“ഉണ്ണ്യേട്ടന്റെ ഏട്ടൻ ല്ലേ ഗോപാലേട്ടൻ. മൂപ്പരെ മോനാണ് കണ്ണൻ ‘. അമ്മു എന്നെ പരിചയപ്പെടുത്തിക്കൊണ്ട് പറഞ്ഞു.
‘ഇക്കറിയാലോ. ഞാൻ കണ്ടിട്ട്ണ്ട്’. അതും പറഞ്ഞു അയാൾ അമ്മുവിനെ കെട്ടിപിടിച്ചു.
“സുഖല്ലേടി.?
“ആ അച്ഛാ അങ്ങനെ പോണു.”
മ്മ്…
അയാൾ മൂളിക്കൊണ്ട് കസേരയിൽ ഇരുന്ന് എന്റെ വിശേഷങ്ങൾ ചോദിച്ചറിയുമ്പോൾ. അമ്മു അയാളെ ചാരി നിന്ന് അത് ശ്രദ്ധിക്കുന്നുണ്ടായിരുന്നു. അവൾ ഇന്ന് എത്ര സന്തോഷത്തിലാണ് എന്ന് അവളുടെ മുഖം വിളിച്ചു പറയുന്നുണ്ട്.
‘ഇപ്പോ പണി കുറവാണ് ലേ ‘.
“കുറവാന്ന് പറയാൻ കൂടി പണി ല്ല കുട്ട്യേ.ക്വാറി ഒക്കെ നിർത്തിലേ !. അയാൾ പുഞ്ചിരിക്കാൻ ശ്രമിച്ചു കൊണ്ട് പറഞ്ഞു.
വേറെ എന്തെങ്കിലും പണി നോക്കിക്കൂടെ അച്ഛന് ? . അധികം പ്രയാസം ഇല്ലാത്തത്. !.
‘അത് ഞാനും പറയല്ണ്ട് ‘. അമ്മു ഇടക്ക് കയറി എന്നോടായി പറഞ്ഞു.
“എവിടുന്ന് കിട്ടാനാ മോനെ. ചെറുപ്പക്കാർക്ക് വരെ ഇപ്പൊ പണി ഇല്ല.പിന്നെ ഇക്കൊക്കെ ആര് തരാനാ”.
“ഞാൻ ഒരു പണി ഒപ്പിച്ചു തരാം ശമ്പളം പന്ത്രണ്ടായിരം രൂപയെ കാണു. അച്ഛന് പറ്റുവോ ?.ഞാൻ അയാളോട് ചോദിച്ചു. ഇത് കേട്ട് അമ്മുവും അമ്മയും താല്പര്യത്തോടെ എന്നെ നോക്കി.
“എന്ത് പണിയാ കണ്ണാ.. അമ്മു എന്നോടായി ചോദിച്ചു.
“എന്ത് പണി ആയാലും ഞാൻ റെഡി ആണ് കുട്ട്യേ !. അയാൾ അമ്മുവിനോടായി പറഞ്ഞു.
ഇവിടെ പാണ്ടിക്കാട് സൗത്ത് ഇന്ത്യൻ ബാങ്കിന്റെ ഒരു ബ്രാഞ്ച് തുടങ്ങുന്നുണ്ട്. അവിടെ ഒരു സെക്യൂരിറ്റിയുടെ ഒഴിവുണ്ട്. മൊത്തം രണ്ട് പേര് വേണം. ഒരാൾ എന്റെ നാട്ടിലെ ഒരു ചേട്ടൻ ആണ്. പുള്ളിയാണ് എന്നോടിത് പറഞ്ഞത്. ഞാൻ രണ്ടു പേരോടുമായി പറഞ്ഞു.
“അത് കൊള്ളാം അല്ലെ അമ്മേ? അമ്മു സന്തോഷത്തോടെ അമ്മയോട് പറഞ്ഞുകൊണ്ട് എന്നെ നന്ദിപൂർവ്വം നോക്കി.
“അത് കിട്ടിയാൽ നന്നായിരുന്നു മോൻ എങ്ങനെ എങ്കിലും ഒന്ന് ശരിയാക്കി താ “അയാൾ കെഞ്ചുന്ന പോലെ പറഞ്ഞു.
“മ്മ്. ഞാൻ ഒന്ന് വിളിക്കട്ടെ എന്നിട്ട് വൈകിട്ട് വിളിച്ചു പറയാം. അത് ഏകദേശം ഉറപ്പിച്ചോളു. “.ഞാൻ അച്ഛനോട് പറഞ്ഞു.
ജോലി ശരിയായതിന്റെ സന്തോഷം എല്ലാരുടെ മുഖത്തും ഉണ്ടായിരുന്നു. രണ്ട് മണി ആയപ്പോൾ ഞാൻ അമ്മുവിനോട് പോണ്ടേ എന്ന അർത്ഥത്തിൽ തല കൊണ്ട് ആംഗ്യം കാണിച്ചു. അവൾ വിരൽ കടിച്ചു കൊണ്ട് ഇപ്പൊ ഇറങ്ങാം എന്ന് തിരിച്ചും ആംഗ്യം കാണിച്ചു.
അവരോട് പോവാണെന്നു പറഞ്ഞപ്പോൾ ചോറുണ്ടിട്ട് പോയാൽ മതി എന്ന് നിർബന്ധിച്ചു. ചോറ് ആയിട്ട് ഇല്ലെന്ന് വാസ്തവം ആണ്. ഞങ്ങൾ കഴിച്ചിട്ടാണ് വന്നത് എന്ന് പറഞ്ഞപ്പോൾ അവർ ഒന്നയഞ്ഞു
. ഇറങ്ങാനുള്ള ഒരുക്കത്തിനിടെ ഞാൻ അമ്മുവിനെ വിളിച്ചു മാറ്റി നിർത്തി പെഴ്സിൽ നിന്ന് ആയിരം രൂപ എടുത്ത് അവളുടെ കയ്യിൽ കൊടുത്തു. അവൾ എന്തിനെന്നറിയാതെ എന്നെ മിഴിച്ചു നോക്കി.
“അച്ഛന് പണി ഇല്ലതെ ഇരിക്കുവല്ലേ. മേമയുടെ പൈസ ആണെന്ന് പറഞ്ഞു കൊടുത്താൽ മതി ഞാൻ കൊടുത്താൽ കുറച്ചിൽ ആവും”. ഞാൻ പതിയെ പറഞ്ഞു.
“അതൊന്നും വേണ്ട കണ്ണാ അല്ലെങ്കിലേ ഇന്ന് കൊറേ ചെലവായില്ലേ “. അവൾ അത് തിരിച്ചുതരാൻ ശ്രമിച്ചുകൊണ്ട് പറഞ്ഞു.
“ഉടക്ക് പറയാതെ കൊണ്ട് കൊടുക്ക് അമ്മൂസെ ! ഞാൻ അവളുടെ കണ്ണിലേക്കു നോക്കി അവളോട് പറഞ്ഞപ്പോൾ അവൾ വാങ്ങി. അമ്മു എന്ന് വിളിച്ചാൽ പിന്നെ ആൾ സൈലന്റ് ആണ് ഒന്നുകിൽ എന്റെ അമ്മൂസെ എന്നുള്ള വിളിയിൽ അവൾ എല്ലാം മറന്ന് എന്റെ പെണ്ണായി മാറുന്നു അല്ലെങ്കിൽ ആ വിളി അവൾ ഇഷ്ടപ്പെടാത്തതുകൊണ്ട് എന്റെ ആവശ്യം അവൾ നിറവേറ്റുന്നു. അതാണ് കാര്യം ഞാൻ മനസ്സിൽ ഓർത്തു.
അവരോട് യാത്ര പറഞ്ഞു ഇറങ്ങിയപ്പോ അമ്മ എന്നെ വന്നു കെട്ടിപിടിച്ചു.എന്റെ നെറുകിൽ തഴുകി ഇടക്ക് ഇതിലെ വരണം എന്ന് പറഞ്ഞു. അമ്മു അത് സന്തോഷത്തോടെ നോക്കി നിക്കുന്നുണ്ട്. ഞങ്ങൾ അവിടെ നിന്ന് ഇറങ്ങി കുറച്ചു ദൂരം കഴിഞ്ഞപ്പോൾ അമ്മു എന്നോടായി പറഞ്ഞു.
“നന്ദി കണ്ണാ എല്ലാത്തിനും!
“ഓ വരവ് വെച്ചു”. ഞാൻ ചിരിയോടെ പറഞ്ഞു
“അല്ല ഈ എല്ലാത്തിനും എന്ന് പറഞ്ഞാൽ?. ഞാൻ കുസൃതിയോടെ ചോദിച്ചു.
“എല്ലാത്തിനും എന്ന് പറഞ്ഞാൽ എന്റെ ജീവിതത്തിൽ ഞാൻ ഇത്രയും സന്തോഷിച്ച ദിവസം ഉണ്ടോന്ന് സംശയം ആണ്. അത് സമ്മാനിച്ചതിന്!. അവൾ എന്നോട് ചേർന്നിരുന്ന് എന്റെ പുറത്ത് ദേഹമുരുമ്മി ഇരുന്നു കൊണ്ട് പറഞ്ഞു. അവളുടെ ആ ഇരിപ്പ് എന്നെ ചൂടാക്കിയെങ്കിലും ഞാൻ മനസ്സ് കൊണ്ട് അങ്ങനെ ഒരു മൂഡിൽ ആയിരുന്നില്ല.
“ദേ എന്റെ ജീവിതത്തിൽ ഞാൻ ഇത്രയും വേദനിച്ച ദിവസം ഉണ്ടോന്ന് എനിക്കറിയില്ല ഇതിനും താങ്ക്സ് “.എന്റെ പരിക്ക് പറ്റിയ വിരൽ ഉയർത്തി പറഞ്ഞു.
അവൾ അത് കേട്ട് മുത്തുമണി പൊഴിയുംപോലെ ചിരിച്ചു.
“ആ അതിനിയും ഒടിയും “
മറുപടി ഉടൻ വന്നു. അല്ലെങ്കിലും കുടുംബത്തിലെ മിണ്ടാപൂച്ചക്ക് എന്റെ മുന്നിൽ നൂറു നാവാണ്. അല്ല ഞാനും അങ്ങനെ തന്നെ ആണല്ലോ?.
വീട്ടിൽ എത്തുമ്പോൾ സമയം മൂന്ന് മണി ആയിരുന്നു.നേരം വൈകിയതിനു അച്ഛമ്മയോട് അവൾ എന്തോ കള്ളം പറഞ്ഞു അതിന് തലയാട്ടികൊണ്ട് ഞാനും അകത്തു കയറി. അവൾ റൂമിൽ കയറി സാരി മാറ്റി ചുരിദാർ എടുത്തിട്ട് പുറത്തിറങ്ങിയപ്പോൾ ഞാൻ ഡ്രസ്സ് മാറ്റാൻ കയറി. പാന്റ് അഴിച്ചു മുണ്ട് എടുത്ത് ഉടുത്തു.ഷർട്ടും മാറിയപ്പോൾ ഭയങ്കര ഷീണം ഒന്ന് മയങ്ങാമെന്ന് കരുതിയപ്പോൾ അവൾ ഗ്ലാസിൽ വെള്ളവുമായി റൂമിൽ കയറി വന്നു.
“ഗുളിക കുടിക്കണ്ടേ മറന്നോ? അവൾ എന്നോട് ഗൗരവത്തിൽ പറഞ്ഞു.
“ആ ഞാൻ അത് മറന്നു”. ഞാൻ തലക്ക് തട്ടിക്കൊണ്ട് പറഞ്ഞു. പിന്നെ കവർ തുറന്ന് ഗുളിക കുടിച് ഗ്ലാസ് അവളുടെ കയ്യിൽ കൊടുത്തുകൊണ്ട് പറഞ്ഞു.
“ഞാൻ ഒന്ന് കിടക്കട്ടെ. നല്ല ക്ഷീണം. “
“എന്നാ കട്ടിലിൽ കിടന്നോ ! ഈ തുണി ഞാൻ മാറ്റിതരാം. അവളുടെ സാരിയും മറ്റും കിടക്കയിൽ ആണ് അഴിച്ചിട്ടിരുന്നത് അവൾ അത് എടുക്കാനായി തുനിഞ്ഞതും ഞാൻ കിടക്കയിലേക്ക് ചാടി അതിന്റെ മേലേക്ക് വീണു അവൾ കാണെ അവളുടെ സാരി ആഞ്ഞു മണത്തു.
“ഹാ. ഇതിവിടെ കിടന്നോട്ടെ. ഈ മണം എനിക്ക് ഭയങ്കര ഇഷ്ടാ.” ഞാൻ അവളെ ദേഷ്യം പിടിപ്പിക്കാനായി പറഞ്ഞു.
“ഛീ തെണ്ടിത്തരം കാണിക്കല്ലേ കണ്ണാ., അതിങ് തന്നെ..”
അവൾ അതെല്ലാം കൂടെ വലിച്ചെടുത്ത് കയ്യിൽ ചുരുട്ടി പിടിച്ചു ദേഷ്യത്തോടെ എന്റെ വിരൽ ചൂണ്ടി കണ്ണുരുട്ടി പറഞ്ഞു
“പോക്രിത്തരം കാണിച്ചാൽ നിന്റെ കൈ ഞാൻ വെട്ടും”. ഇതും പറഞ്ഞു കൊലുസും കിലുക്കി ചവിട്ടിതുള്ളി പുറത്തേക്ക് പോവുന്നത് കണ്ടപ്പോൾ ഞാൻ അറിയാതെ ദേവി ഭദ്രകാളിയെ ഓർത്തു പോയി
നല്ല ക്ഷീണം കാരണം പെട്ടന്ന് ഞാൻ ഉറക്കത്തിലേക്ക് വഴുതി വീണു.ഇതിനിടയിൽ എപ്പഴോ ഒരു കൊലുസിന്റെ വളരെ പതിഞ്ഞ ശബ്ദം എന്റെ റൂമിലേക്ക് വരുന്നത് പാതി ഉറക്കത്തിൽ കമിഴ്ന്നു കിടന്ന് തല ചെരിച്ചു വെച്ച് കിടക്കുന്ന ഞാൻ അറിഞ്ഞു. ഈശ്വരാ അമ്മു ആണല്ലോ അത് ഞാൻ മനസ്സിൽ ഓർത്തു. ഇനി എന്റെ കൈ വെട്ടാൻ കത്തിയും കൊണ്ട് വന്നതാണോ? ഞാൻ മനസ്സിൽ ഓർത്തു. എന്തും വരട്ടെ എന്നോർത്ത് ഞാൻ കണ്ണടച്ചു കിടന്നു. ആ ശബ്ദം കിടക്കയിൽ എത്തി നിശബ്ദമായത് ഞാൻ അറിഞ്ഞു. ഇപ്പോൾ അവൾ കിടക്കായിൽ ഇരിക്കുകയാണ് എന്നെനിക്ക് മനസ്സിലായി.
എന്നെ നോക്കി ഇരിക്കുകയാവണം. പെട്ടന്ന് അവളുടെ തുടുത്ത ചുണ്ടുകൾ എന്റെ കവിളിൽ ആഴത്തിൽ പതിഞ്ഞു. ലോകം കീഴടക്കിയ സന്തോഷം മനസ്സിൽ പ്രണയത്തിരമാലകൾ ആഞ്ഞടിച്ചു എങ്കിലും ഞാൻ ശ്വാസം പോലും എടുക്കാതെ കിടന്നു.