” എന്താ അച്ചു ഈ കാണിച്ചേ ” കിതാപ്പോടെ എന്നോട് പരിഭവം പറഞ്ഞു.
ഞാൻ അതിന് ഒന്ന് ചിരിക്ക്യ മാത്രം ചെയ്തു. ഇനിയും അവിടെ നിന്നാൽ വേറെ പലതും തോന്നും എന്ന് അറിയാവുന്നത് കൊണ്ട് റൂമിൽ നിന്ന് പുറത്തിറങ്ങി.
പെട്ടെന്ന് എന്റെ കൈയിൽ ഒരു പിടുത്തം വീണു.
” ഇപ്പം പോണോ ” ഗായത്രി എന്നോട് നിഷ്കളങ്കമായി ചോദിച്ചു.
” ഇപ്പം പോയില്ലേൽ എന്റെ കൈന്ന് പോകും ”
” അച്ചു എന്റെ കൂടെ ഇരിക്ക് പ്ലീസ് ” അവളുടെ ആ ആവിശ്യം എനിക്ക് തിരസ്ക്കരിക്കാൻ തോന്നിയില്ല.
ഞാൻ പോയി ബാൽക്കണിൽ ഇരുന്നു അവൾ എന്റെ അടുത്തേക്ക് ഇരുന്നു
” അച്ചു ”
” മ്മ് ”
” അവൾ എന്തിനാ എപ്പഴും നിന്നെ ഒട്ടി ഒട്ടി നടക്കുന്നെ ”
” ആര് ”
” ആവണി ” അത് കേട്ടപ്പോൾ എനിക്ക് ചിരി വന്നു.
” എന്തിനാ ചിരിക്കണേ ” അവൾ കൊഞ്ചിക്കൊണ്ട് എന്നോട് ചോദിച്ചു.
” ഒന്നുല്ല ”
” എന്ന പറ അവൾ എന്തിനാ നിന്നെ ഒട്ടി ഒട്ടി നടക്കുന്നെ. ഞാൻ ഇന്ന് കണ്ടല്ലോ നിങ്ങളുടെ രണ്ടിന്റെയും ഇടക്ക് ഇരിക്കുന്നതും ഉച്ചക്ക് നിന്റെ ഷോൾഡറിൽ ചാരി കിടക്കുന്നതും വൈകുന്നേരം നിന്റെ കൂടെ ബൈക്കിൽ വന്ന് ഇറങ്ങുന്നതും ”
” അതൊക്കെ കണ്ടോ നീ ”
” മ്മ് ”
” ഞാനും അവളുമായിട്ട് ഒന്നും ഇല്ലാ അവൾക്ക് വേറെ ആരെയോ ഇഷ്ടം ആണ് . അത് അവൾ അവനോട് പറഞ്ഞിട്ടില്ല ” അവൾ പിന്നെ ഒന്നും പറഞ്ഞില്ല .
” അല്ല നീ നേരത്തെ ഒരു കാര്യം പറഞ്ഞില്ലേ ”
” എന്ത് ”
“പണ്ട് എന്നോട് തോന്നിയ ഇഷ്ടം എന്നൊക്കെ പറഞ്ഞില്ലേ അത് ”
” അതോ ”
” ആ അത് തന്നെ പറയ് ഞാൻ അറിയട്ടെ അത് എന്താന്ന് ”
” അത് പറയണോ ” അവൾ ദയനിയതയോടെ എന്നോട് ചോദിച്ചു.
” നീ പറയുന്നുണ്ടോ അല്ലെ ഞാൻ എഴുന്നേറ്റ് പോകും ”
” പോവല്ലേ ഞാൻ പറയാം ”
” ന്നാ വേഗം പറയ് ” എന്നെ ആ നെഞ്ചിലേക്ക് കേറ്റിയത് എപ്പഴാണെന്ന് അറിയാൻ ഉള്ള ആകാംഷയിൽ ഞാൻ ചോദിച്ചു…….
തുടരും………….