Related Posts
കഴിഞ്ഞ ഭാഗത്തിന് തന്ന ലൈക്സിനും കമൻറ്സിനും കുറേ നന്ദി… ആദ്യത്തെ ദിവസം ആരും കുറ്റം പറയുന്നത് കേൾക്കാത്തതിന്റെ ഒരൊറ്റ ധൈര്യത്തിൽ ആണ് ഈ പാർട്ട് അയക്കുന്നത്.. കുറേ കമൻറ്സിൽ ഈ കഥയിൽ ഒരുപാട് പ്രതീക്ഷിക്കുന്ന പോലെ തോന്നി…
വീണ്ടും പറയുന്നു. ഇതിൽ സൗഹൃദവും ക്യാംപസും ഇടക്ക് മേമ്പൊടിക്ക് വന്നു പോകുന്ന പ്രണയവും അല്ലാതെ വേറൊന്നും ഇല്ല. ഈ മുൻകൂർ ജാമ്യം നിങ്ങളെ വികാരത്തിന്റെ അനന്തതയിലേക്ക് നയിക്കാൻ പറ്റുന്ന രണ്ടോ മൂന്നോ മിനുട്ട് ലാഭിച്ചു തരാൻ വേണ്ടി ആണ്.
ആരും വിചാരിക്കുന്ന പോലെ ആവില്ല കഥ പോവുന്നത്.. കുറച്ചധികം ഡയലോഗ് ഉണ്ട്. നല്ല മൂഡിൽ ആവുമ്പൊ വായിച്ചാൽ എന്നെ തെറി പറയുന്നത് കുറച്ചു കുറക്കാം….
ബാക്കി കഥ പറയും…
ആദ്യ ഭാഗം വായിക്കാത്തവർക്കായി….
വാതിൽക്കൽ ചെന്നിട്ട് പിശാച് തിരിഞ്ഞു നോക്കി..
” തോർത് എവിടെയാ?? ”
” ആർടെ? എന്റെയോ? ”
” അല്ലാതെ പിന്നെ എന്റെയോ?? “, പിശാച് കലിപ്പിൽ തന്നെ ആണ്.
” അതാ ബാത്റൂമിൽ ഉണ്ടാവും..”
കൂടുതൽ ഒന്നും മിണ്ടാതെ ബാത്റൂമിൽ പോയി തോർത്തു എടുത്തുകൊണ്ട് വന്നു എന്റെ നേർക്കിട്ടു..
” ഡ്രെസ്സിൽ ആയത് തുടച്ചേക്ക്…”
“ആ….”
അവൾ വന്നു ഗ്ലാസ് എന്റെ കയ്യിൽ നിന്നും വാങ്ങി ജ്യൂസ് പാത്രം എടുത്തോണ്ട് പോയി…
തിരിച്ചു വന്നപ്പോഴേക്കും ഞാൻ ഡ്രസ്സ് ഒക്കെ തുടച്ചു തോർത്തും കയ്യിൽ പിടിച്ചു ഇരിക്കുന്നുണ്ടായിരുന്നു.
അവൾ വന്നു തോർത്ത് കൈനീട്ടി വാങ്ങി ബാത്റൂമിൽ കൊണ്ട് പോയി വിരിച്ചിട്ടു. തിരിച്ചു വന്നു വാതിലിൽ ചാരി കൈകെട്ടി നിന്നു.
‘ ഇവളെന്താ ഇവിടെ നിൽക്കുന്നേ?? ഇവൾക്ക് പൊയ്ക്കൂടേ?? ‘, ഞാൻ മനസ്സിൽ ഓർത്തു.
ഞാനും അവളെ ഒന്ന് നോക്കി…കൊള്ളാം… മുഖത്തു കുറച്ചു ഗൗരവം ഒക്കെ ഉണ്ടെങ്കിലും എന്തോ ഒരു ഇഷ്ടം ഒക്കെ തോന്നുന്ന മുഖം.
സത്യം പറഞ്ഞാൽ ഇപ്പോഴാണ് അവളെ മര്യാദക്ക് ഒന്ന് കാണുന്നത്.
ആവറേജ് ബോഡി ടൈപ്പ് ആണ്. വല്ലാണ്ട് മെലിഞ്ഞിട്ടും അല്ല, എന്നാൽ തടിയും ഇല്ല. ഒരു അഞ്ചര അടിയുടെ മേൽ ഉയരം കാണും .ഞാൻ കറക്ട് ആറടി ആണ്. വെളുപ്പിനോട് അടുത്ത് നിൽക്കുന്ന നിറം. ഇരുനിറവും അല്ല, എന്നാൽ അത്രക്കങ്ങോട്ട് വെളുത്തിട്ടും അല്ല. ചെറിയ വട്ട മുഖം ആണ്.
ഭംഗിയുള്ള ഉണ്ടക്കണ്ണുകൾ കണ്മഷി എഴുതിയിട്ടുണ്ട്. പുരികം ഒക്കെ ത്രെഡ് ചെയ്തിട്ടുണ്ട്. ചെറിയ മൂക്ക്.. ഇളം റോസ് കളർ ചുണ്ടുകൾ. ആ മുഖം കണ്ടാൽ തന്നെ ആർക്കായാലും ഒരു ഇഷ്ടം ഒക്കെ തോന്നും. എന്റെ നേരെ കൈകെട്ടി ആണ് പിശാച് നിൽക്കുന്നത്. മാറിൽ കൈ പിണച്ചു വെച്ചത് കൊണ്ടാണെന്നു തോന്നുന്നു, മാറിടം ഇത്തിരി ഉയർന്നു നിൽക്കുന്നു. നല്ല ഉരുണ്ട മുലകളാണെന്നു സൈഡ് വ്യൂ ന്നു അറിയാം.. വയറിൽ കുറച്ചു കൊഴുപ്പൊക്കെ ഉണ്ട്. ഫ്ലാറ്റ് അല്ല. കൊഴുത്തതുടകൾ ചുരിദാർ സ്ലിറ്റിലൂടെ കാണാം. ചുരിദാർ പാന്റ് അവസാനിക്കുന്നിടത്തു വെള്ളിക്കൊലുസ്. ചെറിയ പാദങ്ങൾ കണ്ടാൽ കൊച്ചു കുഞ്ഞുങ്ങളുടെ പോലെ ഉണ്ട്.. ഇവൾ ക്യൂടെക്സ് ഒന്നും ഇടാറില്ലേ?? ഭംഗിക്ക് വെട്ടി നിർത്തിയ കാൽവിരലിൽ ഒന്നും കാണാൻ ഇല്ല. കയ്യിൽ ഇട്ടിട്ടുണ്ടോ?? ഞാൻ നേരെ മുകളിലേക്ക് നോക്കിയതും പ്രത്യേകിച്ച് ഒരു വികാരവും ഇല്ലാതെ എന്റെ മുഖത്തോട്ട് നോക്കി നിൽക്കുന്ന പിശാചിനെ ആണ് കണ്ടത്.
‘പണി പാളി മോനെ…’, മനസ്സ് പറഞ്ഞു.
” സ്കാനിങ് കഴിഞ്ഞോ?? “, ദേഷ്യം ഒന്നും ഇല്ലാതെ നിർവികാരമായ പതിഞ്ഞ ശബ്ദം.
എന്ത് പറയും?? എന്തെങ്കിലും അറിയാതെ നാവിൽ നിന്ന് വീണാൽ പിശാച് ഗീതേച്ചിയോടോ അല്ലെങ്കിൽ എന്റെ അമ്മയോടോ പറയും.. വീട്ടിലറിയും, സീനാവും. കാലിൽ പ്ലാസ്റ്റർ ഇട്ടതുകൊണ്ട് തല്ലാൻ വന്നാൽ ഓടാൻ പോലും പറ്റില്ല, നാട്ടിൽ ആകെ നാണക്കേടാവും… ചിന്തിച്ചു ചിന്തിച്ചു കാട് കേറിപ്പോവുന്നു.
“ഏഹ്… എന്താ?? “, ഞാൻ ഒന്നുമറിയാത്ത പാവത്തെ പോലെ ചോദിച്ചു.
” ചോദിച്ചത് കേട്ടില്ലേ? കുറെ നേരം ആയല്ലോ എന്നെ മൊത്തം സ്കാൻ ചെയ്യുന്നു.. അത് കഴിഞ്ഞോ എന്ന്… ”
‘ ഏയ്…പിശാചിന്റെ ശബ്ദത്തിൽ കലിപ്പ് ഒന്നുമില്ല.. ഏതായാലും നീ സാധാരണ പോലെ സംസാരിച്ചോ.. ‘, മനസ്സ് പറഞ്ഞു.
” അത് നമ്മൾ ആദ്യായിട്ടല്ലേ കാണുന്നത്… ഞാൻ തന്നെ ഒന്ന് മര്യാദക്ക് കണ്ടിട്ട് കൂടി അല്ല. അതുകൊണ്ട് നോക്കിയതാ..”
” ഞാൻ ഇത്രേം കാലം ഇവിടെ തന്നെ ഉണ്ടായിരുന്നല്ലോ…”
” ആ… നമ്മൾ ഇന്നല്ലേ ആദ്യായിട്ട് സംസാരിക്കുന്നത്?? ”
അവൾ ഒന്നും മിണ്ടിയില്ല.മിണ്ടാതെ മുഖം തിരിച്ചു അപ്പുറത്തേക്ക് നോക്കി നിന്നു..
” തനിക്ക് നാളെ എന്തോ എക്സാം ആണെന്ന് പറഞ്ഞിട്ട്… പഠിച്ചോ?? ”
” ആ… അത് ഒന്നൂടെ നോക്കിയാ മതി. ”
” തനിക്ക് നാളെ എക്സാം ഒന്നും ഇല്ലല്ലോ?? “, എന്റെ ചോദ്യം കേട്ട് അവൾ അത്ഭുതത്തോടെ എന്നെ നോക്കി..
” ആര് പറഞ്ഞു?? ”
” അല്ല.. ക്ലാസ് തുടങ്ങി ഒരു മാസം ഒക്കെ അല്ലെ ആയിട്ടുള്ളൂ… അപ്പോഴേക്കും എന്ത് എക്സാമാ?? ”
” അത്… ക്ലാസ് ടെസ്റ്റ്. ”
” മ്… എം.എസ്.സിക്ക് പഠിക്കുന്ന ഒരാൾ ക്ലാസ് ടെസ്റ്റ് എന്നൊക്കെ പറഞ്ഞു കല്യാണം ഒക്കെ മിസ് ചെയ്യുമെന്ന് തോന്നുന്നില്ല… ” ഞാൻ ഒരുമാതിരി ഷെർലക് ഹോംസ് കേസ് അന്വേഷിച്ചു റിപ്പോർട്ട് പറയുന്ന പോലെ ഈണത്തിൽ പറഞ്ഞു നിർത്തി.
പിശാച് ഒന്നും മിണ്ടാതെ നിന്നു. ഒരാളോട് നമ്മൾ എന്തെങ്കിലും പറഞ്ഞിട്ട് അയാൾ റിപ്ലൈ ഒന്നും തരാതിരുന്നാൽ എനിക്ക് നല്ല ദേഷ്യം വരും. ഞാൻ ഒന്നും മിണ്ടിയില്ല. അവളും.
” അല്ല.. തനിക്ക് ഇവിടെ നിൽക്കുന്നത് ഇഷ്ടം അല്ലെങ്കിൽ താൻ വീട്ടിൽ പോയിരുന്നു പഠിച്ചോ.. ആരും ഒന്നും പറയില്ല. “, ഞാൻ ഇത്തിരി ഗൗരവത്തിൽ പറഞ്ഞു.
” ആ… ” അവൾ അവിടുന്ന് പോവാൻ തുടങ്ങി.
അത് ഞാൻ പ്രതീക്ഷിച്ചില്ല.. ഇങ്ങനെ എന്തെങ്കിലും ഒക്കെ പറഞ്ഞാൽ ഏയ്..ഇല്ല എന്നൊക്കെ പറഞ്ഞു വേറെ എന്തെങ്കിലും സംസാരിക്കും എന്ന എന്റെ കണക്കുകൂട്ടൽ തെറ്റി.
“പോവുമ്പോ മെയിൻ ഡോർ അടച്ചേക്കണം.. പൂട്ടണ്ട…” ഞാൻ പറഞ്ഞു.
” ഞാൻ ഹാളിൽ കാണും, വീട്ടിൽ പോണില്ല” അവൾ പറഞ്ഞു.
” ടിവി കാണാൻ ആണോ?? എന്നാ ഞാനും ഉണ്ട്..”
” അല്ല… ടിവിയിൽ ഒന്നും ഇല്ല..”
” പിന്നെ?? ”
” ഒന്നൂല്ല.. വെറുതെ ഇരിക്കാൻ ”
” എന്നാ അതിവിടെ ഇരുന്നൂടെ? അവിടെ പോയി ഇരിക്കണോ? ”
അവൾ നിന്നു.. എന്നിട്ട് പതുക്കെ റൂമിലേക്ക് തന്നെ വന്നു.. വാതിലിൽ ചാരി നില്ക്കാൻ തുടങ്ങി.
” ഇവിടെ ഇരുന്നോ.. ” ഞാൻ ബെഡ് ചൂണ്ടി പറഞ്ഞു.
അവൾ വന്നിരുന്നു റൂം മൊത്തം ഒന്ന് കണ്ണോടിച്ചു.. റൂം അത്രക്ക് വൃത്തി ഒന്നുമില്ല.. കുറെ സാധനങ്ങൾ വലിച്ചു വാരി ഇട്ടിട്ടുണ്ട്… ഇതിപ്പോ ഞാൻ എണീക്കാത്തത് കൊണ്ട് അമ്മ ഡെയിലി വന്നു ഡ്രസ്സ് ഒക്കെ മടക്കി വെക്കുന്നത് കൊണ്ട് കുറച്ചു വൃത്തിയുണ്ട്.. അല്ലെങ്കിൽ കുറെ മാഗസിൻ തറയിലും ബുക്ക് ഷെൽഫിലും ഒക്കെ ആയി ചറപറാ പരന്നു കിടക്കുന്നു. ഡ്രസ്സ് ഒക്കെ വെച്ച കബോഡിനോട് ചേർന്ന് ഒരു ചെറിയ ബുക്ക് ഷെൽഫ് ഉണ്ട്… അതിൽ ഒരു പത്തിരുപത് ബുക്ക് കാണും… പിന്നെ ഡിക്ഷണറി പോലത്തെ ഇലെക്ട്രിക്കൽ ടെക്നോളജിയുടെയും മെഷീൻസിന്റെയും ബുക്കുകൾ.
” ഈ ബുക്ക് ഒക്കെ വായിച്ചതാണോ?? “, പിശാച് പതുക്കെ ചോദിച്ചു.