💫Evil on earth✨ – 4 Likeഅടിപൊളി  

ഒരുപാട് കാലം കൂടി ദേവും മണിയേട്ടനും കൂടി കാണുന്നത് കൊണ്ട് തന്നെ അവർ വിശേഷങ്ങൾ പറഞ്ഞു ചായക്കായി കാത്തിരുന്നു…

അമാൻഡ അപ്പോളും അയാളെ ശ്രദ്ധിച്ചിരിക്കുകയായിരുന്നു…ഒരു തരി പോലും കറുപ്പില്ലാത്ത വെളുത്ത നീളൻ മുടിയും കഴുത്തിനു താഴെ വരെ നീണ്ട നീളൻ താടിയുമുള്ള മണിയേട്ടനെ അവൾക്കൊരു സാന്റാക്ലോസായി തോന്നി..

അല്പ നേരത്തെ സംസാരത്തിന് ശേഷം അയാൾ അവർക്കായി ഓരോ ഗ്ലാസിലും കട്ടൻ ചായ നൽകി

ഒരു ഗ്ലാസ്സ് വാങ്ങി ദേവ് അമാൻഡക്ക് കൊടുത്തു…അപ്പോളേക്കും കടയുടെ അടുത്തായി ഒരു ബൈക്ക് വന്നു നിന്നു…ഏതോ വീട്ടിൽ നിന്നും ഉണ്ടാക്കി എത്തിക്കുന്ന കടികൾ ആയിരുന്നതിൽ…അത്യാവശ്യം വലുപ്പമുള്ള മൂന്ന് സ്റ്റീലിന്റെ പത്രങ്ങളിൽ ആണത് കൊണ്ടുവന്ന കൊടുക്കുക…ദേവ് മണിയേട്ടനെ പത്രങ്ങൾ എടുത്തു വെക്കാൻ സാധിച്ചു….ഇതെല്ലാം കാണുമ്പോളും അമാൻഡക്ക് മനസ്സിലാവുകയായിരുന്നു റിങ്ങിനുള്ളിൽ മാത്രം കണ്ടത് അല്ല ദേവ് എന്ന്….അവനെ ഓരോ നിമിഷവും അവൾ മനസിലാക്കികൊണ്ടിരിക്കുകയായിരുന്നു …യഥാർത്ഥ ദേവ് എന്താണെന്ന്

“സമൂസ വേണോ പത്തിരി വേണോ…?

ഓർമ്മകളിൽ മുഴുകിയിരുന്ന അവളുടെ മുൻപിൽ വിരൽ ഞൊടിച്ചുകൊണ്ട് അവൻ ചോദിച്ചു

”ഏഹ്…എന്താ…?

പെട്ടന്ന് ഞെട്ടികൊണ്ടവൾ ചോദിച്ചു…അവളുടെയാ വെപ്രാളം കണ്ടവൻ ഒരു ചിരിയോടെ വീണ്ടും ചോദിച്ചു

“സമൂസ വേണോ പത്തിരി വേണോന്ന്…?

”അതിപ്പോ…!

ഈ രണ്ട് സാധനവും എന്താണെന്ന് അറിയാത്ത അവൾ അവന്റെ മുഖത്തേക്ക് നോക്കി…അമാൻഡക്ക് അതൊന്നും അറിയില്ലെന്ന് അറിഞ്ഞോണ്ട് തന്നെ ചോദിച്ചത് ആയിരുന്നവൻ

“കണ്ണുരുട്ടണ്ട….ഞാൻ പറഞ്ഞു തരാം..!

അവൻ അവളെ നോക്കി പറഞ്ഞു കൊണ്ട് പാത്രത്തിൽ നിന്നും ഓരോ കടികൾ വീതം എടുത്തുകൊണ്ടു അവൾക്കടുത്തേക്ക് ചെന്നു

“നീ ആ ഗ്ലാസ്സ് കൂടെ എടുത്തു വാ…”

അവന്റെ ചായ ഗ്ലാസ്സ് ചൂണ്ടി കാണിച്ചു കൊണ്ട് ദേവ് പറഞ്ഞു പിന്നെ അവൾക്ക് പിറകിലൂടെ കടയുടെ മറുവശത്തേക്ക് നടന്നു

ദേവ് എവിടെക്കാ പോകുന്നത് എന്ന് മനസിലാവാതെ ഗ്ലാസ്സും എടുത്തവൾ അവനു പിറകെ നടന്നു…കടയുടെ മറുവശത്തു വളർന്നു നിൽക്കുന്ന വലിയൊരു മരം ഉണ്ടായിരുന്നു അതിനോട് ചേർന്നൊരു ചെമ്പരത്തി ചെടിയും..അതിന്റെ ഇലകൾ കാരണം അപ്പുറം എന്താണെന്ന് പുറത്തു നിന്ന് വ്യക്തമായി കാണില്ല…ദേവ ചെടി തട്ടി മാറ്റി അകത്തേക്ക് നടന്നു..പിറകെ അവളും

ചെറിയൊരു സ്റ്റോർ റൂമിനോളം മാത്രം സ്ഥലമുള്ള ഒരു സ്ഥലം ആയിരുന്നത് പിറകിലായി ഒരു മതിലും അതിനോട് ചേർന്നു ടൈൽസ് ഇട്ട ഒരു ഭാഗവും..അവിടെ ദേവ് ഇരുന്നു…അടുത്തായി അവളും വന്നിരുന്നു

മുൻപിൽ കമ്പി വേലി കെട്ടി ചെറിയൊ കാട് പോലെ വളർന്നിരുന്നു അതിനപ്പുറം വെള്ളം ഒഴുകി പോകാൻ പാകത്തിന് ഒരു അരുവിയോളം പോന്നൊരു ചാലും

ദേവ് അതെല്ലാം നോക്കി കണ്ടു..അമാൻഡ ആവട്ടെ അവനെയും നോക്കി ഇരിന്നു…അവനെ തന്നെ നോക്കി ഇരിക്കുന്ന അവളെ കണ്ട ദേവ് ഒരു ചിരിയോടെ കയ്യിൽ പിടിച്ചിരിന്ന രണ്ടു കടികൾ ഉയർത്തി കാണിച്ചു

“ഇത് സമൂസ…!

ത്രികൊണ ഷേപ്പിൽ ഉള്ള കടി കാണിച്ചവൻ പറഞ്ഞു…അവളത് വാങ്ങി കയ്യിൽ പിടിച്ചു ഞെക്കി നോക്കി..ഇപ്പോൾ കൊണ്ട് വന്നു തന്നത് കൊണ്ട് തന്നെ അത്യാവശ്യം ചൂട് ഉണ്ടായിരുന്നു..അതുകൊണ്ട് തന്നെ അവൾ ഞെക്കിയപ്പോൾ അകത്തു കയറിയിരുന്ന ആവി പുറത്തേക്ക് പാറി…തണുപ്പ് നിറഞ്ഞയാ കാലാവസ്ഥയിൽ ചൂട് പറക്കുന്ന സമൂസയെ അവൾ തിരിച്ചും മറച്ചും നോക്കി വിശകലനം നടത്തി

”ഇതിനകത്ത് എന്താ…?

അവൾ അവനോട് ചോദിച്ചു…

“അതീ പച്ചക്കറികൾ മിക്സ്‌ ചെയ്തിട്ടുള്ള കൂട്ട് ആൺ…അല്പം എരിവ് ഒക്കെ ആയിട്ട് ഉള്ള ഐറ്റം ആണ്..”

അവൻ അതിനെക്കുറിച്ചു പറഞ്ഞു കൊടുത്തു…അറിയേണ്ടത് എല്ലാം അറിഞ്ഞു കഴിഞ്ഞപ്പോ അവളതിൽ നിന്നൊരു പീസ് കടിച്ചെടുത്തു…പിന്നെ സാവകാശം പതിയെ ചവച്ചു നോക്കി

“മ്മ്മ്….ചൂട് ഒണ്ട്…”

കടിച്ചയാ പീസ് കഴിച്ചു കഴിഞ്ഞു വിടർന്ന കണ്ണുകളോടെ അവളവനോട് പറഞ്ഞു

“കൊള്ളാവോ…?

അവളുടെ മുഖത്തെ ഭാവം കണ്ടു സന്തോഷത്തോടെ ദേവ് ചോദിച്ചു..

”കൊള്ളാം….ഇത് എങ്ങനാ സെയിം ആണോ…?

അവന്റെ മറ്റേ കയ്യിൽ പിടിച്ചിരുന്ന പൊരിച്ച പത്തിരി കണ്ടവൾ ചോദിച്ചു…

“ഏയ്‌…ഇവന് അങ്ങനെ വല്യ രുചി ഒന്നുമില്ല..എന്നാലും കഴിക്കാൻ അടിപൊളിയാ..പുറത്ത് ക്രിസ്പ്പ് ആയിട്ടും അകത്തു സോഫ്റ്റ് ആയിട്ടും ഉണ്ടാവും…”

അവനാ പത്തിരി അവൾക്ക് നേരെ നീട്ടികൊണ്ട് പറഞ്ഞു..

എന്നാലവളത് കയ്യിൽ വാങ്ങാതെ അങ്ങനെ തന്നെ ഒരു പീസ് കടിച്ചെടുത്തു

അത് വായിൽ ആക്കിക്കൊണ്ട് അവളുടെ കയ്യിൽ പിടിച്ച സമൂസ അവനു നേരെ നീട്ടി…

അവനത് വാങ്ങാനായി കൈ നീട്ടിയതും അവളെവനെ കണ്ണുരുട്ടി നോക്കി

അവളുടെയാ നോട്ടം എന്തിനാണെന്ന് മനസിലായ അവൻ ഒരു ചിരിയോടെ തന്നെ ആ സമൂസ അവളുടെ കയ്യിൽ നിന്ന് തന്നെ കടിച്ചെടുത്തു

“മമ്…പണ്ടത്തെ അതെ രുചി തന്നെ….ചൂട് കൂടി ആവുമ്പോളാ അത് ഫീൽ ചെയ്യാൻ പറ്റു..”

അവൻ അത് പറഞ്ഞു കട്ടൻ എടുത്തു കുടിച്ചു…ബാക്കി വന്ന സമൂസയും പത്തിരിയും അമാൻഡ തന്നെ ഇരുന്ന് ആസ്വദിച്ചു കഴിച്ചു…അരമണിക്കൂർ കൂടെ അവരവിടെ ചിലവഴിച്ച ശേഷം മണിയേട്ടനോട് യാത്ര പറഞ്ഞു പുറത്തിറങ്ങി

“വീട്ടിൽ പോകുവല്ലേ…?

വണ്ടിയിൽ കയറി കൊണ്ട് ദേവ് ചോദിച്ചു..

”yes….“

മുഖത്തു നിറഞ്ഞ ചിരിയോടെ മറുപടി നൽകികൊണ്ട് അമാൻഡ അവനെ കെട്ടിപ്പിടിച്ചിരുന്നു

റോഡിലേക്ക് ഇറങ്ങിയപ്പോളേക്കും കോഴിക്കോട് നഗരം ഉണർന്ന് പഴയ പ്രഭാവത്തിലേക്ക് എത്തിയിരുന്നു…അവരിരുവരുമാ തിരക്കിലൂടെ വീട് ലക്ഷ്യമാക്കി സഞ്ചരിച്ചു

—————————–

“ഏട്ടാ ചെറിയച്ഛൻ വിളിക്കുന്നുണ്ട്..”

ഓഫീസിൽ പോകാനായി ഒരുങ്ങി കൊണ്ടിരുന്ന ജോയോട് ആദി പറഞ്ഞു

“ആ ഇപ്പൊ വരാന്ന് പറഞ്ഞേക്ക്…”

മുടി ചീകികൊണ്ടവൻ പറഞ്ഞു…അവൻ പറഞ്ഞു കഴിഞ്ഞിട്ടും വാതിൽ പടിയിൽ താളം പിടിച്ചു കൊണ്ടിരുന്ന ആദിയെ അവൻ ഒളികണ്ണിട്ട് നോക്കി

നീല ചുരിദാറും വെള്ള പാന്റും…വേറെ ആർഭാടങ്ങൾ ഒന്നുമില്ല…നെറ്റിയിൽ ഒരു പൊട്ടുണ്ട്..പിന്നെയവളുടെ നീളൻ മുടി വലിച്ചു പൊക്കി തലക്ക് പിറകിലായി കോഴി വാലുപോലെ ക്ലിപ്പിട്ട് വച്ചിട്ടുണ്ട്…

“നിനക്ക് എന്തേലും പറയാൻ ഒണ്ടോ..?

മുടി ചീകി ആകെ മൊത്തം ഒന്ന് വിലയിരുത്തിയ ശേഷം അവൻ ചോദിച്ചു…മറുപടി ഒന്നും കേൾക്കാത്തത് കണ്ടവൻ തിരിഞ്ഞു നോക്കിയപ്പോ അവനെ തന്നെ നോക്കി വാതിലിൽ ചാരി നിൽക്കുന്ന ആദിയെ ആണ് കണ്ടത്…അവളുടെ മനസ്സ് ഇപ്പൊ ഈ ലോകത്ത് ഒന്നുമല്ലെന്ന് അവനാ നിൽപ്പ് കണ്ടപ്പോ തന്നെ മനസിലായി