എന്റെ ബാച്ചിലെ 12 പേരിൽ ഏറ്റവും ദരിദ്രൻ ഞാൻ തന്നെ..
ഒരു മൊബൈൽ പോലും ഇല്ലാത്ത അവർ എന്നെ കളിയാക്കി.. എന്നാൽ പറയാതിരിക്കാൻ വയ്യ.. എന്നെ കൂടെ കൂട്ടുകയും ചെയ്തു..
കാരണം എന്താ അറിയുമോ? കാണാൻ വലിയ ലുക്ക് ഒന്നും ഇല്ലെങ്കിലും എന്റെ സ്വഭാവം നല്ലതാണു..
ഒരുപക്ഷെ വലിയ കുടുംബത്തിൽ ജനിച്ചു ദരിദ്രനെപോലെ ജീവിക്കേണ്ടി വന്ന ഒരുത്തൻ ആയതുകൊണ്ട് ആകും..
എല്ലാത്തിനും എനിക്ക് ലിമിറ് ഉണ്ടായിരുന്നു.. 2008 കാലഘട്ടം ആണ് കേട്ടോ..
എന്റെ ഏട്ടൻ ഉപയോഗിച്ചു കൊണ്ടിരുന്ന ഫോൺ ഏതാണെന്നു അറിയുമോ?
നോക്കിയ N95.
അതായതു ഇന്നത്തെ കാലത്തു ഐഫോൺ 11 പ്രൊ മാക്സ് എന്നൊക്കെ പറയുന്നതിലും എത്രയോ വിലയുള്ളവർ ആണ് നോക്കിയ പുതിയ ഫോണുകൾ ഒക്കെ ഉപയോഗിക്കുന്നത്..
എന്നാൽ ഞാനോ? ഒരു 1600 പോലും ഇല്ലാത്ത ദരിദ്രൻ…
വീട്ടിൽ പൈസ ഉണ്ടെങ്കിലും എനിക്ക് ഒന്നും ഇല്ല.. പാവം ഞാൻ.. അല്ലെ?
എന്റെ കൂട്ടുകാർ സോണി എറിക്സൺ, നോക്കിയ ഒക്കെ ഉപയോഗിച്ചു നടക്കുമ്പോൾ ഞാൻ മിണ്ടാതെ ഒപ്പം നടക്കും..
ഹോസ്റ്റൽ ഫീ അല്ലാതെ കൂടുതൽ പൈസ ഒന്നും ഇല്ലാത്തതു കൊണ്ട് വലിയ ടെൻഷൻ ഒന്നും ഇല്ലായിരുന്നു..
സൂപ്പർബൈക്കുകളിൽ ഫാഷൻ tv മോഡൽസിനെ പോലെ ഉള്ള ഗേൾഫ്രണ്ട്സിനെ ഇരുത്തി പാഞ്ഞു പോകുന്ന ചെക്കന്മാരെ കാണുമ്പോൾ ഞാൻ പുച്ഛിച്ചു ചിരിക്കും..
ഫാഷൻ tv മോഡൽ പോയിട്ട് ചട്ടുകാലി പോലും എന്നെ പ്രേമിക്കില്ല എന്ന് ഉറപ്പുള്ളതുകൊണ്ടാണ്..
അതാണ് സെല്ഫ് കോൺഫിഡൻസ് മക്കളെ…
ഫുഡ് കോർട്ടുകളിലും ഫാഷൻ സ്റ്റോറിലും കാമുകി കാമുകന്മാർ നിന്ന് തിരിയുമ്പോൾ എനിക്ക് കാമുകി വേണം എന്നൊന്നും ഇല്ലായിരുന്നു..
എന്നാൽ ഫുഡ് ഒക്കെ പുറത്തു നിന്ന് കഴിക്കണം എന്ന് വലിയ ആഗ്രഹം ആയിരുന്നു..
പിന്നെ അങ്കിൾ അയച്ചു തരുന്ന 4000 രൂപ വച്ച് എല്ലാ കാര്യവും നടത്തണം.. 3500 ആണ് ഹോസ്റ്റൽ വാടക..
ബാക്കി 500 വച്ച് വീട്ടിൽ വിളിക്കലും ഹോസ്റ്റലിൽ നിന്ന് പഠിക്കുന്ന സ്ഥലത്തേക്കും ഉള്ള യാത്ര ചിലവുകളും മാനേജ് ചെയ്യണം..
അച്ഛൻ വീട്ടിൽ നിന്ന് ഒന്നും തരില്ല..
ഏട്ടൻ പിന്നെ പഠിക്കാൻ മുൻപിൽ ആയിരുന്ന എന്നെ ഇങ്ങനെ ഒരു കോഴ്സിന് ചേർത്ത് എന്റെ ഭാവി കളഞ്ഞതിന്റെ മനസുഖത്തിൽ വീട്ടിൽ ഇരിക്കുന്നു..
ലീവ് ഉണ്ടെങ്കിലും വീട്ടിൽ പോലും പോകാൻ പൈസ ഉണ്ടാകില്ല..
അവസ്ഥ മനസിലായല്ലോ അല്ലെ?
നരച്ച ഷർട്ടുകൾ ഇട്ട എന്നെ പെണ്ണുങ്ങൾ പോയിട്ട് ഒരു പട്ടി പോലും നോക്കില്ല എന്ന് എനിക്ക് ഉറപ്പായിരുന്നു..
എന്നാലും ദൈവം അല്ലെങ്കിൽ ആരോ… ആരെയെങ്കിലും തരും എന്ന് പറഞ്ഞതുപോലെ എന്നെ ഇഷ്ടമുള്ള ഒരു ആള് ഉണ്ടായിരുന്നു..
വിനീത മാഡം.. പഠിക്കുന്ന സ്ഥലത്തെ മാർക്കറ്റിംഗ് ഹെഡ് ആണ്.. എന്നോട് ചേച്ചി എന്ന് വിളിക്കാൻ ആണ് പുള്ളിക്കാരി പറഞ്ഞിരിക്കുന്നത്.. എന്നാലും ഞാൻ ഇങ്ങനെയേ വിളിക്കുള്ളു..
പുള്ളിക്കാരി എനിക്ക് നല്ല സപ്പോർട് ആണ്.. എന്റെ അവസ്ഥ ഒക്കെ അറിയാം..
“നീ ഇതൊക്കെ സഹിച്ചു ഒത്തിരി പൈസ ഒക്കെ ഉണ്ടാക്കി നിന്റെ വീട്ടുകാർക്ക് കാണിച്ചു കൊടുക്കണം കേട്ടോ?”
അവർ സ്ഥിരം എന്നോട് പറയുന്ന കാര്യം ആണ് അത്..
വലിയ ഒരു ആശ്വാസം ആയിരുന്നു എനിക്ക് ആ ജനിക്കാതെ പോയ ആ ചേച്ചി..
കോഴ്സ് ഒക്കെ കഴിഞ്ഞു ഇന്റർവ്യൂ ഒക്കെ നടന്നു.. സംഗതി ബാംഗ്ലൂർ പഠിച്ചത് കൊണ്ട് ഇംഗ്ലീഷ് ഒക്കെ പച്ചവെള്ളം പോലെ ആയിരുന്നു..
എന്നാൽ ജോലി മാത്രം കിട്ടിയില്ല.. എല്ലാത്തിനും ഡിഗ്രി വേണം പോലും..
എന്ത് ചെയ്യാൻ?
അങ്ങനെ ജോലി അനേഷിച്ചു അവസാനം bsnl കാൾ സെന്ററിൽ എത്തി..
മാസം 6000 രൂപ.. തല്ക്കാലം പിടിച്ചു നില്ക്കാൻ അത് മതിയാരുന്നു..
ഒരു ദിവസം വീട്ടിൽ വിളിച്ചപ്പോൾ അച്ഛൻ ആണ് ഫോൺ എടുത്തത്..
പത്തു ദിവസം കൂടുമ്പോൾ ആണ് ഞാൻ std ബൂത്തിൽ നിന്ന് വീട്ടിലേക്കു വിളിക്കുക..
എന്നെ പിന്നെ തവിടു കൊടുത്തു വാങ്ങിയത് കൊണ്ട് വലിയ കാര്യം ആണ്..
“ഡാ നീ ഇങ്ങു വന്നേ… അടുത്താഴ്ച നിന്റെ ഏട്ടന്റെ കല്യാണം ആണ്….”
“ങേ എന്നോട് ആരും പറഞ്ഞില്ലല്ലോ? നിശ്ചയം ഒക്കെയോ?”
“അഹ്. അതൊക്കെ പെട്ടെന്ന് ആയിരുന്നു.. നീ ഇപ്പൊ എന്തിനാ? മനസമ്മതം ഒക്കെ കഴിഞ്ഞു.. , നീ ഇങ്ങു വന്നേ കുറെ പണി ഉണ്ട്…”
ഫോൺ വച്ചു..
അത് ശരിക്കും എനിക്ക് കൊണ്ടു… ഏട്ടന്റെ കല്യാണ നിശ്ചയം പോലും എന്നെ അറിയിച്ചില്ല എന്ന് പറയുമ്പോൾ?
ഇപ്പൊ മനസിലായില്ലേ എന്റെ സ്ഥാനം? അതാണ്… ശാപം കിട്ടിയ ജന്മങ്ങൾ കുറെ ഉണ്ട് എന്നെപോലെ…
ആർക്കും വേണ്ടാതെ… ആരോടും പരിഭവം ഇല്ലാതെ…
***
പിറ്റേ ദിവസം ഞാൻ നാട്ടിലേക്കു വണ്ടി കയറി.. വീട്ടിൽ എത്തി ഏട്ടൻ ഇളിച്ചു കൊണ്ട് ഫോണും കുത്തി ഇരുന്നു വർത്തമാനം പറയുന്നുണ്ട്..
എന്നെ കണ്ട ഭാവം പോലും ഇല്ല…
ഇതൊക്കെ അച്ഛൻ ആണ് ഇങ്ങനെ ആക്കിയത്.. ഞാൻ ജനിച്ചപ്പോൾ മുതൽ കഷ്ടകാലം ആണ് പോലും..
ആർക്കോ കയ്യിൽ ഉണ്ടായിരുന്ന പൈസ മൊത്തം കൊടുത്തു അയാൾ പറ്റിച്ചു പോയതിനു ആ സമയത്തു ജനിച്ച എനിക്ക് കുറ്റം..
അമ്മ അച്ഛനെ എതിർത്ത് ഒന്നും പറയില്ല.. എല്ലാം കണ്ടു കണ്ണീർ ഒഴുക്കും..
സീതാദേവിയെ സംശയിച്ചപ്പോഴും അവർക്കു ഒന്നും ചെയ്യാൻ പറ്റിയില്ലല്ലോ… അതുപോലെ..
വീട്ടിൽ എത്തി നല്ല പണി ആയിരുന്നു.. വിറകു കീറലും സാധനങ്ങൾ കൊണ്ടു വരവും എല്ലാം കൂടി നല്ലൊരു പണിക്കാരന്റെ റോൾ..
ഞാൻ വിറകു കീറികൊണ്ടിരിക്കുമ്പോൾ ആണ് അച്ഛന്റെ കൂട്ടുകാരന്റെ മകൾ ആതിര വന്നത്..
പുളി വിറക് വെട്ടികീറുന്ന എന്റെ അടുത്ത് അവൾ വന്നിരുന്നു.. ഒരു കൊച്ചു സുന്ദരി ആണ് അവൾ.. നീണ്ട കണ്ണുകളും നല്ല നിറവും എല്ലാം ചേർന്നവൾ…
വീട്ടിലെ കണ്ണിൽ ഉണ്ണി ആണ് അവൾ.. ജനിക്കുകയാണെങ്കിൽ അവളെപോലെ ജനിക്കണം..
“ഏട്ടന്റെ ബോഡി എന്തൊരു ഉറപ്പാണ്… ഇരുമ്പു പോലെ ഉണ്ട്.. “ എന്നും പറഞ്ഞു തുടങ്ങിയ സംസാരം നീണ്ടു…
പട്ടി പോലും തിരിഞ്ഞു നോക്കില്ല എന്ന് ഉറപ്പിച്ച എന്നെ ഒരു സുന്ദരി വന്നു പുകഴ്ത്തുമ്പോൾ എന്ത് സംഭവിക്കും??
അത് തന്നെ.. പ്രേമം.. എനിക്ക് അവളോട് മുടിഞ്ഞ പ്രേമം തോന്നിയപ്പോൾ പുളി വിറക് ഞാൻ തെർമോകോൾ പോലെ പൊളിച്ചു എടുത്തു..
അങ്ങനെ കല്യാണത്തിരക്കിൽ ഒക്കെ പെട്ട് ഞാൻ ഓടി നടന്നു..
ഏട്ടന്റെ കല്യാണത്തിന് പുതിയ കാർ വാങ്ങി.. അവനു വേണ്ടി മാത്രം.
വീട്ടിൽ അച്ഛന് ഒരു സാൻട്രോ ഉണ്ട്. എന്നിട്ടും അവനു പുതിയ കാർ.
ഇതിനിടക്ക് ഞാൻ ഒരു പഴയ നോക്കിയ 1600 മൊബൈൽ വാങ്ങിയിരുന്നു.
എനിക്ക് ഒക്കെ ആര് വാങ്ങി തരാൻ?
എന്നാലും എന്നോട് ഇങ്ങനെ പെരുമാറാൻ ഞാൻ ഇവരോടൊന്നും ഒന്നും ചെയ്തില്ലല്ലോ എന്ന് ആലോചിക്കുമ്പോഴാണ്..
അവൻ വന്നതോടെ വീട് നശിച്ചു എന്നൊക്കെ പറയുന്ന അച്ഛൻ തന്നെ ആണ് കാരണം..
എന്നാൽ വീട് നശിച്ചോ എന്ന ചോദ്യം അപ്രസക്തം ആണ്.. അത്യാവശ്യം വലിയ തറവാട് വീട് ആണ്. ഒരുതരം മരങ്ങൾ കൊണ്ട് ഉണ്ടാക്കിയ ഇല്ലം ടൈപ്പ് വീട്.