💫Evil on earth✨ – 4 Likeഅടിപൊളി  

അവൻ ഷർട്ടിൽ അടിക്കാനായി എടുത്ത ബോഡി സ്പ്രേ എടുത്തവളുടെ മുഖത്തിന് നേരെ അടിച്ചു

”അയ്യേ….!

പെട്ടന്ന് ഉണ്ടായ അവന്റെയാ പ്രവർത്തിയിൽ ഞെട്ടികൊണ്ടവൾ പിറകിലേക്ക് ചാടി…അവളുടെയാ ചാട്ടം കണ്ടു പൊട്ടി ചിരിച്ചുകൊണ്ട് ജോ അവിടെ നിന്നു…

പക്ഷെ അവന്റെ ചിരിയുടെ ആക്കം കൂട്ടിയത് പിള്ളേരെപോലെ മുഖം തുടക്കുന്ന അവളുടെ ഭാവമാണ്..അവനെ ദേഷ്യത്തോടെ നോക്കുന്ന അവളുടെ ഉണ്ടക്കണ്ണുകൾ കൂടി കണ്ടപ്പോ അവനു വീണ്ടും ചിരി പൊട്ടി

പെട്ടന്ന് ആയിരുന്നു കാറ്റ് പോലെ ആദി പാഞ്ഞു വന്നവന്റെ കയ്യിൽ കടിച്ചത്

“ആ….വിടാടി തെണ്ടി…അയ്യോ…ആാാ …മതി മതി….!

അവൻ അവളെ പിടിച്ചു മാറ്റാൻ ശ്രമിച്ചെങ്കിലും ഉടുമ്പ് പിടിച്ചത് പോലെ അവളെവിടെ നിന്നു…ഒടുക്കം ലക്ഷദ്വീപിൻറെ ഭൂപടം പോലൊരു പാട് അവന്റെ കയ്യിൽ ആശേഷിപ്പിച്ച ശേഷമവൾ മാറി നിന്നു

”നിനക്ക് പ്രാന്താണോടി പിശാശ്ശെ..!

കടി കിട്ടിയ ഭാഗം തിരുമ്മിക്കൊണ്ടവൻ ചോദിച്ചു…അതിന് മറുപടിയായി വെളുക്കെ ഒന്ന് ചിരിച്ചു കാണിച്ചുകൊണ്ടവൾ മുറി വിട്ടു പോയി…അവളുടെയാ പോക്ക് കണ്ട അവന്റെ മുഖത്തെ വേദനാ ഭാവം മാറി ഒരു ചിരി വന്ന് നിറഞ്ഞു

“ഇന്ന് കിട്ടുന്ന രണ്ടാമത്തെ കടിയാ…ഇങ്ങനെ പോയാൽ കെട്ടുന്നേന് മുൻപേ ഇവളെന്നെ തിന്ന് തീർക്കും…ഹോ…!

ചാർജിനിട്ട ഫോൺ എടുത്തുകൊണ്ടവൻ പറഞ്ഞു മതി…രാവിലെ എണീപ്പിക്കാൻ ജെസി പറഞ്ഞു വിട്ടത് ആദിയെ ആയിരുന്നു…ഇന്ന് ലീവാ ഷീണമാ എന്നൊക്കെ ഓരോ കാരണങ്ങൾ പറഞ്ഞു കിടന്ന അവനെ അവളൊടുക്കാം കടിച്ചാണ് എണീല്പിച്ചത്…

ഫോണുമായി സ്റ്റെപ്പ് ഇറങ്ങി വന്നിട്ടും ചെറിയച്ഛനെ കാണാതിരുന്ന ജോ അടുക്കളയിലേക്ക് ചെന്നു

ജെസി രാവിലെ തന്നെ ഹോസ്പിറ്റലിൽ പോയത് കൊണ്ട് അടുക്കള ഭരണം ആദിക്ക് ആയിരുന്നു….അവളവിടെ തിരിഞ്ഞു നിന്ന് ഉച്ചക്കുന്ന ചോറിന് അരിയിടുകയായിരുന്നു

താൻ വന്നത് അവളറിഞ്ഞില്ലെന്ന് മനസിലായതും അരി മുഴുവൻ കുക്കറിൽ ഇട്ട് തീരാൻ വേണ്ടി ജോ കാത്തിരുന്നു…അല്പം വട്ടുള്ള കുട്ടി ആയത് കൊണ്ട് തന്നെ ചിലപ്പോൾ കയ്യിലിരിക്കുന്ന ചെരുവം കൊണ്ട് അടികിട്ടുമെന്ന് അവനു തോന്നി

ഏതോ ഹിന്ദി പാട്ടും മൂളിക്കൊണ്ടവൾ അരി മുഴുവൻ കുക്കറിലാക്കി കയ്യിലെ ചെരുവം മാറ്റി വച്ചു..ഇത് തന്നെ അവസരമെന്ന് മനസിലാക്കിയ ജോ ശബ്ദമുണ്ടാക്കാതെ പമ്മി പമ്മി അവളുടെ പിറകിലെത്തി…

പുള്ളിക്കാരി അപ്പോഴും ശ്രദ്ധാ ഘോഷാലിനെ പാടി തോൽപ്പിക്കാനുള്ള ശ്രമത്തിലായിരുന്നു…

കണ്ടു പഴകിയ സിനിമകളിലെ പോലെ പിറകിൽ നിന്ന് കെട്ടിപ്പിടിക്കാൻ പ്ലാനിട്ട ജോ അവൾക്കരികിൽ എത്തിയതും സ്റ്റക്ക് ആയിപോയി….

അവളുടെ വെളുത്തു മെലിഞ്ഞ പെർഫെക്ട് എന്ന് പറയാൻ മാത്രം പോന്ന കഴുത്തിൽ അവന്റെ കണ്ണുകളുടക്കി…..കഴുത്തിനു പിന്നിൽ നിന്നും ചെറിയ ചെറിയ മുടി നാരുകൾ ചുറ്റി വളഞ്ഞവളുടെ കഴുത്തിനെ പുണർന്നു കിടക്കുന്ന കാഴ്ച അവനിൽ അസൂയ നിറച്ചു…പരസ്യമായി വായി നോക്കുമെങ്കിലും ആദ്യമായി ഒരു പെണ്ണിന്റെ ഭംഗി ഈ അംഗിളിൽ നിന്ന് കാണുന്നത് ജോയ്ക്ക് ആദ്യമായുള്ള ഒരനുഭവമായിരുന്നു

പെട്ടന്ന് തോന്നിയ ഒരു ആഗ്രഹത്തിൽ അവൻ അവളുടെ കഴുത്തിലേക്ക് തന്റെ മുഖമടുപ്പിച്ചു…കുളി കഴിഞ്ഞതിന്റെ ആണോ അതോ താൻ മുൻപടിച്ചു വിട്ട സ്പ്രേയുടെ മണമാണോ എന്നറിയില്ലായിരുന്നു അവനു..എന്നാലും ഒരാണിനെ മയക്കാൻ മാത്രം കരുത്തുള്ള ഒരു വാസന അവളിൽ നിന്നുയരുന്നുണ്ടായിരുന്നു…

അതിൽ ലയിച്ചവൻ തന്റെ തന്റെ ചുണ്ടുകൾ അവളുടെ കഴുത്തിലമർത്തി…നനവാർന്ന അവന്റെ ചുണ്ടുകൾ കഴുത്തിൽ പതിഞ്ഞതും അവളൊന്നു കുതറി…അങ്ങനൊരു പ്രതിരോധം മനസ്സിൽ കണ്ട ജോ അവന്റെ കൈകൾ അവളുടെ ഇടുപ്പിലൂടെ കടത്തി അവനിലേക്കവളെ ചേർത്തു നിർത്തി…

ആദ്യമൊന്നവൾ കുതറിയെങ്കിലും പിറകിൽ ആരാണെന്ന് മനസിലാക്കിയതും അവളുടെ പ്രതിരോധം കുറഞ്ഞു വന്നു….അവളുടെ മുഖത്തു പല തരം ഭവങ്ങളും മിന്നിമറഞ്ഞു…സംശയം..ആശ്ചര്യം..അതിശയം…എന്നീ ഭാവങ്ങൾക്കൊടുവിൽ അതൊരു പുഞ്ചിരിയിലവസാനിച്ചു

പക്ഷെ ജോയുടെ മനസ്സിൽ മറ്റൊന്നായിരുന്നു…ഇവളെന്താ തന്നെ തട്ടി മാറ്റാതിരുന്നത് എന്ന്…താൻ ചേർത്തു പിടിച്ചതിലും അധികമായി അവൾ സ്വയമേ തന്നിലേക്ക് ചേർന്നു നിൽക്കുന്നത് അവനിൽ അത്ഭുതം നിറച്ചു

“നീയെന്താ എന്നെ തള്ളി മാറ്റാതിരുന്നേ..?

വളരെ ശബ്ദം താഴ്ത്തി അവനവളുടെ ചെവിക്കുടയ്ക്കു കീഴെ വന്നു ചോദിച്ചു…

അവന്റെ ചുടുനിശ്വാസം കൊണ്ടു ഇക്കിളിയായ അവൾ തന്റെ തലയവന്റ നെഞ്ചിനോട് ചേർത്തു വച്ചുകൊണ്ട് ചോദിച്ചു

“ഞാൻ എന്തിനാ തള്ളി മാറ്റുന്നെ…?

”ഏഹ്…“

”ന്തേ കേട്ടില്ലേ..?

അവൾ ഒരു കുസൃതി നിറഞ്ഞ ചിരിയോടെ ചോദിച്ചു..അതിനു മറുപടി നൽകാതെ അവളുടെ വയറിനു മുകളിൽ പിടിച്ചിരുന്ന അവന്റെ കൈകൾ അല്പം കൂടെ മുറുക്കെ പിടിച്ചു…അവളുടെ ദേഹം മുഴുവൻ തീചൂളയിൽ നിന്നെടുത്തത് പോലെ ചൂടായിരുന്നു…ആ ചൂട് പതിയെ അവനിലേക്കും പടർന്നു കയറാൻ തുടങ്ങി

“ഏട്ടനിന്ന് പോകണ്ടേ…?

അവൾ അതെ നിൽക്ക് നിന്നുകൊണ്ട് തന്നെ ചോദിച്ചു…

”വേണം…“

”എന്നാ നല്ല കുട്ടിയായി പോകാൻ നോക്കിക്കേ…എനിക്ക് ഒരുപാട് പണികൾ ഇണ്ട് ചെയ്തു തീർക്കാൻ…“

അവളവനോട് പറഞ്ഞു…അത് കേട്ടിട്ടും ജോ ഒരു കൂസലില്ലാതെ തന്നെ നിന്നു

”ചെറിയച്ചനെ കണ്ടില്ല..അങ്ങേർ വന്നിട്ട് പോവാ…“

”അതിന് ചെറിയച്ചൻ ഇന്ന് ലീവാണല്ലോ…!

അവൾ ഒരു വിരലു കടിച്ചുകൊണ്ട് പറഞ്ഞു

അത് കേട്ട ജോ അടച്ചു പിടിച്ചിരുന്ന കണ്ണുകൾ തുറന്നവളെ നോക്കി

“ലീവോ…? അതെങ്ങനെ ശെരിയാവും ഇന്നേതോ മീറ്റിംഗ് ഉള്ളതാ…”

“ആ അത് പറഞ്ഞു…ചെറിയച്ഛന് പകരം ഏട്ടനോട് മീറ്റിംഗ് അറ്റൻഡ് ചെയ്യാൻ പറഞ്ഞിട്ട രണ്ടാളും പോയത്…”

“ഞാനോ…?

അവൻ ആതിയോടെ ചോദിച്ചു…അവന്റെ സ്വരത്തിലെ മാറ്റം ശ്രദ്ധിച്ച ആദി തന്റെ അരയിലുള്ള ജോയുടെ പിടി വിടിയിപ്പിക്കാതെ തന്നെ അവനെതിരെ തിരിഞ്ഞു നിന്നു

”ആ ഏട്ടൻ തന്നെ…ന്തേ പറ്റൂലെ..?

പുരികം മുകളിലേക്ക് പൊക്കിയും താഴ്ത്തിയും അവൾ ചോദിച്ചു …അവളുടെയാ പിരികം കൊണ്ടുള്ള പരുപാടി കണ്ടു ചിരി വന്ന ജോ അവളുടെ മുഖത്തേക്ക് തന്നെ നോക്കി പറഞ്ഞു

“പറ്റായിക ഒന്നുമില്ല..ന്നാലും എക്സ്പീരിയൻസ് ഒന്നുമില്ല അധികം..അതിന്റെ ഒരു ഇത്…!

അവൻ പറഞ്ഞ കാരണം കേട്ടവൾ ഒരു ചിരിയോടെ തന്റെ രണ്ടു കൈകളുമുയർത്തി അവന്റെ തോളിൽ പിടിച്ചു

”ഒരിതും ഇല്ല….ഏട്ടനെക്കൊണ്ട് പറ്റാത്ത കാര്യമൊന്നുമല്ല അത്…ഒന്ന് മനസ്സ് വച്ചാൽ നടക്കാവുന്നതേ ഉള്ളു…!