💫Evil on earth✨ – 4 1അടിപൊളി  

 

അതും പറഞ്ഞവൻ തിരിഞ്ഞോടി….

 

അത് നീലുവുംനൈലയും ഒരു ചിരിയോടെ നോക്കി കണ്ടു….അടുക്കളയിൽ ബാക്കി ജോലികൾ ഉണ്ടായിരുന്നതിനാൽ സൈമണോട് യാത്ര പറഞ്ഞു നൈല അടുക്കളയിലേക്ക് നീങ്ങി

 

ഇവിടെ നടക്കുന്നത് ഒന്നും മനസിലാവാതെ നിൽക്കുന്ന അമാൻഡയെ നീലു തട്ടി വിളിച്ചു

 

“എന്താ ചേച്ചി…?

 

”ഏയ്‌ ഒന്നുമില്ല…ബാംഗ്ലൂർ വച്ചു ഞാൻ കണ്ട ദേവ് അല്ല ഇവിടെ വന്നപ്പോൾ മുതൽ…അതെന്താ അങ്ങനെ..?

 

അവളുടെ സംശയം കേട്ട് നീലു ചിരിച്ചു…

 

“എന്റെ ചേച്ചി….ഏട്ടൻ അങ്ങന…പുറത്തൊക്കെ മസിലു പിടിച്ചു നടക്കുമെങ്കിലും ഈ വീട്ടിൽ വന്ന് കേറിയ കുട്ടിക്കളിയാ…എത്ര ദേഷ്യം വന്നാലും അമ്മേടെ കണ്ണാന്നുള്ള വിളിയിൽ തന്നെ ആള് സൈലന്റ്ആവും…ഇപ്പൊ തന്നെ കണ്ടില്ലേ തുള്ളി ചാടി നടക്കണേ…പുള്ളീടെ ഏറ്റവും വല്യ ആഗ്രഹങ്ങളിൽ ഒന്ന് നടത്താനുള്ള വഴിയുമായാ സൈമണങ്കൾ വന്നത്…അതിന്റെ excitementaa ഇപ്പൊ കണ്ടത്…!

 

”ആഗ്രഹമോ…?

 

അമാൻഡ അവളെ നോക്കി ചോദിച്ചു…അതിന് ഒന്നുംമറുപടി പറയാതെ നീലിമ അവളുടെ കൈ പിടിച്ചു മുറ്റത്തേക്ക് ഇറങ്ങി…വളരെ അനുസരണയുള്ള കുട്ടിയെപ്പോലെ അമാൻഡ അവളെ അനുഗമിച്ചു…

 

കാർ പോർച്ചിനടുത്തുള്ള ചെറിയ ഇടവഴിയിലൂടെ അവളെയും കൊണ്ട് നീലിമ നടന്നു…പലതരം പൂക്കൾ കൊണ്ടും ചെടികൊണ്ടും അലങ്കരിച്ച ഒരു പ്രദേശംആയിരുന്നത്….ഒടുക്കം അവർ ചെന്നെത്തിയത് വലിയൊരു മരത്തിനു കീഴിൽ ആയിരുന്നു

 

അതിനു താഴെയായി വലിയ ടാർപ്പാ കൊണ്ട് മൂടിയ ഒരു വണ്ടിയുടെ രൂപം കണ്ട്അമാൻഡ ചോദിച്ചു

 

“ഇതെന്താ…?

 

”ഇതൊണ്ടല്ലോ…ഏട്ടന് ഏറ്റവും ഇഷ്ടമുള്ള വണ്ടിയാ…പത്തിരുപതു വർഷം പഴക്കം കാണും….“

 

അവളാ വണ്ടിയെക്കുറിച്ചു പറഞ്ഞു…സ്വാഭാവികമായും കൗതുകം ലേശം കൂടുതലുള്ള അമാൻഡയാ ഷീറ്റിനുമുകളിലൂടെ കൈ ഓടിച്ചു…കാലപ്പഴക്കം കൊണ്ടു പൊടിയും മണ്ണും നിറഞ്ഞയാ ഷീറ്റവൾ ഒരു സൈഡിൽ നിന്ന് വലിച്ചു പൊക്കി

 

അവളെ സഹായിക്കാനായി നീലുവും മറുപുറം വന്നാ ഷീറ്റ് പിറകിലേക്ക് വലിച്ചു…

 

പൂർണ്ണമായും ഷീറ്റ് മാറി മുൻപിൽ കിടക്കുന്ന വണ്ടി കണ്ട അമാൻഡ അതിശയത്തോടെ നീലുവിനെ നോക്കി

 

അത് കണ്ട അവൾ ഒരു ചിരിയോടെ കൈമലർത്തികൊണ്ട് പറഞ്ഞു

 

“എന്നെ നോക്കണ്ട…ഏട്ടന്റെ ഓരോ ഭ്രാന്ത്‌…!

 

പൊടിയും പാടുകളുമായി പഴക്കം ചെന്ന ഒരു സിൽവർ കളർ nissan R34 ആയിരുന്നത്…മുൻപിൽ ബൊണറ്റും ഗ്ലാസ്സും പൊട്ടിയിരുന്നു…

 

”ഇത് ജപ്പാൻ മെയ്ഡ് അല്ലെ…ദേവിന് എങ്ങനെ കിട്ടി…ഒരുപാട് പഴക്കം ഉണ്ടല്ലോ…?

 

അമാൻഡയാ ബോണട്ട് പൊക്കാൻ ശ്രമിച്ചുകൊണ്ട് ചോദിച്ചു

 

“ഇത് ഏട്ടന്റെ അല്ല…ഞങ്ങടെ പപ്പക്ക് ഒരു പെങ്ങൾ കൂടി ഉണ്ടായിരുന്നു…പുറത്തൊക്കെ പോയി പഠിച്ചത് ആയിരുന്നു…അവിടെ തന്നെ ഉണ്ടായിരുന്ന ഒരു അങ്കിളുമായി പ്രേമത്തിൽ ആയി കല്യാണവും കഴിപ്പിച്ചു കൊടുത്തു…അങ്ങേർക്ക് വണ്ടി പ്രാന്ത് ഉണ്ടായിരുന്നു പിന്നെ അത് ആന്റിക്കും പിടിച്ചു…അങ്ങനെ കൊണ്ട് വന്നതാ ഇതിനെ..പക്ഷെ ഒരു ആക്‌സിഡന്റിൽ രണ്ടാളും മരിച്ചു…അതേ പിന്നെ ഇവനെ ആരും എടുക്കാതെയായി…ഡോക്യൂമെന്റസ് ഒന്നും ഇല്ലാത്തോണ്ട് പപ്പയും നോക്കാതെയായി…പിന്നെ ആണ് ഞങ്ങൾ ഒക്കെ ഉണ്ടായത്..അന്ന് മുതൽ അമ്മേടെ കണ്ണ് തെറ്റിയാൽ ഏട്ടൻ ഇതിന്റെ മുൻപിൽ ഉണ്ടാവും….പിന്നെ ഞങ്ങൾ ഒരു ഗാരേജ് തുടങ്ങിയപ്പോ ആണ് ഇത് നന്നാക്കി എടുക്കണമെന്ന ആഗ്രഹം ഏട്ടന് ഉണ്ടായത്…”

 

അവൾ പറഞ്ഞു തീർന്നപ്പോഴേക്കും ദേവും സൈമണും അവരുടെ അടുത്തേക്ക് എത്തിയിരുന്നു

 

“ദേവ് ഇതിന്റെ പാർട്സ് ഇവിടെ കിട്ടില്ലേ…?

 

അവനെക്കണ്ടു അമാൻഡ ചോദിച്ചു

 

”ആ അതൊക്കെ കിട്ടും…പക്ഷെ ക്വാളിറ്റി കൊറവ് ആയിരിക്കും…അതാ ഞാൻ ഇത്രയും കാലം വെയിറ്റ് ചെയ്തത്….ഒറിജിനൽ പാർട്സ് തന്നെ കേറ്റണം എനിക്കിതിൽ…എല്ലാം അങ്കിൾ സെറ്റ് ചെയ്തിട്ടുണ്ട്….“

 

അതും പറഞ്ഞവൻ…കാറിന്റെ ഡോർ തുറക്കാൻ ശ്രമിച്ചു…അല്പം നേരത്തെ ശ്രമത്തിനോടുവിൽ അവനത് തുറന്നകത്തു കയറി…പിന്നെ പോക്കറ്റിൽ നിന്നൊരു കീ എടുത്തു…വലിയ ഭംഗി ഒന്നും തോന്നിക്കാത്ത ഒരു തരം ചാവി ആയിരുന്നത്…അവൻ കാറിനകം മുഴുവൻ ഒന്ന് നോക്കിയ ശേഷം കീ ഇട്ട് തിരിച്ചു