ഇത് ചുമ്മാ കേരളത്തിൽ ഇരുന്നു കേരള സർക്കാരിനെ തെറി വിളിക്കുന്ന ഹൈ ക്കോടതിയെ പോലെ ഉള്ളിൽ കേറിയിരുന്നു എന്നെ ചൊറിയുന്നു.ബ്ലഡി ഫൂൾ…
ഇന്നിനി പ്രത്യേകിച്ച് പണിയൊന്നുമില്ല, താഴേക്കു പോയാലോ? ചുമ്മാ സമീറയോട് കത്തി വയ്ക്കാം. ഇവിടെ കുത്തിയിരിക്കുന്നതിലും ഭേദമല്ലേ..
താഴേക്ക് ഇറങ്ങി, കടയിൽ മൂന്നു നാലു കസ്റ്റമർസ് ഉണ്ട്. കോട്ടയം, പത്തനം തിട്ട ഭാഗത്തു നിന്ന് ഉള്ളവരാണ്. രാവിലെ പർച്ചെസിനെത്തും, ഇവിടെ സാധനം ഒക്കെ സെലക്ട് ചെയ്തു കൊടുത്തു, ബാക്കിയുള്ള സാധനങ്ങൾ എടുക്കാൻ പോകും, അവർ വരുമ്പോഴേക്കും നമ്മൾ എല്ലാം ബില്ല് ചെയ്തു പാക്ക് ചെയ്തു വച്ചേക്കും.
ബില്ല് തന്നെ രണ്ടാണ്, ഒന്ന് ചെക്കിങ് വല്ലതും ഉണ്ടായാൽ കാണിക്കാൻ മറ്റേതു പർച്ചേസ് ചെയ്ത സാധങ്ങളുടെ ശരിയായ വിലയുള്ള, ഐറ്റം നമ്പർ ഉള്ള ബില്ല്.
നേരിട്ട് വന്നു സ്വന്തം വണ്ടിയിൽ സാധനം കൊണ്ടു പോകുന്നവർ തിരിച്ചു ചെക്കിങ് ഒന്നും ഇല്ലാതെ കടയിൽ എത്തിയാൽ അവരുടെ വാറ്റ് ബില്ല് ക്യാൻസൽ ചെയ്തു കൊടുക്കും. അപ്പോൾ ടാക്സ് ഒഴിവാകും. ഇങ്ങനെ ചില ചില്ലറ ഉടായിപ്പ് വഴികളൊക്കെയുണ്ട് കച്ചവടം പിടിക്കാൻ.
ഈ രണ്ടു ബില്ലിംഗ് പണ്ടും ഉണ്ടായിരുന്നു. നാല് ലക്ഷത്തിന്റെ പർച്ചെസിനു ഒന്നൊന്നര ലക്ഷത്തിന്റെ ബില്ല് കൊടുക്കും. ഞാൻ വന്നതിനു ശേഷമാണു എന്റെ റിസ്കിൽ ആവശ്യക്കാർക്ക് ബില്ല് ക്യാൻസൽ ചെയ്തു കൊടുക്കാൻ തുടങ്ങിയത്. അതിനു ശേഷം ഒന്ന് – രണ്ടു ലക്ഷത്തിനൊക്കെ സാധനമെടുക്കുന്ന ഇടത്തരം കച്ചവടക്കാരുടെ ബിസിനസ് കൂടുതൽ കിട്ടാൻ തുടങ്ങി.
ഇതിനൊക്കെ ഇക്ക മാന്യമായ ഇൻസെന്റീവ് തരുന്നുണ്ട് 🥰. ഇങ്ങനെ കുറേ വളഞ്ഞ വഴികൾ വളരെ സിംപിൾ ആയി ഞാൻ ചെയ്യാറുണ്ട്. ഒരു കാര്യം ആരെങ്കിലും പറഞ്ഞാൽ എനിക്ക് അത് ഇങ്ങനെയും ചെയ്യാൻ പറ്റുമല്ലോ എന്ന് തോന്നും. ഇതാണ് പിതാജി അടുപ്പിക്കാത്തത്. എന്റെ കയ്യിലിരുപ്പ് എന്നേക്കാൾ നന്നായി പുള്ളിക്കറിയാം 😂.
സമീറയെ കാണാത്ത കൊണ്ട് ഞാൻ കസ്റ്റമേഴ്സിൽ പരിചയം ഉള്ളവരോട് പരിചയം പുതുക്കിയും, അല്ലാത്തവരെ ചിരിച്ചു കാണിച്ചും അതിനിടയിലൂടെ നടന്നു.
അപ്പോഴാണ് അച്ചു ഒരു ചേച്ചിയേം കൊണ്ട് വരുന്നത് കണ്ടത്. കാഴ്ച്ചയിൽ ഒരു 30 ന് മുകളിൽ പ്രായം തോന്നുന്നില്ല. നല്ല വെളുത്ത നിറം. സാരിയാണ് വേഷം. ഒരു ഡാർക്ക് ബ്ലൂ പ്രിന്റേഡ്ഡ് സാരിയാണ്. അതിന്റെ ബോർഡർ ഡിസൈൻ ഉള്ള സെയിം കളർ ബ്ലൗസ്.
അധികം വണ്ണമില്ല, ഓവൽ ഷേപ്പുള്ള മുഖം കാണാൻ ഒരു ചന്തമൊക്കെയുണ്ട്. ആ മൂക്കിൽ ഒരു മൂക്കുത്തിയുണ്ട്, കഴുത്തിൽ ഒരു ഡിസൈനർ മാല പക്ഷേ ഗോൾഡല്ല, കാതിൽ ചെറിയ രണ്ടു ജിമിക്കികൾ, കൈകളിൽ വളകൾ..
അവൻ പറയുന്നതെന്തോ കേട്ട് പൊട്ടിച്ചിരിക്കുന്നുണ്ട് കക്ഷി. ആൾക്ക് അവനെക്കാളും സ്വല്പം പൊക്ക കൂടുതലുണ്ട്.
നോക്കി നിൽക്കേ അവൻ അവളെയും കൊണ്ട് അകത്തേക്ക് കേറി വന്നു. എന്നെക്കണ്ടതും നേരെ എന്റെ അടുത്തെത്തി.
“ആ ചേട്ടായി, ഇത് നമ്മുടെ ഒരു സ്ഥിരം കസ്റ്റമറാണ് ആനി ചേച്ചി.”
പേര് പറഞ്ഞപ്പോൾ ആരും കാണാതെയവൻ ഒന്ന് കണ്ണിറുക്കി.
ഓഹ്ഹ് അപ്പോൾ ഇതാണ് ആനി ചേച്ചി. ഇപ്പോഴല്ലേ ആശാന്റെ ശുഷ്കാന്തിടെ കാര്യം മനസ്സിലായത്.
ഞാൻ അവരെ ചിരിച്ചു കാണിച്ചു. അവരുമൊന്ന് ചിരിച്ചു.
“ചേച്ചിക്ക് അവിടെ ഒന്നും ഇഷ്ടപ്പെട്ടില്ല, അതാ ഞാൻ ഇങ്ങോട്ട് കൊണ്ടു വന്നത്. ഇവിടെയാകുമ്പോൾ നോക്കിയെടുക്കാവല്ലോ “.
“അതിനെന്താ…അനൂപേ ഇതൊന്ന് നോക്കിക്കേ” ഞാൻ തിരിഞ്ഞു അവിടെ ഫ്രീ ആയി നിന്ന ഒരാളെ വിളിച്ചു.
“ഹേയ് ആരെയും വിളിക്കണ്ട ഞാൻ കാണിച്ചോളാം, ഞങ്ങടെ സ്വന്തം കസ്റ്റമർ ആണ്. ” അച്ചു ഇടയിൽക്കേറി പറഞ്ഞു.
കള്ള ബഡുവ എന്തൊരുത്മാർതദ്ധത…
“ശരി.. എന്നാ കൊണ്ട്പോയി കാണിക്ക് ” ഞാൻ അച്ചുവിനെ നോക്കി തലയാട്ടിക്കൊണ്ട് പറഞ്ഞു.
അവരങ്ങോട്ട് പോയി. ഞാൻ ആനിയെ നോക്കി, ഒതുങ്ങിയ അരക്കെട്ടും, അധികം വലിപ്പമില്ലാത്ത നിതംബംവും.കൊള്ളാം അച്ചുവിന്റെ യോഗം.
“പതുക്കെ നോക്കെടാ, ആ പെണ്ണ് ഒരുകി പോകും ” കാതിൽ ആരോ പറഞ്ഞു. ഞാൻ പെട്ടെന്ന് തിരിഞ്ഞു നോക്കി.
സമീറ ചിരിച്ചോണ്ട് പിന്നിൽ നിൽക്കുന്നു. ഇവളിതെവിടുന്നു വന്നു. ഷേയ്യ് ആനിയെ നോക്കിയത് അവള് കണ്ടു.. ഞാൻ ഒന്ന് ചമ്മി.
“മോൻ ഇപ്പോൾ കസ്റ്റമെഴ്സിനെയും വായിനോക്കാൻ തുടങ്ങിയോ? അയ്യേ മോശം മോശം..” അവൾ കിട്ടിയ അവസരം മുതലാക്കുകയാണ്.
“അയ്യേ പോടീ… ഞാൻ അച്ചുനെ നോക്കിയതാ.. അത് ഉണ്ടല്ലോ ആ ചേച്ചി…”
“മതി മതി ഇനി കിടന്നു ഉരുളണ്ട. ഞാൻ കണ്ടു.” അവൾ കൈ കൊണ്ടു ഒന്നും കേൾക്കണ്ട എന്ന് ചെവി പൊത്തി ആഗ്യം കാണിച്ചു..
“ഓഹ് ഇന്ന് എല്ലാവരോടും പറയാൻ ഒരു കഥയായി ” അവൾ ചിരിക്കുകയാണ്.
സബാഷ്… ഈ കുരുപ്പെന്നെ നാറ്റിക്കുവോ?
“ഡീ ഡീ.. അങ്ങനെയൊന്നും ചെയ്യല്ലേ.. എന്ത്വേണേലും ചെയ്യാം… പ്ലീസ് ” ഞാൻ അവളോട് ചേർന്ന് നിന്ന് യാചിച്ചു.
“ആഹ് ഞാൻ ഒന്ന് ആലോചിക്കട്ടെ.. ” അവൾ വേറെ എങ്ങോട്ടോ നോക്കുന്ന പോലെ തലയുയർത്തി നിന്ന് ശബ്ദം കനമാക്കി അഭിനയിച്ചു.
പുല്ല് ഒറ്റയിടി തന്നാലുണ്ടല്ലോ ഞാൻ നാക്ക് കടിച്ചു കൈ ചുരുട്ടി ഓങ്ങി, അവൾ നോക്കിയപ്പോൾ ചിരിച്ചു കാണിച്ചു കൈ കൊണ്ടു കോളർ നേരെയാക്കി ഞാൻ മുകളിലേക്ക് നടന്നു.
തിരിഞ്ഞു നോക്കിയപ്പോൾ അവളെന്നെയും നോക്കി ചിരിച്ചു കൊണ്ട് നിൽപ്പുണ്ട്. പട്ടി, കളിയാക്കി ചിരിക്കുകയാണ്. ഞാൻ ഒന്ന് കൂടി ഇളിച്ചു കാണിച്ചു.
പുല്ലു താഴോട്ട് എന്തിനാണോ പോയത്, ഇവിടെ ഇരുന്നാൽ മതിയായിരുന്നു, കസേരയിൽ ഇരുന്നു ഞാൻ ആലോചിച്ചു.
പിന്നെ ഉച്ചവരെയും ഞാൻ എങ്ങും പോയില്ല, ഒരുമണി ആയപ്പോൾ സമീറ കേറിവന്നു. കൈ രണ്ടും കുറതയുടെ പിന്നിൽ പിടിച്ചിട്ടുണ്ട്, മുഖത്ത് ഇപ്പോഴും ആ ആക്കിയ ചിരിയുണ്ട്.
ഞാൻ മൈൻഡ് ചെയ്തില്ല, ഇല്ലെങ്കിൽ അവളെന്നെ വാരിക്കൊല്ലും.
അവൾ ടേബിളിനടുത്തെത്തി,
“ഡാ താഴോട്ട് വരുന്നോ?” ചിരിച്ചു കൊണ്ടാണ് ചോദ്യം.
“എന്താ എന്തെങ്കിലും കാര്യമുണ്ടോ? ” ഞാൻ മുഖത്തു മാക്സിമം ഗൗരവം വരുത്തി ചോദിച്ചു.
“അല്ല രണ്ടു മൂന്ന് ലേഡീസ് കസ്റ്റമർ വന്നിട്ടുണ്ട്, സാറിന് വേണേൽ കാണാം ”
ഹോ അളിഞ്ഞ കോമഡി, ഞാൻ നാക്ക് കടിച്ചു.
എന്റെ ഭാവമാറ്റം കണ്ടു രസിക്കുകയാണ് അവൾ.
ഞാൻ മുഖം കമ്പ്യൂട്ടർ സ്ക്രീനിലേക്ക് തന്നെ തിരിച്ചു.
” ഡാ ” അവൾ വിളിച്ചു, ഞാൻ നോക്കിയില്ല.
അവൾ പുറകിൽ നിന്നും കൈയെടുത്തു ഒരു കവർ മുന്നിലേക്ക് വച്ചു.
എന്തേ എന്ന ഭാവത്തിൽ ഞാൻ മസിലു വിടാതെ അവളെ നോക്കി.
“ഇനി മുതൽ ഹോട്ടൽ ഭക്ഷണം വേണ്ട, ഞാൻ കൊണ്ടുത്തരാം ഉച്ചക്ക്. ” അവൾ ആ കവർ മുന്നോട്ട് തള്ളി വച്ചു.
പാവം, എനിക്കുള്ള ഫുഡ്മായി വന്നതാണ്. എന്റെ മുഖത്തെ കള്ള ഗൗരവമൊക്കെ പോയി അവിടെ അത്ഭുതം നിറഞ്ഞു.