പാലെടുത്ത ബക്കറ്റ് നിലത്ത് വെച്ച് അവൻ താഴോട്ടിറങ്ങി വേലിക്കടുത്ത് വന്ന് നിന്ന് നോക്കി..
കരച്ചിൽ ഉയരുകയാണ്..
കൂട്ടത്തിൽ കുട്ടികളുടെ കരച്ചിൽ കൂടി കേട്ടതോടെ പിന്നെയവന് നിൽക്കാൻ കഴിഞ്ഞില്ല.. അവൻ വേലിയെടുത്ത് ചാടി ആ വീട്ടിലേക്ക് കുതിച്ചു..
എന്തോ അപകടം പറ്റി എന്നാണവൻ കരുതിയത്..
അടുക്കള ഭാഗത്ത് നിന്ന് അവൻ നീട്ടി വിളിച്ചു…
“” ചേട്ടാ… ചേച്ചീ… എന്താ പറ്റിയത്… ?.
ഈ വാതിലൊന്ന് തുറക്ക്… ചേട്ടാ… ചേച്ചീ… അമ്മേ… “..
വീട്ടുകാർ ആരാണെന്നറിയില്ലെങ്കിലും അവൻ എല്ലാവരേയും വിളിച്ചു..
എന്നാൽ അകത്ത് നിന്ന് കേൾക്കുന്ന കരച്ചിലിന്റെ ശബ്ദത്തിൽ തന്റെ വിളി അങ്ങെത്തില്ലെന്ന് അവന് തോന്നി..അകത്തെന്തോ അത്യാഹിതം നടന്നെന്ന് അവനുറപ്പായിരുന്നു..
അടുക്കള വാതിലിൽ അവൻ ഉറക്കെയടിച്ച് ഉച്ചത്തിൽ വിളിച്ചു..
അത് അകത്തേക്ക് കേട്ടെന്ന് തോന്നി.. പിടിച്ച് നിർത്തിയ പോലെ സ്ത്രീയുടെ കരച്ചിൽ നിന്നു..
ആ തക്കത്തിൽ സുധി വീണ്ടും ഉറക്കെ വിളിച്ചു..
“” ചേച്ചീ… ചേട്ടാ… എന്താ പറ്റിയത്… ?.
ഈ വാതിലൊന്ന് തുറക്ക്…””..
അവൻ വാതിലിൽ ഉറക്കെയടിച്ചു.. കുട്ടികളുടെ കരച്ചിലും നിന്നു..എന്നിട്ടും വാതിൽ തുറന്നില്ല..
“” ചേച്ചീ… ഈ വാതിലൊന്ന് തുറക്ക്…
ആർക്കേലും,എന്തെങ്കിലും പറ്റിയതാണോ…?”..
അവൻ വീണ്ടും ഉറക്കെ വിളിച്ച് ചോദിച്ചു…
കുറച്ച് നേരത്തേക്ക് അകത്ത് നിന്ന് ശബ്ദമൊന്നും കേട്ടില്ല..
സുധി വീണ്ടും വിളിക്കാനൊരുങ്ങിയതും വാതിലിന്റെ കുറ്റിയെടുക്കുന്ന ശബ്ദം കേട്ടു..
വാതിൽ തുറന്നത് ക്രൂരമുഖമുളള ഒരുത്തനാണ്..പക്ഷേ, തീർത്തും ശോഷിച്ച ശരീരമാണ്..
“” എന്താ ചേട്ടാ പറ്റിയത്.. ?…
ഞാൻ കരച്ചിൽ കേട്ട് വന്നതാ… “..
സുധി വേവലാതിയോടെ ചോദിച്ചു..
രാജനൊന്നും മിണ്ടിയില്ല..
“”ചേട്ടാ… എന്താ പറ്റിയത്…?”..
സുധി വീണ്ടും ചോദിച്ചു..
“” എന്റെ വീട്ടുകാര്യം തെരക്കാൻ നീയാരാടാ പട്ടീ…?””.
രാജന്റെ മുരൾച്ച കേട്ട് സുധി ഞെട്ടിപ്പോയി..
ഇയാളെന്താണ് ഇങ്ങിനെയൊക്കെ പറയുന്നത്..
ആദ്യമായി കാണുന്ന ഒരാളോട് ഇങ്ങിനെയാണോ സംസാരിക്കുക..?.
എങ്കിലും അവൻ സംയമനം പാലിച്ചു..
“” അത് ചേട്ടാ… ആ തോട്ടം എന്റേതാ… ഞാൻ റബ്ബർ വെട്ടിക്കോണ്ടിരിക്കുകയായിരുന്നു.. അപ്പഴാ ഇവിടന്ന് കരച്ചിൽ കേട്ടത്… അതൊന്ന് തിരക്കാൻ വന്നതാ… “..
ശാന്തമായി സുധി പറഞ്ഞു..
“” ഇവിടുന്ന് കരച്ചിലും ചിരിയുമൊക്കെ കേൾക്കും… അത് തിരക്കാൻ നിന്നെയാരാടാ പട്ടീ ഏൽപിച്ചത്…?.
മേലാൽ എന്റെ വളപ്പിൽ കാല് കുത്തിപ്പോകരുത്… എറങ്ങിപ്പോടാ നായേ…”..
വെറും വയറ്റിൽ കുടിക്കാനുള്ള മദ്യം തട്ടിത്തൂവിപ്പോയ ദേഷ്യം രാജൻ, സുധിയോടും തീർത്തു..
സുധി ശരിക്കും അമ്പരന്ന് പോയി.. ഇതെന്ത് മനുഷ്യൻ.. ഒരു വിവരം തിരക്കാൻ വന്നതിനാണോ ഇയാളീ ചീത്ത പറയുന്നത്..?.
അത്യാവശ്യം കലിപ്പനായ സുധിക്ക് ദേഷ്യം വരുന്നുണ്ടായിരുന്നു..
“” ചേട്ടാ… മാന്യമായി സംസാരിക്കണം…
ഞാനിവിടെ കേറി പൊറുക്കാൻ വന്നതൊന്നുമല്ല… എന്തേലും അപകടം പറ്റിയെന്ന് കരുതി ഓടി വന്നതാ… ഒരുമാതിരി ചൊറിയുന്ന വർത്താനം പറയരുത്… “..
“” ദേ… മൈര് ചെറുക്കാ… എന്റെ വീട്ടീ കയറി വന്ന് എന്നെ മര്യാദ പഠിപ്പിക്കുന്നോ പൂറി മോനേ…
ചവിട്ടിപ്പുറത്താക്കണ്ടാ എങ്കിൽ എന്റെ വളപ്പീന്ന് ഇറങ്ങിക്കോ… “..
രാജൻ ക്രോധത്തോടെ അലറി..
സുധിക്കും നിയന്ത്രണം വിട്ടിരുന്നു.. ഒരു കാര്യവുമില്ലാതെയാണ് ഈ തെറി കേൾക്കുന്നത്..
“” അകത്ത് പതുങ്ങി നിൽക്കാതെ ഇങ്ങോട്ട് പുറത്തോട്ടിറങ്ങെടാ മൈരേ…
ചവിട്ടാനുള്ള നിന്റെ പൂതി ഞാൻ തീർത്ത് തരാം… ഒരു കാര്യവുമില്ലാതെ തെറി പറയുന്നോടാ നാറീ…?”..