അവൾ പറഞ്ഞു,
“മം “
ഞാൻ ഒന്നു മൂളി.
“അപ്പൊ ശരി പിന്നെ കാണാം “
എന്നു പറഞ്ഞു അവൾ ഒരു പുഞ്ചിരി സമ്മാനിച്ചു കൊണ്ട് തിരിഞ്ഞു നടന്നു.
ആ ചിരിയുടെ അർത്ഥം എനിക്ക് പെട്ടന്ന് മനസ്സിൽ ആയില്ല, അവളുടെ മട്ടും ഭാവവും കണ്ടിട്ട് ഒരു വശപ്പിശക്ക് എന്തോ ഇന്നലെ വരെ കണ്ട കീർത്തിയെ അല്ല ഞാൻ ഇന്ന് കണ്ടത് അവൾക്കു എന്നോട് എന്തോ പറയാൻ ഉള്ള മാതിരി,
അങ്ങനെ രണ്ടു ദിവസം കഴിഞ്ഞു വ്യാഴാഴ്ച്ചാ ആയി.
അന്ന് വൈകിട്ടു ആയിരുന്നു പാർട്ടി സംഘടിപ്പിച്ചിരുന്നത്.
അന്നത്തെ ആ കീർത്തിയും ആയിട്ടുള്ള സംഭവത്തിന് ശേഷം കീർത്തിക്ക് എന്നോട് എന്തോ കൂടുതൽ അടുപ്പം കാണിക്കുന്ന പോലെ, ഇനി അവള്ക്ക് എന്നോട് പ്രേമം വല്ലതും തോന്നി തുടങ്ങിയോ അതോ എന്റെ തോന്നൽ ആണോ, അറിയില്ല എന്തായാലും കാത്തിരുന്നു കാണാം എന്നു കരുതി ഞാൻ ആ ടോപ്പിക്ക് വിട്ടു.
വൈകുന്നേരം പാർട്ടി ആയതു കൊണ്ട് ഞാൻ ഒരു ബ്ലാക്ക് ജീൻസും യൂണിഫോം ഷർട്ടും ആണു ധരിച്ചിരുന്നത്. പാർട്ടിക്ക് വേണ്ടി ഒരു ഷർട്ട് കാറിൽ കരുതിയിരുന്നു.
അന്ന് എല്ലാവരും ജോലിയിൽ നല്ല ഉഷാർ ആയിരുന്നു വൈകുന്നേരം പാർട്ടി ഉണ്ടാലോ അതിന്റെ ഒരു ത്രില്ലിൽ ആയിരുന്നു.
ഞാൻ ഉച്ച ആയപ്പോൾ എല്ലാവരോടും വർക്ക് ഒക്കെ കഴിഞ്ഞെങ്കിൽ റൂമിൽ പൊക്കോളാൻ പറഞ്ഞു . വൈകുന്നേരം പാർട്ടി നടക്കുന്ന ഹാളിൽ എത്തിയാൽ മതിയെന്നും.
അങ്ങനെ ഓഫീസിൽ ഇണ്ടായിരുന്ന മിക്ക സ്റ്റാഫും ഉച്ച ആയപ്പോൾ പോയി .
എനിക്ക് കുറച്ചു പേപ്പർ വർക്ക് ബാക്കി നില്കുന്നത് കൊണ്ട് ഞാൻ ഓഫീസിൽ തന്നെ ഇരുന്നു.
“സാർ പോയില്ലേ “
കീർത്തി യുടെ മധുരമുള്ള ശബ്ദം എന്റെ ചെവികളിൽ വന്നു അലയടിച്ചു.
“ഇല്ല ഞാൻ ഇവിടെന്നും നേരെ പോകാം എന്ന് വിചാരിച്ചു, നമ്മുടെ റിമിക്ക് വില്ല പ്രൊജക്റ്റ് ന്റെ കുറച്ചു ഫോര്മാലിറ്റി കൂടി ബാക്കി ഉണ്ട് അതിന്റെ പേപ്പർ റെഡി ആകുക ആയിരുന്നു.അല്ല കീർത്തി എന്താ പോകഞ്ഞേ ? “
ഞാൻ ചോദിച്ചു,
“റൂമിൽ പോയിട്ട് പിനേം തിരിച്ചു ഇങ്ങോട്ടേക്ക് തന്നെ വരണ്ടേ “
അവൾ പറഞ്ഞു,
“അപ്പൊ പാർട്ടിക്ക് ഈ വേഷത്തിൽ ആണോ പോകുന്നേ “
യൂണിഫോമിൽ നില്കുന്ന അവളോട് ഞാൻ ചോദിച്ചു,
“ഞാൻ ഡ്രസ്സ് വേറെ എടുത്തിട്ടുണ്ട് ഇവിടുന്നു മാറിയിട്ട് പോകാം എന്നു കരുതി “
അവൾ പറഞ്ഞു.
“ഉം, കീർത്തി ഫുഡ് കഴിച്ചോ ?”
“ഇല്ല , ഞാൻ മെസ്സ് ലേക്ക് പോണ വഴിക്ക് ആണു സാർ ഇവിടെ ഇരിക്കുനത് കണ്ടത് “
“ഉം, എന്നാ ഇന്ന് ഞാനും ഉണ്ട് നമുക്ക് ഒരുമിച്ചു കഴിക്കാം “
ഞാൻ അങ്ങനെ പറഞ്ഞപ്പോൾ അവളുടെ മുഖം വിടർന്നു. അവൾക്ക് ഭയങ്കര സന്തോഷം ആയി. സ്റ്റെല്ല യും പ്രിയയും പോയതോടെ ഞാൻ ഒറ്റക്ക് ആണു ഭക്ഷണം കഴിക്കാറ് അതും എല്ലാവരും കഴിച്ചു കഴിഞ്ഞു മെസ്സ് ഫ്രീ ആയി കിടക്കുമ്പോൾ.
“ഉം, ശരി സാർ “
അവൾ ചിരിച്ചു കൊണ്ട് സന്തോഷത്തോടെ പറഞ്ഞു.
ഞാനും അവളും കൂടി മെസ്സിൽ ചെന്നു. അവിടെ ആരും ഉണ്ടായിരുന്നില്ല.
“ഇന്നെന്താ സാർ നേരത്തെ ആണലോ ?”
പതിവിലും നേരത്തെ മെസ്സിൽ എന്നെ കണ്ട ഗ്രെസ്സി ചേച്ചി ഞങ്ങളുടെ അടുത്ത് വന്നു ചോദിച്ചു,
“അതെ ചേച്ചി, ഇന്നു ഉച്ചക്ക് ഓഫീസ് ഇല്ലല്ലോ പിന്നെ കൂട്ടിനു ഇവളേം കിട്ടി അപ്പൊ നേരത്തെ ഇങ്ങു പോന്നു. “
ഞാൻ പറഞ്ഞു,
“ഉം, “
ചേച്ചി ഞങ്ങളെ രണ്ടാളേം നോക്കി കൊണ്ട് മൂളി.
കീർത്തി എന്തോ ആദ്യമായി മെസ്സിൽ വരുന്ന മാതിരി, എന്റെ കൂടെ വന്നിട്ട് ആണെന്ന് തോന്നുന്നു അവൾക്ക് എന്തോ നാണം ഒക്കെ മുഖത്തു,
“ചേച്ചി എന്റെ സ്ഥിരം ഐറ്റം തന്നെ പോരട്ടെ, “
ചേച്ചിയുടെ മുഖത്തു നോക്കി പറഞ്ഞു,
” കീർത്തി തനിക്കു എന്താ വേണ്ടത് “
ഞാൻ കീർത്തിയോട് ചോദിച്ചു,
എന്തോ ആലോചനയിൽ ഇരുന്ന അവൾ പെട്ടന്നുള്ള എന്റെ ചോദ്യം കേട്ടപ്പോൾ ഞെട്ടി,
“അതു…. സാർ പറഞ്ഞോളു, എനിക്ക് എന്തായാലും കുഴപ്പം ഇല്ല “
അവൾ ഒരു കാമുകിയെ പോലെ പറഞ്ഞു.
“എന്നാ ചേച്ചി ഇവിടെ ഇന്നത്തെ സ്പെഷ്യൽ എന്താ ?”
ഞാൻ ചേച്ചി യോട് ചോദിച്ചു,
“ചേച്ചി അതിനു ഒരു വലിയ പേരും പറഞ്ഞു “
“അതൊന്നും വേണ്ടാ, “
അതു കേട്ടപ്പോൾ കീർത്തി ചാടി കയറി പറഞ്ഞു.
പൈസ കൂടുതൽ ആവും എന്നു കരുതിയിട്ട് ആകും അവൾ അങ്ങനെ പറഞ്ഞത്.
“കീർത്തിക്ക് അതു ഇഷ്ടം അല്ലെ “
ഞാൻ ചോദിച്ചു.
“ഇഷ്ടം ഒക്കെ ആണു,.. പക്ഷെ… “
“ഇഷ്ടം ആണെങ്കിൽ അതു തന്നെ പോരട്ടെ ചേച്ചി, “
ഞാൻ ചേച്ചി യോട് പറഞ്ഞു.
ചേച്ചി അതു എടുക്കാൻ ആയി അകത്തേക്ക് പോയി,
“വേണ്ടായിരുന്നു,കുറെ പൈസ ആവില്ലേ “
ചേച്ചി പോയപ്പോൾ കീർത്തി പറഞ്ഞു,
“ഇതു എന്റെ വക ആണു കീർത്തി പൈസയെ കുറിച്ച് വറീഡ് ആകേണ്ട “
ഞാൻ പറഞ്ഞു.
“എന്നാലും”
അവൾ ഒരു സങ്കടത്തോടെ പറഞ്ഞു,
“ഒരേന്നാലും, ഇല്ല. ദേ ആ കൊണ്ടുവരുന്നത് ഇരുന്നു തിന്നോണം “
ഞാൻ അവളോട് പറഞ്ഞു,
പിന്നെ അവളൊന്നും മിണ്ടിയില്ല.
കുറച്ചു കഴിഞ്ഞപ്പോൾ ചേച്ചി ഞങ്ങൾക്ക് വേണ്ട സാധനങ്ങളും ആയി വന്നു, ഞാൻ അവൾക്കു സെർവ് ചെയ്തു കൊടുത്തു. അവളും ഞാനും ഇരുന്നു ഭക്ഷണം കഴിക്കാൻ തുടങ്ങി.
അവൾ കഴിക്കുന്നതും നോക്കി ഞാൻ കുറച്ചു നേരം ഇരുന്നു,
എന്തോ ആ നിമിഷങ്ങളിൽ ഞാൻ പഴയ അജി ആയി മാറുക ആയിരുന്നു, കീർത്തിയുടെ കൂടെ ഇരുന്നു ഭക്ഷണം കഴിക്കുമ്പോൾ എനിക്ക് ആ പഴയ കാലം മനസ്സിലൂടെ കടന്നു പോയി.
ലെച്ചു., അവൾ വിളമ്പി തന്ന ആഹാരം കഴിച്ചു കൊണ്ട് അവളെ കളിയാക്കിയും അവളും ആയി തല്ലുപിടിച്ചും, ഇണങ്ങിയും പിണങ്ങിയും ഉള്ള അനേകം നിമിഷങ്ങൾ അവളും ഞാനും മാത്രം ഉള്ള ഞങ്ങളുടെ ലോകം ഞങ്ങൾ കണ്ട സ്വപ്നങ്ങൾ എല്ലാം എന്റെ ഉള്ളിൽ കനൽ ആയി പെയ്തു ഇറങ്ങി. ഒരിക്കലും ഇനി അതുപോലുള്ള നിമിഷങ്ങൾ എനിക്ക് തിരികെ ലഭിക്കില്ലല്ലോ എന്നോർത്തപ്പോൾ ഒരു തുള്ളി കണ്ണിർ എന്റെ കണ്ണിൽ നിന്നും ഇറ്റു ആ മേശയിൽ വീണു,
“ഹേയ് എന്താ സാറെ കഴിക്കുന്നില്ലേ ?അല്ല എന്താ സാറിന്റെ കണ്ണൊക്കെ “
അവളെ നോക്കി നിറ കണ്ണുകളോടെ ഇരിക്കുന്ന എന്റെ മുഖത്തു നോക്കി ചോദിച്ചു.
“ഹേയ് ഒന്നുല്യാ, കണ്ണിൽ എന്തോ കരട് പോയതാ, കീർത്തി കഴിക്കു, ഞാൻ ഒന്നു മുഖം കഴുകിയിട്ടു വരാം “
അവളിൽ നിന്നും ആ കണ്ണീർ മറക്കാനായി ഞാൻ അതും പറഞ്ഞു വാഷ് ബേസിൻ ന്റെ അടുത്ത് പോയി മുഖം ഒക്കെ കഴുകി തിരിച്ചു വന്നു.
“പോയോ “
ഞാൻ തിരിച്ചു വന്നിരുന്നപ്പോൾ കീർത്തി ചോദിച്ചു,
“എന്ത് ?”
“അല്ല കരട് “
“ഓഹ് അതു പോയി.. “
ഞാൻ കണ്ണ് തിരുമി കൊണ്ട് പറഞ്ഞു,
“ഉം, രണ്ടു കണ്ണിലും ഒരുമിച്ചു കരട് പോകുന്ന ആളെ ഞാൻ ആദ്യം ആയി കാണുക ആണു “
അവൾ അതു പതിയെ ആണു പറഞ്ഞത്, ഞാൻ ശെരിക്കും കേട്ടില്ല.
“എന്ത് ?”
ഞാൻ ചോദിച്ചു.
“ഹേയ് ഒന്നുല്യാ “
അവൾ ഒരു കള്ള ചിരിയാൽ പറഞ്ഞു.
“ഉം “
പിന്നെ ഞങ്ങൾ ഇരുന്നു ഭക്ഷണം കഴിക്കാൻ തുടങ്ങി.
അങ്ങനെ ഭക്ഷണം ഒക്കെ കഴിച്ചു കഴിഞ്ഞു. വൈകുന്നേരം ആയപ്പോൾ ഞങ്ങൾ പാർട്ടിക്ക് പോകാൻ ആയി ഓഫീസിൽ നിന്നും ഇറങ്ങി. ഞാൻ കാറിൽ എടുത്ത് വെച്ചിരുന്ന ഷർട്ട് എടുത്തു ധരിച്ചു.എന്നിട്ട് ഞാൻ കാർ പാർക്കിംഗ് ഏരിയയിൽ നിന്നും എടുത്തു ഓഫീസിന്റെ വാതിൽക്കലിൽ കൊണ്ട് നിർത്തി. അപ്പോഴേക്കും കീർത്തി അവളുടെ ക്യാബിനിൽ കയറി ഡ്രസ്സ് മാറി വന്നിരുന്നു. ഒരു ലൈറ്റ് പച്ച അനാർക്കലി ആയിരുന്നു അവളുടെ വേഷം അതിൽ അവളുടെ സൗന്ദര്യം ഒന്നുകൂടി വർധിച്ച പോലെ തോന്നി എനിക്ക്. ഓഫീസിനു മുന്പിലെ പടികൾ ഇറങ്ങി വരുന്ന അവളെ ഞാൻ കുറച്ചു നേരം നോക്കി ഇരുന്നു പോയി, അത്രക്കും സുന്ദരി ആയിരുന്നു, അവളുടെ പ്രത്യേകതാ അവളുടെ ആ ചുരുണ്ടു കിടക്കുന്ന മുടിയിഴകൾ ആണു.