ഒന്നുംമിണ്ടാതെനിന്ന എന്നെ തുറിച്ചുനോക്കിയശേഷം പുള്ളിക്കാരി മീനാക്ഷിയോടായി നേരത്തേചോദിച്ച ചോദ്യമാവർത്തിച്ചു…
അതായത്, ചക്കപ്പഴം കഴിച്ചിട്ടാണോ വയറുവേദനവന്നതെന്നുള്ള സാനം…
അതിനവളെന്നെയൊന്നു പാളിനോക്കിക്കൊണ്ടതേന്ന മട്ടിൽ തലകുലുക്കി…
കണ്ടതും,
“”…അയ്യോ.! അതുചിലപ്പോൾ കഴിച്ചുശീലല്ലാത്തോണ്ടു വന്നതാകും… ഞാനെന്തേലും മരുന്നുണ്ടോന്നു നോക്കട്ടേട്ടോ… ഇല്ലേ നമുക്കാശൂത്രീപ്പോവാം..!!”””_ അതുംപറഞ്ഞു പുള്ളിക്കാരി പുറത്തേയ്ക്കിറങ്ങിയോടുവാർന്നു…
“”…ഇനീപ്പോളവര് മരുന്നുങ്കൊണ്ടു വരുവാണേൽ പിന്നെയാശൂത്രീപ്പോണോ..??”””_ ആ പുള്ളിക്കാരി പോയെന്നുറപ്പുവരുത്തിയ ശേഷമായിരുന്നു ചോദ്യം…
അതിന്,
“”…നീയൊരു മനുഷ്യനാണോടാ നാറീ..??”””_ ന്നായിരുന്നു മറുചോദ്യം…
കൂട്ടത്തിൽ ഉണ്ടക്കണ്ണുകളുരുട്ടി എന്നെ ദഹിപ്പിയ്ക്കുന്നുമുണ്ടായിരുന്നു…
“”…അല്ല… മനുഷ്യനല്ല… മനുഷ്യനാരുന്നേൽ നിന്നെയൊക്കെ സയ്ക്കാമ്പറ്റുവാർന്നോ..??”””_ ഉടനെ മറുത്തെന്തോ പറയാൻതുടങ്ങി മീനാക്ഷിയെ തടഞ്ഞുകൊണ്ടാ ചേച്ചി തിരികെക്കേറിവന്നു…
…ഇവരിനി മരുന്നു കതകിനുപിന്നിൽ വെച്ചേക്കുവാരുന്നോ..?? ഇത്രപെട്ടെന്നോടിച്ചെന്നെടുത്തേച്ചു വരാൻ..??
എന്നാലിത്തവണ ആ ചേച്ചിതനിച്ചായിരുന്നില്ല…
കൂടെ നമ്മടെ ടീമിനെ പിടിച്ചുവലിച്ചോണ്ടുപോയി ചക്കതീറ്റിച്ചയാ പെമ്പറന്നോത്തിയുമുണ്ട്…
കൈയിലെ ഗ്ലാസ്സിലെന്തോ പിടിച്ചുനിന്നയവരെ മീനാക്ഷി തുറിച്ചുനോക്കുന്നതു കണ്ടപ്പോൾ ഇവളിനിയാ തള്ളയെപിടിച്ചിടിയ്ക്കോന്നായി ഞാൻ…
അമ്മാതിരി അവലക്ഷണംകെട്ട നോട്ടമായിരുന്നു മീനാക്ഷിയുടേത്…
“”…വയറുവേദനകുറവുണ്ടോ മോളേ..?? ഇല്ലേലിതാ… ഇതങ്ങടു കുടിച്ചേക്ക്..!!”””_ എന്നുംപറഞ്ഞു ജോയുടെയമ്മ കൈയിലിരുന്നഗ്ലാസ്സ് മീനാക്ഷിയ്ക്കുനേരേ നീട്ടി…
അവളാണെങ്കിൽ നിങ്ങൾക്കിനീം മതിയായില്ലേ തള്ളേന്നഭാവത്തിലുള്ള നോട്ടവും…
“”…ആഹാ.! നല്ല മണമുണ്ടല്ലോ..!!”””_ ഗ്ലാസ്സിലെമണം മൂക്കിലേയ്ക്കടിച്ചതും ഞാനവരെനോക്കി…
“”…മേടിച്ചുകുടിച്ചോ… അയമോദകസത്താ… ചെറിയൊരു കയ്പ്പുണ്ടാവും… എന്നാലും വയറുവേദനയൊക്കെ പമ്പകടക്കും..!!”””_ ചേച്ചികൂടി ആത്മവിശ്വാസം കൊടുത്തപ്പോൾ, വയറുവേദനമാറാൻ വിഷംകലക്കിക്കൊടുത്താലും കുടിയ്ക്കുമെന്ന സ്ഥിതിയിൽനിന്ന മീനാക്ഷി അതുമേടിച്ചൊറ്റവലി…
വലിച്ചുകഴിഞ്ഞപ്പോഴാണ് അമളിമനസ്സിലായത്… അതേപോലെ തിരിച്ചുതുപ്പാനൊരുങ്ങീതും ചേച്ചിയും അമ്മയുംകൂടി അവൾടെ വായപൊത്തിപ്പിടിച്ചു…
എന്നിട്ട്,
“”…ഒരു കുഴപ്പോമില്ല… കുടിച്ചോ… കുടിച്ചോ… ആദ്യത്തെയൊരു കയ്പ്പേ കാണുള്ളൂ..!!”””_ എന്നുംപറഞ്ഞവളെക്കൊണ്ടതു വിഴുങ്ങിപ്പിച്ചു…
സാധനംതൊണ്ടക്കുഴിയിൽ നിന്നുമിറങ്ങീതും കുറച്ചുനേരം കണ്ണുകളച്ചറപ്പോടെയിരുന്ന മീനാക്ഷി കണ്ണുതുറക്കുമ്പോൾ ആ ഉണ്ടക്കണ്ണുകൾ നിറഞ്ഞിരുന്നു…
“”…നല്ലകയ്പ്പുണ്ടോ..?? എന്നാലിതീന്നൊരെണ്ണം കഴിച്ചോ..!!”””_ ഞാൻ കട്ടിലിലിരുന്ന പ്ളേറ്റീന്നൊരു ചക്കച്ചുളയെടുത്തു നീട്ടിയതേ ആ ചേച്ചിയും അമ്മയുംകൂടി പൂരച്ചിരിതുടങ്ങി…
…ശ്ശെടാ.. എന്തോ ചെയ്യാനാന്നു പറേണേ… ഒരു നല്ലകാര്യം ചെയ്യാന്നോക്കിയാലും പട്ടിത്താറ്റും പരിഹാസോമാണല്ലോ..??!!
“”…നീ കളിയാക്കുവൊന്നുംവേണ്ട… അത്രയ്ക്കു വല്യാളാണേൽ നീയൊന്നു കുടിച്ചു കാണിയ്ക്ക്… എന്നിട്ടു ഡയലോഗടിയ്ക്ക്..!!”””_ അവരുചിരിച്ചത് അഭിമാനപ്രശ്നമായ മീനാക്ഷി മുഖംകോട്ടിക്കൊണ്ടിരുന്നു ചിതറി…
“”…ആടീ.. ഞാങ്കുടിയ്ക്കും… ഇതല്ല… ഇതിലുംവല്യ ഐറ്റംസു കുടിച്ചിട്ടുള്ളവനാ ഞാൻ… അതോണ്ടതു നീ പറേണ്ട..!!”””_ ഞാനും വിട്ടില്ല…
“”…ഓ.! പിന്നേ… കോപ്പാണ്.! ഡയലോഗടിയ്ക്കാനാർക്കും പറ്റും… അണ്ടിയോടടുക്കമ്പഴേ അറിയൂ മാങ്ങേന്റെ പുളിപ്പ്..!!”””_ കയ്പ്പുകുടിപ്പിച്ചതിലുള്ള ദേഷ്യവും കളിയാക്കിയ സങ്കടവുമെല്ലാംകൂടി തികട്ടിവന്നപ്പോൾ കുനിഞ്ഞിരുന്നു മീനാക്ഷി പിറുപിറുത്തു…
എന്നാൽ ഞങ്ങടെയീ തല്ലുകൂടലൊന്നും മുഖവിലയ്ക്കെടുക്കാതെയാ ചേച്ചി;
“”…ഇപ്പോഴെങ്ങനെ..?? വയറുവേദന കുറവുണ്ടോ..??”””_ ന്നു ചോദിച്ചതും വയറിലൊന്നു തടവിക്കൊണ്ട് മീനാക്ഷി തലകുലുക്കി…
ഇനി മാറിയില്ലെന്നു പറഞ്ഞാൽ വീണ്ടുമാ മരുന്നുകുടിപ്പിയ്ക്കോന്നു കരുതിയിട്ടാണോ ആവോ..??
“”…അതേ… വയറുവേദന മാറിയെങ്കിലേ മാറീന്നു പറയാവൂ… അല്ലാതിനിയുമാ മരുന്നുകുടിപ്പിയ്ക്കോന്നു കരുതി കള്ളംപറഞ്ഞിട്ട് ഇവടെക്കിടന്നു മോങ്ങിയാലുണ്ടല്ലോ..!!”””
“”…നിങ്ങളിതെന്തു പറഞ്ഞാലും ഉടക്കാണല്ലോ..??”””_ ഞങ്ങൾടെയടിപിടികണ്ടു സഹികെട്ടാണെന്നു തോന്നുന്നു ഒരുചിരിയോടെ അവന്റമ്മയതു ചോദിച്ചത്…
അതിന്,
“”…ഞാൻ കാര്യായ്ട്ടാമ്മേ പറഞ്ഞേ… വയറുവേദന മാറീട്ടൊന്നുവല്ല… ആ മരുന്നുകുടിയ്ക്കാനുള്ള മടികൊണ്ടിവള് കള്ളംപറയുവാ..!!”””_ അവരെനോക്കിയതു പറഞ്ഞിട്ടു മീനാക്ഷിയുടെ നേരേതിരിഞ്ഞ്;
“”…അല്ലേലീ വയറുവേദനയ്ക്കു മരുന്നായ്ട്ട് നിങ്ങളുവല്ല ലഡ്ഡുവോ ജിലേബിയോ
കൊടുത്തുനോക്ക്… ബേക്കറിപൂട്ടിപ്പോയാലും ഇവൾടെ വയറുവേദന മാറില്ല..!!”””_ ഞാൻകൂട്ടിച്ചേർത്തു…
എന്റെ വർത്താനംകേട്ട് ആദ്യമൊന്നുചിരിച്ച ചേച്ചി;
“”…ഒന്ന് മിണ്ടാണ്ടിരിയ്ക്ക് സിദ്ധൂ… ഭക്ഷണം കഴിക്കുന്നതിനിങ്ങനെ കുറ്റമ്പറയാതെ..!!”””_ എന്നുംപറഞ്ഞു മീനാക്ഷിയെയൊന്നു സപ്പോർട്ട്ചെയ്തു…
അതിനുടനേ,
“”…അങ്ങനെപറഞ്ഞോട് ചേച്ചീ… അല്ലേലും ഞാനെന്തുകഴിച്ചാലും ഇവന് കുറ്റവാ… ചേച്ചിതന്നെപറ… ഈ ഫുഡ് കഴിയ്ക്കുന്നതൊരു തെറ്റാണോ..??”””_ മീനാക്ഷിയുടെ സംശയം…
എന്നാലതിനു മറുപടിപറയാനാ ചേച്ചിയെ സമ്മതിയ്ക്കാതെ ഞാനിടയ്ക്കുകേറി;
“”…ഫുഡ്കഴിയ്ക്കുന്നതൊരു തെറ്റല്ല… പക്ഷേ, കൂടുള്ളവനെ പൊളന്നു തിന്നുന്നതു ദ്രോഹമാണ്..!!’”‘”
ഒന്നുനിർത്തിയശേഷം;
“”…എനിയ്ക്കുതോന്നുന്നത്, ഇവളെ ഗർഭിണിയായ്രുന്ന സമയത്ത് ഇവൾടമ്മ വല്ല നോമ്പുംപിടിച്ചിരുന്നെന്നാണ്… സത്യമ്പറേടീ… അതിന്റെ പ്രതികാരമല്ലേ നീ ഞങ്ങളോടു തീർക്കുന്നേ..??”””_ ഞാൻ കൂട്ടിച്ചേർത്തു…
അതോടവരുടെ ചിരിയുച്ഛത്തിലായി…
അതത്ര സുഖിയ്ക്കാതിരുന്ന മീനാക്ഷി;
“”…ആണെങ്കി നെനക്കെന്താടാ നഷ്ടം..??”””_ ന്നും ചോദിച്ച് ചക്കപ്പഴമിരുന്ന പ്ളേറ്റെടുത്തെന്നെ ഒറ്റയേറ്…
തെണ്ടിയ്ക്ക് ഉന്നമില്ലാത്തത് ഭാഗ്യം, അല്ലാർന്നേൽ തലയുടെ കാര്യത്തിലൊരു തീരുമാനമായേനെ…
“”…എന്താമോളേയീ കാണിച്ചത്..?? അതുവല്ലതും മേത്തുകൊണ്ടിരുന്നേലോ..?? അവൻചുമ്മാ തമാശയ്ക്കോരോന്നു പറയുന്നതല്ലേ… അതിനിങ്ങനാണോ പ്രതികരിയ്ക്കുന്നേ..??”””_ ജോയുടെയമ്മ മീനാക്ഷിയേയും ശകാരിച്ചുകൊണ്ടെന്റടുത്തേയ്ക്കു വന്നു…
അവരുടെയാചോദ്യം മീനാക്ഷിയ്ക്കൊന്നു തട്ടി…
ഇതുവരെ പരിചയമില്ലാത്തവരുടെ വായീന്നു വഴക്കുകേട്ടാൽ ആർക്കായാലുമൊന്നു ഫീലാവോല്ലോ…