” അയ്യോ ഇവൻ ചുമ്മാ പറയുന്നതാ ”
” ഹമ്മ് ” ആവണി ഒന്ന് അമർത്തി മൂളി.
” ഇവിടെ നിക്കാണ്ട് വാ മോളിൽ പോയി നോക്കാം ”
ഞങ്ങൾ മൂന്നും നടന്ന് മുകളിൽ കേറി. ലൈബ്രറിയുടെ അകത്തു കയറി. ഒരു ബുക്കും എടുത്ത് അതിന്റെ ഉള്ളിൽ കൂടെ മുഴുവൻ പരതി നടക്കുന്നു. എവിടെ അവനെ കാണാൻ അവസാനം പരാജയം സമ്മതിച്ച് ഞങ്ങൾ മൂന്നുപേരും ക്യാന്റീൻ ലക്ഷ്യമാക്കി നടന്നു. ഞങ്ങൾ മൂന്നും ക്യാന്റീനിൽ കേറി അവിടെ ഇവിടെ ആയിട്ട് കുറച്ച് പേർ ഇരിക്കുന്നു. ഒരു പെൺകുട്ടിയുടെ മുന്നിലായി പരിചയം ഉള്ള ഒരു ഷർട്ട്‌ ഇരിക്കുന്നു.
” ഡാ അത് അവൻ ആണെന്ന് തോന്നുന്നു ” ആവണി എന്നോട് പറഞ്ഞു.
ഞങ്ങൾ മൂന്നു നടന്ന് ആ ഇരിക്കുന്ന രണ്ടുപേരുടെ മുന്നിൽ ഇരുന്ന ഡെസ്കിന്റെ അടുത്ത് എത്തി. അത് അവൻ തന്നെ ആണെന്ന് എനിക്ക് മനസിലായി.
” എടാ അച്ചു അത് ഞാൻ പോയി പരിചയപെട്ട പെണ്ണാ പൂർണ്ണിമ ”
” അടിപൊളി ” ഞങ്ങൾ അവന്റെ പുറകിൽ ചെന്ന് നിന്നു.
” മോനെ ” അവനെ കണ്ടപ്പോൾ അഭി വിളിച്ചു. നിധിൻ തിരിഞ്ഞു നോക്കി.
” ആ ഇതാണോ സാറിന്റെ ഇപ്പം വരൽ ” അവൻ 32 പല്ലുകളും കാട്ടി ചിരിച്ചു.
” ഹൈവാ എന്നാ കിളി ” ഞാൻ പറഞ്ഞു.
” ഏതാടാ ഈ കൊച്ച് ” ആവണി അവനോട് ചോദിച്ചു.
” അത്…….…? ”
” തത്തിക്കളിക്കാണ്ട് പറയടാ ” അഭി പറഞ്ഞു.
” മോന്റെ വെപ്പ്രാളം കണ്ടാൽ അറിയാം കാമുകി ആണെന്ന് ” ഞാൻ പറഞ്ഞു. അവൻ പെട്ടെന്ന് ഞങ്ങളെ മൂന്നിനെ പിടിച്ചോണ്ട് പുറത്തേക്ക് ഇറങ്ങി.
” എന്റെ പൊന്ന് മക്കളെ ഉപദ്രവിക്കരുത് എത്രകാലം പുറകെ നടന്നിട്ട് വീണതാന്ന് അറിയോ ഒറ്റ നിമിഷം കൊണ്ട് ഇല്ലാതെ ആക്കരുത് ”
” അയ്യോടാ പാവം ഞാൻ ഇപ്പം ശെരിയാക്കി തരാം”എന്ന് പറഞ്ഞ് ആവണി ഉള്ളിലേക്കു കേറാൻ തുടങ്ങിയപ്പോൾ അവൻ അവളെ പിടിച്ച് നിർത്തി.
” എന്റെ പൊന്ന് ആവണി എന്ത്‌ വേണേലും തരാം ”
” തരുവോ ”
” ആ തരാം ”
” എന്നാൽ മൂന്ന് ബിരിയാണി ഉച്ചക്ക് “
” ആ തരാം ”
” ന്നാ മക്കള് പോയി സൊള്ളിക്കോ ” അത് കേൾക്കാൻ കാത്തിരുന്നത് പോലെ അവൻ അകത്തേക്ക് ഓടി.
” എന്നാലും അവൻ എങ്ങനെ അവളെ ”
” കണ്ട് പഠിക്ക് ” ആവണി അഭിനെ നോക്കി പറഞ്ഞ്.
” ഓഹോ ”
” ആ ഓഹോ തന്നെ ”
” ബാ നമ്മക്ക് സ്റ്റോൺ ബെഞ്ചിൽ വെല്ലോം പോയി ഇരിക്കാം ഇവിടെ ഇരുന്നിട്ട് എന്നാ കാട്ടനാ ” ഞാൻ അവരേം കൂട്ടി സ്റ്റോൺ ബെഞ്ചിൽ പോയി ഇരുന്നു. മൊത്തം ശുന്യം ആണ് വേറെ ആരും ഇല്ലാ ഞങ്ങൾ മൂന്നും മാത്രം.
” ഡാ അഭി ആ പോകുന്നത് ആരാന്ന് നോക്ക് ” ആവണിനോട് സംസാരിക്കുന്ന എന്നെ വിളിച്ച് അഭി പറഞ്ഞു.
” എവിടെ ”
” ആ സെക്കന്റ്‌ ഫ്ലോറിൽ നോക്ക് ” ഞാൻ അങ്ങോട്ട് നോക്കും ഇവിടേക്ക് തന്നെ നോക്കിക്കൊണ്ട് ഗായത്രി പോകുന്നു.
” അടിപൊളി ”
” അച്ചു ഇത് ഇങ്ങനെ പോയാൽ സീൻ ആകും നീ ഇന്ന് രാത്രി പറഞ്ഞോ അല്ലേൽ നാളെ ചിലപ്പോൾ കൊല നടക്കും ” അഭി എന്നോട് പറഞ്ഞു
” എനിക്കും തോന്നുന്നുണ്ട് ”
” നിങ്ങൾ ഇത് എന്നതാ പറയുന്നേ എനിക്ക് ഒന്നും മനസിലാകുന്നില്ല ”
” എല്ലാം നാളെ പറഞ്ഞു തരാം ” ഞാൻ അവളോട് പറഞ്ഞു.
” എന്നാ വാ പോകാം ബെൽ അടിക്കാൻ ആയി ” ഞങ്ങൾ മൂന്നും നടന്ന് സ്റ്റേർ കേറുബോൾ ബെൽ അടിച്ചു. ഞങ്ങൾ മൂന്നും ക്ലാസ്സിൽ കേറി ബാക്കിൽ ഇരുന്നു.
” ദേ ടാ വരുന്നു കള്ള കാമുകൻ ” അഭി നിധിൻ ക്ലാസ്സിലേക്ക് കേറുന്നത് കണ്ടിട്ട് പറഞ്ഞു.
” വാ മോനെ വാ ” ബെഞ്ചിലേക്ക് ഇരുന്ന അവനോട് ആവണി പറഞ്ഞു.
” നീ ആയിട്ട് പറയുന്നോ അതോ ഞങ്ങൾ പറയിപ്പിക്കണോ ” അഭി അവനോട് പറഞ്ഞു.
” ഞാൻ ആയിട്ട് തന്നെ പറയാം ”
” എന്നാ തുടങ്ങിക്കോ ” അഭി പറഞ്ഞു
” ഹയ്യട അവന്റെ ഒരു ഉഷാർ കണ്ടില്ലേ ” ആവണി പറഞ്ഞു.
” ഞാൻ പത്തിൽ പഠിക്കുമ്പോൾ അവളും ഞാനും വേറെ വേറെ ക്ലാസ്സിൽ ആയിരുന്നു ഞാൻ ഇവളെ കണ്ടിട്ടേ ഇല്ലാ. ഒരു ദിവസം ഞാൻ ലൈബ്രറിയിൽ പോയി ഒരു ബുക്ക്‌ എടുത്ത് ഇറങ്ങി വരുമ്പോൾ ഇവളെ ആദ്യത്തിട്ട് കാണുന്നത് എന്റെ മോനെ . ശെരിക്കും സിനിമയിൽ ഒക്കെ പറയുന്ന പോലെ . എന്റെ നെഞ്ചോക്കെ പട പട ഇടിക്കാൻ തുടങ്ങി ഒറ്റ പ്രാവിശ്യമേ ഞാൻ കണ്ടോള്ളൂ എനിക്ക് എന്നതൊക്കെ തോന്നി എനിക്ക് ഒരു ഐഡിയയും ഇല്ലാ.
അന്ന് വൈകുന്നേരം നടന്ന് പോകുമ്പോഴും ഞാൻ അവളെ കണ്ടു ഇടക് ഒന്ന് തിരിഞ്ഞു നോക്കും അതാ കാണുമ്പോൾ മനസ്സ് എന്താന്ന് ഇല്ലാത്ത ഒരു പ്രേതിക്ഷ തരും അങ്ങനെ ഞങ്ങളുടെ ആർട്സ് ഡേയ്സ്ക്ക് അവളുടെ ഡാൻസ് ഉണ്ടാർന്നു. എന്റെട അത് കണ്ടിട്ട് എന്റെ കിളി പറി അവൾ നല്ല സൂപ്പർ ക്ലാസിക്കൽ ഡാൻസർ ആണ്. അന്ന് എന്റെ മോനെ കുടിയേറിയതാണ് അവൾ. അന്ന് തന്നെ ഞാൻ അവളോട് പറഞ്ഞു എന്റെ ഇഷ്ടം പക്ഷെ ആൾ ഒന്ന് ചിരിക്ക്യ മാത്രം ചെയ്തു. പിന്നെ അവൾ പ്ലസ് ടു ന് സയൻസ് എടുത്തു ഞാൻ കോമേഴ്‌സ് എടുത്തു. എന്നും ഞാൻ അവളുടെ പുറകെ പോകും അവളുടെ വീട് കഴിഞ്ഞിട്ട് കൊറേ പോയാൽ ആണ് എന്റെ വീട്. അവളുടെ അപ്പനും എന്റെ അപ്പനും പരിചയക്കാർ ആണ് ഒരു ദിവസം അവിടേക്ക് പോയപ്പോൾ ആണ് ഞാൻ അറിയുന്നതും പ്ലസ് ടു കഴിയുന്ന വരെ അവൾ പിടി തന്നില്ല. ബട്ട് ഇവിടെ എത്തിയപ്പം ആൾ പിടി തന്നു ”
” അതു ശെരി ഇവിടെ വന്നിട്ട് ആണ് അപ്പം സെറ്റ് ആയത് ” അഭി ചോദിച്ചു
” മ്മ് ” നിധിൻ ഒന്ന് മൂളി.
” നീ ഭയങ്കര ലക്കി ആട . ഒരുപാട് സ്നേഹിക്കുന്ന പെണ്ണിനെ തന്നെ കിട്ടുലോ ” ആവണി പറഞ്ഞു
” അത് പറയാൻ പറ്റില്ലടി അവൾ ഇറങ്ങി വരുവൊന്നും ഇല്ലാ അവൾക്ക് അവളുടെ
വീട്ടുകാർ ആണ് ഏറ്റവും വലുത് അവർ വേണ്ടന്ന് പറഞ്ഞാൽ പിന്നെ ഞാൻ അവളുടെ ലൈഫിൽ ഉണ്ടാകില്ല. പക്ഷെ ഞാൻ ഹാപ്പിയാടാ എന്നെ ഇഷ്ടം ആണെന്ന് പറഞ്ഞല്ലോ ”
” നീ ഒന്ന് സെറ്റ് ആയിട്ട് അവളുടെ വീട്ടിൽ പോയി ചോദിക്ക് അവർ സമ്മതിക്കാതെ ഇരിക്കില്ല. ഞാൻ അല്ലെ പറയുന്നേ ” ആവണി അവളോട് പറഞ്ഞു.
” ഒരു ഹവർ പോയത് അറിഞ്ഞില്ല ഇവന്റെ കഥയിൽ ആയിപ്പോയി ” ഞാൻ അവരോട് പറഞ്ഞു.
” നിങ്ങൾ വാ എന്റെ ചെലവ് വേണ്ടേ ” നിധിൻ ഞങ്ങളോട് പറഞ്ഞു.
” നീ ഒന്ന് പോയെ ചെലവ് ” അഭി പറഞ്ഞു
” ഇതിന്റെ ചെലവ് നിന്റെ കെട്ടിന്റെ അന്ന് തന്നാൽ മതി ” അതും പറഞ്ഞ് ഞാൻ അവന്റെ കഴുത്തിൽ കൈ ഇട്ടു.
” ന്നാ വാ ഫുഡ്‌ കഴിക്കാം ” ആവണി പറഞ്ഞു.
” എന്നാ എടുക്ക് കഴിക്കാം ” അഭി പറഞ്ഞു.
“ഞങ്ങൾ നാലും ഒരുമിച്ച് ഇരുന്നു കഴിച്ചു. കഴിപ്പ് ഒക്കെ കഴിഞ്ഞ് ഞങ്ങൾ നാലും നടക്കാൻ ഇറങ്ങി കോളേജിന്റെ ഒരു മൂലക്ക് ഞങ്ങൾ നാലും പോയിരുന്നു ആവണി എന്നെ പറ്റിച്ചേർന്നാണ് ഇരിക്കുന്നത് .
” നിനക്ക് ബോയ്ഫ്രണ്ട് ഒന്നുമില്ലെടി ” ഞാൻ ആവണിയോട് ചോദിച്ചു.
” എനിക്ക് ഒരാളെ ഇഷ്ടം ആണ് പക്ഷെ ഇതുവരെ പറഞ്ഞിട്ട് ഇല്ലാ ”
” ആരാ കക്ഷി ”
” അതൊക്കെ ഞാൻ അവനോട് പറഞ്ഞിട്ട് പറയാം ” അത് പോരെ അവൾ എന്നോട് പറഞ്ഞു.
ആവണി എന്റെ ഷോൾഡറിൽ ചാരി ഇരുന്നു.
