🚀🚀മഞ്ജിമ തുടക്കവും ഒടുക്കവും – 4🚀🚀 2അടിപൊളി  

അഭി : മഞ്ചൂമ്മാ,,,, നീയെന്തിനാ ഉള്ളിൽ പോയത് വീണ്ടും.

മഞ്ജിമ മനസ്സിൽ കുറിച്ചിട്ടു തന്റെ പുതിയ പേര്, അഭി വിളിക്കുന്ന പേര് “മഞ്ചൂമാ”..

മഞ്ജിമ : അതോ, പേഴ്‌സ് മറന്നു അവിടെ.. അതെടുക്കാൻ..

അഭി ചിരിച്ചു കുഴഞ്ഞു കൊണ്ട് : നുണ, നുണ, വീണ്ടും ഒന്നുടെ കൊടുക്കാൻ പോയതല്ലേ… സത്യം പറ….

മഞ്ജിമ പുഞ്ചിരിച്ചു : നിനക്ക് എങ്ങിനെ അറിയാം…

അഭി : നിന്റെ കളിക്കൂട്ടുകാരൻ അല്ലായിരുന്നോ ഞാൻ, എത്ര കാലത്തിനു ശേഷം ആണ്, ആ ദേഷ്യം ഞാൻ കാണുന്നത്, മൂക്ക് ചുവന്നു, പല്ല് കടിച്ച്..

മഞ്ജിമ സൈഡ് മിററും, ബാക്ക് മിററും എല്ലാം നോക്കി : നീ ഇതിനു മുന്നേ എന്നെ ഇങ്ങനെ കണ്ടിട്ടുണ്ടോ?..

അഭി : പിന്നെ , ഞാൻ കുട്ടികാലത്തു ഗോട്ടി കളിക്കുമ്പോൾ അടി ഉണ്ടായി, രണ്ടെണ്ണം വന്നു എന്നെ ചാമ്പുമ്പോൾ നീയല്ലേ എന്നെ വന്നു രക്ഷിച്ചത്. അന്ന് കണ്ട അതെ മുഖഭാവം. ഇന്ന്,, ഇത്തിരി,,, ഇത്തിരി, കലിപ്പ് കൂടിയോ എന്നാ സംശയം.

മഞ്ജിമ ആദ്യമായി ഒന്നറിഞ്ഞു, ഉള്ളിന്റെ ഉള്ളിൽ തനിക്കു പോലും ഓർമ ഇല്ലാത്ത ഓർമകൾ അഭിയുടെ മനസ്സിൽ ഒളിഞ്ഞിരിപ്പുണ്ട്, തന്നെ കുറിച്ച്..

മഞ്ജിമ : ഇതൊക്കെ നിനക്ക് ഓർമ്മയുണ്ടോ?..

അഭി : എങ്ങനെ ഓർക്കാതിരിക്കും. ഒന്ന് പറഞ്ഞാൽ നീയായിരുന്നു എന്റെ ജീവിതത്തിലെ ഏറ്റവും വലിയ നഷ്ടം.

മഞ്ജിമ കേട്ടിരുന്നു അഭി പറയുന്നത്..

അഭി : അവിടെ നിന്നും മാറി, അമ്മ എന്നെ ചേർത്തത് പേര് കേട്ട ഇംഗ്ലീഷ് മീഡിയം സ്കൂളിൽ. രാവിലെ 7 മണിക്ക് ബസ് വരുന്നു. വൈകീട്ട് 6 മണിക്ക് തിരികെ അതെ ബസിൽ വീട്ടിൽ. പ്ലസ് ടു വരെ ഇതേ ലൈഫ്. പുറത്തക്കും വിടില്ല, പഠിക്ക്, പഠിക്ക്… എന്ന് മാത്രം ഉള്ള അമ്മയുടെ ചെവി തിന്നൽ. മാർക്ക്‌ കുറഞ്ഞാൽ കരച്ചിലോട് കരച്ചിൽ. ഇമോഷണൽ ബ്ലാക്ക് മൈലിങ്.

മഞ്ജിമ അഭിയുടെ മുഖത്ത് നിന്നും വായിച്ചെടുത്തു , ഉള്ളിലെ സങ്കടങ്ങൾ ആണ് പുറത്തു വരുന്നത്.

മഞ്ജിമ : ശനിയും, ഞായറും പോലും വിടില്ലേ അമ്മായി. അത്ര സ്ട്രിക്ട് ഒന്നും അല്ലായിരുന്നല്ലോ. എന്ത് പറ്റി…

അഭി : അങ്ങിനെ അല്ല. വിട്ടിരുന്നു.. പിന്നെ.. പിന്നെ ചില കാരണങ്ങൾ കൊണ്ട് വിട്ടില്ല..

മഞ്ജിമക്ക് തോന്നി അഭി ഉള്ളിൽ എന്തോ മറക്കുന്നുണ്ട് എന്ന്.

മഞ്ജിമ : എന്ത് കാരണം?…

തന്റെ ഇടതു കൈ അഭി മുറുക്കെ പിടിച്ചു, താഴെ നോക്കി ഇരിപ്പാണ്. പറയാൻ പറ്റാത്ത എന്തോ ഒന്നുണ്ട്, അല്ലെങ്കിൽ പറയാൻ ആഗ്രഹിക്കാത്തത്,, അഭിയുടെ മനസിനുള്ളിൽ. മഞ്ജിമക്ക് തോന്നി…

ഹോട്ടലിൽ എത്താറായത് കൊണ്ട് മഞ്ജിമ കൂടുതൽ ഒന്നും ചോദിക്കാൻ നിന്നില്ല.

സൂട്ടിൽ, അഭിയേയും കൊണ്ട് മഞ്ജിമ നേരെ പോയത് ബാർ ഏരിയയിൽ ആയിരുന്നു.

മഞ്ജിമ, നിര നിര ആയി വച്ചിരിക്കുന്ന കുപ്പികളിൽ നിന്നും ഒന്നെടുത്തു, ചെറിയ രണ്ട് ഷോട്ട് ഗ്ലാസുകളിൽ ഒഴിച്ച് സെറ്റ് ചെയ്ത് നാരങ്ങ നീര് ഒറ്റിച്ച ശേഷം അഭിയെ നോക്കി പറഞ്ഞു : ടക്കീല ആണ്,,, ഒറ്റ വലി… ഒന്നും നോക്കണ്ട…

അഭി : ഞാൻ ഹാർഡ് കഴിക്കില്ല…

മഞ്ജിമ : എന്നാ, ഇപ്പോൾ കഴിച്ചോ.. ചെറുതാണ്..

അഭി : എന്റെ വാള് നീ കോരേണ്ടി വരും.

മഞ്ജിമ പുഞ്ചിരിച്ചു കൊണ്ട് : അതിനു റൂം സർവീസ് ഉണ്ട്.

അഭി കെഞ്ചിക്കൊണ്ട് : മഞ്ചൂമാ, വേണ്ട..

മഞ്ജിമ : വേണം…

മഞ്ജിമ വളരെ സ്റ്റേൺ ആയി ആണ് പറഞ്ഞത്. അഭി ശ്വാസം എടുത്തു വിട്ടു ഉള്ളിലേക്ക് ഒരുപാട് തവണ…

അഭിയുടെ കാട്ടി കൂട്ടൽ കണ്ട്, മഞ്ജിമ പുറത്തു കാണിച്ചില്ല എങ്കിലും ഉള്ളിൽ ഒരുപാട് ചിരിച്ചു. ഒപ്പം താനും ഇത്തയും കൂടെ അടിച്ചു കയറ്റുന്ന കണക്കും ആലോചിച്ചു.

അഭി ഷോട്ട് എടുത്തു,, മടാ,, എന്നങ്ങു മിഴുങ്ങി…..

അഭി കണ്ണടച്ച് തൊണ്ട പിടിച്ചു ഇരിക്കുന്ന ഇരിപ്പ് കണ്ട് മഞ്ജിമ പറഞ്ഞു : ഇതും കൂടെ,,

അഭി മുഖം ആട്ടി കൊണ്ട് പറഞ്ഞു : അയ്യോ ഇനി വയ്യ…

മഞ്ജിമ അഭിയുടെ കൈ പിടിച്ചു വലിച്ചു കൊണ്ട് : കുടിക്കടാ…. അത് കഴിഞ്ഞ് നേരെ നാരങ്ങ നക്കിക്കൊ….

അഭിക്കു വേറെ വഴി ഉണ്ടായിരുന്നില്ല, രണ്ടാം ഷോട്ടും അഭിയുടെ തൊണ്ടയിലൂടെ തീയുണ്ട പോലെ ഉള്ളിലെത്തി.