Related Posts
കഥ വരാൻ വൈകിയതിൽ സോറി കൊറച്ച് ബിസി ആയി പോയി.
” അച്ചു എനിക്ക് നിന്നോട് ഒരു കാര്യം പറയാൻ ഉണ്ട് ”
” ഇനിയും ഇത് പറഞ്ഞില്ലേൽ എന്റെ നെഞ്ച് പൊട്ടിപോകും ” എന്ന് പറഞ്ഞ് അവൾ കരയാൻ തുടങ്ങി….……
ഞാൻ ആകെ എന്ത് പറയണം എന്ന് അറിയാതെ അവളെ തന്നെ നോക്കി നിൽപ്പായി.
” എന്താ നിനക്ക് പറയാൻ ഒള്ളെ ” ഞാൻ എങ്ങനെയോ പറഞ്ഞ് ഒപ്പിച്ചു. അപ്പഴും അവളുടെ കരച്ചിൽ മാത്രമാണ് എനിക്ക് കേൾക്കുന്നുണ്ടായിരുന്നത്. ആ കരച്ചിൽ കേൾക്കുമ്പോൾ വല്ലാത്ത ഒരു ഭാരം മനസിൽ ഉള്ളത് പോലെ ഒരു തോന്നൽ.
” അച്ചു… നിനക്ക്…… നിനക്ക് അറിയോ….. എനിക്ക്…. ”
” നിനക്ക് ” പെട്ടെന്ന് ആകംഷകൊണ്ട് ഞാൻ തിരിച്ചു ചോദിച്ചു. അവൾ എന്റെ മുഖത്തേക്ക് നോക്കി.
” എനിക്ക് നിന്നെ ഒത്തിരി ഒത്തിരി ഇഷ്ടം ആണ്…. എനിക്ക് നീ ഇല്ലാതെ പറ്റില്ല അച്ചു അത്രക്ക്……. അത്രക്ക് ഇഷ്ടം ആണ് ഐ റിയലി ലവ് യു ” അത്രയും പറഞ്ഞ് അവൾ തിരിഞ്ഞ് ഓടി.
ആകെ കിളി പാറിയ ഒരവസ്ഥ .എന്താ ഇപ്പോൾ നടന്നതെന്ന് ഒരു ഐഡിയയും ഇല്ലാതെ ഇരുന്നു. കണ്ണിൽ കാർമേഘം നിറയുന്നു മനസ്സിന്റെ അകത്തളത്തിൽ ഒരു മങ്ങൽ. പതിയെ എഴുന്നേറ്റ് റൂമിൽ പോയി കിടന്നിട്ട് ഉറക്കം വരാത്ത അവസ്ഥ അവൾ പറഞ്ഞ ഓരോ വാക്കുകളും ആണ് മനസ്സിൽ.
നേരം വെളുക്കാൻ കാത്തിരുന്നു. ഉറങ്ങാൻ സാധിക്കാത്തതിനാൽ നേരം വെളുക്കുന്നത് ഞാൻ ആദ്യമായി അറിഞ്ഞു. ക്ലോക്കിൽ നോക്കി സമയം 6 മണി ഫോൺ എടുത്തു അഭിനെ വിളിച്ചു.
‘ ഹലോ ‘
‘ ന്താടാ മൈരേ രാവിലെ മനുഷ്യനെ ഉറങ്ങാനും സമ്മതിക്കില്ലേ ‘
‘ എടാ ഒരു സീൻ ഉണ്ട് ‘
‘ സീനോ….. എന്ത് സീൻ ‘
‘ അതൊക്കെ പറയാം നീ എഴുന്നേൽക്ക് ഞാൻ ഒരു പത്തുപതിനഞ്ചു മിനിറ്റ് കൊണ്ട് വരും വരുമ്പോൾ മൈരേ റെഡി ആയി ഇരുന്നില്ലേൽ നിന്റെ പതിനറാടിയെന്ത്രം നടത്തും ഞാൻ ‘
‘ മ്മ് ‘
‘ ന്ന ഞാൻ വേഗം വരാം ‘
ഞാൻ ഫോൺ വെച്ച് വേഗം ബാത്റൂമിൽ കേറി ഫ്രഷ് ആയി താഴേക്ക് ഇറങ്ങി. താഴേക്ക് ചെല്ലുമ്പോൾ ആന്റി പാലും വാങ്ങി അകത്തേക്ക് കേറലും ഒന്നിച്ചായിരുന്നു.
” നീ ഇത് എങ്ങോട്ടാ അച്ചു ഇത്ര രാവിലെ ”
” ആന്റി എനിക്ക് ഒരു സ്ഥലത്തു പോകാൻ ഇണ്ടായിരുന്നു ”
” അപ്പം ഇന്ന് ക്ലാസ്സിൽ പോകുന്നില്ലേ ”
” ഇല്ലാന്റി ”
” സൂക്ഷിച്ചു പോണം ട്ടോ. പിന്നെ മറ്റേ കൊച്ച് ഇല്ലേ ”
” ആ അവനും ഉണ്ട് ”
” ഹാ ന്ന പോക്കോ…… അല്ല നീ ഒന്നും കഴിച്ചില്ലല്ലോ ”
” ഒന്നും വേണ്ടാന്റി കഴിക്കാൻ നിക്കുവാണേൽ വൈകും “
” മ്മ്മ് ” ഞാൻ വേഗം പുറത്തേക്ക് ഇറങ്ങി. ബൈക്ക് സ്റ്റാർട്ട് ചെയ്യത് ഗേറ്റിലേക്ക് പോയി. ഗേറ്റ് കടന്ന് പുറത്തേക്ക് ഇറങ്ങിയപ്പോൾ ഞാൻ ഗ്ലാസ്സിലൂടെ വീടിന്റെ ഉമ്മറത്തേക്ക് നോക്കി. ഓടി വരുന്ന ഗായത്രിനെയാണ് കണ്ടത്. ഗേറ്റ് കടന്ന് റോഡിലേക്ക് ഇറങ്ങി വേഗം വണ്ടി എടുത്തു പോയി.
മനസ്സ് അസ്വസ്ഥമായിരുന്നത് കൊണ്ട് ദൂരങ്ങൾ കടന്ന് പോയത് അറിഞ്ഞില്ല. ഞാൻ വേഗം തന്നെ അഭിയുടെ അടുത്ത് എത്തി. ഞാൻ വേഗം തന്നെ അവനെയും കേറ്റി വണ്ടി എടുത്തു. അവൻ ആണേൽ എന്നോട് ഒന്നും ചോദിക്കുന്നുമില്ല.
പെട്ടെന്ന് പോക്കറ്റിൽ കിടന്ന് ഫോൺ അടിക്കാൻ തുടങ്ങി. ഞാൻ ഒരു കൈകൊണ്ട് ഫോൺ എടുത്തു ഡിസ്പ്ലേയിൽ തെളിഞ്ഞ പേര് കണ്ടപ്പോൾ എന്റെ കൈയിൽ നിന്നും വണ്ടി ഒന്ന് പാളി.
” നീ മനുഷ്യനെ കൊല്ലുമോ മൈരേ ” ഞാൻ ബൈക്ക് വേഗം സൈഡിലേക്ക് നിർത്തി.
” എന്തടാ പ്രശ്നം ”
” എടാ എനിക്ക് എന്തോ ഒരു അവസ്ഥ പോലെ നീ വണ്ടി എടുക്ക് ” ഞാൻ അവനോട് പറഞ്ഞു അവൻ ഒന്ന് മൂളിക്കൊണ്ട് വണ്ടിയിൽ കേറി സ്റ്റാർട്ട് ചെയ്തു. ഞാൻ അവന്റെ പുറകിൽ കേറി അവൻ വണ്ടി മുൻപോട്ട് എടുത്തു. ഞാൻ ഫോൺ ഓഫ് ചെയ്തു.
” ടാ എങ്ങോട്ടാ പോകുവാ ” അവൻ വണ്ടി ഓടിക്കുന്നതിന്റെ ഇടക്ക് എന്നോട് ചോദിച്ചു.
” എടാ നീ അധികം ആരും വരാത്ത ഏതേലും സ്ഥലത്തേക്ക് പോ ”
പിന്നെ ഒന്നും മിണ്ടില അവൻ വണ്ടി ഓടിക്കാൻ തുടങ്ങി. ഒരു നിമിഷം എന്റെ ചിന്തകൾ ഇന്നലെ രാത്രിയിലേക്ക് പോയി. ഗായത്രി ഇന്നലെ പറഞ്ഞ വാക്കുകൾ ആണ് മനസ്സ് നിറയെ . ഇതായിരുന്നോ അവൾ എന്നോട് അത്ര അടുപ്പം കാണിച്ചത്. ഇതായിരുന്നോ അവളുടെ മനസ്സ് നിറയെ……