രൂപ : എന്ത് പറയാൻ അതൊക്കെ നിനക്ക് വെറുതെ തോന്നുന്നതാ
ഗീതു : അങ്ങനെയാണെങ്കിൽ സാരമില്ല
അപ്പോഴേക്കും സ്വപ്നാ മിസ്സ് ക്ലാസ്സിലേക്ക് എത്തിയിരുന്നു
മിസ്സ് : ഇന്ന് ലാബ് ആണെന്ന് നിങ്ങൾക്കറിയില്ലേ ലാബ് ദിവസം അവിടേക്ക് വരണം എന്നല്ലേ ഞാൻ നിങ്ങളോട് പറഞ്ഞിരുന്നത് ഒറ്റ ഒരെണ്ണത്തിന് അനുസരണയില്ല ഞാൻ ആനയിക്കാൻ വന്നാലേ നീ യൊക്കെ വരു അല്ലേ
ഇത് കേട്ട കുട്ടികൾ എല്ലാം ബെഞ്ചിൽ നിന്നെഴുന്നേറ്റു
മിസ്സ് : ആദിത്യാ നീ സാമ്പിൾസ് കൊണ്ട് വന്നോ
ആദി : കൊണ്ടുവന്നു മിസ്സ്
മിസ്സ് : 20 എണ്ണം ഉണ്ടല്ലോ അല്ലേ
ആദി : ഉണ്ട് മിസ്സ്
മിസ്സ് : ഒക്കെ ഗുഡ് ഓരോ ഗ്രൂപ്പും ഓരോ സാമ്പിൾ വാങ്ങിച്ചോ എന്നിട്ട് ലാബിലേക്ക് വാ
ഇത്രയും പറഞ്ഞു മിസ്സ് ക്ലാസ്സിനു പുറത്തേക്കിറങ്ങി
ആദി ഓരോരുത്തർക്കായി സാമ്പിൾ നൽകി ശേഷം ഒന്ന് സ്വയമായി എടുത്തു അപ്പോഴേക്കും രൂപ ക്ലാസ്സിനു പുറത്തേക്കു നടന്നു തുടങ്ങിയിരുന്നു ആദി വേഗം അവളുടെ അടുത്തേക്ക് ഓടി
ആദി : ഒന്ന് നിക്ക് രൂപേ പയ്യെ പോ
ഇത് കേട്ട രൂപ പതിയെ അവിടെ നിന്നു ആദി വേഗം തന്നെ ഒരു സാമ്പിൾ അവൾക്ക് നൽകി ഇത് ഇന്റെ വീട്ടിലെ കിണറിലെയാ നമുക്കിത് ടെസ്റ്റ് ചെയ്യാം
രൂപ : ശെരി
ഇത്രയും പറഞ്ഞു രൂപ വീണ്ടും മുന്നോട്ട് നടന്നു
ആദി : ( ഇവളിന്ന് അല്പം സീരിയസ് ആണല്ലോ )
ആദി വീണ്ടും അവളോടൊപ്പം മുന്നോട്ട് നടന്നു
അല്പസമയത്തിനു ശേഷം ലാബ് വർക്കിനിടയിൽ
ആദി : നിറ വ്യത്യാസമൊന്നും മില്ല അപ്പോൾ കുടിക്കുന്നതിൽ പ്രശ്നമില്ല അല്ലേ രൂപേ ph ഉം കറക്റ്റ് ആയിട്ടുണ്ട്
രൂപ : ഉം
ആദി : നിനക്കെന്താടി പറ്റിയെ എന്തെങ്കിലും ഒന്ന് പറ ഇത് ഒരുമാതിരി
രൂപ : എനിക്ക് നല്ല സുഖമില്ല അതാ അധികം സംസാരിക്കാത്തത്
ആദി : സുഖമില്ലേ ഹോസ്പിറ്റലിൽ വല്ലതും പോണോ
രൂപ : അതൊന്നും വേണ്ട അത്രക്ക് വലിയ പ്രശ്നമൊന്നുമില്ല
ആദി : ഞാൻ ഇന്നലെ പറഞ്ഞതൊക്കെ ഓർത്താണോ..
രൂപ : അതിനെ പറ്റി നമുക്ക് ഉച്ചക്ക് സംസാരിക്കാം
ആദി : ശെരി രൂപേ നന്നായി ആലോചിച്ചിട്ട് പറഞ്ഞാൽ മതി
അവർ വീണ്ടും വർക്ക് തുടർന്നു
ആദിത്യനും അജാസും ലാബിനു ശേഷം ക്ലാസ്സിൽ
അജാസ് : എന്തായെടാ അവള് വല്ലതും പറഞ്ഞോ
ആദി : ഇല്ലടാ ഉച്ചക്ക് പറയാമെന്നാ പറഞ്ഞത് പിന്നെ അവള് നല്ല സീരിയസായാ എന്നോട് സംസാരിച്ചത് എനിക്കെന്തോ ഒരു പേടിപോലെ
അജാസ് : ഇതൊക്കെ പെണ്ണുങ്ങളുടെ ഒരു സ്ഥിരം നമ്പറാ അല്പം ജാഡയൊക്കെ ഇട്ടിട്ടെ അവര് കാര്യം സമ്മതിക്കു പിന്നെ രൂപ ആയത് കൊണ്ട് അവള് നിന്നെ എന്തയാലും അല്പം വട്ടം ചുറ്റിക്കും അത് ഉറപ്പാ
ആദി : എന്നാലും ഇത് ഇത്തിരി കൂടുതലാ
ഇത് കേട്ട അജാസ് പതിയെ ചിരിച്ചു
ഉച്ചക്ക് ലഞ്ച് ടൈം
രൂപ പതിയെ തന്റെ സീറ്റിൽ നിന്നെഴുന്നേറ്റ് ആദിയുടെ അടുത്തേക്ക് എത്തി
രൂപ : ടാ കഴിച്ചു കഴിഞ്ഞിട്ട് ലൈബ്രറിയുടെ അടുത്തേക്ക് വാ നമുക്ക് അവിടെ വച്ച് സംസാരിക്കാം
ആദിയോട് ഇത്രയും പറഞ്ഞ ശേഷം രൂപ ക്ലാസ്സിനു പുറത്തേക്കു പോയി
ഭക്ഷണം കഴിച്ച ശേഷം ആദി ലൈബ്രറിക്കടുത്ത്
പെട്ടെന്ന് തന്നെ രൂപ അവന്റെ അടുത്തേക്ക് എത്തി
രൂപ : ടാ വാ അകത്തോട്ട് പോകാം അവിടെ ആരുമില്ല
ഇത്രയും പറഞ്ഞു രൂപ ലൈബ്രറിക്കുള്ളിലേക്കു കയറി ഒപ്പം ആദിയും
ആദി : രൂപേ നീ ഈ കടും പിടുത്തമൊക്കെ വിട്ടിട്ടൊന്ന് സംസാരിക്ക് എനിക്ക് എന്തോ പോലെ തോന്നുന്നു
രൂപ : ടാ നീ ഇന്നലെ പറഞ്ഞതൊക്കെ എന്നെ കളിപ്പിക്കാൻ വേണ്ടി പറഞ്ഞതല്ലേ
ആദി : നിനക്ക് അങ്ങനെ തോന്നിയല്ലേ ശെരിയാ ഞാൻ ഒട്ടും തയ്യാറെടുപ്പില്ലാതെയാ നിന്നോട് സംസാരിച്ചത് ഞാൻ ഇന്നലെ എല്ലാം കുളമാക്കി സോറി ടീ ഞാൻ ആദ്യമായിട്ടാ ഒരാളോട്… അതാ അങ്ങനെ പറ്റിപോയത് പക്ഷെ ഞാൻ പറഞ്ഞതൊക്കെ സത്യമാ ഐ റിയല്ലി ലവ് യു
രൂപ : ആദിത്യാ
ആദി : ആദിത്യാന്നോ നീ എന്നെ അങ്ങനെയല്ലല്ലോ വിളിക്കാറ് എന്നെ ഇങ്ങനെ കളിപ്പിക്കല്ലേ ഇത് നല്ല ബോറായിട്ടുണ്ട് കേട്ടൊ
രൂപ : എനിക്കിഷ്ടമല്ല
ആദി : എന്താ
രൂപ : എനിക്ക് നിന്നെ ഇഷ്ടമല്ലെന്ന് ഞാൻ നിന്നെ അങ്ങനെയൊന്നും കണ്ടിട്ടില്ല