കഷ്ടി 5 അടി മാത്രം ഉയരമുള്ള എൻറെ കുഞ്ഞിയെ ഞാൻ എന്നിലേക്ക് പൊത്തിപ്പിടിച്ചു.. അപ്പോഴും അവളുടെ ചുണ്ടുകൾ എൻറെ മുഖത്തും മൂക്കിലും ചുണ്ടിലും എന്നില്ല അവൾക്ക് തോന്നുന്നിടത്തെല്ലാം പാഞ്ഞു നടക്കുകയായിരുന്നു.
അല്പം കഴിഞ്ഞതും അവൾ തളർന്നത് പോലെ മുഖം പിന്നോട്ടേക്ക് വലിച്ചു എൻറെ മുഖത്തേക്ക് നോക്കി.
നിഷ്കളങ്കമായ മുഖം.. വിടർന്ന പൂച്ച കണ്ണുകൾ.. കുഞ്ഞു ചുണ്ടുകൾ.. കുഞ്ഞു മുഖത്തിന് ഭംഗി കൂട്ടുമ്പോൾ പോലെ വരച്ചു വച്ചതു പോലെയുള്ള പുരികം.. മുടി നെറ്റിയിലേക്ക് വെട്ടി ഇട്ടിരിക്കുന്നു.. പുറകിലേക്ക് കെട്ടിയും വച്ചിട്ടുണ്ട്.
ചിറക്കലെ ഏറ്റവും ഇളയ സന്തതി.
അമ്മയുടെ അതേ നിറവും അതേ മുഖവും.. പക്ഷേ ചെറുതാണ് എന്നുമാത്രം.. ഒറ്റനോട്ടത്തിൽ ആരു കണ്ടാലും ഒരു ഒൻപതാം ക്ലാസ്സിലോ മറ്റോ പഠിക്കുന്ന കുട്ടിയാണെന്ന് തോന്നു.. പക്ഷേ ഡിഗ്രി ഒന്നാംവർഷമാണ്.
എന്താടി കുഞ്ഞു.. വൈകിയോ ഇന്ന്….. അവളുടെ മൂക്കിൽ മൂക്ക് ഇട്ടുവരച്ചുകൊണ്ട് ഞാൻ ചോദിച്ചു.
ഡാൻസ് പ്രാക്ടീസ് ഉണ്ടായിരുന്നു……. കൊച്ചു കുട്ടികളുടെ ശബ്ദത്തിൽ അവൾ പറഞ്ഞു.
അച്ഛൻ അറിയോ…… ആദ്യം തന്നെ വന്നത് ആ ചോദ്യമാണ് എൻറെ വായിൽ.
അറിഞ്ഞില്ലെങ്കിൽ ഇപ്പോൾ എന്താ.. എന്നെ മൂക്കിൽ വലിച്ചു കയറ്റുമോ..ഹും….. അവൾ ചോദിച്ചു.
ദേ അച്ഛൻ…… ഞാൻ അല്പം പേടിയോടെ പറഞ്ഞതും… എൻറെ മേത്ത് നിന്നും ഒറ്റ ചാട്ടത്തിന് അവൾ താഴെ എത്തി.
.. ഞാൻ ഓടി.. അച്ഛനെ കാണാൻ തിരിഞ്ഞുനോക്കിയ അവൾ കാണുന്നത് ഓടുന്ന എന്നെ.. അവളും എൻറെ പിറകെ ഓടി.. ഞാൻ അമ്മയുടെ പിന്നിലൊളിച്ചു.. അമ്മ സ്ഥിരം കുലുങ്ങിച്ചിരി തുടങ്ങി.. എൻറെ നെഞ്ചോളം പോലും പൊക്കം ഇല്ലാത്തവൾക്ക് കൈനീട്ടി എന്നെ പിടിക്കാൻ സ്വാഭാവികമായിട്ടും പറ്റില്ലല്ലോ.. അതു ചൂഷണം ചെയ്തു കൊണ്ട് അവളെ ഞാൻ പറ്റിച്ചു… അവസാനം തളർന്ന് സോഫയിൽ വീണപ്പോൾ കൂടെ അവളും എൻറെ മേത്തേക്ക് വലിഞ്ഞു കയറി എന്നെ അള്ളിപ്പിടിച്ചു കിടന്നു… പൊട്ടിച്ചിരികൾ.. തമാശകൾ.. അവളുടെ കുന്നോളം വിശേഷങ്ങൾ.. രാത്രി ആയതുപോലും അറിഞ്ഞില്ല.
അതിനിടയിൽ എല്ലാം ചേച്ചിയുടെ മുറിയിലേക്ക് എൻറെ കണ്ണുകൾ നീളുന്നുണ്ടായിരുന്നു.
മുറിയിൽ പോയി ബാൽക്കണിയിൽ നിന്ന് ഒരു സിഗരറ്റും വലിച്ച ശേഷം ഭക്ഷണം കഴിക്കാനായി താഴെ എത്തിയതും കണ്ടു ചേച്ചിയുടെ മുറിയിൽ നിന്നും ഇറങ്ങിവരുന്ന കുഞ്ഞു… പുറകെ ചേച്ചിയും.
രണ്ടുപേരും മുട്ടുവരെ നീളമുള്ള പാവാടയും ടോപ്പും ആണ് വേഷം.. അതിൽ കുഞ്ഞു വീണ്ടും ഒരു കൊച്ചു കുട്ടി ആയതുപോലെ തോന്നി എനിക്ക്.
നോക്കുന്നില്ല.. എന്നെ ഒന്ന് നോക്കുന്ന പോലുമില്ല.. ഒന്നുമില്ലെങ്കിലും അവളുടെ ജീവൻ രക്ഷിച്ചതല്ലേ.. മൗനം പിടിച്ച് അവൾ ഭക്ഷണം കഴിച്ചു കൊണ്ടിരുന്നു… ഞാനും അമ്മയും കുഞ്ഞുവും പലതരം തമാശകളും കാര്യങ്ങളുമായി കഴിച്ചു തീർത്തു.
ഞങ്ങൾ പൂമുഖത്ത് ഇരുന്ന് സംസാരിച്ചപ്പോൾ അവൾ മൗനമായി മുറിയിലേക്ക് കയറിപ്പോയി… സംസാരിച്ചു എൻറെ മടിയിൽ തല വച്ചു ഉറങ്ങിപ്പോയ കുഞ്ഞിനെ കോരിയെടുത്ത് ഞാൻ അവളുടെ മുറിയിൽ കൊണ്ടുപോയി കിടത്തി.. അവളുടെ കവിളിൽ ഒരു ഉമ്മയും കൊടുത്ത് പുതപ്പും കൂടി ഞാൻ തിരികെ വെളിയിൽ ഇറങ്ങി.. ചേച്ചിയുടെ മുറി പൂട്ടിക്കിടക്കുന്നു.. ഞാനൊന്നു നെടുവീർപ്പിട്ടു.. വല്ലാത്തൊരു നീറ്റൽ.. അമ്മയെ കെട്ടി പുണർന്ന് നെറ്റിയിലും കവിളിലും എല്ലാം ഉമ്മയും കൊടുത്ത് നേരെ മുറിയിലേക്ക് വിട്ടു.. ബാൽക്കണിയിൽ നിന്നും ഒരു ചികറ്റും വലിച്ച് ബെഡിലേക്ക് കമിഴ്ന്നു വീണു.
സമയം 11 കഴിഞ്ഞിട്ടും ഉറക്കം വരുന്നില്ല.. അല്ലി ഇനി ഇവിടെയുണ്ട്.. അതായത് എന്നിൽ വീണ്ടും പ്രതീക്ഷകൾ.. പക്ഷേ അവളുടെ പെരുമാറ്റം…. എന്നാൽ പെട്ടെന്ന് മരത്തിൻറെ പടികൾ കുലുക്കി ഒരു ചെറിയ പതിഞ്ഞ ശബ്ദം… കാലടി ശബ്ദമല്ലേ അത്.. ഞാൻ ശ്വാസം അടക്കി പിടിച്ചു കിടന്നു.