പിന്നീട്…
…ഇനി ചില സീരിയലിലെയൊക്കെപ്പോലെ കിടന്നുകരയാനുള്ള പ്ലാനാവോ..?? ഈശ്വരാ… കൊതിപ്പിയ്ക്കല്ലേ.!
“”…മീനാക്ഷീ… ഡീ മീനാക്ഷീ..!!”””_ തിരിഞ്ഞുകിടക്കുന്നതുകൊണ്ടു മുഖഭാവമെന്തറിയാത്ത ആശങ്കയോടെ ഞാൻവിളിച്ചു…
പക്ഷേ പ്രതികരണമൊന്നുമുണ്ടായില്ല… ഞാൻപിന്നേയും രണ്ടുമൂന്നു പ്രാവശ്യങ്കൂടി വിളിച്ചുനോക്കിയെങ്കിലും അനങ്ങാപ്പാറപോലെ കിടന്നുകളഞ്ഞു തെണ്ടി…
“”…അല്ല… ചോദിയ്ക്കാൻവിട്ടുപോയി, നീയാ മോതിരമെവിടെന്നൊപ്പിച്ചു..??”””_ കുറച്ചുനേരമനങ്ങാതെ കിടന്ന ഞാൻ പെട്ടെന്നുവന്നയോർമ്മയിൽ ചോദ്യമിട്ടു…
എന്നാലതിനും മറുപടിയുണ്ടായില്ല… അതോടെ ഞാനുംകലിപ്പായി…
“”…എടീ കോപ്പേ… നിന്നോടല്ലേ ചോയ്ച്ചേ, ആ മോതിരമെവിടെന്നാന്ന്..?? വല്ലോടുത്തൂന്നും കട്ടതോ പിടിച്ചുപറിച്ചതോ ആണെങ്കിലിപ്പൊ പറഞ്ഞോ..!!”””_ ഞാൻനിന്നു ചീറി…
“”…കക്കുവേ..??”””_ തിരിഞ്ഞെന്നെ നോക്കുമ്പോൾ മീനാക്ഷിയുടെ കണ്ണുകളിൽ ഞാൻ പറഞ്ഞതിഷ്ടപ്പെടാഞ്ഞതിലുള്ള സകലമാന ദേഷ്യവുമുണ്ടാർന്നു…
“”…എന്തേയ്.. നീയാ വാക്കുകേട്ടിട്ടില്ലേ..?? അന്നെന്റെ വീട്ടിലുവന്നുകേറിയ ദിവസന്തന്നെ ആരുമില്ലാത്ത നേരംനോക്കി അടുക്കളേക്കേറി ഒറ്റയ്ക്കു വെട്ടിവിഴുങ്ങീതോർമ്മയുണ്ടോ..?? എന്ററിവിൽ ഇന്നുവരെയാ പ്രവർത്തീടെ പേരുമാറീട്ടില്ല കേട്ടോ…!!”””
“”…ആണോ..?? എന്നാ നന്നായ്പ്പോയി..!!”””_ ഒന്നെന്നെനോക്കി പുച്ഛിച്ചശേഷം
തിരിഞ്ഞുകിടന്ന മീനാക്ഷി,
“”…ആ മോതിരം നിന്റച്ഛൻ തന്നയച്ചതാ… നിന്നോടു പറയേണ്ടന്നാ പറഞ്ഞേ… നീയറിയുവാണേൽ സാധനമിങ്ങെത്തൂലാന്ന്… അതോണ്ടാ പറയാണ്ടിരുന്നേ..!!”””_ നേരിയ ശബ്ദത്തോടെ കൂട്ടിച്ചേർത്തപ്പോൾ എനിയ്ക്കങ്ങോട്ടു പൊളിഞ്ഞുകേറി…
“”…ഹലോ… ഉറങ്ങിയോ..??”””_ തന്തയെ തെറിവിളിയ്ക്കാനായി പുറത്തേയ്ക്കിട്ട നാവിനെ തടഞ്ഞുകൊണ്ടായിരുന്നു ഡോറിൽത്തട്ടിയുള്ളയാ അനേഷണം…
അതിന്,
“”…ഏയ്… ഇല്ലേച്ചീ….കേറിവാ!!”””_ ന്നുള്ള മീനാക്ഷിയുടെ മറുപടിചെന്നതും ആരതിയേച്ചി ചാരിക്കിടന്ന ഡോറുംതുറന്നകത്തേയ്ക്കുവന്നു…
അന്നേരം പുള്ളിക്കാരിയുടെ കയ്യിൽ രണ്ടുബ്ലാങ്കെറ്റുമുണ്ടായിരുന്നു…
“”…ഇതാ… ഇതെടുത്തോ… രാത്രീല് നല്ലതണുപ്പാ..!!”””_ ബെഡ്ഡിലേയ്ക്കു ബ്ലാങ്കെറ്റുവെച്ചുകൊണ്ട് പുള്ളിക്കാരി കൂട്ടിച്ചേർത്തപ്പോൾ,
“”…ഏയ്… അതിന്റാവശ്യോന്നൂല്ലേച്ചീ… നമുക്കീ തണുപ്പൊക്കെ നല്ലശീലാ..!!”””_ ഞാനൊന്നു പൊങ്ങാനായിശ്രെമിച്ചു…
എന്നാലപ്പോഴേയ്ക്കും കൊണ്ടുവന്നതിൽ വലുതുനോക്കിയൊരു ബ്ലാങ്കറ്റ് മീനാക്ഷി കയ്യിലെടുത്തു കഴിഞ്ഞിരുന്നു…
“”…അതുകുഴപ്പമില്ല… വെച്ചോ… ചിലപ്പോളാവശ്യംവന്നാലോ..??”””_ ആക്കിയൊരു ചിരിയോടങ്ങനെപറഞ്ഞ ചേച്ചി മീനാക്ഷിയെനോക്കി,
“”…മീനൂന് രാത്രീല് ഫുഡെന്തേലും വേണ്ടിവരോ..??”””_ എന്നുകൂടി ചോദിച്ചപ്പോൾ
ഞാനുംമീനാക്ഷിയും പരസ്പരമൊന്നു നോക്കി…
ഇവരിനി ആക്കിച്ചോദിയ്ക്കുവാണോ എന്നറിയില്ലല്ലോ…
“”…ഏയ്..! വേണ്ടചേച്ചീ..!!”””_ അവളു ചമ്മിയഭാവത്തിൽ തലകുലുക്കീതും അവരൊരുചിരിയോടെ പുറത്തേയ്ക്കിറങ്ങി…
അതിനായി കാത്തുനിന്നപോലെ അവരിറങ്ങീതും മീനാക്ഷിപോയാ ഡോറുവലിച്ചടച്ചു…
എന്നിട്ടെന്റെ നേരേതിരിഞ്ഞ്;
“”…നെനക്കിപ്പോൾ സമാധാനമായല്ലോ..??”””_ ന്നൊരു ചോദ്യവും…
ശേഷം കൊണ്ടുവന്ന ട്രോളിബാഗ് തുറന്ന് അതിലൊന്നു പരതിക്കൊണ്ട്;
“”…വെറുതെ മനുഷ്യനെ നാണങ്കെടുത്താനിറങ്ങിക്കോളും… ഈ ഭക്ഷണങ്കഴിയ്ക്കുന്നതത്ര വല്യതെറ്റാണോ..?? എല്ലാരൂടിയിങ്ങനെ കളിയാക്കാൻ..!!”””_ എന്നൊരു ഡയലോഗും…
പക്ഷേ, അതുപറയുമ്പോൾ മീനാക്ഷിയുടെ കണ്ണുനിറഞ്ഞിരുന്നു…
…ഇതിപ്പിവൾക്കെന്താ പറ്റിയെ..?? കണ്ണു നിറയ്ക്കാൻവേണ്ടി ആരുമൊന്നും പറഞ്ഞില്ലല്ലോ..??
“”…അതിന് ആദ്യായ്ട്ടൊന്നുമല്ലല്ലോ നീയിങ്ങനൊക്കെ കേൾക്കുന്നേ… പിന്നെന്താ..??””‘_ കണ്ണുതുടച്ച മീനാക്ഷിയെനോക്കി ഞാനതു ചോദിച്ചപ്പോൾ എന്റെ ശബ്ദവും നേർത്തിരുന്നു…
“”…അതിനിത്രേന്നാള് നീയല്ലേപറഞ്ഞുള്ളൂ… ഇപ്പതല്ലല്ലോ, നീ പറയുന്നകേട്ടിട്ടാ പെണ്ണുമ്പിള്ളയും കളിയാക്കുന്ന കണ്ടില്ലേ..?? അല്ലേത്തന്നെ എന്നെക്കളിയാക്കാനവർക്കെന്താ അധികാരം..??”””_ മീനാക്ഷി എന്റെനേരേ നിന്നുതെറിച്ചു…
…അപ്പൊ… അപ്പൊ ഞാൻ കളിയാക്കുന്നത് അവൾക്കു വിഷയമല്ലാന്നാണോ..?? എനിയ്ക്കതിനുള്ള അധികാരമുണ്ടെന്നാണോ..??
ഞാൻ കണ്ണുമിഴിച്ചവളെ നോക്കി…
അപ്പോളവൾ തുടർന്നിരുന്നു;
“”…ദേ.. അവർക്കറിയില്ല മീനാക്ഷിയെ… എന്റെ മെക്കിട്ടു
കേറാനാങ്ങണംവന്നാൽ ഞാൻ കാലേവാരി നിലത്തടിയ്ക്കും..!!”””_ ബാഗിൽനിന്നും കൈയിലെടുത്ത തുണിയുമായെഴുന്നേറ്റ മീനാക്ഷി, എന്നെയൊന്നു ചെറഞ്ഞുനോക്കിയശേഷം ആരതിയേച്ചി കൊണ്ടേക്കൊടുത്ത ബ്ലാങ്കറ്റിലേയ്ക്കു നോട്ടമിട്ടു…
എന്നിട്ട്;
“”…അവൾടമ്മുമ്മേട പൊതപ്പ്..!!”””_എന്നുമ്പറഞ്ഞ് അതെടുത്തെന്റെ നേരേ ഒറ്റയേറും…
ശേഷം,
“”…അവന്റൊരു ചേച്ചി… കൂച്ചി..!!”””_ എന്നും പിറുപിറുത്തുകൊണ്ട് റൂമിനുള്ളിൽ തലങ്ങുംവിലങ്ങും നടന്നു…
സത്യമ്പറഞ്ഞാൽ അന്നേരമത്രയും ഇവിടെന്തൊക്കെയാ നടക്കുന്നേന്നൊരൂഹവും എനിയ്ക്കില്ലായ്രുന്നു…
ഇവളിത്രയൊക്കെ എന്റടുക്കെ ചാടിത്തുള്ളാനായ്ട്ട് ഞാനെന്തു പറഞ്ഞൂന്നാ..??
…ആഹ്.! എന്തേലും മൈരാവട്ടേ.!
മനസ്സിൽ പറഞ്ഞുകൊണ്ട് ഞാൻ ബാത്റൂമിലേയ്ക്കു കേറി…
പിന്നൊരു കുളികൂടി നടത്തിയശേഷമാണ് പുറത്തേയ്ക്കുവന്നത്…
എന്നാൽ വന്നപ്പോൾ കാണുന്നകാഴ്ച, എന്റെ ഫോണുമെടുത്തുപിടിച്ച് ആരോടോകാര്യമായി കത്തിയടിയ്ക്കുന്ന മീനാക്ഷിയെയാണ്…
എന്നെക്കണ്ടതും,
“”…ആ.. സിദ്ധുവന്നു… ഞാൻകൊടുക്കാം..!!”””_ എന്നുമ്പറഞ്ഞവള് ഫോണെന്റെനേരേ വെച്ചുനീട്ടി…
മേടിച്ചുനോക്കുമ്പോൾ ശ്രീയാണ്…
…ഇവളിവനോടെന്താ ഇത്രകാര്യമായി പറഞ്ഞിട്ടുണ്ടാവുക..??
വീണ്ടും പഴേപടി വല്ല ആപ്പുമാവോ..??
ആ സംശയത്തോടെതന്നെ ഫോൺ ചെവിയോടു ചേർത്തപ്പോൾ, മീനാക്ഷി കട്ടിലിലെടുത്തു വെച്ചിരുന്ന തുണിയുമായി ബാത്ത്റൂമിലേയ്ക്കു കേറി…
“”…എന്താടാ..??”””_ അവളു ബാത്ത്റൂമിന്റെ ഡോറടച്ചശേഷമായിരുന്നു എന്റെചോദ്യം…
അതിന്,
“”…എന്തേയ്..?? ഞാനിപ്പൊ വിളിച്ചതു ബുദ്ധിമുട്ടായോ..??”””_ എന്നായിരുന്നവന്റെ മറുപടി… ശേഷം അവൻതന്നെ തുടർന്നു;
“”…അമ്മ വിളിച്ചിട്ട് നീ ഫോണെടുത്തില്ലെന്നു പറഞ്ഞു… അതോണ്ടുവിളിച്ചതാ..!!”””_ നോക്കുമ്പോൾ ശെരിയാണ്…
ചെറിയമ്മയും അമ്മയുമൊക്കെ മാറിമാറി വിളിച്ചിട്ടുണ്ട്…
താഴെ ഫങ്ഷന്റെ തിരക്കിനിടയിൽ ശ്രെദ്ധിച്ചില്ല…
അങ്ങനെ കുറച്ചുനേരമവനുമായി കത്തിവെച്ചിരിയ്ക്കുമ്പോഴാണ് കോപ്പൻ ചൊറിച്ചിൽമോഡ് ഓണാക്കീത്;
“”…അതൊക്കെപ്പോട്ടേ… എന്നുമുതലാ മീനാക്ഷി നിന്റെ ഫോണൊക്കെയെടുക്കാൻ തുടങ്ങീത്..?? അപ്പൊ നമ്മുടെ മുന്നിലുള്ളയീ ജാഡയൊക്കേയുള്ളല്ലേ, ഇവടന്നങ്ങു മാറീപ്പോൾ രണ്ടുമങ്ങൊന്നായി ലേ..??”””_ ചോദിയ്ക്കുമ്പോഴുള്ള അവന്റെ മൂഞ്ചിയചിരി മനസ്സിൽക്കണ്ടതും എനിയ്ക്കങ്ങു പൊളിഞ്ഞുകേറി…