ചേച്ചി ഒരടിപൊളി ടിസൈനില് ഒരു കളം അങ്ങ് വരച്ചു. തുമ്പ നടുക്ക് വരണമെന്ന് ഗോപന് പറഞ്ഞു അങ്ങന്നെ ഓരോന്നും അതിന്റെ സ്ഥാനത്ത് അവര് രണ്ടുംകൂടെ സെറ്റാക്കി. അതിൽ നിന്നും അവർ എന്നേ പുറത്താക്കിയോ എന്നു പോലും ഞാന് ചിന്തിച്ചു. പൂക്കളം ഇടൽ ഏതാണ്ട് തീരാറായപ്പോള് വാല്കണ്ണാടി വേണ്ടേ എന്നായി ഞാന്. സംഭവം മറ്റു കളങ്ങള് കാണാന് പോയപ്പോള് ഞാന് നോട്ടുചെയ്തതാണ് അതൊക്കെ . ഗോപന് അപ്പൊഴാണ് അത് ഓര്ക്കുന്നത് പോലും. അവനതെടുക്കാന് അവന്റെ വീട്ടിലെക്കോടി .
“”നിന്റെ ആര്യേച്ചി വന്നില്ലേ ഇപ്രാവശ്യം ?””
ചേച്ചി പൂക്കളം ഇടുന്നത് സസൂക്ഷ്മം നോക്കുന്ന എന്നോട് ചേച്ചി ഒന്ന് നിർത്തിയിട്ടു തിരക്കി.
“”ആര്യേച്ചി ഇപ്പൊ ഒന്നും വരില്ല സമ്മാനം കൊടുക്കറാവുംമ്പോഴേ വരൂ.””
“”അതെന്താ അവളാണോ സമ്മാനം കൊടുക്കുന്നെ ?””
ആ പറച്ചിൽ കേട്ടപ്പോൾ അവൾ എന്നെയാണോ അതോ ആര്യേച്ചിയേ ആണോ ആക്കിയത് എന്നു ഞാൻ ചിന്തിച്ചു പോയി.
“”അല്ല, അപ്പൊല്ലേ ഏച്ചിക്കു സമ്മാനം കിട്ടാ. പക്ഷേ ഇപ്രാവിശം എനിക്കാ ഫസ്റ്റ്, എനിക്ക് തൊണ്ണുറ്റേഴു ഉണ്ട്.“”
“”എന്തിനു?””
അവൾ കാര്യം മനസിലാവാതെ തിരക്കി.
“”ക്വിസ്സിനു””
“”ഉവ്വാ, നിന്റെ ചേച്ചി ഡോക്ടര്നൊക്കെ പഠിക്കുന്നതല്ലേ, അവള് നൂറു വാങ്ങിച്ചാലോ ?””
അവൾ അത് പറഞ്ഞപ്പോൾ എന്റെ ഉള്ളൊന്നു കാളി. ഇത് ജയിച്ചിട്ട് വേണം ആര്യേച്ചിയെ സെറ്റാക്കാൻ എന്ന് വിചാരിച്ചിരിക്കുവാണല്ലോ ഞാൻ.
“”ഞാനേ ജയിക്കു ബെറ്റുണ്ടോ?””
ഞാൻ എന്നെ തന്നെ സ്വയം ആശ്വസിപ്പിക്കാൻ പറഞ്ഞതാണ് അത് .
“”ശെരി ഫാലൂടാ പിന്നെ ഷവർമ്മ “”
ഞാന് വല്ല മുട്ട പപ്സോ മിട്ടയിയോ ആണ് പ്രതീക്ഷിച്ചത് , ഞാന് അന്നു കേട്ടിട്ട് കൂടി ഇല്ലാത്ത സാധനം പറഞ്ഞപ്പോ കണ്ണ് തള്ളി.
“”നീ തോറ്റാലോ ?””
ഹാവു എനിക്ക് വാങ്ങി തരും എന്നായിരുന്നോ, ഞാൻ വെറുതെ പേടിച്ചു.
“”ഞാന് ഞാന് തോറ്റാല് …..””
“”നീ തോറ്റാല് ഞാന് ഒരു കാര്യം പറയും അതെനിക്ക് അതെനിക്കു സാധിച്ചു തരണം””
“”എന്ത് കാര്യം?””
“”അതൊക്കെ ഞാന് അപ്പൊ പറയാം , പക്ഷേ എന്നെ പറ്റിക്കരുത്””
“”ഹ്മം ഓക്കേ, പക്ഷേ എന്റെ പൈസയൊന്നുമില്ല.””
“”ഇതിനു അങ്ങനെ പൈസഒന്നും വേണ്ട.””
“”അതെന്തു സാധനം?””
“”ഞാന് പറയാം “”
അപ്പോഴേക്കും ഗോപന് കണ്ണാടിയുമായി തിരിച്ചു വന്നു.
അങ്ങനെ പൂക്കളം ഇട്ടുകഴിഞ്ഞു ഉച്ചവരെ അവിടൊക്കെ തിരിഞ്ഞു കളിച്ചുനടന്നു. വിശന്നപ്പോള് തിരിച്ചു വീട്ടില് വന്നുണ്ടു. വരാന് താമസിസിചെന്നു പറഞ്ഞു അമ്മ പിന്നെ അങ്ങോട്ട് തിരിച്ചു വിട്ടില്ല. അവരേം കുറ്റം പറയാന് പറ്റില്ല ഞാന് വരുന്ന വരേയും ആരും ഓണം ഉണ്ടില്ലാരുന്നു. അതിന്റെ ദേഷ്യം ആര്യേച്ചിയുടെ മുഖത്തുണ്ടായിരുന്നു.
വൈകുന്നേരം അമ്മാവനും ആര്യേച്ചിയും പോണകണ്ടപ്പോഴാണ് അമ്മ എന്നെ പോകാന് തന്നെ സമ്മതിച്ചത്. എന്നേ കണ്ടതും ആര്യേച്ചി അകത്തേക്കുനോക്കി അമ്മായിയോട്
“”അമ്മേ ഒരു വലിയ ഗ്ലാസ് മോര് കലക്കി വെച്ചോ ചിലര്ക്ക് ബുദ്ധിവെക്കാൻ നല്ലതാന്ന പറയണേ “”
അത് കേട്ടപ്പോഴേ മനസിലായി എനിക്കിട്ടുള്ള കുത്താണെന്ന്, പണ്ടെപ്പോഴോ ഞാൻ അങ്ങനെ പറഞ്ഞിട്ടുണ്ടത്രേ. അല്ലേലും ആര്യേച്ചിക്ക് ഈ അഹങ്കാരമുള്ളതാ എതിരാളിയെ കേറി നിഷ്കരുണം ചൊറിയുക, ഹാവു അവൾ എന്നേ എതിരാളി ആയെങ്കിലും കാണുന്നല്ലോ അത് തന്നെ വലിയ കാര്യം. പക്ഷേ ആര്യെചിയുടെ ഉത്സാഹം കണ്ടപ്പോള് അവള് ക്വിസ്നു നൂറും അടിച്ചു കാണുമോന്നു ഞാന് ഒന്ന് സംശയിച്ചു. ഇനി ഇപ്പൊ അരുണിമേച്ചി പറഞ്ഞപോലെ ആകോ?. ഒരു തരത്തി പറഞ്ഞ ആ ബുജിയെ തോപ്പിച്ചു അവളുടെ മനസ്സില് ഒരു സ്ഥാനം പിടിച്ചു പറ്റാന് ഇതിലും നല്ലൊരു മാര്ഗം വേറെ എനിക്കറിയില്ലരുന്നു. ഒരു പാടൊന്നും വേണ്ട ഞാനും അവളെ പോലെ വിവരോം ബുദ്ധിയുമുള്ള ഒരു മനുഷ്യജീവിയായി അങ്ങികരിച്ചാല് മതി.
കുടുമ്പത്തിലെ ഏറ്റവും ഇളയതായോണ്ടാണോ എന്നെ എല്ലാരും വെറും ഒരു കൊച്ചു കുട്ടി എല്ലാരും ആയാണ് കണ്ടിരുന്നത്. പക്ഷേ ആര്യേച്ചി ആണേ അഭയാർഥി കളോടെന്ന പോലെയും , ഒന്നുങ്കില് എല്ലാത്തിനും വഴക്ക് പറയും അല്ലങ്കില് വികൃതി പിള്ളേരെ പോലെ എന്നേ അടിയും നുള്ളും പിച്ചും . എല്ലാരുടേം മുന്നിൽവെച്ചു ഒരു ചേച്ചി കളിയും അതിലപ്പുറം സ്നേഹത്തിന്റെ തരുമ്പും പ്രതീക്ഷിക്കണ്ട. അങ്ങനെ ഉള്ളോരോട് എങ്ങനാ നമ്മള് ഇഷ്ടം ആണെന്ന് പറയുന്നേ? പറഞ്ഞാല് തന്നെ മൈന്റ് ചെയ്യോ? ഇനിയി പ്പോ ചെയ്താൽ തന്നെ എന്നെ കൊന്നില്ലേ ഭാഗ്യം . അതിനെ എനിക്കു നേരിടാൻ ദൈര്യം ഇല്ലന്നുള്ളത് മറ്റൊരു കാര്യം.
പോകുന്ന വഴിക്ക് അമ്മാവൻ ജോൺസൻ ചേട്ടനെകണ്ടപ്പോള് ആര്യേച്ചി
യെ പൊക്കി അടിക്കുന്ന കേട്ടു.
“”അത് ആര്യക്കു തന്നാകും, അവളെ തൊപ്പിക്കാൻ ഈ കരയിൽ ആരാ “”
ചേട്ടന്റെ കൂടെ വന്ന ബീനെച്ചിടെ മുഖമൊക്കെ അത് കേട്ടപ്പോ വടുന്ന ഞാൻ കണ്ടു. ഇന്നലെ ക്വിസ്സിനു പുറത്ത് പറഞ്ഞതിൽ ഏറ്റവും കൂടുതൽ മാര്ക്ക് പറഞ്ഞത് അവർക്കായിരുന്നു. എന്റെ തൊണ്ണൂറ്റേഴു പറഞ്ഞപ്പോൾ ചേച്ചിയേ ഉള്ളു ചിരിക്കാഞ്ഞത്. അത് കണ്ടിട്ടവും ആര്യേച്ചി പിന്നെ അമ്മാവനേം വലിച്ചോണ്ട് ഓട്ടം ആയിരുന്നു.
ഏതായാലും സമ്മാനത്തിനു വിളിച്ചപ്പോൾ എനിക്ക് തന്നെ ആയിരുന്നു ഫസ്റ്റ്. അമ്മാവന് ഒന്ന് ഞെട്ടി, ആര്യേച്ചി എന്നെ മയിന്റ് ചെയ്തില്ല. ആ ചമ്മിയ മുഖം പോലും എന്നെ കാണിച്ചില്ല. ഞാൻ ഉള്ളോണ്ട് ഒന്ന് ചിരിച്ചു. അപ്പൊ ഞാൻ എന്തെങ്കിലും പറഞ്ഞ സെക്കന്റ് പ്രൈസ് വാങ്ങാതെ പോയാലോ, അത് പാടില്ല അതവൾ വാങ്ങണം എന്നെനിക്ക് നിർബന്ധം ഉണ്ടായിരുന്നു. അതാ ഷോക്കേസിൽ വെച്ചിട്ട് വേണം എനിക്ക് എന്റെ മധുരപ്രതികാരം ഇനി അങ്ങോട്ട് വീട്ടാൻ.
ഞാന് ക്യാഷ് പ്രയിസും ട്രോഫിയും വാങ്ങി തിരിച്ചു വന്നപ്പോള് സെകന്റ് പ്രേസിന്റെ കുഞ്ഞി ട്രോഫി എന്റ പിറകെ വന്ന ആര്യേച്ചി മടിച്ചു മടിച്ചു വാങ്ങി. അത് കണ്ടപ്പോൾ എനിക്ക് ചിരിപൊട്ടി. ഞാനും അവളും സ്റ്റേജിന്റെ സൈഡിൽ കൂടെ പുറത്തിറങ്ങി. ഇറങ്ങിയ പാടേ
“”ഞാന് പറഞ്ഞോ എനിക്ക് തൊണ്ണൂറ്റിഏഴു കിട്ടുന്നു, അപ്പൊ എന്താരുന്നു ചിരി… അയ്യേ ആര്യെച്ച്യേ തോപ്പിച്ചേ… അൽപ്പം മോരും വെള്ളം…….””
ഞാനത് പറഞ്ഞു തീര്ന്നില്ല അരുണിമേച്ചി എവിടുന്നോ ഓടി വന്നെന്നെ കെട്ടി പിടിച്ചു. ഈ സാധനം ഇപ്പൊ എവിടുന്നു വന്നു. എന്നെ ആര്യേചിയുടെ മുന്പില് ഷൈന് ചെയ്യാന് സമ്മതിക്കാതെ ഇവളെന്തിനാ എന്നെ ഇങ്ങനെ കെട്ടി പിടിച്ചിരിക്കുന്നത് . പിന്നീവള് എന്നെ എങ്ങോട്ടോ വലിച്ചോണ്ട് പോയി. ഞാന് തിരിഞ്ഞു ആര്യേച്ചിയെ നോക്കിയപ്പോ കലിപ്പോടെ എന്നെ നോക്കുന്ന ആര്യെചിയെയാണ് കണ്ടത്.