എനിക്ക് ഒന്നും പറയാൻ ഇല്ലായിരുന്നു. എന്ത് പറയാൻ. ഇതൊക്കെ സിനിമയിൽ മാത്രമേ നടക്കുവൊള്ളൂ എന്ന് വിചാരിച്ചു നടന്നവനാ ഞാൻ. എനിക്ക് ഒന്നും പറയാൻ കിട്ടാത്തതിനാൽ അവൾ തന്നെ തുടരട്ടെ എന്ന് വിചാരിച്ചു.
“എന്നിട്ട് നിന്റെ പ്ലാൻ എന്തായിരുന്നു ആന്മരിയ”
“എനിക്ക് പ്ലാൻ ഒന്നും ഇല്ലായിരുന്നു. അന്ന് വന്നതും പ്ലാൻ ഉണ്ടാക്കിയൊന്നും അല്ല. സാഹചര്യം കൊണ്ട് പറ്റിപ്പോയതാ.ഇപ്പോഴും ഞാൻ നിന്നെ ഇതിൽ വലിച്ചിഴകാതിരിക്കാൻ ഒരു പാട് ശ്രമിച്ചു ഇത്രേം ദിവസം നിന്നെ വിളിക്കാഞ്ഞതും അത് കൊണ്ട. ഇപ്പോ വേറെ വഴി ഒന്നും കാണാതൊണ്ട നിന്നെ വിളിച്ചത്.”
ഇത്ര പറഞ്ഞപ്പോയെക്കും അവൾ ആകെ കരഞ്ഞു തളർന്നിരുന്നു.ഞാനും ഇമോഷണല്ലി ഡ്രെയിൻഡ് ആയിരുന്നു. എനിക്ക് ദേഷ്യമോ സങ്കടമോ ഒന്നും തോന്നിയില്ല. ആകെക്കൂടെ മരവിച്ച അവസ്ഥ.ഞാൻ calm ആയി ചോദിച്ചു.
“എന്നിട്ട് നാളെ എന്ത് കാണിക്കാനായിരുന്നു പ്ലാൻ..?”
“നാളെ നീ വരുമ്പോ എന്റെ കാര്യങ്ങളെല്ലാം പറഞ്ഞു നിന്നോട് എന്നെ സഹായിക്കാൻ പറ്റുമോ എന്ന് ചോദിക്കാൻ.”
“ഞാൻ പറ്റില്ല എന്ന് പറഞ്ഞിരുന്നെങ്കിൽ…?”
“അൾതാരയിൽ നിക്കുമ്പോ ഞാൻ നിന്റെ പെണ്ണാണെന്നും എന്റെ കൊച്ചിന്റെ അച്ഛന് നീയാണെന്നും വിളിച്ചു പറയാൻ”
“നീ പ്രെഗ്നന്റ് ആണോ..?”
“അല്ല”
“ആന്മരിയ നിനക്ക് ശെരിക്കു തോന്നുന്നുണ്ടോ അതെല്ലാം നടക്കും എന്ന്. ഇതൊന്നും പോസ്സിബിൾ ആയ കാര്യം അല്ല . കള്ളം പറഞ്ഞാൽ പിടിക്കാൻ ആയിരം വഴികളുണ്ട്. നീ അവിടെ വിളിച്ചു പറയുന്നത് മുഴുവൻ അംഗീകരിക്കാൻ ഞാൻ നീ വിചാരിക്കും പോലെ പൊട്ടനല്ല. പിന്നെ എന്നെ എന്തിനാ ഇതിനു തിരഞ്ഞെടുത്തത് വേറെ ആരെയും കിട്ടിയില്ലേ..?”
“എനിക്കറിയില്ല അത് വർക്ക്ഔട്ട് ആകോ ഇല്ലയോ എന്നൊന്നും. എനിക്ക് അതല്ലാതെ വേറെ ഒരു വഴിയും അവസാന നിമിഷം കണ്ടില്ല.നിന്നെ തിരഞ്ഞെടുക്കാൻ കാരണം നിന്നെ ഇവിടെ എല്ലാർക്കും ശെരിക്കാറിയാ. ഇപ്പോഴത്തെ നിന്നെയല്ല പഴയ നിന്നെ. എന്റെ അമ്മാവന്മാരും, അച്ഛനും, ആങ്ങളയും എല്ലാരും എന്നെ ഈ കല്യാണത്തിന് സമ്മതിക്കാൻ കുറെ തല്ലിയിട്ടുണ്ട്. ഇനി ഞാൻ അൾതാരയിൽ വച്ചു വേറൊരുത്തന്റെ കുഞ്ഞിനെ ചുമക്കുന്നുണ്ടെന്നു പറഞ്ഞാൽ അവർ എന്നെ കൊല്ലും പക്ഷെ ഞാൻ നിന്റെ പെണ്ണാണെന്ന് പറഞ്ഞാൽ എന്നെ തൊടാൻ അവർക്ക് പേടിയുണ്ടാവും.എനിക്കിനി താങ്ങാൻ വയ്യട.”
“അപ്പൊ എന്റെ ലൈഫിനെ കുറിച് ചിന്തിച്ചില്ലേ ആന്മരിയ നീ, ഞാൻ മനുഷ്യനല്ലേ എനിക്കും ഫീലിംഗ്സ് ഇല്ലേ, എനിക്കും ആഗ്രഹങ്ങൾ ഇല്ലേ, എന്റെ ജീവിതത്തിന് വില ഇല്ലേ നിന്റതിന് മാത്രേ ഒള്ളോ..?”
“ഞാൻ അങ്ങനെയൊന്നും സത്യമായും ചിന്തിച്ചില്ലെടാ. ഇങ്ങനെയൊന്നും പറയല്ലേ പ്ലീസ്. ഞാൻ ഇവിടുന്നു രക്ഷപെട്ടു കഴിഞ്ഞ നിന്റെ ലൈഫിൽ നിന്നും എങ്ങോട്ടേലും പൊക്കോളാം. എന്നെ ഇവിടെ നിന്ന് എങ്ങനെയെങ്കിലും രക്ഷപ്പെടുത്തിയ മതി. അതിന് എനിക്ക് നിന്റെ ഭാര്യ എന്നാ പേര് വേണം. അതുണ്ടെങ്കിൽ ഇവരാരും എന്നെ അന്വേഷിച്ചുവന്നു എന്നെ ഉപദ്രവിക്കില്ല.എന്നെ ഒന്ന് തൊടാൻ പോലും അവരെക്കൊണ്ട് പറ്റില്ല.എന്നെ പേടിയുണ്ടാവും. അത് മാത്രം മതി. എന്നെ തിരിച്ചു പോകുന്ന വഴിക് ഏതേലും റോട്ടിൽ ഇറക്കി വിട്ടിട്ട് നീ നിന്റെ ജീവിതം ജീവിച്ചോ.നിന്റെ പേര് മാത്രം മതി എനിക്ക്.അതെ ഞാൻ ഉദ്ദേശിച്ചൊള്ളു. ഒന്ന് മനസിലാക്കെടാ.പ്ലീസ് ”
“ആന്മരിയ എനിക്ക് എന്റെ വിവാഹത്തെ കുറിച്ച് കുറച്ചു ധാരണകൾ ഉണ്ട് അതുമല്ല ഒരു പെണ്ണിനെ കെട്ടി അവളെ വേറൊരുത്തനു കാത്തുവക്കാൻ മാത്രം സന്മനസുള്ളവനല്ല ഞാൻ.ഞാൻ കെട്ടുന്ന പെണ്ണ് എന്റെയായിരിക്കണം എന്ന് എനിക്ക് നിർബന്ധം ഉണ്ട്.ഞാൻ ഒരു പെണ്ണിനെ കെട്ടിയിട്ടുണ്ടെങ്കിൽ അവളെ നോക്കണം എന്ന് എനിക്ക് നിർബന്ധം ഉണ്ട്. അല്ലാണ്ട് ഒരു പെണ്ണിനെ കെട്ടി അതിനെ നോക്കാതെ മറ്റൊന്നിനു പിന്നാലെ പോകാൻ എന്നെ കൊണ്ട് പറ്റില്ല.എന്റെ ഉപ്പ അത് ചെയ്തു ഞാൻ അത് ചെയ്യില്ല.ഞാൻ നിന്നെ കെട്ടിയാൽ എനിക്ക് നിന്നെ നടുറോട്ടിൽ ഉപേക്ഷിച്ചു ജീവിക്കാൻ കഴിയില്ല. ഇനി അത് ശെരിക്കുള്ള കല്യാണമായാലും വെറുതെയുള്ള കല്യാണമായാലും.പിന്നെ ഇത്രയൊക്കെ ഞാൻ നിനക്ക് ചെയ്യാമെന്ന് വച്ചാൽ എന്താണ് എനിക്ക് അതിൽ നിന്ന് കിട്ടുക. ഒന്നുമില്ല. ഇനി ഒന്നും കിട്ടിയില്ലേലും വേണ്ട പക്ഷെ എനിക്കുണ്ടാവാൻ പോകുന്ന നഷ്ടങ്ങൾ എന്തൊക്കെയാണെന്നു ഓർത്തോ?.”