ഓപ്പറേഷൻ തിയേറ്ററിൽ നിന്ന് ഇറങ്ങി വന്ന മീര തിരിഞ്ഞു നോക്കി
റൂം പൂട്ടി താക്കോലുമായി ഗായത്രി അങ്ങോട്ട് ഓടി വന്നു
“””എടി പെണ്ണെ… നിന്നോട് വന്ന അന്നുമുതൽക്കേ ഞാൻ പറയണതാ ചേച്ചി എന്ന് വിളിച്ചാൽ മതിയെന്ന്…”””
മീര അവളോട് ദേഷ്യപ്പെട്ടു
“””ഹാ.. ചൂടാവല്ലേ ഡോക്ടർ ചേച്ചി….”””
“””ദേ… പിന്നേം.. ഇത് ശെരിയാവൂല….”””
അതും പറഞ്ഞു മീര വേഗത്തിൽ നടന്നു
മുപ്പത്തിനടുത്ത് പ്രായം ചെന്ന ഒരു ലേഡി ഡോക്ടർ ആയിരുന്നു അവർ
ഹോളിക്രോസ്സിലെ പ്രധാന സർജൻമാരിൽ ഒരാൾ
ഗായത്രി പിറകെ ഓടി
“””ഹ.. പിണങ്ങല്ലേ മീരേച്ചി…ഞാൻ ഒന്ന് പറഞ്ഞോട്ടെ..”””
മീരക്കൊപ്പം ഓടി എത്താൻ അവൾ പരിശ്രമിച്ചു
“””ദേ ഗായത്രി നിന്നോട് ഞാൻ പറഞ്ഞതല്ലേ… കാര്യം നീ എന്റെ ജൂനിയർ ആണ്.. പക്ഷെ അത് പോലെ ആണോ നിങ്ങളോട് ഞാൻ പെരുമാറുന്നെ…”””
“””ചേച്ചി സീരിയസ് ആയിട്ടാണോ..?
“””ഒന്ന് പോടീ പെണ്ണെ…. അങ്ങനൊന്നുമില്ല… നീയൊക്കെ ഈ ബഹുമാനം തരുമ്പോൾ എനിക്ക് ഒരുമാതിരി അലർജി പോലെയാ…”””
മീര പറഞ്ഞു
“””വോ അങ്ങനെ…. അതാണ് പ്രശ്നം..ഓക്കെ മീരേച്ചി ഇനി ഞാൻ കാരണം അലർജി കൂടി ഇവിടാരും ചാവണ്ട…”””
“””ഓഹ് ഈ പെണ്ണ്… നീ എന്റെ പൊക കാണാൻ ആണോടി അവിടുന്ന് കുറ്റീം പറച്ചു ഇങ്ങട് വന്നത്…?
മീര കളിയായി ചോദിച്ചു
“””ഹാ.. അങ്ങനെയും പറയാം…”””
അവർ സംസാരിച്ചുകൊണ്ട് നടക്കുമ്പോൾ ആയിരുന്നു പിറകിൽ നിന്നൊരു നേഴ്സ് ഓടി വന്നവരെ വിളിച്ചത്
വിഷ്ണു വിളിച്ചറിയിച്ചത് പ്രകാരം ജോയുടെ ട്രീറ്റ്മെന്റിനായുള്ള സജ്ജീകരണങ്ങൾ അവർ അവിടെ ഒരുക്കി
അയാൾ അവിടെ തന്നെ ജോലി ചെയ്യുന്ന ഒരു ഡോക്ടർ ആയിരുന്നു
“””ആരാ ചേച്ചി വരുന്നേ.. വല്ല VIP യും ആണോ…?
ആർക്കോ വേണ്ടിയുള്ള ഒരുക്കങ്ങൾ കണ്ടു ഗായത്രി ചോദിച്ചു
“””അത്രവല്യ VIP ഒന്നുമല്ല…. എങ്കിലും ചെറിയൊരു VIP തന്നെ ആണ്…”””
അപ്പോഴേക്കും ജോയെ അവർ അവിടെ എത്തിച്ചിരുന്നു
ഒട്ടും വൈകാതെ തന്നെ അവർ ചികിത്സ ആരംഭിച്ചു
ഗായത്രിക്ക് അവിടെ പ്രത്യേകിച്ച് പണി ഒണ്ടായിരുന്നില്ല
എങ്കിലും ഒക്സിജൻ മാസ്ക് വച്ചു കിടക്കുന്ന ജോയെ അവൾ ശ്രദ്ധിച്ചു
ഒരു നിമിഷം അവന്റെ കണ്ണുകളിൽ തന്നെ ശ്രദ്ധിച്ചു പോയ അവൾക്ക് അതിൽ തന്നെ നോക്കി നിൽക്കുമ്പോൾ എന്തൊക്കെയോ നഷ്ടമാവുന്നത് പോലെ തോന്നി
ഇനിയും അവിടെ നിന്നാൽ ശെരിയാകില്ലെന്ന് കരുതിയ അവൾ പെട്ടെന്ന് തന്നെ റൂമിൽ നിന്ന് പുറത്തു വന്നു
തനിക് എന്ത പറ്റിയതെന്ന് അവൾ ഓർത്തു
കൊറച്ചു നേരം അവൾ അവിടെ തന്നെ ഇരുന്നു ആലോചിച്ചു
അപ്പോഴേക്കും മീര വെളിയിലേക്ക് വന്നു
അപ്പോഴാണ് ആലോചനയിൽ മുഴുകിയിരിക്കുന്ന ഗായത്രിയെ അവൾ കണ്ടത്
“””നീയെന്താടി ഇത്ര ആലോചിക്കുന്നേ…?
പെട്ടെന്ന് എന്തോ ഓർമ്മയിൽ നിന്ന് അവൾ ഞെട്ടി എണീറ്റു
“””ഹാ.. ചേച്ചിയോ.. എപ്പോ വന്നു…?
“””എപ്പോ വന്നെന്നോ.. അതിന് ഞാൻ എവിടെയും പോയില്ലല്ലോ…”””
“””ഹാ… അല്ല അവിടുത്തെ കഴിഞ്ഞോ..?
“””ഓ അത് വിഷ്ണു തന്നെ നോക്കിക്കൊള്ളും..”””
മീര അത് പറഞ്ഞു അവളുടെ കാബിനിലേക്ക് നടന്നു.. കൂടെ ഗായത്രിയും
ജോയെകുറിച്ച് അറിയണമെന്ന് അവൾക് തോന്നി
“””മേരിച്ചി.. ഇപ്പൊ വന്ന പേഷ്യന്റ് വിഷ്ണു സാറിന്റെ ആരെങ്കിലും ആണോ..?
“””ഹാ അതേ… വിഷ്ണുവിന്റെ ഒരു അടുത്ത ബന്ധത്തിൽ ഉള്ളതാ..”””
“””അപ്പൊ ചേച്ചി അല്ലെ പറഞ്ഞെ ഏതോ VIP ആണ് വരുന്നതെന്ന്..?
ഗായത്രി വീണ്ടും ചോദിച്ചു.. ജോയെകുറിച്ചറിയാൻ അവള്ക്ക് അതിയായ ആഗ്രഹം തോന്നി
“””ആ ഒരു കൊച്ചു VIP തന്നെ…ആലക്കൽ എന്ന് കേട്ടിട്ടുണ്ടോ…?
മീര ചോദിച്ചു
ഗായത്രി ആ പേര് ഓർത്തെടുക്കാൻ ശ്രമിച്ചു
“””ഇല്ല… അത് ആരാ.?