അമൽ അതും പറഞ്ഞു എന്റെ അടുത്തേക്ക് വന്നു.
“ഡാ കള്ള തെമ്മാടി നിനക്ക് എന്നെ മനസിലായിലെഡാ, ഞാൻ നിന്റെ അമൽ ആണു “
അവനെ കണ്ടിട്ടും അനങ്ങാതെ നിൽക്കുന്ന എന്നെ കണ്ടിട്ട് അവൻ പറഞ്ഞു.
കുറെ നാൾക്കു ശേഷം അവനെ കണ്ട സന്തോഷത്തിൽ ആണോ അതോ എന്താണെന്നു അറിയില്ല എനിക്ക് ഒന്നും മിണ്ടാൻ കൂട്ടി പറ്റുന്നുണ്ടായില്ല.
കീർത്തി അപ്പോഴും എന്താ നടക്കുന്നത് അറിയാതെ അവിടെ നിൽക്കുന്നു അവൾക്കു ഒന്നും മനസ്സിലാകുന്നുണ്ടായില്ല.
“അമൽ, “
എന്റെ വായിൽ നിന്നു നേർത്ത ശബ്ദത്തിൽ അവന്റെ പേര് ഉച്ചരിച്ചു,
“അതേടാ നിന്റെ ആ പഴയ അമൽ തന്നെയാ ഞാൻ, നീ എവിടെ ആയിരുന്നെടാ ഇത്രയും കാലം, ഞങ്ങളെ ഒക്കെ വിട്ടു മാറി നില്കാൻ നിനക്ക് എങ്ങനെ സാധിച്ചു ഡാ “
അവൻ പറഞ്ഞു.
“അതു.. അതു.. “
എനിക്ക് എന്താ പറയേണ്ടത് എന്നു അറിയാത്ത അവസ്ഥ.
“ആ , എന്തായാലും നീ അകത്തേക്ക് വാ “
എന്നു പറഞ്ഞു എന്നെ അവൻ അകത്തേക്ക് കൂട്ടി കൊണ്ടോയി . ഹാളിൽ പ്രവേശിച്ചതും.
“സ്വപ്നാ ദേ ഇതാരാ വന്നിരിക്കുന്നത് എന്നു നോക്കിയേ “
അവൻ അകത്തേക്ക് വിളിച്ചു പറഞ്ഞു.
“അമൽ, ഇവളുടെ ചേട്ടൻ നീ ആയിരിക്കും എന്നു ഞാൻ ഒരിക്കലും കരുതിയിരുന്നില്ല “
ഞാൻ അവനോടു പറഞ്ഞു.
“ഓഹ്, അറിഞ്ഞിരുന്നു എങ്കിൽ നിനക്ക് ഇവിടെന്നും മുങ്ങാൻ ആയിരിക്കും”
അവൻ പറഞ്ഞു.
“ഹേയ് ഇല്ല, “
ഞാൻ പറഞ്ഞു.
“എത്ര നാൾ ആയി ഡാ നിന്നെ കണ്ടിട്ട് , നീ ഞങ്ങളെ ഒക്കെ ഇങ്ങനെ വിഷമിപ്പിച്ചു എന്തിനാ നാടു വിട്ടത്, നിന്റെ അമ്മ പാവം അതു നിനക്ക് വേണ്ടി കരയാത്ത ദിവസങ്ങൾ ഇല്ല. ഞങ്ങളെ ഒക്കെ ഇങ്ങനെ വിഷമിപ്പിക്കാൻ മാത്രം ഞങ്ങൾ എന്തു തെറ്റാ നിന്നോട് ചെയ്തത് “
അതു പറയുമ്പോൾ അവന്റെ കണ്ണ് നിറയുണ്ടായിരുന്നു,
“എടാ അതു അന്നത്തെ ആ സിറ്റുവേഷനിൽ അങ്ങനെ ഒക്കെ സംഭവിച്ചു പോയി “
ഞാൻ പറഞ്ഞു.
“ഉം, ശരി അതൊക്കെ കഴിഞ്ഞു പോയില്ലേ, എന്നാലും ഞാൻ ഇവിടെ ഉണ്ടെന്നു നിനക്ക് അറിയാം ആയിരുന്നുല്ലേ എന്നിട്ടും നീ എന്നെ ഒന്ന് കാണാൻ ശ്രമിക്കുക പോലും ചെയ്തില്ലല്ലോ, “
അവൻ വീണ്ടും പറഞ്ഞു.
“ഞാൻ ഒന്നു രണ്ടു വട്ടം നിന്നെ കാണാൻ ആയി ആലോചിച്ചതാ പക്ഷെ എനിക്ക് പറ്റിയില്ല എന്റെ മനസ്സ് അതിനു അനുവദിച്ചില്ല എന്നു വേണം പറയാൻ, എല്ലാത്തിനും സോറി ഡാ “
ഞാൻ പറഞ്ഞു.
“ഉം ശരി, “
“അമലേട്ടാ എന്താ “
എന്നു ചോദിച്ചു കൊണ്ട് സ്വപ്ന ഞങ്ങളുടെ അടുത്തേക്ക് വന്നു, അവളുടെ കൈയിൽ ഒരു കുഞ്ഞും ഉണ്ടായിരുന്നു.
“അജി… “
എന്നെ കണ്ടപ്പോൾ സ്വപ്ന യുടെ ചുണ്ടുകൾ മന്ത്രിച്ചു, അവൾ ഒരു അത്ഭുതത്തോടെ എന്നെ നോക്കി.
“അതേടി നമ്മുടെ അജി തന്നെയാ ഇതു “
സ്വപ്നയോട് അമൽ പറഞ്ഞു.
ഞാൻ തലയാട്ടുകയും ചെയ്തു.
“ഓഹ് നീ എവിടെ ആയിരുന്നു, ഇവിടെ എങ്ങനെ എത്തി ?,,”
എന്നൊക്കെ കുറെ ചോദ്യങ്ങൾ സ്വപ്ന ഒറ്റയടിക്ക് ചോദിച്ചു,
“ദേ ഈ നിൽക്കുന്ന ആളോട് ചോദിക്കു അവൾ ആണു ഇവനെ നമ്മളുടെ അടുത്ത് എത്തിച്ചത് “
കീർത്തി യെ ചൂണ്ടി കാണിച്ചു കൊണ്ട് അമൽ സ്വപ്നയോട് പറഞ്ഞു.
എല്ലാം കേട്ടു ഒന്നും മനസിലാകാതെ നിൽക്കുക ആയിരുന്നു കീർത്തി. ചേച്ചിക്കും ചേട്ടനും സർപ്രൈസ് കൊടുക്കാൻ വിചാരിച്ച അവൾക്കു തന്നെ ഒരു സർപ്രൈസ് ആയിപോയി. അതിന്റെ ഒരു കിളി പോയാ അവസ്ഥ ആയിരുന്നു കീർത്തി യുടെ.
“അതു ചേച്ചി, അജി എന്റെ ബോസ്സ് ആണു, ചേച്ചിക്കും ചേട്ടനും അജിയെ എങ്ങനെ അറിയാം ?”
കീർത്തി ആകാംഷയോടെ ചോദിച്ചു.
“അമലേട്ടന്റെ കസിൻ ആണു അജി, ഞാൻ നിന്നോട് പറഞ്ഞിട്ടില്ലേ നാടുവിട്ടുപോയ അജിയെ കുറിച്ച്, “
സ്വപ്ന പറഞ്ഞു.
“ഓഹ് ആ അജി ആയിരുന്നോ ഇതു “
അവൾ ചോദിച്ചു.
“അതെ കീർത്തി അവൻ തന്നെയാ ഇവൻ “
അമൽ പറഞ്ഞു.
“എന്നാ നിങ്ങൾ സംസാരിക്കു ഞാൻ കൊച്ചിനെ കിടത്തിയിട്ട് വരാം “
സ്വപ്ന പറഞ്ഞു.
ഞാനും അമലും അവിടെ ഉള്ള സോഫയിൽ ഇരുന്നു,
സ്വപ്ന ബെഡ് റൂമിലേക്ക്‌ പോയി.
“ഇപ്പൊ വരാം “
കീർത്തി എന്നെ കണ്ണ് കാണിച്ചു കൊണ്ട് അകത്തേക്ക് പോയി.
ഞാൻ തല ആട്ടി.
“അമൽ അപ്പോ കീർത്തി ആരാടാ ഞാൻ ഇതുവരെ കണ്ടിട്ടില്ലല്ലോ “
ഞാൻ അവനോടു ചോദിച്ചു.
“സ്വപ്നയുടെ അകന്ന ബന്ധത്തിലെ ഒരു കസിൻ ആണു കീർത്തി, എന്റെ കല്യാണത്തിന് അവൾക്കു എക്സാം ആയതോണ്ട് വന്നില്ല അതാ നിങ്ങൾ തമ്മിൽ കാണാതിരുന്നത് “
അവൻ പറഞ്ഞു
“ഉം, അമ്മയും അച്ഛനും ?”
ഞാൻ ചോദിച്ചു.
“ഓഹ് ഇപ്പോഴെങ്കിലും ഓർത്തലോ അവരെ കുറച്ച്, “
അവൻ പറഞ്ഞു,
“ഞാൻ ആരെയും മറന്നിട്ടില്ല, എല്ലാവരും എന്നെ ഒരു കുറ്റവാളി ആയി കണ്ടപ്പോൾ ഞാൻ ആകെ തകർന്നു പോയി,”
ഞാൻ പറഞ്ഞു.
“അതൊക്കെ കഴിഞ്ഞു പോയില്ലേ , ഇനി അതിനെ കുറിച്ച് ആലോചിക്കേണ്ട,നീ അതിൽ തെറ്റുകാരൻ ആണെന്ന് ഞാൻ ഒരിക്കലും വിശ്വസിച്ചിട്ടില്ല,പിന്നെ നീ എങ്ങനെ ഇവിടെ എത്തിപറ്റി, ?”
അവൻ ചോദിച്ചു.
ഞാൻ അവനോടു ആ സംഭവം കഴിഞ്ഞു സെബിന്റെ അടുത്ത് പോയതും ജോലി കിട്ടിയതും. ഇപ്പോ ജിഎം പോസ്റ്റിൽ എത്തിയത് വരെ യുള്ള കാര്യങ്ങൾ ചുരുക്കി പറഞ്ഞു. സ്റ്റെല്ലയും പ്രിയയും ആയിട്ടുള്ള കാമലീലകൾ ഒഴിച്ച് എല്ലാം പറഞ്ഞു.
ഞാൻ അതൊക്കെ പറയുന്നതിന് മുൻപ് സ്വപ്നയും കീർത്തിയും ഞങ്ങളുടെ അടുത്ത് വന്നിരിന്നു,അവർ അതൊക്കെ കേക്കാനായി ഞങ്ങളുടെ അടുത്ത് കസേരയിൽ ഇരുന്നു. കീർത്തി അപ്പോഴേക്കും ഡ്രസ്സ്‌ ഓക്കേ മാറി വീട്ടിൽ ഇടുന്ന ഒരു ചുരിദാർ ഇട്ടിരുന്നു,
അങ്ങനെ ഞാൻ എല്ലാം പറഞ്ഞു.
പിന്നിട് ആണു അവൻ എന്നോട് നാട്ടിൽ ഉണ്ടായ സംഭവങ്ങളെ കുറിച്ച് പറയുന്നത്.
അമൽ നാട്ടിൽ പോയിട്ട് ഇപ്പൊ രണ്ടു വർഷം ആകുന്നു സ്വപ്ന യുടെ പ്രസവത്തിനു ആണു അവൻ പോയത്. പ്രസവം കഴിഞ്ഞു അവൻ തിരിച്ചു ഷാർജയിലേക്ക് പോന്നു. കൊച്ചിന് ഒരു വയസ് ആയപ്പോൾ ആണു സ്വപ്ന ഇങ്ങോട്ട് വന്നത് അപ്പൊ കീർത്തിയും കൂടെ പോന്നു.
പിന്നെ അവൻ നാട്ടിൽ പോയ ടൈമിൽ തറവാട് വീടിന്റെ ഭാഗം വെപ്പ് ആയിരുന്നു എന്നും, ഇപ്പൊ എന്റെ അച്ഛനും അമ്മയും അമലിന്റെ വീടിന്റെ അടുത്തുള്ള ഒരു വാടക വീട്ടിൽ ആണു താമസം എന്നും അറിയാൻ കഴിഞ്ഞു, മുൻപ് എന്നോട് ഉണ്ടായ വെറുപ്പ് ഈ തവണ അവൻ പോയപ്പോൾ അച്ഛനും അമ്മക്കും ഉണ്ടായില്ല എന്നും അവർ എന്നെ അനേഷിക്കാൻ വേണ്ടി അമലിനോട് പറയുകയും ചെയ്തുന്ന്. എന്നോട് ദേഷ്യം മാറിയതിന്റെ കാരണം എന്താണെന്നു അവനു മനസിലായില്ല. അവൻ അതിനെ കുറിച്ച് അമ്മയോട് ചോദിച്ചപ്പോൾ കരച്ചിൽ ആയിരുന്നു മറുപടി എന്നു. അച്ഛൻ ആണെങ്കിൽ
“ഞങ്ങൾ കാരണം ആണു ഞങ്ങളുടെ മോനെ നഷ്ടപെടുതു എന്നും “അവൻ പിന്നെ അതെ കുറിച്ച് ചോദിക്കാൻ പോയില്ല. പിന്നെ ഒരു കാര്യം കൂടി അവൻ പറഞ്ഞു അച്ഛൻ ഇപ്പോ സെക്യൂരിറ്റി പണിക്കു പോകുന്നുണ്ട് എന്നു.
അതു കേട്ടപ്പോൾ എനിക്ക് ആകെ വിഷമം ആയി. ഞാൻ ഇവിടെ കാറും വീടും മറ്റും സുഖസ്വകാര്യങ്ങൾ ആയി കഴിയുമ്പോൾ അച്ഛനും അമ്മയും അവിടെ കഷ്ടപെടുന്നു, എല്ലാം ഞാൻ കാരണം അല്ലെ.
