“ന്തേ പോവാഞ്ഞേന്ന്???”
“നല്ല തെരക്ക്…… അട്ത്ത ബസീ പോവാന്ന് വച്ചു….”
ഒരു ചമ്മിയ ചിരിയുടെ അകമ്പടിയോടെ അവൾ പറഞ്ഞു.
“അയ്യടാ,, ഇളി കണ്ടില്ലേ പെണ്ണിന്റെ….”
അതും പറഞ്ഞു ഗോകുൽ റോഡ് ക്രോസ്സ് ചെയ്തു കടന്നു അവൾക്ക് അരികിലേക്ക് ചെന്നു…
“ന്താടാ എന്റെ ചിരിക്ക് പ്രശ്നം… ഗ്ലാമറല്ലേ???”
“സത്യമ്പറഞാ ഇവ്ടെ നിറുത്തി കെട്ടിപിടിച്ചു ഒരുമ്മ തരാൻ തോന്നാ അത്രേം ഭംഗി….”
“ആക്കല്ലേ…”
“ഒള്ളതാ പെണ്ണേ….”
അതും പറഞ്ഞു അവൻ അവളുടെ കയ്യിൽ കയറി പിടിച്ചു… അവളത് പ്രതീക്ഷിച്ചില്ല എന്ന് തോന്നി… ആദ്യം കുറച്ചു പരിഭ്രമിച്ചെങ്കിലും പിന്നെ അവൾ അവന്റെ കൂടെ റോഡ് മുറിച്ചു കടന്നു…
“എന്നാ പോവല്ലേ???”
“കൊറേ ദൂരണ്ടാ ഡാ….”
“ഇല്ല്യ പെണ്ണേ.. രണ്ട് കിലോമീറ്ററ്…”
“എന്ക്ക് വേഗം വരണംട്ടാ…. ആരേലും അറിഞ്ഞു സ്ട്രൈക്ക് ആണ് ന്ന് അറിഞ്ഞാ പേടിക്കും”
“അയ്‌ന് വിളിച്ചു പറഞ്ഞാ പോരേ…”
“എന്റേല് ഫോണില്ല പൊട്ടാ….”
“എന്റെ ഫോണിൽ നിന്ന് വിളിച്ചോടി…”
“വേണ്ടഡാ… പിന്നെ ഓരോന്ന് ചോദിക്കും… അയ്‌ലും നല്ലത് ഒന്നും മിണ്ടാത്തതാ….”
“എന്നാലും നിന്റെ വീട്ടിലെ നമ്പർ…”
പക്ഷേ അപ്പോളേക്കും അവർക്ക് പോകാനുള്ള ബസ് വന്നു.. അതൊരു മിനി ബസ് ആയിരുന്നു…. അത്കൊണ്ട് തന്നെ അവർ രണ്ടുപേരും മുൻവശത്തു കൂടെ കയറി അഞ്ചു മിനിറ്റ് കഴിഞ്ഞു രണ്ടാമത്തെ സ്റ്റോപ്പിൽ ഇറങ്ങി….
“ഡാ പ്രശ്നാവോ എന്നേം കൊണ്ട് ചെന്നാ???”
അവൻ അവൾക്ക് മറുപടി നൽകിയില്ല… കമ്പിവേലി കൊണ്ടു തിരിച്ച ഒരു പറമ്പിലേക്ക് അവർ കടന്നു കഴിഞ്ഞപ്പോൾ അവൾ വീണ്ടും ചോദിച്ചു..
“ഞാൻ ആരാ, ന്നാഡാ പറയാ???”
“മീരാ ഐ ലവ് യൂ….”
“ഡാ….”
“പെണ്ണെ സീരിയസ് ആയിട്ട്… എനിക്ക് നിന്നെ ഇഷ്ടാടീ…”
അവൻ അങ്ങനെ പറഞ്ഞുകൊണ്ട് അവളുടെ തോളിൽ കൂടി കൈ ഇട്ട് അവളെ അവനോട് ചേർത്തു… അവളാണെങ്കിൽ ആദ്യമൊന്ന് മടിച്ചെങ്കിലും പിന്നെ അവനോട് ചേർന്നു നടന്നു….
“ഡാ…”
അങ്ങനെ വിളിച്ചെങ്കിലും അവൾ കൂടുതൽ ഒന്നും പറഞ്ഞില്ല… ആരെങ്കിലും കാണുമോ പ്രശ്നമാവുമോ എന്ന ഭയത്തിലുപരി അവളും അത് ആഗ്രഹിക്കുന്നത് കൊണ്ടാവും…
അവളുടെ മാനസികവ്യാപാരങ്ങൾ അറിഞ്ഞത് അവൻ അവളോട് പറഞ്ഞു….
“ഈ സ്ഥലം എട്ട് ഏക്കറ് ണ്ട്… ഇത്രേം സ്ഥലത്തിന്റെ ഉള്ളീ നമ്മ മാത്രേ ഒള്ളു.. പിന്നെ ആര് കാണാനാ ന്ന്.”
“ന്ത് ന്ന്???”
അവൾ അവിടെ നിന്നു…. അപ്പോളേക്കും അവർ ഗോകുലിന്റെ തറവാട്ടു സ്വത്തായ എട്ട് ഏക്കർ സ്ഥലത്തിലേക്ക് കടക്കാനുള്ള കമ്പിവേലിയിലെ രഹസ്യ ഓട്ടയ്ക്ക് അരികിൽ ചെന്നെത്തിയിരുന്നു….
“ന്തേ ഡീ…. പേടി ണ്ടാ??”
“നമ്ക്ക് തിരിച്ചു പോവാടാ… എനിക്ക് പേടി ആവണ് ണ്ട്…”
“ഒരു പേടീം വേണ്ട പെണ്ണേ… ഞാൻ ഇണ്ട്ല്ലോ ഒപ്പം…”
അത് തന്നെ ആണ് എന്റേ പേടി എന്ന് മീരയുടെ മനസ്സ് പറഞ്ഞു…. അവനും താനും മാത്രം അത്ര വലിയ ഒരു പ്ലോട്ടിനു ഉള്ളിൽ പെട്ടാൽ എന്താണ് സംഭവിക്കുക എന്ന് അവൾക്ക് നന്നായി അറിയാം…
“എന്നാലും ഡാ… നമ്ക്ക് തിരിച്ചു പോവാടാ… പ്ലീസ്…”
“നിനക്ക് എന്നെ വിശ്വാസം ഇല്ല്യാലേ…”
അവൻ തിരിഞ്ഞു നിന്ന് അവളുടെ മുഖത്തേക്ക് നോക്കിയാണ് പറഞ്ഞത്…. അവൾക്ക് അവന്റെ മുഖത്ത് നോക്കി നിഷേധിക്കാൻ കഴിയാതെ തല കുനിച്ചു കൊണ്ട് മറുപടി നൽകി….
“അതല്ലഡാ വിശ്വാസം ഇണ്ട്… എന്നാലും വേണ്ടടാ… പ്ലീസ്….”
“മനസിലായി…. ശരി തിരിച്ചു പോവാ… വാ….”
അവൻ പെട്ടെന്ന് തിരിച്ചു നടന്നു…. അവളെയും കടന്നു അവൻ മുന്പോട്ട് നടക്കുന്നത് കണ്ടപ്പോൾ അവൻ പിണങ്ങി എന്നവൾക്ക് തോന്നി…. അധികം ഡെപ്ത്തുള്ള റിലേഷൻ ഒന്നും ആയിട്ടില്ല എങ്കിലും അവനെ വിഷമിപ്പിക്കാൻ അവൾക്ക് കഴിയുമായിരുന്നില്ല….
“ഡാ പിണങ്ങി പോവല്ലേഡാ….”
അവൾ പിറകിൽ നിന്ന് അവന്റെ കയ്യിൽ പിടിച്ചു കൊണ്ട് പറഞ്ഞു…
“ഏയ്‌ സാരമില്ലഡീ… വാ…”
അവൻ അവളെ തിരിഞ്ഞു നോക്കാതെ മുൻപോട്ട് പോകാനാഞ്ഞു….
“ഞാൻ വരാടാ നമുക്കു പോവാ… പക്ഷേ വേം തിരിച്ച് പോരണംട്ടോ….”
“ഉച്ച ആവുമ്പള്ക്കും വരാം പെണ്ണേ…. അല്ലാണ്ട് എന്റേൽ ഫുഡ് ഒന്നും ഇല്ല…”
അവൻ മുൻപോട്ട് നടന്നു കമ്പിവേലി കെട്ടിയിട്ടുള്ള ഇരുന്നു പോസ്റ്റിന് അരികിൽ ചെന്നു അതിനു ചുറ്റുമുള്ള കുറ്റി ചെടികൾക്ക് ഇടയിലൂടെ ഉള്ളിലേക്കു കയറി…. അവിടെ കമ്പിവേലി ക്ക് ഇടയിൽ ഒരു ഗ്യാപ് ഉണ്ട്.. ഒരാൾക്ക് കുനിഞ്ഞു കടക്കാനാവും വിധം…
“വാ ഉള്ളീക്ക്…..”
അവൾ ചുറ്റും നോക്കി…. ചെറിയ ഭയമൊക്കെ ആ മുഖത്തുണ്ട്.. എങ്കിലും അവനെ വിഷമിപ്പിക്കാൻ കഴിയാതെ അവളും കുനിഞ്ഞു ഉള്ളിലേക്ക് കടന്നു….
അധികം ഫലമൊന്നും നൽകാത്ത കുറെയേറെ തല പോയതും അല്ലാത്തതുമായ തെങ്ങുകളും കവുങ്ങുകളും…. പരിചരണം ഒട്ടും ഇല്ലാത്തത്കൊണ്ട് കൊച്ചു വാഴക്കുലകൾ നിറഞ്ഞ വാഴക്കൂട്ടങ്ങൾ.. ചിലവയിലൊക്കെ പഴുത്തതും പാതി അണ്ണാനും കിളികളും തിന്നതും ആയ പഴ കുലകൾ….
എന്നാൽ അതിലേറെ കുട്ടിച്ചെടികളും കാട് പിടിച്ചു വളർന്ന പുല്ലും… അവ ഒരു ഭീകരമായ ശാന്തത നൽകുന്നത് പോലെ അവൾക്ക് തോന്നി….
ഇടയിലൂടെ അവർക്ക് മുൻപിൽ ആരൊക്കെയോ നടന്നു പോവുന്ന വഴിച്ചാലുകൂടി കാണാം. അവർ അതിലൂടെ നടന്നു തുടങ്ങി…
പെട്ടന്ന് ഒരു അരണ അവർ പോകുന്നതിന് അടുത്ത് കിടന്ന പഴയ ഉണങ്ങിയ ഓലയിൽ നിന്നും ഓടിപോയി…. ഓലയിലും ഉണങ്ങിയ പുല്ലിലും കൂടി അത് ഇഴഞ്ഞത് കണ്ടപ്പോൾ അവൾ പേടിച്ചു അവന്റെ കയ്യിൽ പിടിച്ചു കൊണ്ട് പറഞ്ഞു….
“എനിക്ക് പേടി ആവണ് ഇണ്ട്ട്ടോ…. നമ്ക്ക്….”
“തിരിച്ചു പോയാലോ അല്ലേ…”
“മ്മ്….”
അവൻ അവളെ നോക്കി കളിയാക്കി ചിരിക്കുമ്പോൾ അവൾ ഫുൾ ദയനീയത മുഖത്ത് വരുത്തി അവനെ നോക്കി….
“ഒരു കാര്യം ചെയ്യ്… നീ മുന്നീ നടക്ക്…. ഞാൻ പിന്നീ നടക്കാം അതാ നല്ലത്….”
അതും പറഞ്ഞു അവൻ അവളെ പിടിച്ചു മുന്പിലോട്ട് കയറ്റിനടന്നു…
അല്പം നടന്നു ഒരു വളവ് കഴിഞ്ഞതും അവളുടെ മുന്പിലെ വാഴ കൂട്ടത്തിലേക്ക് എന്തോ വന്നു വീണു…. ഞെട്ടി പേടിച്ചു അവൾ പുറകിലോട്ട് തിരിഞ്ഞെങ്കിലും ഗോകുൽ ഒപ്പം ഉണ്ടായിരുന്നില്ല….
അവൾ ഭയന്ന് എന്ത് ചെയ്യണം എന്ന് അറിയാതെ ഇങ്ങോട്ട് വരാൻ സമ്മതിച്ച നിമിഷത്തെ ശപിച്ചു കൊണ്ട് നിന്നു…
പെട്ടന്ന് പിന്നിൽ ചെറിയ അനക്കം…. തന്റെ പിന്നിൽ ആരോ ഉള്ളത് പോലെ….
ഗോ….
അവനെ വിളിക്കാൻ ശ്രമിച്ചിട്ടും അവളുടെ ശബ്ദം പുറത്തു വന്നില്ല….
വീണ്ടും പുറകിൽ ഒരു അനക്കം പോലെ… അവൾ ധൈര്യം സംഭരിച്ചു തിരിഞ്ഞു നോക്കിയെങ്കിലും ആരെയും കാണാനില്ല….
അവൾ പതുക്കെ രണ്ട് കാലടികൾ അങ്ങോട്ട് വച്ചു… പിറകിലും അനക്കം പോലെ… അവൾ വിറച്ചു വിറച്ചു നിന്നപോളേക്കും അവളുടെ കഴുത്തിൽ എന്തോ ഇഴയും പോലെ….
“അമ്!!!!!”
വിളിച്ചു പൂർത്തിയാക്കും മുൻപെ അവളുടെ ചുണ്ടുകളെ ഒരു കൈ പൊതിഞ്ഞു…..
“പേടിച്ചാ പെണ്ണെ????”
ഗോകുലിന്റെ ശബ്ദം കേട്ട് അവൾക്ക് സമാധാനമായി…. അവൾ തിരിഞ്ഞു അവനെ നോക്കി…. മനോഹരമായ പുഞ്ചിരിയോടെ നിൽപ്പാണ് കക്ഷി….
