ഞാൻ വാതിൽ പടിയിൽ ഇരിക്കുന്ന അവളുടെ കൈ പിടിച്ചു വലിച്ചു. അവൾ അനുസരണയോടെ എണീറ്റു കൈത്തലം കൊണ്ട് കണ്ണീർ തുടച്ചു.
“ഇപ്പൊ വേദന മാറാൻ എന്താ ചെയ്യാ?
“തല്ക്കാലം ഞാൻ സഹിച്ചോളാം. ബാക്കി രാവിലേ നോക്കാം “.
“അമ്മയെ വിളിച്ചാൽ എന്തെങ്കിലും അറിയുമായിരിക്കും. “വിളിക്കട്ടെ?
“അപ്പൊ എങ്ങനെ പറ്റിയതാണ് എന്നും കൂടെ പറയേണ്ടി വരും !
അത് കേട്ടപ്പോൾ പെണ്ണ് വീണ്ടും തല കുനിച്ചു കരയാൻ ആരംഭിച്ചു..
“ദേ ഇനി കിടന്ന് കരഞ്ഞാൽ നീ മേടിക്കും അമ്മൂ!.ഞാൻ സ്വൽപ്പം ഉറക്കെ ആണത് പറഞ്ഞത്. എന്റെ അധികാര ഭാവം കണ്ടിട്ടാവണം അവൾ എന്റെ മുഖത്തെക്ക് രൂക്ഷമായി നോക്കി.
“ഞാൻ ഉണ്ണിയുടെ അമ്മു ആണ്….!
അവൾ എന്നെ നോക്കാതെ വിക്കി വിക്കി പറഞ്ഞു.
“അത് പറയുമ്പോൾ എന്താ ഒരുറപ്പില്ലാത്തത്”. ഞാൻ ചിരിയോടെ ചോദിച്ചു
“അത് നീ അന്വേഷിക്കണ്ട !.അവൾ തറപ്പിച്ചു പറഞ്ഞു. അത് എന്നിൽ ചെറുതായി ഞെട്ടൽ ഉണ്ടാക്കിയെങ്കിലും ഞാൻ പ്രകടിപ്പിച്ചില്ല. അവൾ ചവിട്ടി തുള്ളി അകത്തേക്ക് പോയി.
“എന്റെ കിടക്ക എടുത്ത് തന്നാൽ എനിക്ക് ഹാളിൽ കിടക്കായിരുന്നു. കൈ വയ്യാതോണ്ട്.എടുക്കാൻ കഴിയില്ല”. ഞാൻ കട്ടിലിൽ തല കുനിചിരിക്കുന്ന അവളോട് പറഞ്ഞു
എന്റെ വാക്കുകൾ കേട്ട് വിശ്വസിക്കാനാവാതെ അവൾ എന്റെ മുഖത്തെക്ക് നോക്കി.
“അല്ല ഞാൻ ഇവിടെ കിടക്കുന്നത് ഇഷ്ടം അല്ലാത്തതു കൊണ്ടല്ലേ വാതിൽ അടച്ചത്. ഞാൻ പുറത്ത് കിടന്നോളാം”
അവൾ ഇപ്പോഴും എന്നെ തറപ്പിച്ചു നോക്കി ഇരിക്കുകയാണ് .
“എന്തിനാ കണ്ണാ എന്നോടിങ്ങനെ”. അത് അപ്പോഴത്തെ സങ്കടം കൊണ്ട് ചെയ്തതാ. എനിക്ക് നിന്നെ വിശ്വാസം ആണ്. എന്നെ ആണ് വിശ്വാസം ഇല്ലാത്തത്
അവൾ ആ പറഞ്ഞത് ശരിക്കും കൊണ്ടു ഒരു ദുർബല നിമിഷത്തിൽ അവളിൽ മൂടി കെട്ടിവെച്ചിരുന്ന വികാരങ്ങൾ പുറത്ത് ചാടി എന്നെ ഒള്ളൂ. അതുകൊണ്ട് അവൾ ഒരു മോശം സ്ത്രീയാണെന്ന അർത്ഥമില്ല. മാത്രമല്ല അവൾ എന്നോട് മാത്രം ആണ് ഇത്ര അടുത്ത് പെരുമാറുന്നത്. കുടുംബത്തിലെ മറ്റു ആണുങ്ങൾ ആരും അവളുടെ ശബ്ദം പോലും കേട്ടിട്ടില്ല. ഇനി സ്വയം നിയന്ത്രിക്കുക തന്നെ ഞാൻ മനസ്സിൽ ഓർത്തു. അവളെ വിഷമിപ്പിക്കേണ്ട എന്നോർത്ത് അവിടെ തന്നെ കിടന്നു.
“കരയണ്ട, ഉറങ്ങിക്കോ.. മേമേ. ഞാൻ പതിയെ പറഞ്ഞു.
“നല്ല വേദനയുണ്ടോ ഡാ… അവൾ വീണ്ടും ചോദിച്ചു.
സാരമില്ല നാളെ ഹോസ്പിറ്റലിൽ പോവാം.
“ഞാനും വരാം..അവൾ കട്ടിലിലേക്ക് കിടന്നു കൊണ്ട് പറഞ്ഞു “
എനിക്കെന്തെന്നില്ലാത്ത സന്തോഷം തോന്നി. ഹോസ്പിറ്റലിലേക്ക് ആണെങ്കിലും എന്റെ പെണ്ണ് എന്റെ കൂടെ വരുന്നു. ഞാൻ മനസ്സുകൊണ്ട് തുള്ളിച്ചാടി
“എന്നാപിന്നെ നാളെ നമുക്ക് മേമയുടെ വീട്ടിൽ പോയാലോ ആ വഴിക്കല്ലേ അതും “. ഞാൻ തലയുയർത്തിക്കൊണ്ട് ചോദിച്ചു
“അത്.. വേണ്ട… ശരിയാവില്ല.. അവൾ പറഞ്ഞു നിർത്തി…
“ഓ ശരിയാ ഞാൻ വിശ്വസിക്കാൻ കൊള്ളാത്തവൻ ആണല്ലോ ല്ലേ “. ഞാൻ മനോവേദനയോടെ ചോദിച്ചു.
“അതല്ല.. ആരെങ്കിലും അറിഞ്ഞാൽ…..”.അല്ലെങ്കിലേ നമ്മുടെ നാടാണ് “. അവൾ പറഞ്ഞു നിർത്തി.
“അങ്ങനെ ഒക്കെ നോക്കിയാൽ എന്തെങ്കിലും നടക്കുമോ അമ്മൂസെ. ഒരു പൂച്ചകുഞ്ഞു പോലും അറിയാതെ നമുക്ക് പോയി വരാം. “
“ആഹ് നോക്കാം. നീ ഇപ്പൊ കിടന്നുറങ്ങു.വയ്യാത്ത കയ്യും വെച്ചു ഉറക്കം കളയണ്ട “അവൾ ഗൗരവത്തിൽ പറഞ്ഞു.
“അതിനു മുന്നേ ഒരു കാര്യം കൂടെ ഉണ്ട്. “
“എന്ത് കാര്യം? . അവൾ സംശയത്തോടെ ചോദിച്ചു.
ഞാൻ പതിയെ എഴുന്നേറ്റ് കട്ടിലിനടുത്തേക്ക് നടന്നു. അവൾ കട്ടിലിനു കുറുകെ ആണ് കിടക്കുന്നത്. ഞാൻ കിടക്കുന്ന ഭാഗത്തേക്ക് കാൽ വെച്ചു. ഞാൻ മുട്ടുകുത്തി അവളുടെ കാൽക്കീഴിൽ ഇരുന്നു. എന്റെ പ്രവർത്തി കണ്ട് നേരത്തെ സംഭവിച്ചത് പോലെ എന്തെങ്കിലും സംഭവിക്കുമോ എന്നുള്ള പേടിയിൽ അവളുടെ മാൻപേട കണ്ണുകൾ ഇളകി മറിയുന്നുണ്ട്.
‘നീ എന്തിനുള്ള പുറപ്പാടാ “.അവൾ കയ്യുയർത്തി പേടിയോടെ ചോദിച്ചു.
ഞാൻ ഒന്നും മിണ്ടാതെ അവളുടെ കാൽക്കീഴിൽ ഇരുന്നു ആ കാലുകൾ രണ്ടും കൂട്ടി കെട്ടിപിടിച് അതിലേക്ക് മുഖം അമർത്തി. ആദ്യം ഒന്ന് വലിക്കാൻ നോക്കിയെങ്കിലും അവൾ പിന്നെ എതിർക്കാതെ അങ്ങനെ തന്നെ കിടന്നു. അവളെ ഞെട്ടിച്ചു കൊണ്ട് ഞാൻ തൊട്ടടുത്ത നിമിഷം ഞാൻ പറഞ്ഞു.
“പെണ്ണുങ്ങളെ ബഹുമാനിക്കാനാണ് എന്റെ ലച്ചു എന്നെ പഠിപ്പിച്ചിട്ടുള്ളത്, ഇത് വരെ ഒരു പെണ്ണിനോടും ഞാൻ അപമര്യാദ ആയി പെരുമാറിയിട്ടില്ല. നേരത്തെ ഒരു കൈയബദ്ധം പറ്റി അത് മേമയെ അല്ല അമ്മുവിനെ എനിക്ക് ഇഷ്ടം ആയതു കൊണ്ടാണ്. അല്ലാതെ ഈ ശരീരം മോഹിച്ചിട്ടല്ല. എന്നെ വെറുക്കരുത് എന്നോട് പൊറുക്കണം.”
മനസ്സിലുള്ള കാര്യങ്ങൾ പറഞ്ഞു കഴിഞ്ഞതോടെ എന്റെ നിയന്ത്രണം വിട്ടു ഞാൻ പൊട്ടികരഞ്ഞു. എന്റെ കണ്ണീർ കൊണ്ട് അവളുടെ കാൽപാദങ്ങൾ ഞാൻ കഴുകി. അവൾ കാലു വലിക്കാതെ എണീറ്റിരുന്നു മടിച്ചു മടിച്ചു എന്റെ നെറുകയിൽ ഒന്ന് തലോടി.
“സാരമില്ല. നമുക്കത് പിന്നെ സംസാരിക്കാം. നീ ഇപ്പൊ ഉറങ്ങിക്കോ… അവൾ എന്റെ മുഖം പിടിച്ചുയർത്തിക്കൊണ്ട് പറഞ്ഞു.
ഞാൻ അവളുടെ കൈയിൽ വീണ്ടും ചുംബിച്ചു. ഇത്തവണ അവൾ കൈ വലിച്ചില്ല. പകരം എന്നെ നോക്കി ഒന്ന് പുഞ്ചിരിച്ചു കൊണ്ട് പറഞ്ഞു.
“ഉറങ്ങിക്കോ കണ്ണാ ഞാൻ രാവിലെ വിളിക്കാം..”
ഞാൻ അവളിൽ നിന്ന് മാറി വീണ്ടും എന്റെ കിടക്കയിലേക്ക് കിടന്നു. അവളും ഒരു നെടുവീർപ്പോടെ കിടക്കയിലേക്ക് ചുരുണ്ടു. വിരൽ ഇപ്പോഴും നല്ല വേദനയുണ്ട്. അങ്ങനെ എപ്പോഴോ ഭാരമൊഴിഞ്ഞ മനസ്സുമായി ഞാൻ ഉറക്കത്തിലേക്ക് വഴുതി വീണു.
“കണ്ണാ എണീക്ക് നേരം ഏഴു മണിയായി”.
രാവിലെ അമ്മു ആണ് എന്നെ കുലുക്കി വിളിച്ചത് . അവളുടെ വളകിലുക്കം കേട്ട് ഞാൻ കണ്ണു തുറന്ന് നോക്കുമ്പോൾ അവൾ ഒരു ചുവന്ന കളർ പട്ടു സാരിയുടുത്തു റെഡി ആയി നിൽക്കുന്നു. വീട്ടിലേക്ക് പോവുന്ന സന്തോഷം ആയിരിക്കണം.ഞാൻ മനസ്സിലോർത്തു.
ഞാൻ എണീറ്റ് മുണ്ടുടുത്തപ്പോൾ ആണ് വിരലിന്റെ പരിക്ക് ശ്രദ്ധിക്കുന്നത്. ചോര കല്ലിചിരിക്കുന്നു. വിരൽ നേരെ പിടിക്കാൻ പറ്റുന്നില്ല.
“അച്ഛമ്മയോട് എന്ത് പറയും?
അലമാരയിലെ കണ്ണാടിയിൽ നോക്കി ഒരുങ്ങിക്കൊണ്ടിരിക്കുന്ന അവളുടെ പിന്നിൽ നിന്ന് ഞാൻ ചോദിച്ചു.
എന്റെ pg സർട്ടിഫിക്കേറ്റ് വെടിക്കാൻ നിന്നേം കൂട്ടി പോവാണെന്നാ പറഞ്ഞത് .ഇനി നീ മാറ്റിപറയല്ലേ. അവൾ കള്ളച്ചിരിയോടെ പറഞ്ഞു.
മ്മ്…. ഞാൻ മൂളി. സുന്ദരിയാണ് ട്ടോ
“നീ എന്നെ സോപ്പിടാതെ പോയി പെട്ടന്ന് കുളിച്ചിട്ട് വന്നേ”. അവൾ എന്നെ നോക്കാതെ ഗൗരവത്തിൽ പറഞ്ഞു. അവൾ ഇരുവർക്കും ഇടയിൽ ഒരു അതിർത്തി വെക്കുവാണ് ഞാൻ മനസ്സിൽ ഓർത്തു. അരുതാത്തതൊന്നും സംഭവിക്കാതിരിക്കാൻ!.
ഞാൻ പെട്ടന്ന് പോയി പല്ല് തേച്ചു കുളിച്ചു ചായകുടിക്കാനിരുന്നു. അപ്പോൾ അച്ഛമ്മ രാവിലെ എണീറ്റ് അമ്പലത്തിൽ പോയതായിരുന്നു.