ആനയും അണ്ണാനും

Aanayum annanum | Author : Jumailath

കോളേജിലെ ലാസ്റ്റ് ഡേയാണ് ഇന്ന്. സീനിയേർസിനെ ഫെയർവെൽ പാർട്ടി നടത്തി പറഞ്ഞു വിടുന്നത് ജൂനിയേർസിൻ്റെ ജന്മാവകാശമായതുകൊണ്ട് ആ കൂത്താട്ടമാണ് ഇന്ന് നടന്നു കൊണ്ടിരിക്കുന്നത്. പയ്യൻസ് ചന്തുവിനെ തോൽപ്പിക്കാനാവില്ല മക്കളേന്ന് ഒക്കെ പറഞ്ഞ് സ്റ്റേജിൽ ഓരോ കോപ്രായങ്ങൾ കാണിക്കുന്നുണ്ട്.

സെക്കൻ്റ് ഇയർ കാരാണ് ഓഡിറ്റോറിയത്തിലും സ്റ്റേജിലും മുഴുവൻ. തേർഡ് യേർസ് ഉച്ച ആവുമ്പോഴേ വരൂ. രാവിലെ ഇൻക്യുബേഷൻ സെൻ്ററിൽ എന്തോ സിമ്പോസിയം. ഒക്കെ അവിടെയാണ്.

“വൈ ആർ യു ഔട്ട് ഹിയർ വെൻ യുവർ ഫ്രണ്ട്സ് ആർ ഓൺ ദ സ്റ്റേജ്? യു ഷുഡ് റെലിഷ് ദീസ് മൊമെൻ്റ്സ്. കൾച്ചറൽ ഇവൻ്റ് കോർഡിനേറ്ററൊക്കെയല്ലേ? എന്നിട്ട് ഇങ്ങനെ മാറി നടന്നാലെങ്ങനെയാ”?

ഡയറക്ടർ ഡോ. സത്യനിവേശ് ചാറ്റർജിയാണ്. കുട്ടികളോടൊക്കെ ഫ്രണ്ട്ലി ആയി പെരുമാറുന്ന ഒരു നല്ല മനുഷ്യനാണ് ഡോ.ചാറ്റർജി. കഴിഞ്ഞ മൂന്നു വർഷമായിട്ട് കോളേജിൻ്റെ ഡയറക്ടറാണ്. കോഴിക്കോടൻ സ്ലാങ്ങില് അത്യാവശ്യം നന്നായി മലയാളം സംസാരിക്കും. എന്നാലും മലയാളത്തിന് ഒരു ബംഗാളി ചുവയുണ്ട്.

“സോറി സർ. ഐയാം ലുക്കിങ് ഫോർ മൈ മദർ. തോട്ട് ഷി വുഡ് ബി ഇൻ ദ ഓഫീസ് സിൻസ് നോട്ട് ഇൻ ദ ലാബ്”

“ദെൻ കാരി ഓൺ മൈ ചൈൽഡ് ”

ചാറ്റർജി സെമിനാർ ഹാളിലേക്ക് പോയി. ഡയറക്ടർക്കെല്ലാവരും കുട്ടികളാണ്. നരച്ച് നല്ല പ്രായമുള്ള മനുഷ്യനാണ്. അവിടെയെങ്ങും അമ്മയെ കാണാഞ്ഞ് ഞാൻ ഓഡിറ്റോറിയത്തിലേക്ക് നടന്നു. ഓഡിറ്റോറിയത്തിൻ്റെ വാതിൽക്കൽ നിന്ന് ഉള്ളു മുഴുവൻ മൊത്തത്തിലൊന്ന് നോക്കി. പെട്ടെന്നാണ് പുറകീന്ന് മെലിഞ്ഞ ഒരു കൈ നീണ്ടു വന്നത്. നീഹയാണ്.

“വാടാ കണ്ണാ മുന്നിൽ പോയി നിന്ന് കാണാം. രൂപാലിയും അഞ്ജലിയും കൂടെയുള്ള ഡാൻസാ അടുത്തത്”

അവളെന്നെയും വലിച്ചു മുന്നിൽ പോയി സ്ഥാനം പിടിച്ചു. ഡാൻസ് തുടങ്ങി.

….മേരി മഹിയാ സനം ജാനം…..

വെളുത്ത ഷർട്ടും ലൂസായി കെട്ടിയ ടൈയും കറുത്ത അണ്ടർവെയറുമിട്ട് രണ്ടെണ്ണം കൂടി കിടിലൻ ഐറ്റം ഡാൻസാണ് കളിക്കുന്നത്.

“എൻ്റെ നീഹാ ഇതൊക്കെയാണ് ഡാൻസ്. ഓഡിറ്റോറിയത്തിലുള്ളവന്മാരുടെ സന്തോഷം കണ്ടില്ലേ ”

ഓഡിറ്റോറിയം മുഴുവൻ കടലുപോലെ ഇരമ്പുന്ന കാഴ്ച തിരിഞ്ഞ് നോക്കിയ ഞാൻ ഇടതു വശത്ത് തൂണിൻ്റെ അടുത്ത് രേണു നിൽക്കുന്നത് കണ്ടു അങ്ങോട്ട് ചെന്നു.

“എന്താ കണ്ണാ ഡാൻസ് വല്ലാതെയങ്ങ് ഇഷ്ടപ്പെട്ടൂന്ന് തോന്നുന്നുണ്ടല്ലോ മുഖം കണ്ടിട്ട്. ആ ചാറ്റർജിയായിരിക്കും ഈ തോന്നിവാസത്തിനൊക്കെ അപ്രൂവൽ കൊടുത്തത്”

ഡാൻസെന്ന് പറഞ്ഞു അവര് കാട്ടി കൂട്ടുന്നത് ഇഷ്ടപ്പെടാത്ത രേണു ഡയറക്ടറുടെ നെഞ്ചത്തോട്ട് കയറി.

“എനിക്കീ ആൾക്കൂട്ടവും ഡാൻസും ഒന്നും ഇഷ്ടല്ലാന്ന് അമ്മക്ക് അറിഞ്ഞൂടെ”

“നീ മിസ്റ്റർ ഇൻട്രോവെർട്ടാണെന്ന് ഞാൻ മറന്നെടാ കണ്ണാ ”

രേണു താടിക്ക് പിടിച്ച് കൊഞ്ചിച്ചു.

“താടീന്ന് വിട് രേണൂ ആൾക്കാരു കാണും. അല്ലേ തന്നെ രേണു കൊഞ്ചിച്ച് കൊഞ്ചിച്ച് നിഖിൽ ജയചന്ദ്രൻ എന്നൊരു നല്ല പേരുണ്ടായിട്ടും കോളേജിലെല്ലാവരും എന്നെ കണ്ണാന്നാ വിളിക്കുന്നത്”

“ഞാൻ നിൻ്റെ അമ്മയല്ലേ കണ്ണാ”

“അമ്മ ഇപ്പോ എന്തിനാ ഇങ്ങോട്ട് വന്നത്”?

” ഞാൻ നിന്നെ നോക്കി വന്നതാ ”

“ഞാനേ രേണുവിനെ നോക്കി സ്പെക്ട്രോസ് കോപ്പി ലാബിലും ഡിപ്പാർട്ട്മെൻ്റിലും പോയി.വെറുതെയല്ല അവിടെ കാണാഞ്ഞെ. രേണു എന്നെ തെരഞ്ഞ് നടക്കാ. ഞാൻ രേണുവിനെ തെരഞ്ഞ് നടക്കാ. എന്തൊരു രസാല്ലേ”?

“വൈകുന്നേരം വരെ തെരഞ്ഞ് നടക്കാൻ നല്ല രസാവും.നീ എന്തിനാ എന്നെ അന്വേഷിച്ചത് കണ്ണാ”?

“അതേ അമ്മേ ഡാൻസും പരിപാടിയുമൊക്കെയായി ഇത് നാല് മണി വരെയുണ്ടാകും. നീഹ ആണേൽ ഉച്ചക്കത്തെ ട്രെയിനിനും പോകും. അപ്പോ പിന്നെ നമുക്കും ഉച്ചക്കു മുന്നേ അങ്ങട്ട് പോയാലോ “?

“എന്നാ കണ്ണാ ഞാൻ ഓഫീസിൽ പോയിട്ട് ഒക്കെ ശരിയാക്കിയിട്ടു വരാം. ഇനി ജൂലായിൽ വന്നാൽ മതിയല്ലോ ”

“രേണൂ ഞാനേ ആ ഗേറ്റിൻ്റടുത്തുള്ള ആൽച്ചുവട്ടിലുണ്ടാകും”

രേണു ഓഫീസിലേക്ക് പോയി. ഞാൻ നീഹയുടെ അടുത്ത് ചെന്നു.

“നീഹാ ഞാൻ പുറത്ത് ആലിൻ്റെ ചുവട്ടിലിരിക്കാൻ പോവാ.ഇതിൻ്റെ ഉള്ളിൽ നിന്നിട്ട് എന്തോ പോലെ. നീ ഡാൻസൊക്കെ കണ്ടിട്ട് പോവാൻ നേരത്ത് അങ്ങോട്ട് വന്നാൽ മതി”

“നിക്കെടാ. ഡാൻസൊന്നും ഒരു സുഖല്ല.ഞാനും വരാം നിൻ്റെ കൂടെ ”

ഞങ്ങൾ രണ്ടും പുറത്തെറങ്ങി. ഓൾഡ് ബ്ലോക്കിൻ്റെ മുറ്റത്തെത്തിയപ്പോൾ സ്റ്റോർ റൂമിനടുത്ത് ഷംസാദിനെ കണ്ടു. അവൻ വെട്ടുകത്തിയോ കോടാലിയോ എന്താണ്ടൊക്കെ എടുത്ത് അഭിഷേകിൻ്റെ കൈയിൽ കൊടുത്തു വിടുന്നുണ്ട്. ഞങ്ങളെ കണ്ടതും ഓടി വന്നു.

” ഇതെങ്ങനെ ചാടി “?

“ടൂൾസെടുക്കാനാന്ന് പറഞ്ഞ് ഊരിയതാ മോനെ “.

“അഭിയെ അയാളെ മുന്നിലിട്ടു കൊടുത്തല്ലോടാ കണ്ണിൽ ചോരയില്ലാത്തവനെ.”

“അഭി പഠിപ്പി അല്ലേടാ. അവനെങ്ങനെയെങ്കിലുമൊക്കെ ഊരിക്കോളും ”

”ജംഷി എവിടെ “?

“ജംഷി ഇപ്പോഴും അവിടെ ഡീസൽ ജനറേറ്റർ പണിഞ്ഞോണ്ടിരിക്കാണ്”

“പാവം”

“രാവിലെ തൊട്ട് പണിഞ്ഞിട്ടാണെന്ന് തോന്നുന്നു ഭയങ്കര വിശപ്പ്”

“ആ കാണും. വല്ലപ്പോഴുമൊക്കെയല്ലേ മേലനങ്ങി പണിയെടുക്കുന്നത്”

“നീ വരുന്നുണ്ടോ നീഹാ? അവൻ പിന്നെ രേണു മിസ്സിൻ്റെ കൂടെ വീട്ടിന്നേ കഴിക്കൂ”

“അത് അങ്ങനെ ഒരു അമ്മ കോന്തൻ”

നീഹ എനിക്കിട്ട് താങ്ങി.

“ഞങ്ങളു രണ്ടും എന്നാപ്പിന്നെ കാൻ്റീനിൽ പോയി തട്ടിയിട്ട് വരാം”

അവര് കാൻ്റീനിലേക്ക് പോയി. ഞാൻ ആലിൻ്റെ ചുവട്ടിലേക്ക് നടന്നു. അരമണിക്കൂറായി ഞാൻ ഇതിൻ്റെ ചോട്ടിൽ ഇരിക്കുകയാണ്.

ദൂരെ ബാസ്കറ്റ് ബോൾ കോർട്ടിൽ ലാസ്റ്റ് യെർ മെക്ക് ബോയ്സ് എന്തൊക്കെയൊ ചെയ്യുന്നുണ്ട്. ലാസ്റ്റ് യെർ അല്ലേ. ആകെ തിരക്കാകും. പ്രൊജക്ട് എന്തോ സെറ്റ് ചെയ്യുവാണെന്ന് തോന്നുന്നു. ഡോക്ടർ.മധുസൂദനൻ സാറും ഒപ്പമുണ്ട്. എന്തെങ്കിലും ഡെമോൺസ്ട്രേഷൻ ആവും.

നീഹാരികയും ഷംസാദും വരുന്നുണ്ട്. നീഹ തുള്ളിച്ചാടി വന്ന് അടുത്ത് കയറി ഇരുന്നു. അരമണിക്കൂറ് എടുത്ത് മന്തി അടിച്ചു കേറ്റിയിട്ട് വരുന്ന വഴിയാണ്.

“ഇങ്ങനെ തിന്നു കേറ്റിയാൽ എൻ്റെ നീഹാ നീ ചെറുപ്രായത്തിൽ ഹാർട്ട് അറ്റാക്ക് വന്നു കാഞ്ഞു പോകുട്ടോ”.

“എന്നാപ്പിന്നെ പ്ലാൻ്റർക്ക് നല്ല ലാഭാവും. അങ്ങേരിവളുടെ ആർത്തി കാരണം കുത്തുപാളയെടുക്കാനായീന്നാ ഞാനറിഞ്ഞത്” ഷംസാദാണ്.

“ടാ കണ്ണാ ആ വണ്ടീടെ ബാക്ക് പണിഞ്ഞ് വെച്ചത് നോക്കെടാ ”

പെട്ടെന്ന് ഒരശരീരി കേട്ടു. ഒരു ബ്ലാക്ക് ഇസുസു ഡി മാക്സ് ഗേറ്റ് കടന്നു പോയി. ഫോർത്ത് യെർ മെക്കിലെ അരവിന്ദിൻ്റെയാണ്. മെക്കാനിക്കൽ എക്യുപ്മെൻ്റ്സൊക്കെയുണ്ട് അതിൻ്റെ ബെഡിൽ. അവരെ ഡെമോൺസ് ട്രേഷൻ കഴിഞ്ഞ് സാധനം കൊണ്ടുപോവുന്നതാണ്.