ഞാൻ അവളെ തിരിച്ചും ഉമ്മകൊടുത്തുകൊണ്ട് ചെരിപ്പിട്ടു മുറ്റത്തേക്കിറങ്ങി . പിന്നെ വീടിന്റെ ഒരു വശത്തേക്ക് മാറി അങ്ങോട്ടുമിങ്ങോട്ടും നടന്നു ഫോൺ വീണ്ടും ചെവിയോട് ചേർത്തു .
“ആഹ്..പറ അളിയാ..”
ഞാൻ വീണ്ടും തിരക്കി .
“പറയാൻ എന്താ , ഞാനിപ്പോ എന്താ വേണ്ടേ ? നിന്റെ റോസമ്മക്ക് ക്യാഷ്
കൊടുക്കണോ ? അതോ നിന്റെ ഫാദർ ഇൻ ലോയോട് സംസാരിക്കണോ ?”
ശ്യാം കുറച്ചു കാര്യമായി തന്നെ തിരക്കി .
“ഏയ് ..അച്ഛനോട് പറയണ്ട കാര്യമില്ല . നമ്മുടെ കമ്പനി അക്കൗണ്ടിൽ ക്യാഷ് ഉണ്ടാവോ ?”
ഞാൻ ഒരു നീ വിഷം ആലോചിച്ചു സംശയത്തോടെ ചോദിച്ചു .
“ആഹ്..അതൊക്കെ ഉണ്ട് ”
ശ്യാം പയ്യെ പറഞ്ഞു .
“ആഹ്..എന്നാൽ അവള് ചോദിച്ചത് എത്രയാണെന്ന് വെച്ചാൽ അങ്ങ് കൊടുത്തേക്ക് ”
ഞാൻ ചെറിയ ചിരിയോടെ പറഞ്ഞു.
“മ്മ്..ശരി ശരി ..”
ശ്യാം എന്നെയൊന്നു ആക്കിയ പോലെ പറഞ്ഞു .
“നീ കൂടുതല് ഇളിക്കല്ലേ ..പറഞ്ഞതങ്ങു ചെയ്യ് ”
ഞാൻ അവന്റെ ഇളി കേട്ട് കുറച്ചു ദേഷ്യത്തോടെ പറഞ്ഞു .
“ഉവ്വ ഉവ്വ …”
ശ്യാം പയ്യെ പറഞ്ഞു ചിരിച്ചു .
“മ്മ്..അതൊക്കെ പോട്ടെ നിന്റെ പെണ്ണ് എന്ത് പറയുന്നു . ഇപ്പൊ ഫുൾ ടൈം സൊള്ളല് തന്നെ ആണോ ?”
ഞാൻ സംശയത്തോടെ ചോദിച്ചു .
“ഓഹ്..അങ്ങനെ ഒന്നും ഇല്ല ..”
ശ്യാം കുറച്ചു നാണത്തോടെ പറഞ്ഞു .
“മ്മ്…അവള് വീട്ടിൽ പറഞ്ഞോ ?”
ഞാൻ സംശയത്തോടെ ചോദിച്ചു .
“ഏയ് ഇല്ല . കുറച്ചൂടെ കഴിയട്ടെ എന്ന് പറഞ്ഞു . പിന്നെയിപ്പോ എന്താ പേടിക്കാൻ നീയൊക്കെ ഇല്ലേ ”
ശ്യാം അർഥം വെച്ച് തന്നെ പറഞ്ഞു .
“ഉവ്വ ഉവ്വ..നിന്റെയൊക്കെ സ്വഭാവം വെച്ച് കുടുംബത്തിൽ കേറ്റാൻ കൊള്ളില്ല , പിന്നെ ഫ്രണ്ട് ആയിപ്പോയില്ലേ ”
ഞാൻ ശ്യാമിനെ ഒന്ന് കളിയാക്കാൻ വേണ്ടി അർഥം വെച്ച് പറഞ്ഞു .
“പോ മൈരേ ..പറയുന്ന ആള് വല്യ പുള്ളി ആയിരുന്നല്ലോ . എന്നെക്കൊണ്ടൊന്നും പറയിപ്പിക്കണ്ട .”
ശ്യാം അതുകേട്ടതും ടെംപർ തെറ്റി ചൂടായി .
“ഹി ഹി…അതൊന്നും നോക്കിയിട്ട് കാര്യമില്ല മോനെ. ഞാനും മിസ്സും വേറെ ലീഗ് ആണ് . അതുവെച്ചു നീയൊന്നും കമ്പയർ ചെയ്തിട്ട് കാര്യം ഇല്ല ..”
ഞാൻ സ്വല്പം ഗമയിൽ തന്നെ തട്ടിവിട്ടു . എന്റെ പാസ്റ്റിൽ കുറച്ചു ബ്ലാക് മാർക്സ് ഉണ്ടയിട്ടും മഞ്ജുസ് അതൊന്നും കാര്യമാക്കിയിട്ടില്ല . സെയിം അവസ്ഥയാണ് ഇപ്പൊ ശ്യാമിനും ! സരിത മിസ്സുമായുള്ള ചുറ്റിക്കളി ഒകെ തുറന്നു പറയുന്നതാണ് അവന്റെ ആരോഗ്യത്തിന് നല്ലത് .
“ഉവ്വ ഉവ്വ…പൊട്ടന് ലോട്ടറി അടിച്ചുന്നൊക്കെ കേട്ടിട്ടേ ഉള്ളൂ .നിന്റെ കാര്യത്തില് അത് കണ്ടു. അത്രന്നെ . അതൊണ്ടിപ്പോ സുഖമായല്ലോ…”
ശ്യാം എനിക്കിട്ടു താങ്ങി .
“അയ്യടാ..നീയും ആ സുഖത്തിന്റെ ഭാഗം തന്നെ അല്ലെ..അപ്പൊ കൂടുതൽ ഉണ്ടാക്കേണ്ട ”
ഞാനും കട്ടായം പറഞ്ഞു തോളിലിരിക്കുന്ന റോസ് മോളുടെ കവിളിൽ താടിയുരുമ്മി .
ഇക്കിളി എടുത്തതും പെണ്ണ് വീണ്ടും കുലുങ്ങി ചിരിച്ചു .
“ചാ ചാ ..ഹി ഹി ഹി ..”
“ഡേയ് ഡേയ് മതി..മതി നിർത്തു നിർത്തു ”
ശ്യാം ആ സംസാരം തുടരാൻ താല്പര്യമില്ലാത്ത മട്ടിൽ പറഞ്ഞു .
“മ്മ് ..ശരി ..പിന്നെ വേറെന്തൊക്കെ ഉണ്ട് ?
റോസിമോളെ വിട്ടു ഞാൻ വീണ്ടും ഗൗരവത്തിൽ ചോദിച്ചു .
“വേറെയിപ്പോ എന്താ , അഹ്…പിന്നെ വിവേകളിയൻ വിളിച്ചിരുന്നു . നീ മായേച്ചിയെ എന്നാണ് വീട്ടിലോട്ടു കൂട്ടിക്കൊണ്ടുപോകാൻ ചെല്ലുന്നത് എന്ന് ചോദിക്കാൻപറഞ്ഞു ”
ശ്യാം എന്തോ ഓർത്തിട്ടെന്ന പോലെ തിരക്കി .
“ആഹ്..അത് ഞാൻ രണ്ടു ദിവസത്തിനകം സെറ്റാക്കാം എന്ന് പറഞ്ഞേക്ക് . നാളെ എന്റെ ഡാഡി ലാൻഡ് ചെയ്യുവാണ്. അങ്ങേരെ എടുക്കാൻ പോണം . അതൊന്നു കഴിയട്ടെ ”
ഞാൻ സ്വല്പം ഗൗരവത്തിൽ തന്നെ പറഞ്ഞു .
“ഓഹ്..അങ്ങേരു വരുന്നുണ്ടല്ലേ !”
ശ്യാം ചെറിയൊരു ഞെട്ടലോടെ പറഞ്ഞു .
“ആഹ്….ഇനി പോണ്ടെന്നൊക്കെ പറയണം എന്നുണ്ട് , പക്ഷെ അങ്ങേരു സമ്മതിക്കുമോ എന്തോ ”
ഞാൻ ആരോടെന്നില്ലാതെ പറഞ്ഞു .
“മ്മ്…എനിക്ക് അങ്ങേരെ കാണുന്നതേ പേടിയാ ”
ശ്യാം ഫോണിൽ കൂടെ ആയിട്ടുകൂടി ഒന്ന് പരുങ്ങി . കാരണം എന്റെ ഡാഡി കാഴ്ചക്ക് കുറച്ചു പരുക്കൻ ആണ്.
“പോടെ ..അങ്ങേരു പാവം ആണ് . ”
ഞാൻ ആരോടെന്നില്ലാതെ പറഞ്ഞു . എന്നെ ഒന്ന് പൊട്ടിച്ചെങ്കിൽ കൂടി പിന്നീട് ഒരു മുടക്കും പറയാതെ ഞങ്ങളുടെ കല്യാണം നടത്തി തന്ന മുതൽ ആണ് . എന്റെ കൈ മുറിച്ച ഇൻസിഡന്റ് അതിനൊരു റീസൺ ആയെങ്കിലും അച്ഛൻ പിന്നീട് മറുത്തൊന്നും പറഞ്ഞിട്ടില്ല. പിള്ളേര് ഉണ്ടായ സമയത്തു അച്ഛന് നാട്ടിലേക്ക് വരാനൊന്നും കഴിഞ്ഞില്ല. പിന്നെ കുട്ടികളുടെ ചോറൂണിന്റെ സമയത്താണ് അച്ഛൻ പത്തു ദിവസത്തെ മെഡിക്കൽ ലീവ് എന്തോ എടുത്തിട്ട് നാട്ടിലേക്ക് വന്നു പേരകുട്ടികളെ ഒകെ നേരിട്ട് കാണുന്നത് .
അച്ഛനെ ഇനി തിരിച്ചു വിടേണ്ട എന്നാണ് മഞ്ജുസും പറയുന്നത് . രണ്ടു പിള്ളേരുള്ളതുകൊണ്ട് മഞ്ജു കോളേജിൽ പോയാൽ എന്റെ അമ്മച്ചിക്ക് പിടിപ്പതു പണിയാണ് . അച്ഛൻ കൂടി വീട്ടിൽ ഉണ്ടേൽ പിള്ളേരെ നോക്കാനും ഒരാളായി ! മാത്രമല്ല ആവശ്യത്തിൽ കൂടുതലൊക്കെ ഞാനും ഉണ്ടാക്കുന്നുണ്ട് . ശ്യാം കമ്പനിയിൽ വന്നേൽ പിന്നെ ബിസിനെസ്സ് ഒകെ ഒറ്റയടിക്ക് കൂടിയിട്ടുമുണ്ട് . അവന്റെ വാക് സാമർഥ്യം കാരണം കുറെ ഓർഡറുകളൊക്കെ കിട്ടി
.മഞ്ജുസിന്റെ അച്ഛനും അവനെയങ്ങു പിടിച്ചമട്ടാണ് !
മാത്രമല്ല റോസ്‌മേരിയുമായി ഞാൻ പാർട്ണർഷിപ് ആയിട്ട് ഒരു ഗാര്മെന്റ്സ് ബിസിനസ്സും തുടങ്ങിയയിട്ടുണ്ട് . മഞ്ജുസിന്റെ അച്ഛന്റെ കയ്യിൽ നിന്നും ഇൻവസ്റ്റ്മെന്റിനുള്ള പണം കടമായിട്ട് വാങ്ങിയാണ് ഞാൻ ആ ബിസിനെസ്സിൽ തലയിട്ടത് ! ഞങ്ങളുടെ മില്ലിൽ നിന്ന് തന്നെയുള്ള തുണികൾ അങ്ങോട്ടേക്കും കയറ്റി വിടുന്നുണ്ട് . റോസമ്മയുടെ ഐഡിയ എന്തായാലും വിജയിച്ചെന്നു പറയാം . സംഗതി പെട്ടെന്ന് ക്ലിക് ആയി . അതേത്തുടർന്ന് അവള് അതൊന്നുകൂടി വിപൂലീകരിച്ചു . ഭർത്താവു റോബിനും എല്ലാത്തിനും കൂടെയുണ്ട് .ഇടക്ക് ഞാനും ബാംഗ്ലൂരിൽ ചെന്ന് അതൊക്കെ ഒന്ന് വിലയിരുത്തും അത്ര തന്നെ ! നമ്മുടെ ഷെയർ ഒകെ കിറുകൃത്യമായി റോസമ്മ അക്കൗണ്ടിൽ ഇടുവേം ചെയ്യും !
സ്വന്തമായിട്ട് എനിക്ക് എന്തേലും ഐഡന്റിറ്റി വേണം എന്ന് പറഞ്ഞു എന്നെ നിർബന്ധിച്ച നിർബന്ധിച്ചു റോസ്‌മേരിയാണ് എന്നെ ബിസിനസിലേക്ക് ഇറക്കിയത് . മഞ്ജുസ് പോലും അറിയാതെ ആയിരുന്നു ഞങ്ങളുടെ പ്ലാൻ . പക്ഷെ ഇൻവെസ്റ്റ്‌മെന്റ് ഒരു പ്രെശ്നം ആയിരുന്നു . അങ്ങനെ ആണ് മഞ്ജുസിന്റെ അച്ഛനോട് ഞാൻ കാര്യം പറയുന്നത് . പുള്ളി ഞങ്ങളെ സഹായിച്ചതോടെയാണ് സംഗതി ക്ലിക് ആയതു . റോബിനും അത്യാവശ്യം ക്യാഷ് ടീം ആയതുകൊണ്ട് പിന്നെയൊക്കെ എളുപ്പമായിരുന്നു ! എനിക്ക് അങ്ങനെയൊരു ആഗ്രഹം ഉണ്ടെങ്കിൽ അതുകൂടി നടന്നോട്ടെ എന്ന് മഞ്ജുസിന്റെ അച്ഛനും കരുതിക്കാണും !
