💫Evil on earth✨ – 4 1അടിപൊളി  

 

മുൻപിൽ സ്പീടോ മീറ്ററിലെ സൂചി ചെറിയൊരു പ്രകാശത്തോടെ ഒന്നനങ്ങി….അവൻ ഗിയറ് മാറ്റി വണ്ടി സ്റ്റാർട്ട്‌ ചെയ്തു….

 

ആദ്യത്തെ ശ്രമത്തിൽ തന്നെ വലിയൊരു മുരളിച്ചയോടെ എഞ്ചിൽ സ്റ്റാർട്ട് ആയി…അത് കണ്ടതോടെ അവനൊരു ചിരിയോടെ പുറത്തിറങ്ങി ബൊണറ്റ് തുറന്നു

 

വണ്ടിയുടെ ശബ്ദത്തിനൊപ്പമാ എഞ്ചിൻ കുലുങ്ങുന്നുണ്ടായിരുന്നു….

 

”ഇസ..ഒന്ന് ആക്‌സിലേറ്റർ കൊടുക്ക്…!

 

അവൻ പറഞ്ഞതെ അവളോടി കാറിനകത്തു കയറി ആക്‌സിലേറ്ററിൽ കാലമർത്തി….വീണ്ടും വലിയൊര് ശബ്ദത്തോടെ എഞ്ചിൽ കുലുങ്ങി…

 

“മുഴുവനായും അഴിച്ചു പണിയേണ്ടി വരും….”

 

വണ്ടിയുടെ പിറകിൽ നിന്ന് വരുന്ന കറുത്ത പുകശകലങ്ങൾ കണ്ട് സൈമൺ പറഞ്ഞു

 

“ഹ്മ്മ്….കൊറച്ചു വെൽഡിങ് പണി കൂടെ കാണും….!

 

വണ്ടിയുടെ കുലുക്കം കണ്ട് ദേവ് പറഞ്ഞു…അപ്പോളേക്കും വണ്ടി ഓഫ് ചെയ്ത് അമാൻഡ ഇറങ്ങി വന്നു

 

”എന്ന പിന്നെ ഇവനെ വണ്ടിയിൽ കയറ്റിക്കൊ…അമീർ ഇല്ലേ കൂടെ…?

 

ദേവ് കീ അയാൾക്ക് നൽകികൊണ്ട് ചോദിച്ചു

 

“ആ അവനൊണ്ട്..!

 

അത് കേട്ട ദേവ് വീടിനു മുന്നിലേക്ക് നടന്നു…അവിടെ റിക്കവറി വാനിനു മുൻപിൽ നിൽക്കുന്ന അമീറിന് കൈ കൊടുത്തുകൊണ്ടവൻ സുഖവിവരങ്ങൾ തിരക്കി

 

“NOS സിലിണ്ടർ കയറ്റണം വണ്ടിയിൽ..import ചെയ്തു വരുത്തിക്കോ…പിന്നെ എഞ്ചിൽ ഫുൾ ആയി ഒന്നഴിച്ചു പണിയണം…!

 

ദേവ് അവനു നിർദ്ദേശങ്ങൾ കൊടുത്തു

 

”എടാ ഇതൊക്കെ കയറ്റിയിട്ട് നമ്മടെ റോട്ടിൽ ഓടിക്കാൻ ആണോ പ്ലാൻ…?

 

അവനൊരു സംശയത്തോടെ ചോദിച്ചു

 

“അല്ലടാ….ഞാൻ പണി കഴിഞ്ഞാ വണ്ടി ബാംഗ്ലൂർക്ക് തന്നെ കൊണ്ട് പോകും….ഇവിടെ ഇട്ടാൽ ശെരിയാവില്ല…”

 

“അതാവും നല്ലത്…അല്ലെ ഫൈൻ അടക്കാനെ നിനക്ക് നേരം കാണൂ…”

 

അതും പറഞ്ഞവർ ചിരിക്കുമ്പോളായിരുന്നു അമാൻഡ അവിടേക്ക് വന്നത്…അവളെ പരിജയം ഇല്ലാതിരുന്ന അമീറിനവൻ അവളെ പരിചയപ്പെടുത്തി…താൻ വിവാഹം കഴിക്കാൻ പോകുന്ന കുട്ടി ആണെന്ന് പറഞ്ഞപ്പോൾ അമാൻഡയുടെ മുഖത്തു വിരിഞ്ഞ ചെറു പുഞ്ചിരി ദേവ് ശ്രദ്ധിച്ചു….തന്നെ എത്രത്തോളം അവൾ സ്നേഹിക്കുന്നുണ്ടെന്ന് അവനു മനസിലായി…..

 

“എന്നാ ശെരി…സൈമൺ അങ്കിൾ കാത്തിരിക്കുന്നുണ്ടാവും…സമയം കിട്ടിയാൽ ഞാൻ ഓഫീസിലേക്ക് ഇറങ്ങാം…”

 

അമീറിനു കൈ കൊടുത്തു പിരിഞ്ഞു കൊണ്ടവൻ പറഞ്ഞു….അമാൻഡക്കും ദേവിനും ഒരു ചിരി നൽകിയവൻ വണ്ടിക്കടുത്തേക്ക് പോയി

 

“എന്നാ ഞാൻ പോയി ഒന്ന് ഉറങ്ങട്ടെ…!

 

വായിക്കോട്ട വിട്ടുകൊണ്ട് ദേവ് പറഞ്ഞു..

 

”wait…ഞാൻ ഇപ്പൊ വരാ ഇവിടെ തന്നെ നിക്കണം…“

 

”ഏഹ്…അതെന്തിനാ….?

 

അവൻ അവളോട് ചോദിച്ചു…അതിനുമുന്പേ അവളോടി സ്റ്റെപ്പുകൾ കയറിയിരുന്നു…

 

“ഇവൾക്കിത് എന്തോന്ന്…?

 

അവൻ ഉറക്കം പോയ വിഷമത്തിൽ അവിടെ തന്നെ നിന്നു….തണുപ്പു കാലം ആവാറായതിന്റെ ആരംഭം അറിയിക്കാൻ എന്നവണ്ണം വീടിനു ചുറ്റും അല്പം കോടനിറഞ്ഞത് പോലെ മങ്ങൽ ഉണ്ടായിരുന്നു….പോരാത്തതിന് ചെറിയ തണുത്ത കാറ്റും….

 

ദേവ് ആ തണുപ്പിൽ കൈ മുട്ടുകൾ രണ്ടും കൂട്ടി തിരുമ്മി നിൽകുമ്പോഴേക്കും അമാൻഡ തിരിച്ചെത്തിയിരുന്നു

 

”നീ എവിടെ പോയതാ…?

 

അവൻ അവളെ സംശയത്തോടെ നോക്കി….ഒരു ബനിയനും ഷോർട്സും ആയിരുന്നു അവളുടെ വേഷം…ഇപ്പോൾ പോയ പോക്കിന് ഒരു ഷാൾ കൂടെ എടുത്തു തലയിൽ ചുറ്റിയിട്ടുണ്ട്

 

“ഇതെടുക്കാൻ..!

 

അവനു നേരെ ഒരു കീ നീട്ടികൊണ്ടവൾ പറഞ്ഞു….

 

”ഇത് പപ്പേടെ ബൈക്കിന്റെ അല്ലെ…?

 

അവനാ കീ വാങ്ങിക്കൊണ്ടു ചോദിച്ചു…ഡാനിയുടെ പഴയ മോഡൽ RD350 യുടെ ആയിരുന്നത്…അവന്റെ ചോദ്യം കേട്ട അവൾ ഒരു ചിരിയോടെ തല കുലുക്കി

 

“നമുക്ക് ഒരു റൈഡ് പോവാ…”

 

അവൾ അവന്റെ കൈ പിടിച്ചുകൊണ്ടു ചോദിച്ചു

 

“നിനക്ക് വട്ടാണോ പെണ്ണെ ഈ നേരം വെളുത്തതെ പുറത്ത് പോകാൻ…അതും ബൈക്കിൽ…”

 

തന്റെ കൈക്കു മുകളിൽ പിടിച്ച അവളുടെ കൈ എടുത്തു മാറ്റികൊണ്ട് അവൻ ചോദിച്ചു