“ഹെല്പ് !! ഹെല്പ് ..”ടോണി ഉറക്കെ വിളിച്ചു ..
“ടോണി !! നിർത്തു ..”ഷെറിൻ ടോണിയോടു നിർത്താൻ ആവിശ്യപ്പെട്ട് പറഞ്ഞു .
“ഹെല്പ് .ഹെല്പ് “സ്വന്തം നിലവിളിയിൽ ‘അമ്മ പറഞ്ഞത് കേക്കാതെ അവൻ വീണ്ടും വിളിച്ചു
“ടോണി !!!” ഷെറിൻ പാറക്കെട്ടുകൾക്കു മീതെ നിന്നു താഴെ ചാടി .
“ഹെല്പ് ഹെല്പ് ..”
“ടോണി ..സ്റ്റോപ്പ് …”അവൾ അവനെ നേരെ ഓടി കൊണ്ട് പറഞ്ഞു
“ഹെല്പ് . ഹെ….”
“ടോണി .സ്റ്റോപ്പ് !!”ഒരു കൈ കൊണ്ട് ടോണി യുടെ വായ് പൊത്തികൊണ്ടു അവൾ പറഞ്ഞു .അവൾ ടോണി യെ വലിച്ചു ഐലണ്ടിന്റെ ഉള്ളിലേക്കു നടന്നു .ഐലൻഡിലെ മരങ്ങളുടെ മറവിൽ എത്തിയതും ഷെറിൻ മകന്റെ വായിൽ നിന്നും കൈ എടുത്തു
“വാട്ട് …മമ്മി ബോട്ട് .!!!”
“ഞാൻ കണ്ടു ..” ഷെറിൻ കിതച്ചു കൊണ്ട് പറഞ്ഞു
“പിന്നെ എ….”
“മോൻ ഇനി മമ്മി പറയുന്നതുപോലെ ചെയ്യണം .നീ നമ്മുടെ വെള്ളച്ചാട്ടത്തിന്റെ എടുത്തുപോയി നിക്ക് .. മമ്മി വന്നു നിന്നെ വിളിക്കുന്ന വരെ നീ ഇങ്ങോട്ടു വരൻ പാടില്ല .മനസ്സിലായോ ??”
“മമ്മി .. ആ ബോട്ട് ഇപ്പൊ പോകും ! ”
“ബോട്ട് ഞാൻ നോക്കിക്കോളാം.നിനക്ക് ഞാൻ പറഞ്ഞത് മനസ്സിലായോ ??”
“മമ്മി എന്തിനാ പേടിക്കുന്ന ??”അമ്മയുടെ പെട്ടെന്നുള്ള പെരുമാറ്റത്തിൽ അവൻ ഒന്നും മനസിലാകാതെ ചോദിച്ചു..
“ഒന്നും ഇല്ല മോനെ …നിനക്ക് മമ്മി യെ വിശ്വാസം ഇല്ലേ ..”
“അതല്ല ..”
“നിന്നെ വിട്ടു ഞാൻ ഒറ്റക് പോകും എന്ന് കരുതുന്നുണ്ടോ നീ …??”
“അതല്ല മമ്മി .മമ്മി നെ ഒറ്റക് വിട്ടിട്ടു … .ആ ബോട്ടിൽ വേറെ ആരെങ്കിലു ആണെങ്കിലോ ??”
തന്നെ കുറിച്ച് ആലോചിച്ചാണ് ടോണി ഇവിടന്നു പോകാൻ സങ്കടപെടുന്നത് എന്ന് മനസിലാക്കിയ ഷെറിൻ അറിയാതെ ചിരിച്ചു .താൻ തൻ്റെ മകന്റെ സുരക്ഷക്ക് വേണ്ടിയും മകൻ തൻ്റെ സുരക്ഷക്ക് വേണ്ടിയും വ്യാകുലപ്പെടുന്നു .
“മോനെ മമ്മിക് ഒന്നും സംഭവിക്കില്ല ..മോൻ ആദ്യം മമ്മി പറഞ്ഞത് പോലെ ചെയ്യ് ” ഷെറിൻ ചിരിച്ചി കൊണ്ട് ടോണി യുടെ തലയിൽ തലോടി കൊണ്ട് പറഞ്ഞു .”പോ വേഗം ..”
ടോണി മനസില്ല മനസോടെ തിരിച്ചു ഐലണ്ടിന്റെ ഉള്ളിലേക്കു ഓടി . മകൻ ഉള്ളിലേക്കു പോയതും ഷെറിൻ തിരിച്ച കരയിലേക്കു വന്നു കടലിലേക്ക് നോക്കി .പടിഞ്ഞാറു വശത്തേക്കു നീങ്ങികൊണ്ടിരിക്കുകയായിരുന്നു ആ ബോട്ട് ..ഷെറിൻ വേഗം തൻ്റെ ഷെൽറ്ററിന്റെ എടുത്തെക് ഓടി .ഷെൽറ്ററിന്റെ എടുത്തു എത്തിയതും ഷെറിൻ ഇപ്പോളും കെടാതെ മെല്ലെ കത്തുന്ന തീയിലേക്ക് അവൾ തലേ ദിവസം കൊണ്ട് വന്ന ചുള്ളി കൊമ്പുകളും ഉണങ്ങിയ ഇലകളും ഇട്ടു കൊടുത്തു .തീ നന്നായി ആളികത്തി ..നന്നായി ആളിക്കത്തിയ തീയിലേക്ക് ഷെറിൻ അവിടെ ഉണ്ടായിരുന്ന ഓൿമരത്തിലെ പച്ചിലകൾ പറിച്ചു ഇട്ടു ..തീയിലേക്ക് കെടും വിധം പച്ചിലകൾ ഇട്ടതും അത് നല്ലവണം പുകയാൻ തുടങ്ങി ..പുക കൂടി കൂടി മേലെ ഉയർന്നു ..ഈ പുക ബോട്ടിലു ഉള്ളവർക്ക് കാണാൻ സാധിക്കണമേ എന്ന് അവൾ ആശിച്ചു . പുക നല്ല ഉയരത്തിൽ എത്തിയതും ഷെറിൻ ഓക്ക് മരത്തിൽ ഉണ്ടായിരുന്ന തൻ്റെ ടോപ് എടുത്തു കരയിലേക്കു നടന്നു .
“ഹെല്പ് ….ഹെല്പ് ..”തൻ്റെ ടോപ് തലേക്കു മീതെ ചുറ്റി കൊണ്ട് അവൾ ഉറക്കെ നിലവിളിച്ചു ..
ബോട്ട് പതിയ പതിയ പടിഞ്ഞാറു വശത്തേക്കു നീങ്ങി കൊണ്ടിരുന്നു ..
“ഹെയ്….ഹെല്പ് ..ഹെല്പ് …” ഷെറിൻ തൊണ്ട പൊട്ടും വിധം അലറി .
പക്ഷെ ആ ബോട്ട് ഐലൻഡിൽ നിന്നും അകന്നു കൊണ്ടിരിന്നു .
“ഹെയ് ….ഹെല്പ് …..”ഷെറിൻ അവൾക്കു പറ്റും വിധം അലറി ..
“പ്ളീസ് ..ഹെല്പ് ..”ഇടറുന്ന ശബ്ദത്തോടെ മുട്ട് കുത്തി ഇരുന്നു കൊണ്ട് അകന്നു പോകുന്ന ബോട്ട് നെ നോക്കി അവൾ വിളിച്ചു
“പ്ളീസ് …”ഷെറിന്റെ കണ്ണിൽ നിന്നും കണ്ണീരുകൾ പൊടിഞ്ഞു ..
“പ്ളീസ് ..” തൻ്റെ കണ്ണീരു വീണ മണ്ണിലേക്ക് മുഗം താഴ്ത്തികൊണ്ടു അവൾ കെഞ്ചി …
കണ്ണീരിൽ കുതിർത്ത കവിളുകളോടെ അവൾ മുഗം ഉയർത്തി കടലിലേക്ക് നോക്കി .ബോട്ട് കാണാമറയത്തേക്കു അകന്നു കൊണ്ടിരുന്നു .ഷെറിൻ ഒരു ദീർഘശ്വാസം വിട്ടു തൻ്റെ ടോപ് കൊണ്ട് മുഗം തുടച്ചു .ഷെറിൻ എണീറ്റ് നിന്നു തിരിഞ്ഞു ഐലണ്ടിന്റെ ഉള്ളിലേക്കു നടന്നു .മരങ്ങൾക്കു ഇടയിലൂട നടക്കുമ്പോൾ ഷെറിൻ ഒരു പ്രവിശ്രം കൂടി തിരിഞ്ഞു കടലിലേക്ക് നോക്കി .അവളുടെ കണ്ണുകൾ വിടർന്നു .ബോട്ട് മെല്ലെ മെല്ലെ തിരിയുന്നത് അവൾ കണ്ടു .
“ഹെയ് …ഹെല്പ് ..”ഷെറിൻ തൻ്റെ ടോപ് മേലെ വീശി കൊണ്ട് അവൾക്കു കഴിയുന്നതും പോലെ ശബ്ദമുണ്ടാക്കി കരയിലേക്കി ഓടി ..
ബോട്ട് ഇപ്പോൾ ഐലന്ഡിനെ ലക്ഷ്യമാക്കി വന്നുകൊണ്ടിരുന്നു ..
“ഹെയ് …”ഷെറിൻ ടോപ് തലക്കു മീതെ വീശി .
ഷെറിൻ നെറ്റിയിൽ കൈ വച്ചു കണ്ണുകൾ കോച്ചി കൊണ്ട് ബോട്ടിലേക്കു നോക്കി .ബോട്ടിൽ ഉള്ളിൽ നിന്നും ഒരാൾ തിരിച്ചും കൈകൾ വീശുന്നുണ്ടായിരുന്നു .
ഒരു ബ്ലൂ കളർ ഫിഷിങ് ബോട്ട് ആയിരുന്നു അത് .കണ്ടിട്ട് നല്ല പഴക്കം തോണിക്കുന്നുണ്ട് . പഴയ എൻജിൻ ആയതുകൊണ്ട് തന്നെ ബോട്ട് എടുത്തു വരുംതോറും ശബ്ദം കൂടി കൂടി വന്നു .
ഷെറിൻ ഒരു ദീർഘശ്വാസം വിട്ടു തൻ്റെ കൈയിലുണ്ടായിരുന്ന ടോപ് എടുത്തു ധരിച്ചു .മെല്ലെ മെല്ലെ സമീപിച്ചു കൊണ്ടിരുന്ന ബോട്ടിനെ ഷെറിൻ സന്തോഷത്തോടെയും ഭീതിയോടെയും വീക്ഷിച്ചു .അവളെ അലട്ടികൊണ്ടിരുന്ന ഒരു വിഷയം .അതായിരുന്നു അവളെ തൻ്റെ മകനെ ഐലണ്ടിന്റെ ഉള്ളിലേക്കു പറഞ്ഞു വിടാൻ വേണ്ടി പ്രേരിപ്പിച്ചത് .അത് സത്യം ആവരുത് എന്ന് അവൾ പ്രാർത്ഥിച്ചു .വന്നു
കൊണ്ടിരിക്കുന്നത് തനിക്കും മകനും വേണ്ടി വരുന്ന സംരക്ഷണമാണോ അതോ അപകടമാണോ എന്ന് അവൾക്കു അറിയില്ല .പക്ഷെ ദൈവമായി ഒരുക്കിക്കൊടുത്ത ഈ അവസരം കൈവിടാൻ അവൾ തയാറായില്ല .എന്തുവന്നാലും നേരിടാനുള്ള മനസോടെ അവൾ മുന്നോട്ടു നടന്നു .
(തുടരും)
പ്രിയ വായനക്കാരെ ,
ആദ്യം തന്ന ഇത്രയും വൈകിയതിന് ക്ഷമ ചോദിക്കുന്നു .വൈകാൻ കാരണം ജോലി യോ ആരോഗ്യപ്രശ്നമോ ഒന്നും അല്ല . സത്യം പറഞ്ഞാൽ മടിയായിട്ടാണ് .കഥ എഴുതാൻ തുടങ്ങിയപ്പോ ഉണ്ടായിരുന്ന ഉത്സാഹം പിന്നെ എവിടെവെച്ചോ നഷ്ട്ടപെട്ടു .എന്റെ ജീവിതത്തിൽ ഞാൻ എടുത്ത എല്ലാ കാര്യങ്ങളും അങ്ങനെത്തന്നെയായിരുന്നു .
ഒരു മാസം കഴിഞ്ഞു ഞാൻ വെറുതെ ആദ്യ ഭാഗത്തിന് കിട്ടിയ കമ്മെന്റ്സ് എടുത്തു വായിച്ചു .എല്ലാരും തന്ന പോസിറ്റീവ് കമ്മെന്റ്സ് ആണ് എന്നെ രണ്ടാം ഭാഗം എഴുതാൻ വേണ്ടി പ്രേരിപ്പിച്ചത് .നിങ്ങളുടെ പോസിറ്റീവ് കമ്മെന്റ്സ് ആണ് എന്റെ മോട്ടിവേഷൻ .അതുകൊണ്ടു തന്നെ ഈ ഭാഗത്തിനും നിങ്ങളിൽ നിന്നും കമ്മെന്റ്സ് പ്രതീക്ഷിക്കുന്നു ..എഴുത്തിൽ എന്തെങ്കിലും തെറ്റുണ്ടെങ്കിലും പറയാൻ മടിക്കണ്ട .
ഇനി കഥയെ കുറിച്ച് . ഒരു സയൻസ് ഫിക്ഷൻ ഫാന്റസി സീരീസ് ആണ് ‘വൈ സീരീസ് ‘ .ചെറുപ്പം മുതലേ മൂവിസ്ഉം സീരീസും കോമിക്സും ബുക്ക്സ് ഉം ഇഷ്ടപെട്ട ഒരു ഇരുപത്തിയഞ്ചു വയസുകാരന്റെ ഉള്ളിലുണ്ടായ ഒരു ആശയം .
ആദ്യത്തെ മൂന്ന് ഭാഗങ്ങൾ മുഖ്യ കഥയിലേക്കുള്ള ഡെവലൊപ്മെന്റ് ആണ്.ഞാൻ എൻ്റെതായ ഒരു ഫാന്റസി വേൾഡ് ആണ് ഇവിടെ രൂപീകരിക്കാൻ നോക്കുന്നത് . അതിനാൽ ഓരോ പേജ് എഴുതാനും എനിക്ക് അധികം സമയം വേണ്ടി വരുന്നുണ്ട് . മറ്റുള്ളവരെ പോലെ ഓരോ ആഴ്ചയിലും എനിക്ക് ഒരു ഭാഗം പൂര്ണമാകാൻ കഴിയില്ല. എന്നാലും എനിക്ക് പറ്റുന്നിടത്തോളം വേഗത്തിൽ ഞാൻ കമ്പ്ലീറ്റ് ചെയ്യാൻ ശ്രമിക്കാം .
******************************************************