“ഇതൊക്കെ അവള് ശ്രദ്ധിക്കുന്നുണ്ടായിരുന്നോ “?
“ആർക്കറിയാം. ഇന്ന് രാവിലെ ഡാൻസിന് മുന്നെ ഞാൻ രേണുവിനെ തെരഞ്ഞ് നടക്കുന്നത് കണ്ടപ്പോ പറഞ്ഞതാ”
” ശരിക്കും അത് നിൻ്റെ അമ്മ തന്നെയാണോ എന്ന് ചോദിച്ചു”
“അയ്യോ ”
” രേണു പേടിക്കണ്ടാ. അവളൊരു പാവമാണ്”
“അതാ പറഞ്ഞത് പെൺകുട്ടികൾക്ക് ഒക്കെ നിന്നോട് ഒരു സോഫ്റ്റ് കോർണറാ”
“ഇനി അതും പറഞ്ഞ് തുടങ്ങിക്കോ രേണൂ”
“ഞാൻ ആ ആലിൻ്റെ ചോട്ടിൽ രൂപാലി പറഞ്ഞത് ഓർത്തിരുന്നതാ. അല്ലാതെ കാമുകിമാരെപ്പറ്റി ആലോചിച്ചതല്ല”
“എന്നാലേ ഇനി നമുക്കേ കിടന്നു കൊണ്ട് ആലോചിക്കാം. അതെടുത്ത് ആ ഡ്രോവറിൽ വെക്ക് ”
രേണു എഴുന്നേറ്റ് ചെന്ന് കട്ടിലിൽ കിടന്നു.
“അതേ രേണൂ മുടി കെട്ടണ്ട.കെട്ട് കൂടാവാണേൽ ഞാൻ നാളെ ചിക്കി തരാം”
രേണു ഒന്ന് പുഞ്ചിരിച്ചു കൊണ്ട് മുടി വിടർത്തിയിട്ടു. ഞാൻ രേണുവിൻ്റെ അടുത്ത് കയറി കിടന്നു. ഒരു സോഫ്റ്റ് ബ്ലാങ്കറ്റ് വലിച്ചു പുതച്ചു.
“ഇനിയെന്താ രേണൂ “?
“ഞാനീ നെഞ്ചത്ത് തല വെച്ച് ധുപ് ധുപ്ന്നുള്ള ഹൃദയത്തിൻ്റെ സംഗീതം കേട്ട് കെട്ടിപിടിച്ചുറങ്ങും”
“അത് അത്രക്കൊന്നുണ്ടാവില്ല രേണൂ. രേണുവിനെ കെട്ടിപിടിച്ച് കിടക്കുമ്പോ ഹൃദയമിടിപ്പ് ഒരുപാട് താഴും”
”അതെന്താ കണ്ണാ അങ്ങനെ” ?
“മനസ്സ് ഭയങ്കരമായി റിലാക്സഡ് ആവുന്നോണ്ടാ. മനസ്സിലൊന്നും ഉണ്ടാവില്ല. വെറെ ഒന്നും തോന്നേയില്ല. നല്ല സമാധാനം തോന്നും”
“ഇപ്പോ എന്താ തോന്നുന്നത്”?
“അമ്മ കുട്ടി ഒപ്പണ്ടാവുമ്പോ സന്തോഷം ഒന്നും അല്ല അതുപോലെത്തെ വേറെന്തോ ഒന്ന്. മനസ്സ് നിറഞ്ഞ പോലെ ഒക്കെ തോന്നുന്നു. ചിന്തകൾ ഒന്നും ഇല്ല മനസ്സിൽ. അങ്ങനെ ഓരോന്ന്”
രേണു ഒരു വശം ചെരിഞ്ഞ് തല നെഞ്ചിൽ ചേർത്ത് വെച്ച് ഒരു കൈ കൊണ്ടെന്നെ കെട്ടിപ്പിടിച്ച് കിടന്നു. കുറേ നേരം ഞാൻ രേണുവിൻ്റെ ശ്വാസത്തിൻ്റെ താളം ശ്രദ്ധിച്ചു കിടന്നു.അങ്ങനെ എപ്പോഴോ ഉറങ്ങിപ്പോയി.
***
രാവിലെ ഉണർന്നു നോക്കുമ്പോൾ ഇടതു വശത്ത് എന്നെ തന്നെ നോക്കി കിടക്കുന്ന രേണുവിനെയാണ് കണ്ടത്.
അമ്മ കുട്ടിയെ കണി കണ്ടുണർന്നാൽ ഇന്നിനി നല്ല ദിവസമാകും. അല്ലെങ്കിലും എന്തെങ്കിലും സ്പെഷ്യൽ ഡേ ആണെങ്കിലൊക്കെ ഞാൻ രേണുവിനെ കണ്ടാണ് ഉണരുന്നത്. എന്തെങ്കിലും പ്രധാനപ്പെട്ട കാര്യത്തിന് എങ്ങോട്ടെങ്കിലും ഇറങ്ങുമ്പോ രേണുവിനെ കണ്ടിറങ്ങിയാൽ കാര്യം എന്തായാലും നടക്കും. എന്നെ സംബന്ധിച്ച് രേണു എനിക്ക് ഭാഗ്യം മാത്രം കൊണ്ട് തരുന്ന എൻ്റെ പ്രിയപ്പെട്ട ആരോ ഒക്കെയാണ്.
“കുറച്ച് നേരം കൂടി കിടക്ക് കണ്ണാ”
എണീക്കാൻ തുടങ്ങിയ എന്നെ പിടിച്ചു വലിച്ച് കട്ടിലിലേക്കിട്ട് രേണു വീണ്ടും ചുരുണ്ടു കൂടി.
“അതേയ് നേരം ഒമ്പതേമുക്കാലായി”
” പുലെർച്ചെ രണ്ടരക്കല്ലേ കണ്ണാ കുളിയൊക്കെ കഴിഞ്ഞ് കിടന്നത്”?
“ഇന്ന് വയനാട്ടിൽ പോവാന്ന് പറഞ്ഞ ആളല്ലേ. എണീച്ച് ചെയ്യാനുള്ളതൊക്കെ രാവിലെ ചെയ്തു തീർത്താൽ വൈകുന്നേരം പോവാം”
രേണു മനസ്സില്ലാ മനസ്സോടെ എഴുന്നേറ്റു. ഇനിയിപ്പോ ഒക്കെ ഉണ്ടാക്കി വരുമ്പോഴേക്ക് ഒരു സമയമാകും.
“അമ്മേ, വെറുതെ ദോശയുണ്ടാക്കി സമയം കളയണ്ട. കഞ്ഞീം ഉപ്പേരിയും മതി”
രേണു മാവെടുത്ത് ഫ്രിഡ്ജിൽ കൊണ്ട് പോയി വെച്ചു. ഞാൻ ഒരു കാബേജിൻ്റെ പകുതിയെടുത്ത് കൊത്തി അരിഞ്ഞു. രേണു അരി കഴുകി അടുപ്പത്ത് വെച്ചു. കുറച്ച് മുളക് കൊണ്ടാട്ടം വറുത്തു. പ്രഭാതകൃത്യങ്ങളൊക്കെ കഴിഞ്ഞ് വന്ന് പതിനൊന്ന് മണിയായപ്പോ കഞ്ഞി കുടിച്ചു.
“അമ്മേ ഞാൻ ഷംസാദിൻ്റെ അടുത്തൊന്ന് പോയി വരാം”
“നാല് മണിക്കെങ്കിലും പോണം കണ്ണാ. രാത്രി ചുരത്തിൽ ഭയങ്കര തെരക്കാകും”
”വേഗം വരാം രേണൂ”
രേണു എന്നെ കെട്ടിപ്പിടിച്ച് ചുണ്ടിൽ ഒരുമ്മ തന്നു.
രേണുവിനേപ്പറ്റി ആലോചിച്ചു വണ്ടിയോടിച്ചതു കൊണ്ട് നട്ടുച്ചയായപ്പോഴാണ് മലപ്പുറത്തെത്തിയത്. എല്ലാവർക്കും ഇത് പോലെ കെട്ടിപ്പിടിച്ച് ഉമ്മ വെച്ച് യാത്രയാക്കാൻ ഒരാളുണ്ടെങ്കിൽ റോഡിൽ ആക്സിഡെൻ്റ്സ് ഒന്നും ഉണ്ടാവേ ഇല്ല.
മാനുക്കയുണ്ട് ഷോപ്പിൽ.
“കണ്ണാ വാ. എന്തേ ഇന്നലെ വരാഞ്ഞത്”?
“അമ്മേനേം കൊണ്ട് കോഴിക്കോടൊന്ന് പോവേണ്ടി വന്നു ഇക്കാ”
“ഷംസാദ് എവിടെ”?
“ഓനിപ്പോ പൊരേക്കാന്നും പറഞ്ഞ് പോയതാ”
“ഇനി നാല് മണി ആകാതെ കാണൂല”
“ന്നാ ഞാനൊന്ന് വിളിച്ചു നോക്കട്ടെ”
ജംഷീറിൻ്റെ ഏട്ടനാണ് മാനുക്ക എന്ന് ഞങ്ങൾ വിളിക്കുന്ന മൻസൂർ അലി. മലപ്പുറത്ത് വണ്ടി മോഡിഫൈ ചെയ്യുന്ന അലീസ് ഗാരേജ് എന്നൊരു സ്ഥാപനം നടത്തുകയാണ്. സൈഡായി വണ്ടി കച്ചവടവുമുണ്ട്. റിയൽ എസ്റ്റേറ്റുമൊക്കെയായി വേറേം പല പരിപാടികളുണ്ട്. ജംഷീറിനെ പോലെ തന്നെയാണ് കാണാൻ. അഞ്ചാറ് മാസായിട്ട് ട്രോയിലെ ബ്രാഡ് പിറ്റിനേപോലെ മുടി ഒക്കെ നീട്ടി ട്രിം ചെയ്ത താടിയും കുറ്റിമീശയുമൊക്കെയായി കൊടൂര ലുക്കിലാണ് ആള് നടക്കുന്നത്. ഷഹാനക്ക് അതായിരിക്കും ഇഷ്ടം.
അഞ്ച് മിനിറ്റിനുള്ളിൽ ഷംസാദ് വന്നു.
“എന്താപാട്”?
“ഇങ്ങള് രണ്ടും കൂടി കക്കാടംപൊയില് എന്തൊലത്തേന്നു”?
“അതിന് മാത്രം എന്താണ്ടായേ”
“ഫ്രൻ്റ്ലെ ലീഫ് സ്പ്രിങ്ങിൻ്റെ റിയർ ബോൾട്ട് മാറ്റണം. ലിങ്കേജ് റീപ്ലേസ് ചെയ്യണം. സിലിൻഡർ പുതിയത് വേണം. ആക്സിലിൻ്റെ പുറത്തെ ഹബ് ചളുങ്ങി കേറിയിട്ടുണ്ട്”
ഷംസാദ് ഒറ്റ ശ്വാസത്തിൽ പറഞ്ഞ് നിർത്തി.
“ഞങ്ങളൊരു ചോലയിൽ ചാടി. വളച്ചിട്ട് കിട്ടിയില്ല.ഫ്രൻഡ് ആക്സിൽ പാറയിൽ ഇടിച്ചു കേറിയാ നിന്നത്”
“അതേതായാലും നന്നായി. ബോഡിക്കൊന്നും ഒരു പോറലു പോലുമില്ല. എങ്ങനെ പറ്റിച്ചെടാ അത്”?
ഷംസാദ് ഞങ്ങളെ ഡ്രൈവിങ് സ്കില്ലിനെ പുകഴ്ത്തി.
“കണ്ണാ കമ്പനി വണ്ടി ഇറക്കുന്നത് നിർത്തിയിട്ട് കാലം കൊറേയായി.പാർട്സ് കിട്ടാനെളുപ്പല്ല. ലീഫ്സ്പ്രിങ്ങൊക്കെ എങ്ങനേലും ഒപ്പിക്കാം. ട്രാൻസ്ഫർ കേസിലെ പല്ല് തേഞ്ഞിട്ടുണ്ട്. ഫ്രൻഡ് ആക്സിലും സ്റ്റിയറിങ് റോഡും മാറ്റണം. സസ്പെൻഷൻ മൊത്തം പണിയേണ്ടി വരും”
മാനുക്ക വിശദീകരിച്ചു.
“ന്നാ ഞ്ഞി ഇജ്ജ് രണ്ട് മാസത്തേക്ക് നോക്കണ്ട മോനേ”
പാർട്സ് കിട്ടി വണ്ടി റെഡിയാക്കുമ്പോഴേക്ക് മാസം രണ്ട് കഴിയും.അച്ഛച്ഛൻ്റെ 96 മോഡൽ ജീപ്പാണ്. ഞാനും ജംഷിയും ഓഫ് റോഡ് ഇവൻ്റിന് കൊണ്ട് പോവുന്ന വണ്ടിയാണ്. കക്കാടംപൊയിലെ ഇവൻ്റ് കഴിഞ്ഞതോടെ ഷെഡിലായിന്ന് പറഞ്ഞാ മതി.
“ഇനീപ്പോ ജൂലായിലെ ഗോവ പരിപാടിക്ക് നോക്കിയാ മതീല്ലേ”
“ഇക്കാ ഞാനങ്ങട്ട് ഇറങ്ങിയാലോ? വണ്ടീൻ്റെ കാര്യം നോക്കാൻ ജംഷിയോട് പറയാം”
“എന്താപ്പം അനക്ക് ഇത്ര തെരക്ക്”?
“ഫാമിൻ്റെ എന്തോ ആവശ്യത്തിനേ രേണുവിനേം കൊണ്ട് വൈകുന്നേരം തറവാട്ടിൽ പോണം. മെയ് ലാസ്റ്റെങ്ങാനുമേ തിരിച്ചു വരുന്നുണ്ടാവൂ”
“എന്തായാലും ഇത്രയും ദൂരം വന്നു. ന്നാ പിന്നെ കുറച്ച് മട്ടൻ ബിരിയാണി തട്ടിയിട്ട് പോവാടാ. ഉമ്മ അന്നെ എടക്കൊക്കെ ചോദിക്കും”