ഞാൻ പ്രദനപ്പെട്ട ഒരു കാര്യം പറയാൻ വേണ്ടി വന്നതാണ്. ഞാൻ സോഫയിലേക്ക് ഇരുന്നും കൊണ്ട് പറഞ്ഞു.
അഭിരാമിയും എന്റെ അടുത്ത് വന്നിരുന്നുകൊണ്ട് ഞാൻ പറയുന്നത് ശ്രദ്ധയോടെ കേട്ടു.
തന്നെ പെണ്ണ് കാണാൻ നാളെ കുറച്ചുപേർ വരും.
എന്നെയോ… അവൾ പെട്ടെന്ന് ചോദിച്ചു.
മ്മ് അതെ.
ആര്… അവൾ നെറ്റി ചുള്ളിച്ചും കൊണ്ട് ചോദിച്ചു.
ഞാനും എന്റെ വീട്ടുകാരും.
അത് കേട്ടതും ആ മുഖം വിടർന്നു.
ശരിക്കും… അവൾ വിശ്വാസം വരാത്തത് പോലെ എന്നോട് ചോദിച്ചു.
മ്മ്…
ഞാൻ നടന്ന കാര്യങ്ങളെല്ലാം അവൾക്ക് പറഞ്ഞു കൊടുത്തു. നാളെ അവര് ഉച്ചയ്ക്ക് മുൻപ് എത്തും എന്ന ചേട്ടൻ പറഞ്ഞത്.
ഉച്ചക്ക് അവര് ഇവിടെ ഉണ്ടാവുമെങ്കി അവർക്ക് ഫുഡ് കൊടുക്കണ്ടേ… അവൾ എന്നോട് സംശയത്തോടെ ചോദിച്ചു.
ചിലപ്പോ വേണ്ടിവരും. നമ്മുക്കൊരു കാര്യം ചെയ്യാം നല്ലൊരു ഹോട്ടലിൽ നിന്നും വരുത്തികം. ഞാൻ പറഞ്ഞു.
അത് കേട്ട് അഭിയേനെ സംശയത്തോടെ നോക്കി. അതെന്തുപറ്റി ഞാൻ ഉണ്ടാകുന്ന ഫുഡ് നാനല്ലേ… കിച്ചു.
അഭിയുടെ ആ ചോദ്യമാണ് ഞാൻ പറഞ്ഞതിന് അങ്ങനെ ഒരു അർത്ഥം കൂടിയുണ്ട് എന്നെനിക്ക് മനസ്സിലാക്കി തന്നത്.
അയ്യോ.. എന്റഭി അതുകൊണ്ടല്ലടാ. നിനക്കൊരു ബുദ്ധിമുട്ടാവേണ്ട എന്ന് കരുതിയിട്ടാണ്. ഞാൻ പറഞ്ഞു.
എനിക്ക് ഒരു ബുദ്ധിമുട്ടുമില്ല. പിന്നെ അവര് ആദ്യമായിട്ട് വീട്ടിൽ വരുബോ എങ്ങനാ ഹോട്ടൽ ഫുഡ് കൊടുക്കുക.
അവൾ എല്ലാം ഏറ്റു എന്ന് പറഞ്ഞപ്പോൾ ഞാനും അതിനെ എതിർക്കാൻ പോയില്ല.
ഇതിനിടയിൽ നീനു എന്റെ മടിയിൽ ഇരുന്നുകൊണ്ട് എന്തൊക്കെയോ കുസൃതികൾ കാണിക്കുന്നുണ്ട്.
കിച്ചു കഴിച്ചില്ലലോ…
ഇല്ല..
എന്ന ഞാൻ കഴിക്കാനുള്ളത് എടുത്ത് വരാം. അവൾ അതും പറഞ്ഞ് അടുക്കളയിലേക്ക് പോയി.
നീനു നമ്മുക്ക് മാമ്മ് തിനണ്ടേ..
മ്മ്മ്… എന്ന ഇക്ക് അച്ഛൻ തരുഒ…
മ്മ്.. ഞാൻ തലയാട്ടികൊണ്ട് സമ്മതിച്ചു.
അഭി ടേബിളിൽ പ്ലേറ്റ് നിരത്തുബോഴേക്കും ഞാനും നീനുവും കൈ കഴുകി വന്നിരുന്നു.
നീനു എന്റെ മടിയിൽ തന്നെയാണ് ഇരുന്നത്.
ഞാൻ അഭിരാമിയോട് എനിക്കും നീനുവിനും കൂടി ഒരു പ്ലേറ്റിൽ വിളമ്പിയാൽ മതിയെന്ന് പറഞ്ഞു.
അഭി ഒരു പ്ലേറ്റിൽ രണ്ട് മൂന്ന് ചപ്പാത്തി വച്ചാശേഷം പ്ലേറ്റിനരികിൽ ഗ്രീൻ പീസ് കുറുമ ഒഴിച്ച് എന്റെ മുന്നിൽ വച്ചു.
നല്ല മയമുള്ള ചപ്പാത്തിയാണ്. ഞാൻ അതിൽ നിന്നും ഒരു പീസ് മുറിച്ചെടുത്ത് കറിയിൽ മുക്കിയ ശേഷം നീനുവിന്റെ വായിലേക്ക് വച്ചുകൊടുത്തു.
നീനു അത് ചവച്ചിറക്കുന്നതിനിടയിൽ മറ്റൊരു കഷ്ണം ചപ്പാത്തി മുറിച്ച് കറിയിൽ മുക്കി ഞാൻ എന്റെ വായിലേക്ക് വച്ചു.
രണ്ട് മൂന്ന് വട്ടം ഇത് തുടർന്നതിന് ശേഷമാണ് ഞാൻ അഭിയെ നോക്കുന്നത് . അവൾ എന്നെത്തന്നെ നോക്കി യിരിക്കുകയാണ്.
ഞാൻ എന്തേ എന്ന് പുരുകമുയർത്തികൊണ്ട് ചോദിച്ചു.
മ്ഹും.. അവൾ തോൾ പൊക്കികൊണ്ട് ഒന്നുമില്ല എന്ന് പറഞ്ഞു.
പക്ഷേ എന്തോ ആ മനസ്സിൽ ഉണ്ടെന്ന് ആ മുഖം വിളിച്ചുപറഞ്ഞു.
ഞാൻ ഒരു പീസ് ചപ്പാത്തി എടുത്ത് കറിയിൽ മുക്കിയ ശേഷം അത് അഭിക്ക് നേരെ നീട്ടി.
അത് കണ്ടതും പെണ്ണിന്റെ മുഖമൊന്ന് കാണണം. വലിയ പെരുന്നാളും വെള്ളിയാഴ്ചയും ഒരുമിച്ച് വന്ന സന്തോഷമായിരുന്നു.
അവൾ ഇരുന്നിരുന്ന ചെയറിൽ നിന്നും എഴുനേറ്റ് എന്റെ അടുത്തുള്ള ചെയറിൽ വന്നിരുന്ന് വാ തുറന്ന് കാണിച്ച്.
അമ്മയെയും മകളെയും ഊട്ടുന്ന തിരക്ക് കാരണം ഞാൻ എന്റെ വയറിന്റെ കാര്യം നന്നെ മറന്നുപോയി.
അവസാനം അഭിയുടെ കൈകൊണ്ട് എന്നെയും ഊട്ടിയ ശേഷമാണ് അവൾ എന്നെ ഹോസ്റ്റലിലേക്ക് വിട്ടത്.
അവിടെ നിന്നും കാറിന്റെ കീയും വാങ്ങി ഇറങ്ങാൻ നേരം ഇന്ന് പോവണ്ട എന്ന് നീനു ഒരുപാട് പറഞ്ഞു. ഞാൻ അഭിയെ നോക്കിയപ്പോൾ അവൾ ഒന്നും പറയുന്നില്ലെങ്കിലും അവളുടെ മനസ്സിലും അത് തന്നെയാണ് ആഗ്രഹം എന്നെനിക്ക് തോന്നി.
എന്തായാലും കാര്യങ്ങളൊക്കെ ഇതുവരെ എത്തിയ സ്ഥിതിക്ക് ഒന്നിനും ധൃതി വേണ്ട എന്ന് ഞാൻ തീരുമാനിച്ചു.
അങ്ങനെ അവിടെ നിന്നും മനസ്സില്ല മനസ്സോടെ ഹോസ്റ്റലിലേക്ക് തിരിച്ചുപോന്നു.