കുന്നേ..
: വൈകിപ്പോയല്ലോ പെണ്ണേ നിന്റെ മൊഞ്ച് കാണാൻ..
: കളിയാക്കല്ലേ… അത്രയ്ക്ക് മൊഞ്ചത്തിയാണോ
: പിന്നല്ലാതെ… എന്റെ മനസ്സിൽ ഏറ്റവും സുന്ദരിയായ പെണ്ണ് എന്റെ പെണ്ണാണ്.
: അപ്പൊ മീരയോ…
: അവളുടെ അമ്മേടെ…..
: പറഞ്ഞോ പറഞ്ഞോ…
: വേണ്ട…
: ഇനി ഏട്ടൻ അവരെ തെറിയൊന്നും പറയണ്ട. ആ ഏച്ചി കാരണം അല്ലെ എനിക്ക് ഈ മൊതലിനെ കിട്ടിയത്
: ശരിയാ അല്ലെ… എന്നാലും അവളെന്നോട് പറഞ്ഞ ഡയലോഗ് ഓർക്കുമ്പോ എനിക്ക് തരിച്ചു കേറും.
: ആഹ്… ഇപ്പോഴാ ഓർത്തത്. ഏട്ടനോട് ആ ഏച്ചി പറഞ്ഞതൊക്കെ ഫോണിൽ ഇല്ലേ. അതൊന്ന് എനിക്ക് അയച്ചുതരോ..
: അതെന്തിനാ…
: അമ്മയ്ക്ക് കേൾപ്പിച്ചുകൊടുക്കാനാ… അന്നേ ചോദിച്ചതാ. പക്ഷെ നമ്മൾ ഇപ്പോഴല്ലേ അടുത്തത്.
: നിന്നോട് ലെച്ചുവാണോ ഈ കാര്യം പറഞ്ഞത്…
: റെക്കോർഡ് ഉള്ളത് ലെച്ചു ചേച്ചിയാ പറഞ്ഞത്..
: നീ അത് അമ്മയ്ക്കൊന്നും കേൾപ്പിച്ചു കൊടുക്കല്ലേ… അതിൽ നല്ല തെറിയൊക്കെ ഉണ്ട്
: അതൊക്കെ ഇന്ദിരാമ്മ ചിരിച്ചോണ്ട് കേൾക്കും… ഏട്ടന് അറിയാഞ്ഞിട്ടാ അമ്മയെ. എന്റെ ബെസ്ററ് ഫ്രണ്ടാ.. മൈ ക്രൈം പാർട്ണർ.
: ഉം….എന്ന വിട്ടാലോ.. ഇനി നേരെ മല കയറി വേറൊരുവഴിക്ക് കോളേജിലേക്ക് പോകാം.
: ഡെയിലി ഇതുപോലെ കറങ്ങിയാലോ… ഇനിയിപ്പോ പഠിച്ചിട്ട് എന്താക്കാനാ. പരീക്ഷയ്ക്ക് ഉള്ളതൊക്കെ ആയി
: ഡീ… അടി കിട്ടുമേ. നന്നായി പഠിച്ച് എഞ്ചിനീയർ ആയിട്ട് എന്റെ വീട്ടിലേക്ക് കയറിയാ മതി…
: അയ്യോ… നല്ല ആളോടാണല്ലോ പറഞ്ഞത്. എല്ലാം മായിച്ചേക്ക്.. നമുക്ക് ലീവുള്ള ദിവസം കറങ്ങാം
കാടും മലയും താണ്ടി പ്രകൃതി രമണീയതയിൽ നിന്നും നഗര വീഥികളിലേക്ക് വണ്ടി പാഞ്ഞു. ബേങ്കിൽ ചെന്ന് ബാഗുമായി പുറത്തിറങ്ങുമ്പോഴേക്കും കോളേജ് വിട്ട് കുട്ടികൾ പുറത്തേക്ക് വരുന്നതേ ഉള്ളു. ഡ്യൂട്ടി കഴിഞ്ഞ് ലെച്ചുവും ഞങ്ങളുടെ കൂടെ കൂടി. കൂൾബാറിലേക്ക് കയറുന്നത് നീതുവും ടീമും കണ്ടെന്ന്
തോനുന്നു. അവളും പ്രവിയും ഓടിയെത്തി. ബസ്സ്റ്റോപ്പിൽ പ്രിൻസി ഉണ്ടെങ്കിലും ബസ്സിന് സമയമായതുകൊണ്ട് അവൾ വന്നില്ല. എല്ലാവരും ഓരോ ഫലൂദയും കഴിച്ച് പിരിയുമ്പോഴും തുഷാര ഏതോ സ്വപ്നലോകത്തിൽ തന്നെയാണ്. ടേബിളിന് അടിയിൽക്കൂടി കൈയ്യിട്ട് അവളുടെ തുടയിൽ ഒന്ന് പിച്ചിയതും പെണ്ണ് ഞെട്ടി..
: അല്ലെടി കാന്താരി, നിന്നെ ഞാൻ വീട്ടിൽ കൊണ്ടുവിടേണ്ടി വരുമോ.. സ്റ്റോപ്പ് എത്തുമ്പോ ഇറങ്ങുമോ എന്റെ മോള്, അല്ല സ്വപ്നവും കണ്ടിരിക്കോ…