“എടാ അമ്മയെ ഒന്നു വിളിച്ചു തരോ “
എല്ലാം കേട്ട് കഴിഞ്ഞപ്പോൾ ഞാൻ അവനോടു ചോദിച്ചു.
അവൻ അപ്പോഴേക്കും ഫോൺ എടുത്തു വീട്ടിലേക്ക് ഡയൽ ചെയ്തു. കുറച്ചു കഴിഞ്ഞപ്പോൾ കാൾ കണക്ട് ആയി അവൻ അപ്പൊ എന്റെ കൈയിൽ ഫോൺ തന്നു.
“ഹലോ “
അപ്പുറത്ത് നിന്നും കുറെ നാൾ ആയി ഞാൻ കേൾക്കാത്ത അമ്മയുടെ ശബ്ദം എന്റെ ചെവിയിൽ അലയടിച്ചപ്പോൾ അറിയാതെ ആണെങ്കിലും എന്റെ കണ്ണ് നിറഞ്ഞു പോയി.
“ഹലോ.. അമ്മ.. ഇതു ഞാനാ.. അജി.. “
എങ്ങെനെ ഒക്കെ ഞാൻ അതു പറഞ്ഞു ഒപ്പിച്ചു.
അതു പറഞ്ഞു കഴിഞ്ഞപ്പോൾ ഫോണിലൂടെ അമ്മയുടെ ശബ്ദം ഒന്നും കേട്ടില്ല കുറച്ചു സമയം.
“മോനെ അജി.. “
പിന്നിട് ഒരു തേങ്ങലോടെ അമ്മയുടെ വാക്കുകൾ എന്നെ തേടി എത്തി.
“അതെ അമ്മേ ഞാൻ തന്നെയാ അജി “
“മോൻ എവിടെയാ, എത്ര നാൾ ആയി ഈ അമ്മ മോന്റെ ശബ്ദം കേൾക്കാനായി കൊതിക്കുന്നു. വേഗം വീട്ടിലേക്ക് വാ മോനെ.”
അമ്മ ചെറുതായി കരയുന്ന ശബ്ദത്തോടെ പറഞ്ഞു.
“അതു.. അമ്മ ഞാൻ അമലിന്റെ അടുത്ത് ആണു ഉള്ളത്, അച്ഛൻ എവിടെ അമ്മേ? “
ഞാൻ ചോദിച്ചു.
“അച്ഛൻ ഇപ്പൊ ജോലിക്ക് പോയൊള്ളു രാവിലെ വരുകയുള്ളു, ഞാൻ അച്ഛനോട് പറയാം “
“അപ്പൊ അമ്മ ഒറ്റക്ക് ആണോ വീട്ടിൽ, “
“ഇല്ല, ഇവിടെ സ്വപ്നയുടെ അകന്ന ബന്ധത്തിലെ അമ്മായി ഉണ്ട് കൂട്ടിനു, “
“ഉം, “
ഞാൻ അമ്മയും കൂടി എന്തൊക്കെ യോ സംസാരിച്ചു അമ്മ എങ്ങനെ എങ്കിലും നാട്ടിലേക്ക് ചെല്ലാൻ നിർബന്ധിച്ചു ,അമ്മക്ക് എന്നെ എങ്ങനെ എങ്കിലും കണ്ടാൽ മതി എന്നായിരുന്നു. ഞാൻ രണ്ടാഴ്ച കഴിഞ്ഞു നാട്ടിൽ എത്തും എന്നു അമ്മക്ക് വാക്ക് കൊടുത്തു.
എല്ലാം സംസാരിച്ചു നാളെ അച്ഛൻ വരുമ്പോൾ വിളിക്കാം എന്നു പറഞ്ഞു ഫോൺ വെച്ചു.
അമ്മയും ആയിട്ടുള്ള സംസാരം എന്റെ കണ്ണുകളെ ഈറൻ ആക്കി.
“ഡാ നീ പോയി ഫ്രഷ് ആവു, ഇങ്ങനെ ഇരിക്കാതെ, “
ഫോൺ വിളിച്ചു കഴിഞ്ഞപ്പോൾ ഉള്ള എന്റെ ഇരുപ്പ് കണ്ടു അവൻ പറഞ്ഞു.
“കീർത്തി ഇവന് റൂം കാണിച്ചു കൊടുക്ക് “
എന്റെ കഥകൾ കേട്ട് ഒരു പ്രത്യേക അവസ്ഥയിൽ ഇരിക്കുന്ന കീർത്തി യോട് അമൽ പറഞ്ഞു.
“നീ ഇനി ഇന്ന് റൂമിൽ ഒന്നും പോകണ്ട ഇവിടെ നിന്നാൽ മതി “
അമൽ എന്നോട് പറഞ്ഞു.
“ഉം, “
ഞാൻ ചെറുതായി അതിനു മൂളി.
“എഴുനേറ്റു വാ എന്ന അർത്ഥത്തിൽ കീർത്തി എന്നെ നോക്കി, “
“നീ ചെല്ല് “
എന്നു അവൻ പറഞ്ഞു.
അതൊരു ത്രീ ബെഡ്‌റൂം ഫ്ലാറ്റ് ആയിരുന്നു, ഒരെണ്ണം അമലും സ്വപ്നയുംയൂസ് ചെയുന്നു , ഒരെണ്ണം കീർത്തി യൂസ് ചെയുന്നു , എനിക്ക് കീർത്തി അവളുടെ മുറി ആണു കാണിച്ചു തന്നത്.
“അജി ഏട്ടൻ കുളിച്ചു ഫ്രഷ് ആയിക്കൊള്ളൂ,തോർത്ത്‌ ബാത്‌റൂമിൽ ഉണ്ട് ,”
അവൾ പറഞ്ഞു.
“കീർത്തി ഞാൻ മാറാൻ ഒന്നും.. “
ഞാൻ അതു പറയാൻ വന്നപ്പോഴേക്കും അവൾ.
“അജിയേട്ടൻ കുളിച്ചോളു മാറാൻ ഉള്ളത് ഞാൻ എടുത്തു വെക്കാം “
അവളുടെ സംസാരം ഓക്കേ മാറി പോയിരിക്കുന്നു എന്നെ അവൾ ഒരു ബന്ധു ആയി കണ്ടുതുടങ്ങിയിരിക്കുന്നു.
“ഇതു കീർത്തിയുടെ റൂം ആണല്ലേ. “
നല്ല വൃത്തിയായി അടക്കി ഒതുക്കി വെച്ചിരിക്കുന്ന റൂം കണ്ടുകൊണ്ട് ഞാൻ അവളോട്‌ ചോദിച്ചു.
“അതെ, ഗസ്റ്റ് റൂം പൊടി പിടിച്ചു കിടക്കുകയാണു ഏട്ടൻ കുളിച്ചിട്ടു വരുമ്പോഴേക്കും ഞാൻ ക്ലീൻ ചെയ്തു റെഡി ആകാം “
അവൾ പറഞ്ഞു.
“ഉം “
ഞാൻ പിന്നെ ബാത്‌റൂമിലേക്ക് പോയി അവൾ ഹാളിലേക്കും . ഞാൻ കുളിച്ചു വന്നപ്പോഴേക്കും ഒരു ഭാര്യയുടെ കടമ പോലെ കീർത്തി ബെഡിൽ എന്നിക്ക് മാറാനുള്ള ഒരു മുണ്ടും ഷർട്ടും എടുത്തു വെച്ചിരിക്കുന്നു, അതു അമലിന്റെ ഡ്രസ്സ്‌ ആണെന് മനസ്സിൽ ആയി.
അങ്ങനെ ഡ്രസ്സ്‌ ഒക്കെ മാറി ഞാൻ ഹാളിലേക്ക് ചെന്നു , അവിടെ എല്ലാവരും ആയി പിന്നെയും സംസാരിച്ചു.
എന്റെ അമ്മയുടെ കൂടെ ഇപ്പോ കീർത്തിയുടെ അമ്മ ആണു താമസിക്കുന്നത് എന്നു മനസിലായി . കീർത്തി നാട്ടിൽ നിന്നും പോന്നതിനു ശേഷം അവളുടെ അമ്മ അമലിന്റെ വിട്ടിൽ ആണു നിന്നിരുന്നത് . എന്നാൽ എന്റെ അച്ഛൻ ഇപ്പൊ രാത്രി സെക്യൂരിറ്റി പണിക്കു പോകുന്നത് കൊണ്ട് അവളുടെ അമ്മ എന്റെ അമ്മക്ക് കൂട്ടിനായി രാത്രി വരും. അങ്ങനെ ഞങ്ങൾ കുറെ കാര്യങ്ങൾ സംസാരിച്ചു,
സമയം പന്ത്രണ്ടര ആയപ്പോൾ സംസാരം ഒക്കെ നിർത്തി എല്ലാവരും കിടക്കാനായി എഴുനേറ്റു . എനിക്ക് വേണ്ടി ഒരുക്കിരുന്ന റൂമിലേക്ക് ഞാൻ പോയി .
എനിക്ക് കിടന്നിട്ട് ഉറക്കം വരുന്നുണ്ടായില്ലാ.
എന്നെ സ്നേഹിക്കുന്ന എല്ലാവരെയും ഞാൻ ഈ നാലുവർഷം വളരെ അധികം വേദനിപ്പിച്ചു, ഇനി അങ്ങനെ ഉണ്ടാകാൻ പാടില്ല, എല്ലാവരും ആയി പഴയപോലെ അവരുടെ ഒക്കെ അജി ആയി ജീവിക്കണം, നാട്ടിൽ പോയിട്ട് വേണം ലെച്ചുവിനെ ഒന്നു കാണാൻ, എത്ര നാൾ ആയി അവളുടെ മുഖം കണ്ടിട്ട്, ഇപ്പോഴും അവൾക്ക് എന്നോട് ദേഷ്യം ഉണ്ടാകുമോ ?, അതോ അച്ഛനും അമ്മയും എന്നെ മനസിലാക്കിയ പോലെ അവളും മനസ്സിൽ ആക്കിയിട്ടു ഉണ്ടാകുമോ എന്റെ നിരപരാധിത്യം?, . എന്നോട് ഉള്ള ദേഷ്യത്തിന് ഇനി അവൾ വേറെ വിവാഹം വല്ലതും കഴിച്ചിട്ടുണ്ടാകുമോ ?,വീണ്ടും എന്റെ മനസ്സിൽ ലെച്ചുവിന്റെ ഓർമ്മകൾ അലയടിക്കാൻ തുടങ്ങി, നാട്ടിൽ ചെന്നു അവളെ എങ്ങനെ എങ്കിലും കാണണം എന്നായി ചിന്ത, ഇതിന്റെ ഇടക്ക് മനസ്സിൽ വേറെ ചിന്തകളും കടന്നു വന്നു . കീർത്തി അവൾ എന്നെ ഇഷ്ടപെടുന്നുണ്ട് അവളുടെ പെരുമാറ്റത്തിൽ അതു എനിക്ക് ബോധ്യം ആയി. ഞാൻ അമലിന്റെ ബന്ധു ആണെന് അറിഞ്ഞപ്പോൾ അവളുടെ മുഖത്തു ഉണ്ടായ സന്തോഷവും അതിനു ശേഷം അവൾ എന്റെ കാര്യങ്ങളിൽ കൊടുക്കുന്ന ശ്രദ്ധയും കരുതലും ഒക്കെ ഒരു ഒരു ഇഷ്ടപെട്ട പുരുഷനോട് ചെയുന്ന മാതിരി, എല്ലാം കൂടി വീണ്ടും എന്റെ മനസ്സ് നീറി കൊണ്ടിരുന്നു.
അങ്ങനെ എല്ലാം ആലോചിച്ചുകൊണ്ട് ഞാൻ പതിയെ ഉറക്കത്തിലേക്ക് വഴുതി വീണു……..
തുടരും…..
