”എന്താ ആദി ഞാൻ പോവണ്ടേ…?
വീണ്ടുമൊരു മറുചോദ്യം…..പ്രതീക്ഷിച്ചില്ല അത്….എന്ത് പറയും….ഹ്മ്മ്….ഇത് തന്നെ പറ്റിയ അവസരം
“ചാരു എനിക്കൊരു കാര്യം പറയാനുണ്ടായിരുന്നു…”
അന്നാദ്യമായി ഞാനവളെ യാതൊരു പേടിയും കൂടാതെ ചാരുവെന്ന് വിളിച്ചു…ഇതിനൊക്കെയുള്ള ധൈര്യം എനിക്കാ നിമിഷം എവിടെ നിന്നായിരുന്നെന്ന കാര്യം ഇന്നും ആക്ഞാതമാണ്….
“പറയ് ആദി…എന്താണ് തനിക്ക് പറയാനുള്ളത്…?
പടച്ചോനെ പെട്ടു….i love you എന്ന് പറഞ്ഞാലോ…അല്ലെങ്കിൽ മലയാളത്തിൽ പറയണോ……ഈശ്വരാ ഞാനിപ്പോ എന്തോ ചെയ്യും…വല്യ കാര്യത്തിൽ പറയാൻ ഉണ്ടെന്നും പറഞ്ഞു പോയി
”അത് മിസ്സേ…എനിക്ക്….അത്….“
ഞാൻ കിടന്ന് തപ്പികളിക്കുന്നത് കണ്ടാണോ അതോ എന്റെ അവസ്ഥ കണ്ടു പാവം തോന്നിയിട്ട് ആണൊന്നും അറിയില്ല…അവളെന്നോടൊരു ചോദ്യം ചോദിച്ചു
”ആദി…ഇതൊക്കെ പോസ്സിബിൾ ആണോ….ഞാനുമീ പ്രായം കഴിഞ്ഞു വന്നത് കൊണ്ട് ചോദിക്കുവാ….വെറുമൊരു അട്ട്രാക്ഷൻ മാത്രമാണെങ്കിൽ….?
–ബീപ്പ് ബീപ്പ് ബീപ്പ്——-
അതും പറഞ്ഞാ കാൾ അവസാനിച്ചു…………ചാരു…..അവൾക്ക് അറിയാമായിരുന്നു എന്റെയോരോ നോട്ടത്തിലും എനിക്കവളോട് തോന്നിയ ഇഷ്ടത്തേ….ഞാൻ പറഞ്ഞില്ലെങ്കിലും എന്റെ കണ്ണുകളത് അവളോട് വിളിച്ചു പറഞ്ഞുകൊണ്ടിരുന്നു…അതുകൊണ്ടാണോ ഇന്ന് ഓഫീസിൽ വച്ചവളെന്റെ കണ്ണുകളിലേക്ക് നോക്കാൻ ഭയപ്പെട്ടത്…..പിടിതരാത്ത ഒരായിരം ചോദ്യങ്ങൾ എന്നിലേക്ക് വന്നു
“പക്ഷെ അവളെ മറക്കാൻ എനിക്ക് പറ്റുകേല…..അതുറപ്പാ…..കൊല്ലമിത്രയും കഴിഞ്ഞു എന്നിട്ടും വേറൊരു പെണ്ണിനോടും തോന്നാത്തയൊരിഷ്ട്ടമാ അവളോട് തോന്നിയത്….അതൊക്കെ വെറും അട്ട്രാക്ഷൻ കൊണ്ടാണോ…..അല്ല….ശെരിക്കും ഇഷ്ടം ആയത് കൊണ്ടാ…..”
ഞാൻ എന്നോട് തന്നെ പറഞ്ഞുകൊണ്ട് വീട്ടിലേക്ക് നടന്നു…ഇനിയിപ്പോ മേലും കീഴും നോക്കാനില്ല….ആദ്യത്തെയാ പേടിയും പോയി…..
“അമ്മാ……!!!!
വീട്ടിലേക്ക് കയറി ചെന്നതും ഞാൻ അലറി വിളിച്ചു…….പെട്ടന്ന് എവിടെനിന്നോ അമ്മയോടി വന്നു
”എന്നതാടാ…?
ദേവിയെ എന്റെ ദേവീകാമ്മ ചൂലും പിടിച്ചാണല്ലോ വന്നേക്കണത്
“എന്തിനാടാ ചെറക്ക നീയിങ്ങനെ നിന്ന് തൊള്ള പൊളിക്കണത്…”
ചൂലിന്ററ്റം മറുകയ്യിൽ കുത്തി കൊണ്ടമ്മ ചോദിച്ചു
“അമ്മയിങ് വന്നേ ഒരു കാര്യം ചോദിക്കാനുണ്ട്…ആ ചൂലും കൊണ്ട് വരല്ലേ….”
അതും പറഞ്ഞു ഞാൻ സോഫയിലിരുന്നു…..പതിവില്ലാത്തയുള്ള എന്റെയീ ഷോ മുഴുവൻ കണ്ടിട്ടമ്മ ഒരു സംശയ നോട്ടത്തോടെ ചൂലും കളഞ്ഞിട്ട് എന്റടുത്തു വന്നിരുന്നു
“എന്താടാ പറയാൻ ഉള്ളെ…?
എന്റടുത്തു വന്നിരുന്നു മുടിയിലൂടെ വിരലോടിച്ചു കൊണ്ടമ്മ ചോദിച്ചു
”അമ്മ ഞാൻ സീരിയസ് ആയിട്ടൊരു കാര്യം ചോദിക്കാം….ഇപ്പോളത്തെ കാര്യമല്ല…എനിക്ക് കൊറച്ചു കൂടി പ്രായമായിട്ട് സ്വന്തം കാലിൽ നിന്നൊരു ജോലി ഒക്കെ ആയിട്ട് നടക്കുന്നൊരു കാര്യമാ….അപ്പോ ഞാൻ ഇപ്പോളെ ഒന്ന് അഭിപ്രായം ചോദിക്കുന്നന്നെ ഉള്ളു…“
വളരെ വിധക്തമായി എല്ലാ പഴുതുകളുമടച്ചു ഞാൻ ചോദിച്ചു
”നീ കാര്യം തെളിയിച്ചു പറ കുട്ടാ…“
അമ്മക്കും ഞാനെന്താ പറയാൻ പോണതെന്ന് കേൾക്കാനുള്ള ആകാംഷ കൂടി
”ഒന്നുമില്ല അമ്മ…അമ്മക്ക് ഓരോ ആഗ്രഹങ്ങൾ കാണില്ലേ ഞാൻ കല്യാണം കഴിച്ചു കൊണ്ടു വരുന്ന കുട്ടി എങ്ങനെ ആവണമെന്ന്…?
“ഹാഹാ…..ഹഹആആ…..”“”“”
മറുപടി പ്രതീക്ഷിച്ചിടത്തു നല്ലൊരു പൊട്ടിച്ചിരിയാണ് എന്റമ്മയെനിക്ക് തന്നത്….
“ദേ തള്ളേ ചുമ്മാ കിണിച്ചോണ്ട് ഇരിക്കാതെ ഞാൻ ചോദിച്ചതിന് ഉത്തരം താ…?
ചെറുതായി ദേഷ്യം വന്ന ഞാൻ പറഞ്ഞു
അത് കണ്ടിട്ടാണെന്ന് തോന്നുന്നു അമ്മ ചിരി നിർത്തി താടിയിലും കൈ കുത്തി വല്ലാത്തൊരു ആലോചനയിലേക്ക് കടന്നു
ദൈവമേ പണിയായോ…..പേടിയോടെ നോക്കിയിരുന്ന എന്നെ ഞെട്ടിച്ചു കൊണ്ടമ്മ ഒരു ചിരിയോടെ സോഫയിൽ നിന്നെണീറ്റു….