അതെന്താ പിന്നെ നീ ഫോൺ വിളിച്ചാൽ എടുക്കുകയോ വന്നു കാണുകയോ ചെയ്യാതിരുന്നത്……. ഞാൻ അവളെ സാകൂതം നോക്കി ചോദിക്കുമ്പോൾ.
ഞാനെല്ലാം പറഞ്ഞു പോകുമോ എന്ന് പേടി.. അച്ഛൻ പറഞ്ഞത് നീ കേട്ടില്ലേ.. മംഗലം കഴിച്ചാൽ കഴിച്ചത് അത്ര.. അവിടത്തുകാരും ഇതിലും കഷ്ടമാണ്……. അവൾ ഒരു നെടുവീർപ്പോടെ പറഞ്ഞു…. പക്ഷേ പറയുമ്പോൾ അവളിൽ അത്ര വേദന കണ്ടില്ല പകരം ചെറിയൊരു ആശ്വാസമായിരുന്നു.
ഞാൻ നിൽക്കുമായിരുന്നല്ലോ കൂടെ…… ആർദ്രമായിരുന്നു എൻറെ ശബ്ദം.
അതിനു അവൾ വേദനയോടെ ഒന്ന് പുഞ്ചിരിച്ചുകൊണ്ട് എന്നിൽ നിന്നും മുഖം തിരിച്ച് തൊടിയിലേക്ക് നോക്കി.
എനിക്കും ഒരെണ്ണം താടാ….. അവൾ പെട്ടെന്ന് പറഞ്ഞതും ഞാനൊരു പകപോടെ അവളെ നോക്കി.
നീ ഒരുമാതിരി നോട്ടം നോക്കണ്ട.. ഹോസ്പിറ്റലിൽ ഒരു നേഴ്സ് കമ്പനിക്കാരി ഉണ്ട്.. അവളുടെ കൂടെ ഇടയ്ക്ക് ഓരോന്ന് വലിക്കാറുണ്ട്…… അവൾ കുസൃതിച്ചിരിയോടെ പറഞ്ഞു… ഞാൻ പാക്കറ്റ് അവൾക്കു നേരെ നീട്ടി.. അതിൽ നിന്നും ഒരെണ്ണം എടുത്ത് എൻറെ ചുണ്ടിൽ എരിഞ്ഞ സിഗരറ്റിൽ നിന്നും അവൾ അതിനു തീ പടർത്തി.
ഇടയ്ക്കൊന്നും അല്ല.. മിക്കപ്പോഴും ഉണ്ടല്ലേ….. ഇരുത്തം വന്നതുപോലെയുള്ള അവളുടെ വലി കണ്ടതും ഞാൻ ചോദിച്ചു.
പോടാ പോടാ……. അവൾ എന്റെ തോളിൽ ഒന്ന് അടിച്ചിട്ട് ചിരിച്ചു.
പെട്ടെന്നു വീടിൻറെ മുന്നിലേക്ക് അംബാസിഡർ കാർ വരുന്ന ശബ്ദം കേട്ടു… ഞാനറിയാതെ സിഗരറ്റ് കുറ്റി ബാൽക്കണിയുടെ കെട്ടിവരിച്ച ശേഷം വലിച്ചെറിഞ്ഞു.
ചേച്ചി എന്നെ ഒന്ന് കൂർപ്പിച്ചു നോക്കി.. കൂസൽ ഇല്ലാതെ പുക എടുത്തു.. ഞാനൊരു ചമ്മിയ ചിരി ചിരിച്ചു.
പറഞ്ഞിട്ട് കാര്യമില്ല.. അമ്മാതിരി തല്ലല്ലേ നിനക്ക് തന്നിട്ടുള്ളത്…… അതു പറയുമ്പോൾ അവളുടെ ശബ്ദം ഒന്ന് ഇടറി… ചൂരലിനും പുലിവാറിനും കെട്ടിയിട്ടും അല്ലാതെയും തല്ലുമ്പോൾ ഒന്നും ചെയ്യാൻ ആവാതെ കണ്ണുനിറച്ച് നിൽക്കുന്ന മൂന്ന് ജോഡി കണ്ണുകൾ എൻറെ മനസ്സിൽ തെളിഞ്ഞു.
എത്ര പേരെയാണ് ആന ചവിട്ടി കൊല്ലുന്നത്.. തന്ത കഴുവേറിയെ ആനയ്ക്ക് പോലും വേണ്ടല്ലോ ഭഗവാനെ എന്ന് ചിന്തിച്ചുകൊണ്ട് ഞാനൊരു നെടുവീർപ്പിട്ടു.
നാളെ വൈകിട്ട് നമുക്ക് നടക്കാൻ പോണം.. പഴയപോലെ…… അവൾ എന്നെ നോക്കി പറഞ്ഞു… ഞാനൊന്നു നിറഞ്ഞു ചിരിച്ചു.
ചേച്ചിയോടൊപ്പം ഉള്ള പഴയ മധുര നിമിഷങ്ങൾ എൻറെ മുന്നിലേക്ക് മിഴിവോടെ തെളിഞ്ഞുവന്നു… നീ അറിയുന്നുണ്ടോ എനിക്ക് നിന്നോടുള്ള പ്രണയം… ഞാൻ മൗനമായി അവളുടെ കണ്ണുകളിൽ നോക്കി ചോദിച്ചു.
എന്നാൽ… താഴെ നിന്നും ഒരു പാത്രം വലിച്ചെറിയുന്ന ശബ്ദവും… തെറിവിളിയും കേട്ടതും.. കംപ്ലീറ്റ് മൂട് പോയി… ഈ അമ്മയ്ക്ക് ജോലി ചേച്ചിയെ പോലെ വല്ല സൈനേഡും വച്ച് അയാളെ അങ്ങ് കൊന്നു കൂടെ… ഞാൻ ചിന്തിക്കാതിരുന്നില്ല.
ഞങ്ങൾ മൗനമായി വെറുതെ തൊടിയിൽ നോക്കി നിന്നു.
താഴത്തെ ശബ്ദങ്ങൾ അടങ്ങി… അല്പം കഴിഞ്ഞതും ലൈറ്റുകൾ എല്ലാം അണഞ്ഞു.
ഞാൻ അവളെ നോക്കി… അവളെന്നെ.. ഞങ്ങൾ പരസ്പരം ഒന്ന് പുഞ്ചിരിച്ചു.
പണ്ടത്തെപ്പോലെ ഒരു പുതപ്പിനുള്ളിൽ.. ഞാനും അവളും… ഒരുപാട് വർഷം കഴിഞ്ഞ് ചിന്തകളുടെ ഭാരമില്ലാതെ.. അത്രയും സന്തോഷത്തോടെ അവളെ കെട്ടിപ്പിടിച്ചുകൊണ്ട് ഞാൻ ഉറങ്ങി….
🌹🌹🌹
രാവിലത്തെ തൂറലും മെഴുകലും ഒക്കെ കഴിഞ്ഞ് താഴെ പടികൾ ഇറങ്ങിച്ചെന്ന് ഞാൻ ഒന്നു സ്റ്റക്കായി.
ഒരു ചുവന്ന ദാവണി ഉടുത്തു നിൽക്കുന്ന അല്ലി… വാലിട്ട് നീട്ടിയെഴുതിയ കണ്ണുകൾ.. കുഞ്ഞു കറുത്ത പൊട്ട്.. ഒരു ചന്ദനക്കുറി.. ഞാൻ അങ്ങനെ നോക്കി നിന്നു.. എൻറെ പഴയ അല്ലി… തലകുടഞ്ഞുകൊണ്ട് ഞാൻ നടന്നു.
ഞാൻ നോക്കിയ നിമിഷം അവളുടെ കണ്ണുകളിൽ ഒരു പിടപ്പ് ഉണ്ടായിരുന്നുവോ…. അമ്മയുടെ പിന്നിൽ ചേർന്നു നിന്നുകൊണ്ട് അരക്കെട്ടിലൂടെ കൈചുറ്റി കവിളിൽ ഒന്നും അമർത്തി മുത്തി.
കുഞ്ഞു എൻറെ പുറത്ത് വലിഞ്ഞു കയറി കഴുത്തിൽ കൈ ചുറ്റി എൻറെ കവിളിൽ തുരു തുര ഉമ്മ വയ്ക്കാൻ തുടങ്ങി.