അപ്പച്ചൻ. അലക്സിന്റെ അപ്പൻ.
കുറച്ച് മുമ്പ് വിളിച്ച് ഒരുപാട് പ്രശംസിച്ചതാണല്ലോ.
അപ്പോൾ വേറെ ആവശ്യത്തിനാണ്.
കളളത്തരവും കുസൃതിത്തരവും ഒരുപാടുള്ളയാളാണ് അപ്പച്ചൻ. മാളിയേക്കൽ ഫ്രാൻസീസ്. ‘അമ്മ തങ്ങളുടെ കല്യാണത്തിന് മുമ്പ് മരിച്ചു. കല്യാണതിനു ഒരു വർഷം മുമ്പ്. ക്യാൻസറായിരുന്നു. വീണ്ടും കല്യാണം കഴിക്കാൻ മക്കളടക്കമുള്ളയാളുകൾ പറഞ്ഞെങ്കിലും ഫ്രാൻസീസ് ചെവിക്കൊണ്ടില്ല. അലക്സിന് രണ്ട് ജ്യേഷ്ഠൻമാരാണുള്ളത് . ഒരാൾ കൃഷിയൊക്കെയായി കഴിയുന്നു. രണ്ടാമൻ ടൗണിൽ ഒരു ഷോപ്പിംഗ് മാൾ നടത്തുന്നു.
“അപ്പച്ചന്റെ തൊടലും പിടുത്തവും ഈയിടെ ഇച്ചിരെ കൂടുതലാ ജെന്നീ..”
കഴിഞ്ഞയാഴ്ചയാണ് അലക്സിന്റെ ഏറ്റവും മൂത്ത സഹോദരൻ ജോസിന്റെ ഭാര്യ സെലിൻ ഫോണിലൂടെ പറഞ്ഞത്.
“കൂടുതൽ ആണേലും ചേച്ചി ശരിക്കും ചിരിച്ചോണ്ട് ആണല്ലോ പറയുന്നേ!”
താൻ അന്ന് സെലിനെ കളിയാക്കി.
“അപ്പച്ചനല്ലേടീ…”
സെലിൻ വീണ്ടും ചിരിക്കുന്നത് താൻ കേട്ടു.
“‘അമ്മ പോയിട്ട് കൊറേ ആയില്ലേ? ഓ! ഒന്ന് മേത്തു തൊട്ടെന്നു വെച്ചിപ്പം എന്നാ…അപ്പച്ചന് അന്നേരം സുഖവോ രസവോ എന്തേലും കിട്ടുന്നെങ്കി കിട്ടട്ടെന്നെ…”
അങ്ങനെയാണ് അവളന്ന് പറഞ്ഞത്
ജെന്നിഫർ ഫോണെടുത്തു.
“ആ എന്നാ അപ്പച്ചാ?”
“എടീ കൊച്ചെ നീ ബിസിയാണോ?”
“അല്ല, അപ്പച്ചൻ പറഞ്ഞോ,”
“എടീ നീ എനിക്കൊരു ഹെൽപ്പ് ചെയ്യണം,”
“ഹെൽപ്പോ? എന്നാ അപ്പച്ചാ?”
“എടീ എൻ്റെ ഒരു ഫ്രണ്ട് ഉണ്ട്. വല്യ ബാങ്ക് മാനേജരാ…”
വല്യ ബാങ്ക് മാനേജർ? അതെന്താണാവോ?
ജെന്നിഫർ അയാളുടെ അടുത്ത വാക്കുകൾ കാത്തു.
“അയാക്കൊരു മോളുണ്ട്…”
ഫ്രാൻസീസ് തുടർന്നു.
“മോളാണോന്ന് ചോദിച്ചാ മോളാ, എന്നാ മോനാണോന്ന് ചോദിച്ചാ മോനുവാ…”
“എന്നുവെച്ചാൽ?”
ജെന്നിഫറിന് മനസ്സിലായില്ല.
“എന്നുവെച്ചാൽ എന്നാ അപ്പച്ചാ? ട്രാൻസ്ജെൻഡർ ആണോ?”
“ആ, അതുതന്നെ…”
“ഓക്കേ..”
“എടീ ആ കൊച്ചിന് ഡെന്മാർക്കിൽ പോണം..അവിടെ എംബസീലോ യൂണിവേഴ്സിറ്റിലോ അവൾക്ക് ജോലി കിട്ടി…”
“ഹ്മ്മ്..”
“അവിടെയൊക്കെ റൂൾസ് ഭയങ്കര സ്ട്രിക്ട് അല്ലിയോ? എന്നാ നമ്മടെ നാട്ടിലെപ്പോലെ ഹിജഡകളോട് ആർക്കും ഒരു അലോഹ്യോമില്ല ,”
ഫ്രാൻസീസ് എങ്ങോട്ടാണ് പോകുന്നത് എന്ന് ജെന്നിഫറിന് മനസ്സിലായില്ല.
“റൂൾസ് സ്ട്രിക്ട് ആയത് കൊണ്ട് നല്ല മെഡിക്കൽ ചെക്കപ്പ് വേണം…”
അയാൾ പറഞ്ഞു.
ജെന്നിഫറിന് കാര്യം മനസിലായി. അവൾക്ക് ദേഷ്യം വരാൻ തുടങ്ങി. മറ്റേത് ഡോക്റ്റർക്കും ചെയ്യാവുന്ന കാര്യമാണത്. അതിനു അപ്പച്ചൻ എന്തിനാണ് ആ കുട്ടിയോട് തന്നെ സമീപിക്കാൻ പറയുന്നത്?
“”അപ്പച്ചൻ പറഞ്ഞു വരുന്നത്…?”
അവൾ പതിയെ ചോദിച്ചു.
“മോളെ നീയതങ്ങു ചെയ്തു കൊട്…ഞാൻ അയാളോട് വാക്ക് പറഞ്ഞു..”
“അപ്പച്ചാ ഞാൻ അതിനു യൂറോളജസ്റ്റ് ഒന്നുമല്ലല്ലോ…”
“പോടീ ഒന്ന്!”
അയാൾ ചിരിക്കുന്ന ശബ്ദം അളവ് കേട്ടു.
“ഞാൻ അന്വേഷിച്ചു…നീ എം ബി ബി എസ്സിന് സെക്സോളജി ഓപ്ഷണൽ ആയി പഠിച്ചതല്ലേ..പിന്നെ എന്നാ…”
“അപ്പച്ചാ ഞാൻ ഇന്ന് ലീവാ..”
അവൾ ഒരു ശ്രമവും കൂടി നടത്തി.
“ആഹാ…നീയിപ്പോൾ ആശൂത്രീൽ അല്ല്യോ?”
“അല്ലന്നേ..മടുത്തു കുത്തി വീട്ടിൽ ഇരിക്കുവാ…”
“പിന്നെ എന്നാ മടുപ്പ്, നീ ഒന്ന് പോ കൊച്ചെ…”
“വേറെ ഡോക്ടേഴ്സ് ആരും ഇല്ലേ അപ്പച്ചാ?”
“എടീ ഞാൻ പറഞ്ഞാ കേക്കുന്ന ഡോക്റ്റേഴ്സ് ഇല്ലാഞ്ഞിട്ടല്ല..പക്ഷെ..”
“പക്ഷെയോ? എന്നാ പക്ഷെ?”
“എടീ അവരാ കൊച്ചിനെ പെണ്ണായാ വളർത്തുന്നെ. അപ്പനും അമ്മയ്ക്കുമല്ലാതെ വേറെ ആർക്കും അറീത്തില്ല
അവടെ മുള്ളുന്ന സാധനം ആണിന്റെ പോലെയാണ് എന്ന്..വേറെ ആരേലും അറിഞ്ഞാ മോളെ അത് അവർക്ക് ഭയങ്കര നാണക്കേടാ…വേറെ ഏത് ഡോക്റ്റർ ചെയ്താലും അത് പൊറത്താവത്തില്ല്യോ..നീയാകുമ്പം നല്ല എത്തിക്സ് ഒള്ള ഡോക്റ്റർ അല്ല്യോ..ഒന്ന് സമ്മതിക്കടീ കൊച്ചെ… നിൻറ്റെ അപ്പച്ചനല്ല്യോ പറയുന്നേ…?”
അവളൊന്നും മിണ്ടിയില്ല.
“ഒരു പത്തോ പതിനഞ്ചോ മിനിറ്റത്തെ പരിപാടിയല്ല മോളെ! ഒന്ന് സമ്മതിക്കേടീ..”
“പിന്നെ പത്ത് മിനിറ്റ്!”
അവൾ കടുത്ത ഇഷ്ട്ടക്കേടോടെ പറഞ്ഞു.