💫Evil on earth✨ – 4 Likeഅടിപൊളി  

അവനല്പം ആത്മവിശ്വാസം നൽകികൊണ്ടവൾ പറഞ്ഞു…അത് കേട്ട അവൻ ശ്വാസം നീട്ടി വലിച്ചു…പിന്നെ അവളുടെ വെളുത്ത ചെമ്പരത്തി പൂത്തത് പോലുള്ള മുഖത്തു നോക്കി ചിരിച്ചു…അവളുംഅവന്റെ ചിരിയിൽ മയങ്ങി നിന്നു

പെട്ടന്ന് തന്നെ ജോ മുഖം താഴ്ത്തി അവളുടെ കഴുത്തിലൊരുമ്മ വെച്ചു…

“സ്സ്സ്…..!

പെട്ടെന്നുള്ളയ പ്രവർത്തിയിൽ അവൾ വിസിലടിക്കുന്നത് പോലൊരു ശബ്ദത്തോടെ നിലത്തു വിരലുകൾ കുത്തി ഉയർന്നു പൊങ്ങി….അവളുടെ കൈകൾ അവന്റെ കഴുത്തിനെ ചുറ്റി വരിഞ്ഞു

ഇതേ അവസരം തന്നെ അവന്റെ ചുണ്ടുകൾ മാറി പകരം പല്ലുകൾ വെളിയിലേക്ക് വന്നു…രാവിലെ കിട്ടിയ കടികളുടെ എണ്ണം കണക്കിലെടുത്തവൻ തന്റെ ധന്തനിരകൾ അവളുടെ കഴുത്തിലേക്ക് ഇറക്കി വിട്ടു

സുഖം നിറഞ്ഞ വേദനയോടെയുള്ള അവന്റെ കടിയിൽ അവൾ കണ്ണുകൾ ഇറുക്കിയടച്ചു അവനെ ശക്തിയായി വാരി പുണർന്നു നിന്നു

അവളുടെ ചുണ്ടുകളിൽ ഒരുതരം പ്രത്യേക ചിരിയുണ്ടായിരുന്നു…അടച്ചു പിടിച്ച കണ്ണുകളുടെ കോണിലൂടെ രണ്ടിറ്റ് കണ്ണുനീർ ഒഴുകിയിറങ്ങി

സെക്കൻഡുകൾ മാത്രം ധൈർഘ്യമേറിയ ആ കടിയവസാനിപ്പിച്ച ജോ അവന്റെ കഴുത്തിൽ അമർത്തിപിടിച്ചിരുന്ന അവളുടെ മുഖം കൈ കൊണ്ടു മാറ്റി തനിക്ക് നേരെ നിർത്തി

മുൻപത്തെ അതെ ചിരിയോടെ തന്നെ കണ്ണുകളടച്ചു നിൽക്കുന്ന അവളുടെ മുഖത്തെക്കവൻ നോക്കി…ജോയുടെ കണ്ണുകൾ തന്നെയാണ് കാണുന്നതെന്ന് മനസിലാക്കിയ ആദി നിറഞ്ഞ കണ്ണുകൾ തുറന്നു

ജനലിലൂടെ അരിച്ചിറങ്ങുന്ന സൂര്യപ്രകാശത്തിന്റെ കണങ്ങൾ തട്ടി അവളുടെ കണ്ണിലും നീളമേറിയ കൺപീലികൾക്കും ഇടയിൽ തങ്ങി നിന്ന ചെറു നീർക്കണങ്ങൾ തിളങ്ങുന്നതായി അവനു തോന്നി

ചാലു പോലെ ഒലിച്ചിറങ്ങിയ കണ്ണുനീരവൻ പഴയ അതെ ചിരിയോടെ തന്റെ വിരലുകൊണ്ട് തുടച്ചു കൊടുത്തു….അപ്പോഴും കണ്ണുകളടക്കാൻ പോലും മറന്നവൾ അവനെ നോക്കി നിൽക്കുകയായിരുന്നു….അവളുടെ ഉണ്ട കണ്ണുകളിൽ നിറഞ്ഞു നിൽക്കുന്ന കറുത്ത കൃഷ്ണമണിയിൽ തന്റെ തന്നെ പ്രതിഭിംബം കണ്ട ജോ അവളോട് ചോദിച്ചു

“എന്താടി ഉണ്ടക്കണ്ണി നോക്കി പേടിപ്പിക്കുന്നെ…?

ചിരിയോടുള്ള അവന്റെയാ ചോദ്യം കേട്ടവൾ ഒന്നും പറയാതെ ചിരിച്ചു കൊണ്ടു തന്നെ നിന്നു….

”നിന്റെയീ കണ്ണീന്നു പൊടിഞ്ഞ കണ്ണുനീർ വേദന കൊണ്ടല്ലെന്ന് എനിക്കറിയാം….നേരല്ലേ…?

അതിനവൾ ശെരിയാണ് എന്ന ഭാവത്തിൽ തലകുലുക്കി കാണിച്ചു….

“വൈകുന്നേരം ഞാൻ നേരത്തെ വരാം….നമുക്ക് എന്നിട്ട് പുറത്തു പോകാം….എനിക്കറിയാം നിനക്ക് എന്നെ ഇഷ്ടമാണെന്ന്…തിരിച്ചും അങ്ങനെ തന്നാ…എന്നാലും പരസ്പരം പറയാൻ ഉള്ളത് എല്ലാം പറഞ്ഞു തീർക്കാം…ഓക്കേ അല്ലെ…?

അവൻ കൊച്ചു പിള്ളേരോട് പറയുന്നത് പോലെ അവളുടെ കവിളിൽ പിടിച്ചു പറഞ്ഞു…അതിനും അവൾ സമ്മതമെന്ന രീതിയിൽ തലകുലുക്കി…അവളിപ്പോഴും മുൻപ് നടന്നതിൽ സ്റ്റക്ക് ആയി നില്കുവാണെന്ന് മനസിലാക്കിയ അവൻ ഒരു ചിരിയോടെ കൈ എടുത്തു തിരിഞ്ഞു നടന്നു

അവൻ കൺമുന്നിൽ നിന്നും മറഞ്ഞതും നാണം നിറഞ്ഞൊരു ചിരിയോടെ ഇരു കൈകൾ കൊണ്ടും മുഖം പൊത്തികൊണ്ടവൾ തിരിഞ്ഞു നിന്നു…മുന്നേ നടന്നതെല്ലാം അവളുട് മനസ്സിലേക്ക് വരുന്തോറും തന്റെ കവിളുകളെല്ലാം നാണം കൊണ്ടു ചുവക്കുന്നത് അവൾക്കറിയാൻ സാധിച്ചു….

——————————-

ഓഫീസിലേക്കുള്ള യാത്രയിലായിരുന്നു ജോ….

ഇന്നൊരു മീറ്റിംഗ് ഉണ്ടെന്നല്ലാതെ മറ്റൊന്നും തന്നെ ചെറിയച്ഛൻ അവനോട് പറഞ്ഞിരുന്നില്ല

അവൻ ഡ്രൈവിങ്ങിനിടെ ഫോൺ എടുത്തു ചെറിയച്ഛനെ വിളിച്ചു….

“ഹലോ….!

അധികം വൈകാതെ തന്നെ മറുതലക്കൽ നിന്ന് ശബ്ദം കേട്ടു

”ആ ചെറിയച്ച…ഇന്ന് എന്ത് മീറ്റിങ്ങ പറഞ്ഞെ…എനിക്ക് ഓർമ്മ കിട്ടുന്നില്ല…!

“എടാ ജോ അതാ AG ഗ്രൂപ്പുമായുള്ള മീറ്റിങ് ആണ്…!

AG ഗ്രൂപ്പ്‌ ഏതാണെന്നു അവൻ ഓർത്തു നോക്കി…അവരുടെ കേരളത്തിൽ ഉള്ള കൺസ്ട്രക്ഷൻ കമ്പനിയിലേക്ക് മീറ്റീരിയൽസ് ഇറക്കി കൊടുക്കാൻ ഒരു ഓഫർ വന്നിരുന്നതായി ചെറിയച്ചൻ പറഞ്ഞതായി അവനോർമ്മ വന്നു

“ആ അത്…അല്ല ഞാൻ ഇപ്പൊ അവരുടെ ഓഫീസിലേക്ക് പോവേണ്ടി വരുമോ…?

”ആ വേണ്ടി വരും…നീ പേടിക്കണ്ട…എല്ലാം ഞാൻ പറഞ്ഞു ഓക്കെ ആക്കിയതാ…ഇനിയാ എഗ്രിമെന്റ് ഒക്കെയൊന്ന് വായിച്ചു നോക്കി സൈൻ ചെയ്താൽ മതി…!

“അത്രേ ഉള്ളോ…എന്നാ ഞാൻ പോവാ…!

അവൻ ഫോൺ കട്ട്‌ ചെയ്തു വണ്ടി ഹൈവേയിലേക്ക് കയറ്റി….

നിമിഷങ്ങൾക്കകം തന്നെ AG ഗ്രൂപ്പ്‌ എന്ന വലിയൊരു ബോർഡിന് മുന്നിലുള്ള പടുകൂറ്റൻ കെട്ടിടത്തിലേക്ക് ജോ കാറോടിച്ചു കയറ്റി

പാർക്കിങ്ങിൽ വണ്ടി നിർത്തിയവൻ അവരുടെ റിസപ്ഷനിലേക്ക് നടന്നു…

അവിടെ നിന്നിരുന്ന പെണ്ണിനെ അവനൊന്നു സൂക്ഷിച്ചു നോക്കി…മേക്കപ്പ് ചെയ്തു കുളമാക്കിയ മുഖമാണെങ്കിലും കഴുത്തിനു താഴേക്ക് എല്ലാം കൊള്ളാമായിരുന്നു….അവൻ പതിവ് ചിരിയുമായി അവളുടെ അടുത്തേക്ക് ചെന്നു…

ഇൻ ചെയ്ത ഫോർമൽ ഷർട്ടും പാന്റും മണിഞ്ഞു മോശമല്ലാത്ത ലുക്കുമായിയൊരു ചെറുപ്പക്കാരൻ വരുന്നത് കണ്ടവൾ എണീറ്റു നിന്നു

”എന്താണ് സർ…?

വളരെ ഭാവ്യതയോടെ അവൾ ചോദിച്ചു…അത് കേട്ടവൻ ചിരിയോടെ പറഞ്ഞു

“ജോ…അങ്ങനെ വിളിച്ചാൽ മതി…അതാ എനിക്കിഷ്ടം…!

മുൻപിൽ ഗ്ലാസ്സിൽ കൈ കുത്തി ചാരി നിന്നുകൊണ്ടവൻ പറഞ്ഞു

”ശെരി സർ…ഓഹ് സോറി ജോ…!

അവൾ തെറ്റ് പറ്റിയ ഭാവത്തിൽ സ്വന്തം തലയിൽ തട്ടിക്കൊണ്ടു പറഞ്ഞു അത് കണ്ട അവൻ ഒരു ചിരിയോടെ ചോദിച്ചു

“എനിക്ക് ഇന്നിവിടെ ഒരു അപ്പോയ്ന്റ്മെന്റ് ഉണ്ടായിരുന്നു…Delta construction…”

അവൾ തനിക്ക് മുൻപിലുള്ള സിസ്റ്റത്തിൽ എന്തോ തപ്പി നോക്കി…

“ആന്റണി സാർ…?

അവളൊരു സംശയത്തോടെ ചോദിച്ചു…

”അതെന്റെ ചെറിയച്ചൻ ആണ്…ഇന്ന് വേറൊരു മീറ്റിംഗ് ഉള്ളത് കൊണ്ടാണ് ഞാൻ വന്നത്…“

”അല്ല കമ്പനിയുടെ MD ക്ക് ആണ് അപ്പോയ്ന്റ്മെന്റ് എടുത്തിരിക്കുന്നത്..“

അവളവനെ നോക്കി പറഞ്ഞു…

അവനവളുടെ ഓവർ കോട്ടിൽ പിൻ ചെയ്ത നെയിം ബോർഡിൽ നോക്കി…aswathi.N

“miss aswathi.n…actually താനീ പറഞ്ഞ ആന്റണി..അതായത് എന്റെ ചെറിയച്ചൻ കമ്പനിയുടെ personal sectary ആണ്…”

“അപ്പൊ MD…?

”എടൊ അത്..ഞാ…!

“ഹേയ് ജോമോൻ…!

അവൻ എന്തോ പറയാൻ വന്നപ്പോളേക്കും പിറകിൽ നിന്നൊരാൾ അവനെ വിളിച്ചു

പിറകിലേക്ക് തിരിഞ്ഞു നോക്കിയപ്പോൾ വയറൊക്കെ ചാടിയ ഒരു മനുഷ്യൻ അവനെ നോക്കി ചിരിച്ചുകൊണ്ട് നടന്നു വരുന്നു

”ഏഹ്…നിങ്ങളെന്താ മനുഷ്യാ ഇവിടെ…?

അയാളെ അവിടെ കണ്ട അത്ഭുതത്തിൽ ജോ അയാളുടെ അടുക്കൽ ചെന്നു കൈ കൊടുത്തു