കണ്ണും ചിമ്മി അടുക്കളയിലേക്ക് കയറി വന്ന തനിഹയെ കണ്ടു ഞാൻ കയ്യിൽ ഉണ്ടായിരുന്ന കോഫി അവൾക്ക് നേരെ നീട്ടി,
“” ബ്രഷ് ചെയ്യാതെ ഞാൻ കോഫി കുടിക്കില്ല..””
നീട്ടിയ കോഫിയവൾ കയ്യിലേക്ക് വാങ്ങി മറുപടി നൽകി.
”’ ഓഹ്.. അങ്ങനെയാണോ.. പക്ഷെ എനിക്ക് അങ്ങനെ അല്ലാട്ടോ… അല്ലേൽ തന്നെ പല്ലൊക്കെ തേച്ചു വന്നിത് കുടിക്കുമ്പോളത്തേക്കിനും കോഫിയുടെ രുചിയങ് പൊകുലേ.. ഇത് ആ എണ്ണിറ്റ് വരുന്ന വരവില് കുടിക്കണം അഹ്.. അന്തസ്സ്… “”
ഞാൻ ഗ്ലാസ്സ് ചുണ്ടോടാടുപ്പിച്ചു, അവൾ കാണാനായി ഒരിറക്ക് കുടിച്ചതും അവളും കോഫി കയ്യിലേക്ക് എടുത്ത് ചുണ്ടോട് ചേർത്തു.
“” എങ്ങനെയുണ്ട്… മറ്റേതിലും ബെറ്റർ അല്ലെ.. “”
അവളത്തിന് തലകുലുക്കി. അവളിപ്പോ ഓർക്കുന്നത് ഇവൻ എന്തൊരു ഡോക്ടർ അട എന്നായിരിക്കും.. അടിക്കുമ്പോൾ വെള്ളം തീർന്നാൽ പൈപ്പ് വെള്ളം ചേർത്തടിക്കുന്ന ന്നോട്.. ഹ്മ്മ്.
“” പോകണ്ടേ.. ഇനിയിപ്പോ താൻ ഹോസ്റ്റലിലേക്ക് പോകാൻ നിക്കണ്ട, ഇവിടുന്ന് നേരിട്ട് പോകാം ഹോസ്പിറ്റലിൽ.. ന്തേ… “”
“” മ്മ്.. അല്ല ഡോക്ടറെ ഡ്രസ്സ്… “” അവൾ വീണ്ടും പരുങ്ങലോടെ ന്നെ നോക്കാതെ പറഞ്ഞു.
“” അതിൽ നിന്ന് ഒന്നെടുത്തോ.. ഏതായാലും ഇന്നൊരു ദിവസത്തേക്കല്ലേ..!””
പിന്നെ ഞങ്ങൾ രണ്ടാളും റെഡി ആകാൻ തീരുമാനിച്ചു. സാദാരണ ഒറ്റക് ഉള്ളപ്പോ ഒന്നും രാവിലെ ഉണ്ടാകാറില്ല.. വഴിയിലെ മുത്തുപ്പാണ്ടി അണ്ണന്റെ കടയിലെ ചൂട് മസാല ദോശ ആയിരിക്കും പതിവ്. വെളിയിൽ നിന്ന് ഫുഡ് കഴികാം ന്നുള്ള തീരുമാനത്തിൽ ഞങ്ങൾ വെളിയിലേക്ക് ഇറങ്ങി.
***********************
സിദ്ധാർഥ് ഹോട്ടലിൽ വണ്ടി നിർത്തി ഇറങ്ങുമ്പോൾ ദൂരെ സ്റ്റാർട്ട് ആക്കിയിട്ടിരുന്ന കാറിൽ നിന്നും രണ്ട് കണ്ണുകൾ അവനെയും അവന്റെ കൂടെ ഉള്ള തനിഹയെയും നോക്കി ദഹിപ്പിക്കുന്നുണ്ടായിരുന്നു. പെട്ടന്ന് ആ കാർ പൊടിയും പറത്തി മുന്നോട്ടേക്ക് കുതിച്ചു.
“” ടേയ്… തമ്പിക്ക് രണ്ട് മസാല ദോശയെ പോട്രാ.””
അങ്ങനെ അതും കഴിച്ചിറങ്ങി, കുറച്ചു ദൂരം ചെന്നതും കാർ സൈഡിലെക്ക് പാർക്ക് ആക്കി,
എന്താണെന്ന് ചോദിച്ചപ്പോ ഒരു 10 മിനിറ്റ് ന്നും പറഞ്ഞു ഡോക്ടർ ഒരു ബിൽഡിംഗിലേക്ക് കയറിപ്പോയി, ഞാൻ ബാഗിൽ നിന്നും അടച്ചു വെച്ചിരുന്ന ഡയറി കയ്യിലാക്കി.
തുറന്നതേ കണ്ട ” ഇഷ ” ന്ന പേര് ഞാൻ ഒന്നുകൂടി ഉരുവിട്ടു, പിന്നെ മടക്കി വച്ചിരുന്ന ഭാഗം തുറന്നു, കയ്യിൽ പിടിച്ചു,..
ഇതിലെല്ലാം പ്രണയമാണ്. വിടരാൻ കാത്തിരിക്കുന്ന പനിനീർ പൂ പോലെ പ്രണയം അലതല്ലി. ആ മനുഷ്യൻ നല്ലൊരു കാമുകനാണ്, അയാൾക്കും പ്രണയമോ…?
ഇനി താൻ ഇട്ടിരിക്കുന്നത് അവളുടെ ഡെസ്സ് ആണോ.. തനിഹക്ക് ഒരു ഈർഷ തോന്നി അതിൽ. ഇന്നലെയാ റൂമിൽ കയറിയപ്പോ തൊട്ട് തുടങ്ങിയതാ ഒരു വല്ലയിമ്മ., അങ്ങേരോട് മിണ്ടാന്ന് വെച്ചാ അയാൾ ആദ്യമേ കേറി കതകടച്ചു. ബോർ അടിച് ഫോണിൽ തോണ്ടി മതിയായപ്പോ, പുസ്തകം വല്ലതും ഉണ്ടോന്ന് നോക്കി ചെന്നെത്തിയത് ഒരു ഡയറിയിലാണ്. ഉറക്കം കളഞ്ഞിരുന്നു വായിക്കുക ആയിരുന്നു, ഇന്നലെ മുഴുവൻ, വായിച്ചറിഞ്ഞപ്പോ ഉള്ളിൽ ഒരു നോവ്, അയാളൊരു നിരാശ കാമുകൻ ആണോ..? ആപ്പോ ഞാൻ അവിടെ കണ്ട കുട്ടി..! അതാരുടെയാണ്,.. ഓർമ്മകളിൽ നിന്ന് തിരിച്ചെത്തി അവസാന പേജ് വായിക്കാൻ തുടങ്ങുമ്പോൾ ഗ്ലാസിൽ ഒരു തട്ട്. ഞാൻ ഗ്ലാസ്സ് താഴ്ത്തി ഒരു പെണ്ണാണ്..
“” ഒന്ന് പുറത്തിറങ്ങോ…?? “” മാസ്ക് ഇട്ടിട്ടുണ്ട്, അവൾ കുറച്ച് ടെൻഷനിലാണ്, ഇടയ്ക്കിടെ ഡോക്ടർ പോയിടത്തേക്ക് നോക്കുന്നുണ്ട്. പിന്നീട് ന്നേ അടിമുടി നോക്കി, പെട്ടന്ന് അ മുഖത്തു ദേഷ്യം.ഞാൻ വണ്ടിയിൽ നിന്ന് പുറത്ത് ഇറങ്ങിയതും,
“” ഡോക്ടറുടെ ആരാ..?? “”
“” സാറിനെ അറിയോ…?? “‘ ഞാൻ ആചാര്യത്തോടെ ചോദിച്ചു
“” മ്മ് കുറച്ച്… പിന്നെ… ചോദിക്കുന്ന കൊണ്ടൊന്നും തോന്നരുത് ഇതാരുടെ ഡ്രെസ്സാ…?? “” അവളെന്നെ മുഴുവനായുമോന്ന് ഉഴിഞ്ഞു നോക്കി,
“” അത്… അതെന്റെ…! അല്ല ഇതൊക്കെ എന്തിനാ നിങ്ങൾ അറിയിരുന്നേ.. ഞാനെനിക് ഇഷ്ടമുള്ളതൊക്കെ ഇടും..”” ഞാൻ തിരിച്ചു കാറിൽ കയറാൻ തുടങ്ങവേ,