“”ടാ നീ എന്താടാ ഇങ്ങനെ, എന്നേ എന്തിനാ ഇങ്ങന കൊല്ലാകൊല ചെയ്യുന്നേ…. ഞാന്… ഞാന്…….””
അവൾ വാക്കുകൾക്കായി പരതി.
“”സഹിക്കാന് പറ്റില്ലടീ…..സഹിക്കാന് പറ്റില്ല. നിന്നെ അവനു വിട്ടകൊടുക്കാൻ എനിക്ക് പറ്റണില്ല. നീ അവനോട് കാണിക്കുന്ന ഈ അടുപ്പവും അവനു നിന്നോട് തോന്നുന്ന ഇഷ്ടവും ഇതൊക്കെ അവന്റെ ഉള്ളില്നിന്നു എന്നേ ഇല്ലാതാക്കും.! എന്നേ ഇല്ലാതാക്കല്ലേടീ….. ഇല്ലാതാക്കല്ലേ…. എനിക്കും ജിവിക്കണം വിഷ്ണുവയി നിന്റെ കൂടെ.””
അവൻ പറഞ്ഞു തീർന്നെങ്കിലും മറുപടിയൊന്നും വന്നില്ല. ഒരു നീണ്ട നിശബ്ദത, എപ്പോഴോ മറുതലക്കൽ നിന്നൊരു തേങ്ങൽ അവൻ കേട്ടു.
“”ഹലോ ഹലോ അച്ചൂ…..””
അവള് ഫോണ് കട്ടാക്കിയോ, അതോ ആ ഒരു രൂപയുടെ സമയം കഴിഞ്ഞുവോ?, അറിയില്ല .
അപ്പൊ പെട്ടന്ന് എവിടുന്നോ അരുണിമ അതുവഴി സ്റ്റാഫ് റൂമിലേക്ക് പോയി. ശ്രീഹരി ഫോണും പിടിച്ചു നിക്കുന്നത് അവള് കണ്ടു.
“”ശ്രീ…. ടാ നീ ക്ലാസില് പോണില്ലേ. ബെല്ലടിച്ചല്ലോ? ഹലോ….””
അവൾ അവനെ തട്ടി വിളിച്ചിട്ടു ചോദിച്ചു.
“”ആമി…””
അവന് വളരെ പതിയെ മനസ്സില് എന്നപോലെ ആ പേര് ഉരുവിട്ടു. അവള് അത് കേട്ടില്ലന്നു അവനുറപ്പായിരുന്നു.
“”ടാ ശ്രീ എന്താ ഇവടെ നിക്കുന്നേ?””
അരുണിമ വീണ്ടും തിരക്കി,
“”ഹാ അരുണിമേച്ചിയോ? എന്താ ഇവടെ?””
വിഷ്ണു ശ്രീഹരിയെന്ന പോലെ തിരിച്ചു ചോദിച്ചു.
“”അതന്നാ ഞാനും ചോദിച്ചേ എന്താ ഇവെടെന്നു. ബെല്ലടിച്ചത് കേട്ടിലെ!… നീ ക്ലാസില് കേറുന്നില്ലേ?”
“”ആ കേറുവാ.””
അവൻ പറഞ്ഞോഴിഞ്ഞു
“”ആരെയാ ഈ വിളിക്കുന്നെ?””
അവൾ ഒരു കള്ള ചിരിയോടെ ചോദിച്ചു,
“”അത്… അത് അച്ചൂനെ അല്ല ആര്യെച്ചിയെ.””
“”ഹും””
ആ പേര് കേട്ടതും പിന്നൊന്നും മിണ്ടാന് നിക്കാതെ ദേഷ്യ ഭാവത്തോടെ അവള്
സ്റ്റാഫ്റൂമിനകത്തേക്കു പോയി. അപ്പോഴേക്കും വിഷ്ണു ശ്രീ ഹരിയില്നിന്ന് മറയാന്തുടങ്ങിയിരുന്നു. അവന് ആ ഭിത്തിയി ചാരി തറയിലേക്കു നിരങ്ങിയിറങ്ങി.
“”എന്താടാ ശ്രീ എന്താ പറ്റിയെ?””
സ്റ്റാഫ് റൂമില് നിന്ന് ഇറങ്ങിവന്ന അരുണിമേച്ചി ഓടി വന്നെന്നേ താങ്ങിപിടിച്ചോണ്ട് ചോദിച്ചു.
“”ഒന്നും ഇല്ലേച്ചി…. ഞാന്…. ചേച്ചി വിട്ടോ.””
ചേച്ചിയുടെ അമ്മിഞ്ഞ എന്റെ തോളില് കുത്തിനിന്നത് കൊണ്ടാകാം എന്തോ എനിക്കൊരു ജാള്യത അനുഭവപ്പെട്ടത്. എന്തോ അപ്പൊ അവളുടെ അടുത്തുന്നു അടർന്നു മാറാനാണ് എനിക്ക് തോന്നിയത്.
“”വേണ്ട, നീ ആദ്യം എഴുന്നേക്ക്.””
അത് കേട്ടപ്പോൾ ചേച്ചിയുടെ അമ്മിഞ്ഞ എന്റ്റെ തോളത്തു കിഴി പിടിക്കുന്നത് പുള്ളിക്കാരി ശ്രെധിച്ചിട്ടില്ലേ എന്നെനിക്ക് തോന്നി.
“”വേണ്ടെച്ചി . എനിക്ക് കൊഴപ്പമോന്നും ഇല്ല, ഇതെപ്പോഴും വരുന്നതാ അതങ്ങ് മാറിക്കോളും.””
അത് പറഞ്ഞു ഞാന് അവളുടെ മുലക്കടിയില്നിന്നും മാറി നിന്നു. അവളുടെ മുഖം കണ്ടപ്പോള് എന്തോ എന്റെ തോള് അവിടെ തട്ടിയതോ അങ്ങനെ വിട്ടുമാറിയതോ ഒന്നും അവള് ശ്രെധിച്ചിട്ടുപോലും ഉണ്ടായിരുന്നില്ല. ഞാന് വീണപ്പോളൊക്കെ ആര്യേച്ചിയും ഇതുപോലെന്നെ താങ്ങി പിടിച്ചിട്ടുണ്ട് അന്നൊന്നും തോന്നാത്ത എന്തോ ഒന്നെനിക്കപ്പോള് തോന്നുന്നു .
“”നിന്റെ ആര്യേച്ചി വഴക്ക് വല്ലോം പറഞ്ഞോ?””
അവളുടെ ആവക്കുകള് കേട്ടപ്പോഴാണ് എനിക്ക് പരിസരബോധം ഉണ്ടായത് .
“”അതിനു ആര്യേച്ചി ഇപ്പൊ ഇവടെങ്ങനാ, ഏച്ചി ഏച്ചീടെ കൊളജിലല്ലേ?””
“”അതെനിക്ക് അറിയാം, നീ ഇത്രനേരം ഫോണ് വിളിച്ചതാ ചോദിച്ചേ””
“”ഞാനോ?””
എനിക്കൊന്നും മനസിലാകുന്നില്ലാരുന്നു.
“”ആ ആര്യേച്ചി എന്നേ തിരക്കിയിരുന്നു, ചിലപ്പോ വിളിക്കാന്ന് വെച്ചു വന്നപ്പോഴാകും……””
ഞാന് എന്തൊക്കയോ പറഞ്ഞു തടിതപ്പാൻ നൊക്കി.
“”അതെന്താ നിനക്ക് ഇപ്പൊ സംസാരിച്ച പോലും ഓര്മ ഇല്ലേ.””
അവള്ക്കെന്നെ വിടാനുള്ള ഉദ്ദേശമില്ല. പക്ഷേ ഞാൻ എപ്പോ ആര്യേച്ചിയുമായ് സംസാരിച്ചൂന്ന് ഇവൾ പറയണേ? ഒരു പിടിയുമില്ല.
“”ഹ്മ്മ, ഇടയ്ക്കു തലചുറ്റുമ്പോള് അങ്ങനാ. ചേച്ചി പൊക്കോ എനിക്കിപോ കൊഴപ്പോന്നും ഇല്ല.””
എനിക്കെന്തോ അവളോട് അപ്പൊ അങ്ങനെ പറയാനാ തോന്നിയത്, സാധാരണ ആരേലും ചോദിച്ച ഞാൻ ഒഴിഞ്ഞു മാറുകയാണ് പതിവ്. തലചുറ്റലിന്റെയോ ഓർമ പോണതിന്റെയോ കാര്യം ഞാൻ ആരോടും പറയില്ല എന്തിനു ഗോപന് പോലും വെക്തമായി എന്താന്നറിയില്ല.
“”വേണ്ട ഞാന് നിന്നെ ക്ലാസില് കൊണ്ടാക്കാം. വാ ഇങ്ങട്.””
പെട്ടെന്ന് ആ പറച്ചിലിൽ അവളിലെവിടെയോ ഞാന് എന്റെ ആര്യേച്ചിയേ കണ്ടു.
“”എന്റെച്ചി അതൊന്നും കൊഴപ്പമില്ലന്നെ. എനിക്കൊരു കൊഴപ്പോം ഇല്ല, ചേച്ചി ഇപ്പൊ എന്നേ ക്ലാസില് കൊണ്ടാക്കിയ അവന്മാരെല്ലാങ്കൂടെ എന്നേ വാരാന് തുടങ്ങും. ചേച്ചി പോക്കോന്നെ.””
“”നിനക്കത്ര പോസാന്നേ ഞാന് പോയേക്കാം. താഴെ വീഴാതെയങ്ങ് പോയാല് മതി. അല്ലെ വേണ്ട ഞാനും കൂടെ വരാം.””
ഞാൻ വീണ്ടും ആടി ആടി നിക്കുന്ന കണ്ടിട്ടാവും അവൾ മനസ് മാറ്റിയത്. ഇനി ഞാന് എത്ര പറഞ്ഞിട്ടും പോകില്ലെന്ന് തോന്നിയപ്പോള് ഞാനും അത് അവസാനം സമ്മതിച്ചു.
വാതില്ക്കല് എന്നെ കണ്ടപ്പോള്തന്നെ ആശടീച്ചര് കയറാന് കൈകാണിച്ചു. പിള്ളിക്കാരി അങ്ങനാ നമ്മൾ ഇച്ചിരി താമസിച്ചാലൊന്നും സീനാക്കില്ല. ഞാന് അകത്തോട്ടു കയറിയപ്പോള് ടീച്ചര് ഉടനെ പുറത്തക്ക് ചൂണ്ടിക്കാട്ടി എന്നോട്.
“”ആരാ ശ്രീഹരി അത്? നിന്റെ ചേച്ചിയാണോ?””
തിരിഞ്ഞു നോക്കിയപ്പോള് എന്നെ നോക്കിനിന്ന് സ്വൊപ്നം കാണുന്ന അരുണിമേച്ചിയേയാണ് ഞാൻ കാണുന്നത്. അപ്പോഴേക്കും ക്ലാസ്സ് മൊത്തം വാതിലിലേക്ക് എത്തിവലിഞ്ഞു നോക്കുന്നുണ്ടാരുന്നു.
“”അല്ല ഫ്രണ്ടാ “”
അരുണിമേച്ചി ആയിരുന്നു ആ മറുപടി പറഞ്ഞത്. അവളുടെ മറുപടി കേട്ടപ്പോള് ക്ലാസിലൊരു കൂട്ട ചിരി പടര്ന്നു.
“”ഹാ നീ ആരുന്നോ, എന്താടോ ക്ലാസ്സ് ഇല്ലേ ?””
എന്ന് ചോദിച്ചു ആശടീച്ചര് ചേച്ചിയുടെ അടുത്തേക്ക് നടന്നു, ഇവിടെ മാത്രമല്ല നമുക്കങ്ങു പ്ലസ്ടൂലും മുണ്ട് പിടി എന്നാ ഭാവത്തില് ഞാന് എന്റെ സീറ്റില് പോയി ഇരുന്നു. അല്ലപിന്നെ, അത്ര കാണാൻ കൊള്ളാവുന്ന ഫ്രണ്ടുള്ള ഞാൻ അൽപ്പം
ജാഡ ഇടണ്ടേ?.
“”ടാ നീ അരുണിമേച്ചിയുടെ അടുത്ത് പിന്നേം പോയോ?””
ഗോപനായിരുന്നു അത്.
“”ഞാന് പോയതൊന്നുമല്ല എന്റെ കൂടെ ഇങ്ങോട്ട് വന്നതാ””
പുറകെ ഒലുപ്പിച്ചു നടക്കുന്ന കാമുയെ മൈന്റുടെ ചെയ്യാത്ത മാസ്സ് ഹീറോയേ പോലെ ഞാൻ പറഞ്ഞു. സത്യം അറിഞ്ജന് ഇവന്മാര് പിന്നെ ചോദ്യമായി പറച്ചിലായിഇതിപ്പോ അല്പ്പം വെയിറ്റും ആവും.
“”എന്നിട്ടെങ്ങനെ ഉണ്ടാള് ?””
തെല്ലൊരു അസൂയയോടാണ് അവനത് ചോദിച്ചത്. എങ്ങനെ ഉണ്ടാവാൻ അതും ഒരു പെണ്ണാ അല്ലാതെ ചക്ക കൂട്ടാൻ ഒന്നുമല്ല തിന്നിട്ടു ഉപ്പുണ്ടോന്നു പറയാൻ. പിന്നെ നാവിനു ബെല്ലും ബ്രെക്കും ഇല്ലാത്ത ഇവന് ചോദിച്ചതല്ലേ. ഏതായാലും ‘ചരക്ക് കൊള്ളാരുന്നോ ’ എന്നോ മറ്റോ ചോദിക്കാഞ്ഞത് ഭാഗ്യം.