നി ഇന്നലെ രാവിലെ കാറുമെടുത്തു പോയതല്ലേ എന്നിട്ടേപ്പോയാ വന്നേ വല്ല ഓർമയും ഉണ്ടോടാ അതെങ്ങിനെ കൊച്ചുമോനെ കൊഞ്ചിച്ചു കൊഞ്ചിച്ചു വഷളാക്കാൻ രണ്ടു പേരുണ്ടല്ലോ ഇവിടെ..
മുത്തശ്ശയും മുത്തശ്ശനും ഇവിടെ താമസിക്കുന്നത് ആണോ അമ്മയുടെ ഇപ്പോഴത്തെ പ്രശ്നം.
ടാ രാഹുലെ വേണ്ടാ. എന്റെ അമ്മയും അച്ഛനും എന്റെ കൂടെ നിൽക്കുന്നതിൽ എനിക്കെന്താ പ്രശ്നം.നിനക്ക് കുറച്ചു കൂടുന്നുണ്ട് കേട്ടോ
അല്ല അമ്മയുടെ സംസാരം കേട്ടിട്ട് പറഞ്ഞതാണേ..
ഹോ.
അപ്പോയെക്കും തുടങ്ങിയോ അമ്മയും മോനും..
അല്ല മുത്തശ്ശി കേട്ടില്ലേ നിങ്ങടെ മോള് പറഞ്ഞത്..
എന്റെ മോനേ അവള്ക്ക് വഴക്ക് പറയാനും തല്ലുക്കൂടാനും നീ ഒരുതനല്ലേ ഉള്ളു.
എനിക്ക് തായേ ഒരുത്തി കൂടെയില്ലേ അവളോട് എന്തൊരു സ്നേഹമ അമ്മക്ക്. എന്നോട് മാത്രം എന്തുപറഞ്ഞാലും എപ്പോഴും വഴക്കാ മുത്തശ്ശി.
അതങ്ങിനെയാടാ നിന്നോടുള്ള സ്നേഹ കൂടുതൽ കൊണ്ടാ.
ഇങ്ങിനെയാണേൽ കുറച്ചു സ്നേഹം കുറഞ്ഞാലും വേണ്ടിയിരുന്നില്ല.
രാഹുലിന്റെ സംസാരം കേട്ട് ലേഖക്ക് ചിരിയാണ് വന്നത്.
അവൾ അവന്റെ തലയിൽ മെല്ലെ തലോടികൊണ്ട് അമ്മക്ക് വഴക്കടിക്കാനും കൂടെ കൂട്ടാനും നീയല്ലേ എന്നുമുണ്ടാകു ശ്രുതിമോളെ കല്യാണം കഴിപ്പിച്ചു വിട്ടാൽ പിന്നെ ഈ അമ്മക്ക് എന്റെ ഈ പൊന്നുമോൻ മാത്രമല്ലെ ഉണ്ടാകു എന്ന് പറഞ്ഞോണ്ട് ലേഖ അവനെ ചേർത്തു പിടിച്ചു നിന്നു.
ആ അത് തന്നെ അല്ലെ മോളെ എന്ന് പറഞ്ഞോണ്ട് മുത്തശ്ശി അമ്മയുടെ ഭാഗം ചേർന്നു കൊണ്ട്
അവൾ കുഞ്ഞായിരിക്കുമ്പോൾ എന്നും നിന്റെ മാമനുമായിട്ടായിരുന്നു വഴക്ക് ഇപ്പൊ നീയുമായിട്ടു.
അല്ലേലും മുത്തശ്ശിക്കു സ്വന്തം മോളോട് അല്ലെ പ്രിയം.
അമ്മ ചോദിച്ചതിലും കാര്യമില്ലേ മോനേ നീ ഇന്നലെ രാവിലെ ഞങ്ങളോട് പോലും ഒന്നും പറയാത്തെ വണ്ടിയെടുത്തു പോയതല്ലേ.
നിനക്കെന്തേലും പറ്റിയാൽ.
ന്റെ മുത്തശ്ശി എനിക്കങ്ങനെ ഒന്നും പറ്റത്തില്ല.
ഹ്മ്മ് സൂക്ഷിച്ചോനെ മോനേ.
എന്റെ മുത്തശ്ശിയുടെയും അച്ഛമ്മയുടെയും പ്രാർത്ഥനയുള്ളപ്പോൾ അങ്ങിനെ ഒന്നും ഉണ്ടാകില്ല മുത്തശ്ശി.
ഹ്മ്മ് അതൊക്കെ ശരിയാ എന്നാലും നീ ഒന്ന് സൂക്ഷിക്കുന്നത് നല്ലതാ മോനേ.
ശരി മുത്തശ്ശി എന്ന് പറഞ്ഞു കൊണ്ട് രാഹുൽ അച്ചമ്മയുടെ മടിയിൽ തലചായ്ച്ചു കിടന്നു.
അച്ഛമ്മ അവന്റെ തലമുടിയിൽ തഴുകി കൊണ്ടിരുന്നപ്പോൾ രാഹുലിന് ദേഹമാസകലം കുളിരു വന്നു.
അവൻ ലേഖയെ നോക്കി പുഞ്ചിരിച്ചോണ്ട് കിടന്നു.
അവന്റെ കിടപ്പ് കണ്ടു സന്തോഷത്തോടെ ലേഖ അകത്തേക്ക് പോകാൻ തുടങ്ങിയതും രാഹുലിന്റെ ഫോൺ ബെല്ലടിക്കുന്നത് കേട്ടു ലേഖ അവനെ തിരിഞ്ഞു നോക്കി കൊണ്ട് നിന്നു.
ഫോണിലെ ഡിസ്പ്ലേയിൽ രമേശൻ എന്ന് കണ്ടതും രാഹുൽ കിടന്നു കൊണ്ട് തന്നെ കാൾ അറ്റൻഡ് ചെയ്തു..
ഹാ രമേശാ പറയെടാ എന്താ കാര്യം.
എടാ രാഹുലെ നീ വണ്ടിയെടുത്തോണ്ട് വീട്ടിലേക്കു ഒന്ന് വരുമോ.
എന്താടാ എന്താ കാര്യം.
ഒന്നുമില്ലെടാ അമ്മ പടിയിറങ്ങുമ്പോൾ കാലൊന്നു തെന്നി.
ആ എന്നിട്ട്.
അമ്മക്ക് കാൽ അനക്കാൻ കഴിയുന്നില്ല എന്നാ പറയുന്നേ.
ഡോക്ടറെ പോയി കാണാൻ ആണെടാ.
അതിനെന്താ രമേശാ ഞാനിപ്പോ വരാം.
രാഹുലിന്റെ എഴുനേൽപ്പ് കണ്ടു ലേഖ അവനോടായി.
താ കണ്ടില്ലേ ഇനി എപ്പയാണാവോ തിരികെ.
എന്റെ അമ്മേ രമേശാന്റെ അമ്മ പടിയിറങ്ങിയപ്പൊ കാല് തെറ്റി അനക്കാൻ കഴിയാതെ വിഷമിക്കുകയാണെന്ന്.
അയ്യോ പാവം എന്നിട്ട് എല്ലിന് പൊട്ടുണ്ടോടാ.
അത് ഡോക്ടറെ കണ്ടാലല്ലേ പറയാൻ പറ്റു ഞാൻ ഒന്ന് പോയി വരാം.
ഹ്മ്മ് എന്നാ പോയി അവരെ ഡോക്ടറെ കാണിച്ചേച്ചും വായോ എന്നും പറഞ്ഞോണ്ട് ലേഖ അകത്തേക്ക് നടന്നു
അത് പറയുമ്പോഴുള്ള ലേഖയുടെ മുഖഭാവം ശ്രദ്ധിച്ച രാഹുൽ അമ്മയുടെ പിറകെ അകത്തോട്ടു നീങ്ങി.