വൈ : ദി ബിഗിനിങ് – 2

Related Posts


പ്രിയ വായനക്കാരെ ,
ആദ്യം തന്ന ഇത്രയും വൈകിയതിന് ക്ഷമ ചോദിക്കുന്നു .വൈകാൻ കാരണം ജോലി യോ ആരോഗ്യപ്രശ്നമോ ഒന്നും അല്ല . സത്യം പറഞ്ഞാൽ മടിയായിട്ടാണ് .കഥ എഴുതാൻ തുടങ്ങിയപ്പോ ഉണ്ടായിരുന്ന ഉത്സാഹം പിന്നെ എവിടെവെച്ചോ നഷ്ട്ടപെട്ടു .എന്റെ ജീവിതത്തിൽ ഞാൻ എടുത്ത എല്ലാ കാര്യങ്ങളും അങ്ങനെത്തന്നെയായിരുന്നു .
ഒരു മാസം കഴിഞ്ഞു ഞാൻ വെറുതെ ആദ്യ ഭാഗത്തിന് കിട്ടിയ കമ്മെന്റ്സ് എടുത്തു വായിച്ചു .എല്ലാരും തന്ന പോസിറ്റീവ് കമ്മെന്റ്സ് ആണ് എന്നെ രണ്ടാം ഭാഗം എഴുതാൻ വേണ്ടി പ്രേരിപ്പിച്ചത് .നിങ്ങളുടെ പോസിറ്റീവ് കമ്മെന്റ്സ് ആണ് എന്റെ മോട്ടിവേഷൻ .അതുകൊണ്ടു തന്നെ ഈ ഭാഗത്തിനും നിങ്ങളിൽ നിന്നും കമ്മെന്റ്സ് പ്രതീക്ഷിക്കുന്നു ..എഴുത്തിൽ എന്തെങ്കിലും തെറ്റുണ്ടെങ്കിലും പറയാൻ മടിക്കണ്ട .

ഇനി കഥയെ കുറിച്ച് . ഒരു സയൻസ് ഫിക്ഷൻ ഫാന്റസി സീരീസ് ആണ് ‘വൈ സീരീസ് ‘ .ചെറുപ്പം മുതലേ മൂവിസ്ഉം സീരീസും കോമിക്‌സും ബുക്ക്സ് ഉം ഇഷ്ടപെട്ട ഒരു ഇരുപത്തിയഞ്ചു വയസുകാരന്റെ ഉള്ളിലുണ്ടായ ഒരു ആശയം .
ആദ്യത്തെ മൂന്ന് ഭാഗങ്ങൾ മുഖ്യ കഥയിലേക്കുള്ള ഡെവലൊപ്മെന്റ് ആണ്.ഞാൻ എൻ്റെതായ ഒരു ഫാന്റസി വേൾഡ് ആണ് ഇവിടെ രൂപീകരിക്കാൻ നോക്കുന്നത് . അതിനാൽ ഓരോ പേജ് എഴുതാനും എനിക്ക് അധികം സമയം വേണ്ടി വരുന്നുണ്ട് . മറ്റുള്ളവരെ പോലെ ഓരോ ആഴ്ചയിലും എനിക്ക് ഒരു ഭാഗം പൂര്ണമാകാൻ കഴിയില്ല. എന്നാലും എനിക്ക് പറ്റുന്നിടത്തോളം വേഗത്തിൽ ഞാൻ കമ്പ്ലീറ്റ് ചെയ്യാൻ ശ്രമിക്കാം .
******************************************************

തണുപ്പത് മരവിച്ചു പോയ ടോണിയുടെ കൈകൾ തേച്ചു കൊണ്ടിരിക്കെ ഷെറിൻ അവളുടെ വാച്ചിലേക്ക് നോക്കി .സമയം 6:20 .

നക്ഷത്രപൂര്‍ണ്ണമായ രാത്രിയിൽ കൊടുംതണിപ്പിനെ വെല്ലുവിളിച്ചു കൊണ്ട് ഷെറിനും ടോണിയും സ്പോയ്ലറിൽ സഞ്ചരിക്കാൻ തുടങ്ങിയിട്ട് ഇപ്പോൾ മണിക്കൂർ മൂന്ന് ആയി…
സമയം ആറു ആയിട്ടും സൂര്യൻ ഉദിച്ചില്ല .അത് അവൾ കരുതിയിരുന്നത് തന്നെയാണ് .
തണുത്തു വിറച്ചുകൊണ്ടിരുന്ന ടോണിയെ കാണുമ്പോൾ അവളുടെ മനസ്സ് കിടന്നു നീറുകയായിരുന്നു.അവൾ അവനെ തൻ്റെ മാറോടു കൂടുതൽ ചേർത്ത് പിടിച്ചു ..എന്നിട്ടു പിറകുവശത്തു കൂടി നല്ല മുറുകെ കെട്ടി പിടിച്ചു …

“മോനെ ..”

“മ്മ്മ് ..”വിറച്ചു കൊണ്ട് അവൻ മൂളി

അവൾ തൻ്റെ മുഗം അവന്റെ മുഖത്തോടു ചേർത്ത് വെച്ചു.തൻ്റെ കവിൾ ടോണിയുടെ കവിളുമായി ഉരച്ചു.
“മോനെ ..കുറച്ചു നേരം കൂടി ..റെസ്ക്യൂ ടീം വേഗം വരും .ട്ടോ ..”

“മ്മ്മ് “അമ്മയുടെ ചുടുശ്വാസം അവന്റെ കവിളിൽ തട്ടിയപ്പോ അവനു എങ്ങുമില്ലാത്ത ആശ്വാസം വന്നു .അവൻ അവന്റെ മുഗം ഷെറിനോട് ചേർത്തി വെച്ചു .
അപ്പോളാണ് ടോണിയുടെ ചുണ്ടുകൾ അവൾ ശ്രദ്ധിക്കുന്നത് ..തണുപ്പിൽ മരവിച്ചു വിണ്ടുകീറിയ ചുണ്ടുകൾ ..ഏറി വന്നാൽ രണ്ടു മണിക്കൂർ അതിനു മുകളിൽ താങ്ങാൻ തനിക്കും ടോണിയ്ക്കും പറ്റില്ല എന്ന് അവൾ ഉറപ്പു വരുത്തി .
രക്ഷിക്കാൻ റെസ്ക്യൂ ടീം ഒന്നും വരില്ല എന്ന് ഷെറിന് ഉറപ്പായിരുന്നു . പക്ഷെ മകന്റെ പ്രതീക്ഷ അവൾ കളഞ്ഞില്ല .
‘പ്രതീക്ഷ’ അത് മാത്രമായിരുന്നു ടോണി യെ ഇപ്പോളും കണ്ണ് തുറന്നിരിക്കാൻ വേണ്ടി പ്രേരിപ്പിച്ചത് ..
ഇനി അഥവാ അസാദ്ധ്യമായ എന്തെകിലും ഉണ്ടായി ആരെങ്കിലും രക്ഷിക്കാൻ വന്നാൽ അതുവരെയെങ്കിലും ടോണിയെ മരണത്തിനു വിടാതെ പിടിച്ചുനിർത്തണം എന്ന് അവൾ ഉറപ്പിച്ചു ..
‘അസാദ്ധ്യമായ എന്തെങ്കിലും …’

സമയം പതുകെ പതുക്കെ നീങ്ങി കൊണ്ടിരുന്നു . കിഴക്കിൽ നിന്നും സൂര്യൻ തന്റെ പ്രകാശത്തെ ഭൂമിയിലേക്കു കടത്തിവിട്ടു . മേഘതുള്ളികളും മറ്റ് വലിയ കണങ്കളൂടേയും വിതറി ചക്രവാളത്തിൽ ചുവപ്പു നിറം പടർത്തി .സൂര്യനിൽ നിന്നുള്ള പ്രകാശം ഇരുട്ടിനെ ഇല്ലതാകി .

ഷെറിൻ ഒരു ദീർഘശ്വാസം വീട്ടു വാച്ചിൽ നോക്കി .സമയം 7 .18

തന്റെ മുഗം ഇപ്പോളും ടോണിയുടെ മുഖവുമായി ബംന്ധിച്ചിരിക്കുകയായിരുന്നു .
അവൾ മുഖമുയർത്തി പ്രഭാത വെളിച്ചത്തിൽ ചുറ്റും നോക്കി.അപ്പോളാണ് അങ്ങ് സൂര്യനുദിച്ച ദിക്കിൽ അവൾ അത് കാണുന്നത് .സൂര്യനെ മറച്ചുകൊണ്ട് അതിനെ പ്രകാശം മാത്രം ചുറ്റിൽ പരത്തുന്ന ഒരു ചെറു ദ്വീപ്‌.അവൾ ഒന്നും കൂടാ ഉറപ്പുവര്ത്തക വിധം സൂക്ഷിച്ചു നോക്കി ,അതെ ദ്വീപ്‌.

“മോനെ ,മോനെ അങ്ങോട്ട് നോക്കു ..” ഷെറിൻ ഒരു കൈ കൊണ്ട് കിഴക്കു വശത്തേക്കു ചൂണ്ടി കാണിച്ചു .
ടോണി വിറച്ചുകൊണ്ട് ‘അമ്മ യുടെ കൈകളെ പിന്തുടർന്നു .

“മമ്മി , ഐലൻഡ്!….. ” അവൻ ആശ്ചര്യത്തോടെ പറഞ്ഞു .

ഷെറിൻ പെട്ടന്നു തന്നെ മകനിൽ നിന്നും വിലകി സ്പോയ്ലർ ഇൽ ഒരു അറ്റത്തു മലർന്നു കിടന്നു .എന്നിട്ട് എന്നിട്ടു അവളുടെ വലം കൈ കൊണ്ട് വെള്ളത്തിൽ ഘടികാരദിശയില്‍ ചുഴറ്റി കൊണ്ടിരുന്നു .സ്പോയ്ലർ ന്റെ ദിശ മാറ്റാൻ വേണ്ടി ആണ് ‘അമ്മ അത് പ്രവർത്തിക്കുന്നത് എന്ന് മനസിലായ ടോണിയും ‘അമ്മ ചെയ്യുന്നത് പോലെ ചെയ്യാൻ തുടങ്ങി.രണ്ടു പേരുടെയും കഠിന പ്രവർത്തിയാൽ അവർ ആ സപ്ലയറുടെ ദിശ ഐലൻഡ് നു നേരെ തിരിഞ്ഞു. ഐലൻഡ് നു അഭിമുഖമായി എത്തിയതും ഷെറിൻ അവളുടെ കൈകൾ മുന്നിൽ നിന്നും പുറകിലേകി വീശി അടിക്കാൻ തുടങ്ങി .ഇടത്തെ വശത്തിൽ താൻ ചെയ്യുന്നത് പോലെ തന്നെ ടോണിയും ചെയ്യുന്നത് അവൾ കണ്ടു .രണ്ടു പേരും ആ സ്പോയ്ലറിൽ കിടന്നു ഐലൻഡ് നെ ലക്‌ഷ്യം വച്ച് കൈ കൊണ്ട് തുഴയാൻ തുടങ്ങി…

ഏകദേശം ഒരു 200 മീറ്റർ അവർ കൈ കൊണ്ട് തുഴഞ്ഞു .എന്നിട്ടും ആ ഐലൻഡ് എത്രയോ വിദൂരമായി നിലകൊള്ളുന്നത് പോലെ ഷെറിന് തോണി .അവൾ തിരിഞ്ഞു ടോണി യെ നോക്കി .അകെ തളർന്നു പോയിരുന്നു ടോണി. ശ്വാസം നേരെ വിടാൻ തന്നെ അവനു കഴിയുന്നില്ല .എന്നിരിന്നിട്ടും അവൻ അവന്റെ കൈകളാൽ തുഴഞ്ഞുകൊണ്ടിരുന്നു. ഷെറിൻ ഒന്ന് തിരിഞ്ഞു ചുറ്റും നോക്കി .ഒന്നും തന്ന ഇല്ല .പെട്ടന്നു അവൾ എണീറ്റ് ഇരുന്നു സ്പോയ്ലർ ന്റെ ഇടത്തെ അരികിലേക്ക് നോക്കി , അവൾ സ്പോലെർ ന്റെ അടിയിലേക്ക് കൈ കടത്തിവിട്ടു എന്തോ ഒന്ന് ബലമായി വലിച്ചു കൊണ്ടിരുന്നു .
‘അമ്മ എന്താണ് ചെയ്യുന്നത് എന്ന് ടോണി ആശ്ചര്യത്തോടെ നോക്കുകയായിരുന്നു .രണ്ടു മൂന്ന് നിമിഷത്തിനകം ഷെറിന്റെ കൈകൾ അതിന്റെ അടിയിൽ നിന്നും സ്വതന്ത്രമായി .’അലൂമിനിയം പാളികൾ ‘. അതായിരുന്നു ഷെറിൻ സ്പോയ്ലർ നിന്നും പറിച്ചെടുത്ത് .പറിച്ചെടുത്ത പാളി അവൾ നേരെ ടോണി യെ ഏല്പിച്ചു .എന്നിട്ടു ഒരെണ്ണം കൂടി അവൾ സ്പോയ്ലർ നിന്നും പറിച്ചെടുത്തു .രണ്ടുപേരും ആ പാളികൾ കടലിൽ തുഴയുവാൻ ഉപയോഗപ്പെടുത്തി.

Leave a Reply

Your email address will not be published. Required fields are marked *