” ഓസിക്ക് ആണെന്ന് വിചാരിച്ചോ നീ നല്ല പൈസ വേണം മോനെ ഞാൻ എന്താ ഇവിടെ വെല്ല സേവനം നടത്തുവാണെന്ന് ആണോ നീ കരുതിയെ. ഈ വാങ്ങിയ കുപ്പിന്റെ പൈസ വരെ വാങ്ങിട്ടെ നിന്നെ ഞാൻ ഇവിടുന്ന് വിടുന്നൊള്ളു ”
” വെല്ല കാര്യം ഉണ്ടാർന്നോ “ഞാൻ അഭിനെ നോക്കി പറഞ്ഞു.
” ഇല്ലാർന്നു ”
” വാ റൂമിൽ പോയി അടിക്കാം ” ഞങ്ങൾ റൂം തുറന്ന് അകത്തു കേറി അഖി വന്നത് ഫുൾ സെറ്റ് അപ്പ്‌ ആയിട്ട് ആണ്. വെള്ളം അടി സ്ഥിരം കലാപരുപടിയല്ല . ആദ്യമായിട്ട് തൊടുന്നത് പ്ലസ് ടു ടൂറിനു പോകുമ്പോൾ ആണ് . അതും ഏതോ ഒരു ചാത്തൻ സാധനം എന്തോ ഭാഗ്യം കൊണ്ട് വാള് വെച്ചില്ല.
” നീ എന്താടാ അച്ചു ആലോചിക്കുന്നേ ”
” നമ്മടെ ആദ്യത്തെ വെള്ളമടി ആലോചിച്ചതാ ”
” എന്റെ പൊന്ന് അച്ചു ഓർമിപ്പിക്കല്ലേ ”
” അതെന്താടാ അഭി അങ്ങനെ പറഞ്ഞെ ”
” അതോ ഈ വേട്ടാവളിയൻ വെള്ളം അടിച്ച് വാള് വെച്ച് അലമ്പ് ആക്കി ബാത്രൂം ഫുൾ ഈ മൈരേൻ വാള് വെച്ച് കൊളമാക്കി ”
” എന്നിട്ട്”
” എന്നിട്ടോ ഞാൻ ആ റൂം മുഴുവൻ കഴുകി ക്ലീൻ ആക്കി ഒരു സ്മെൽ പോലും ഇല്ലാതെ ആക്കി അല്ലേൽ അന്നെ ഉണ്ട കുടുങ്ങിയേനെ ” എന്നിട്ട് അഖിൽ അഭിനെ നോക്കി.
” എടാ അത് അന്ന് ആദ്യം ആയത് കൊണ്ടാണ് വാള് വെച്ചത്. പിന്നെ സാധനം കൊറച്ച് ലോക്കൽ ആർന്നു”
” പിന്നെ ഇനി അങ്ങനെ പറഞ്ഞാൽ മതിയാല്ലോ ” ഞാൻ അഭി നോക്കി കളിയാക്കി.
” നീ ഓവർ ചെലക്കണ്ട ” ഞാൻ അഭിനെ നോക്കി.
” എടാ അഖിലേ നിനക്ക് അറിയോ ഈ മാങ്ങാണ്ടി മോറാൻ ഉണ്ടല്ലോ ”
” ഇവൻ ”
” ഞാൻ ” ഞാനും അഖിലും അഭിനെ നോക്കി ചോദിച്ചു.
” അത് ” അഭി പറഞ്ഞു.
” ഞാൻ എന്തയാലും നിന്നെ പോലെ വെള്ളമടിച്ച് വൾ വെച്ചിട്ടില്ല ”
” എന്റെ പൊന്നെ ഒന്നുല്ല “
” അങ്ങനെ പറയ് ” ഞാൻ അഭി നോക്കി പറഞ്ഞു.
” രണ്ടും പറഞ്ഞു തീർന്നെങ്കിൽ ഞാൻ ഇത് പൊട്ടിച്ചോട്ടെ ” അഖിൽ ഞങ്ങളെ നോക്കി പറഞ്ഞു.
” നീ പൊട്ടിക്ക് ” അഖി ജോണി വാൾക്കർ പൊട്ടിച്ച് മൂന്ന് ഗ്ലാസ്സിലേക്കും ഒഴിച്ചു. എന്നിട്ട് കവർ തുറന്ന് ബീഫ് ഡ്രൈഫ്രയും സോഡായും എടുത്തു. ഞാൻ ഒരു ചീഴ്സ് പറഞ്ഞു സാധനം ഒറ്റ അടിക്ക് അങ്ങ് കുടിച്ചു എന്നിട്ട് ഒരു ബീഫിന്റെ കഷ്ണം എടുത്ത് വായിൽ വെച്ചു.
പിന്നെയും ഒരു പെഗ് കൂടെ എടുത്ത് അടിച്ചു ഇപ്പോൾ ഒരു സുഖം ഒക്കെ തോന്നി തുടങ്ങി
കള്ള് ഉള്ളിലേക്ക് ചെന്നപ്പോൾ എന്റെ ഉള്ള് ഒന്ന് വിങ്ങി പണ്ട് ഒരുത്തിക്ക് വേണ്ടി വേണ്ടെന്ന് വെച്ചതാണ് വല്ലപ്പോഴും ഉള്ള ഈ വെള്ളമടി പോലും. അവളെ കുറിച്ച് ആലോചിക്കുമ്പോൾ നെഞ്ചിൽ ആരോ കത്തി വെച്ച് കുത്തുന്ന ഒരു വേദന ആണ്.
” ടാ അച്ചു ന്നാ അടുത്തത് പിടി ” അഖി പറഞ്ഞു .
” മതി മതി അവന് കൊടുത്തത് മതി ” അഖി പറഞ്ഞതിന്റെ പുറകെ അഭി പറഞ്ഞു.
” ടാ ഒന്നുടെ ” ഞാൻ അഭിനോട് പറഞ്ഞു.
“ഓവർ ആവണ്ട അമ്മ എന്നെ വിശ്വസിച്ചാ നിന്നെ എന്റെ കൂടെ വിടുന്നത് ”
” നിനക്ക് എന്നെ അറിഞ്ഞുടെ അഭി ” ഞാൻ അതു പറഞ്ഞ് ഒരു പെഗ് എടുത്ത് വായിലേക്ക് ഒഴിച്ചു. എന്നിട്ട് ഞാൻ റൂമിന്റെ ഫ്രണ്ടിൽ ഉള്ള ചെയറിൽ പോയി ഇരുന്നു എന്നിട്ട് പോക്കറ്റിൽ നിന്നും ഫോൺ എടുത്തു. ഓൺ ആക്കി രവിലെ പോന്നപ്പോൾ ഓഫ്‌ ആക്കിയത് ആണ്.
ഓൺ ആക്കിയപ്പഴേ ചറ പറ നോട്ടിഫിക്കേഷൻസ് വന്നു. നോക്കുമ്പോൾ ഗായത്രിയുടെ കൊറേ മെസ്സേജ് വന്നു നെറ്റ് ഓൺ ആക്കിയപ്പഴും ഇത് തന്നെ അവസ്ഥ. ഇവൾക്ക് വേറെ പണി ഒന്നും ഇല്ലേ.
പെട്ടെന്ന് കൈയിൽ ഇരുന്ന് ഫോൺ അടിക്കാൻ തുടങ്ങി ഡിസ്പ്ലേയിൽ പേര് തെളിഞ്ഞു. ””ഗായത്രി””
ഫോൺ എടുത്താൽ എന്ത് പറയും എന്ന അവസ്ഥയിലായി ഞാൻ . ഫോൺ ഫുൾ റിങ് അടിച്ച് കട്ട്‌ ആയി പിന്നെയും അടിക്കാൻ തുടങ്ങി. രണ്ടും കല്പിച്ച് ഞാൻ കോൾ അറ്റൻഡ് ചെയ്തു.
‘ഹാ ഹാ ഹലോ ‘ ആ ചോദ്യം കേട്ടപ്പഴേ എനിക്ക് മനസിലായി എന്നെ കാണാത്തത്തിൽ ഉള്ള വേവലാതി ആണെന്ന്.
‘മ്മ് ‘ അവളെ വട്ട് കളിപ്പിക്കാം എന്ന കരുതി ഞാൻ ഒന്ന് മൂളി.
‘ അച്ചു എവിടെയാ ‘
‘ ഞാൻ ഇവിടെയൊക്കെ ഉണ്ട് ‘
‘ അതല്ല നീ എവിടെയാ പോയതാന്ന് ‘
‘ വയനാട് ‘
‘ അവിടെ എന്താ അച്ചു എന്നെ ഇഷ്ടം അല്ലേൽ അത് പറഞ്ഞാൽ പോരെ നീ എന്തിനാ അങ്ങോട്ട് ഒക്കെ പോയെ ‘ അവളുടെ സംസാരത്തിന്റെ സ്വരം മാറുന്നതായി എനിക്ക് തോന്നി.
‘ അതൊന്നും അല്ല ഞാൻ എന്റെ ഫ്രണ്ടിനെ കാണാൻ വന്നതാണ് അല്ലാതെ നീ പറഞ്ഞത് കൊണ്ട് അല്ല. ഞാൻ ഫോൺ വെക്കുവാ ശെരി എന്നാ ‘ അപ്പറത്തു നിന്നും ഒരു മറുപടി കേൾക്കുന്നതിന് മുൻപേ ഫോൺ വെച്ചു എന്നിട്ട് അകത്തേക്ക് കേറി.
അഭി ആണേൽ ചെയറിൽ എന്തോ ഒരു കോലത്തിൽ ഇരിക്കുന്നു. അഖിയും ഏകദേശം അതെ അവസ്ഥയിൽ തന്നെ
ഞാൻ ബോട്ടിൽ കൈയിൽ എടുത്തു .
” എനിക്ക് ഒരെണ്ണം ഒഴി…….. ” നാവ് കുഴഞ്ഞു കൊണ്ട് അഭി എന്നോട് പറഞ്ഞു .
” മിണ്ടാണ്ട് ഇരുന്നില്ലേൽ നിന്റെ തല ഞാൻ തല്ലിപ്പൊട്ടിക്കും മൈരേ ” പിന്നെ ഒന്നും മിണ്ടാതെ ആൾ ആ കസാരയിൽ ചുരുണ്ടു കൂടി.
” ഡാ അഖി ” ഞാൻ അഖിൽ നെ തട്ടി വിളിച്ചു.
” മ്മ് ”
” നീ പോകുന്നുണ്ടോ അതോ ഇവിടെ കൂടുന്നോ ”
” ഹാ പോണം നീ ഒന്ന് എന്നെ റിസപ്ഷനിലേക്ക് ആക്കിത എന്റെ റൂം അവിടെയ ” ഞാൻ അവനെയും പിടിച്ച് അവന്റെ റൂമിൽ ആക്കി തിരികെ വന്ന് റൂമിൽ കേറി കിടക്കാൻ നോക്കുമ്പോൾ ദേ അഭി അതെ കിടപ്പ് ആണ് കസാരയിൽ.
” ടാ എണിറ്റു പോയി കട്ടിലിൽ കിടക്ക് ” അവൻ ഒരു മറുപടിയും ഇല്ലാതെ ഒരേ കിടപ്പ് ആണ്. അവസാനം ഞാൻ അവനെ ചുമന്ന് കട്ടിലിൽ കിടത്തി ഞാനും കൂടെ കേറി കിടന്നു…….
പിറ്റേന്ന് ഞാൻ കുറച്ചു നേരത്തെ എഴുന്നേറ്റു. രാവിലെ എഴുന്നേറ്റപ്പോൾ തന്നെ എനിക്ക് അവളെ കാണാണം പോലെ തോന്നി.
” ഡാ അഭി ” ഉറങ്ങി കിടക്കുന്ന അഭിനെ ഞാൻ തട്ടി വിളിച്ചു.
” എന്തടാ ” ഉറക്ക ചടവോടെ അവൻ എന്നോട് ചോദിച്ചു…..
” പോവണ്ടേ ”
” എങ്ങോട്ടാ ”
” നിന്റെ…….. ഞാൻ പറയുന്നില്ല ” പറയാൻ വന്നത് നിർത്തി കൊണ്ട് ഞാൻ അവനോട് പറഞ്ഞ്.
” എന്നാ മാങ്ങയ ”
” എന്റെ പൊന്ന് വെള്ളി വീട്ടിൽ പോണ്ടേ ” ഞാൻ അവനോട് പറഞ്ഞു.
” ഓ അതാണോ ”
” എടാ ക്ലാസ്സിൽ പോണ്ടേ ലീവ് ആക്കി ലീവ് ആക്കി നീ എന്നെ കൊണ്ട് കൻഡോനേഷൻ അടപ്പിക്കുവാ ”
” അവന്റെ ഒരു കോപ്പ് ”
” എടാ നാറി ഇപ്പം പോയാൽ ഒരു 9 മണിക്ക് മുൻപ് വീട് പിടിക്കാം എന്നിട്ട് ക്ലാസ്സിലും പോകാം ”
” എടാ തണുപ്പ് ആയിരിക്കും ”
” ഒരു മൈരും ഇല്ലാ മര്യാദക്ക് എഴുന്നേറ്റോ അല്ലേൽ വെള്ളം കോരി ഒഴിക്കും ഞാൻ ”
” വേണ്ട നല്ല മോൻ എന്താ അനുസരണ ” അവനേം കുത്തിപ്പൊക്കി ബില്ലും അടച്ച് ഞാൻ വണ്ടി എടുത്തു. നേരം വെളുക്കുന്നതേ ഒള്ളു ഫുൾ കോടാമഞ്ഞ്. നേരെ കല്പറ്റക്ക് വെച്ച് പിടിച്ചു കോടയും അറിയാത്ത വഴിയും കല്പറ്റ എത്തിയപ്പോൾ തന്നെ കുറച്ച് വൈകി.
” വയനാട് മുഴുവൻ വളഞ്ഞ പുളഞ്ഞ വഴിയാ നോക്കി പോയില്ലേൽ വെല്ല കണ്ടത്തിലും കിടക്കും ” ബൈക്കിന്റെ ബാക്കിൽ ഇരുന്ന അഭി പറഞ്ഞു.
