🚀🚀മഞ്ജിമ തുടക്കവും ഒടുക്കവും – 4🚀🚀 2അടിപൊളി  

നുണയാൻ കൊടുത്ത നാരങ്ങ അഭി, കടിച്ചു ചപ്പി വലിക്കുന്നത് കണ്ട് മഞ്ജിമക്ക് ചിരി പിടിച്ചു നിർത്താൻ ആയില്ല..

അഭിയുടെ മുന്നിലായി മഞ്ജിമ ഇരുന്നു. ഗ്ലാസിൽ വെള്ളം കുടിക്കുന്നത് കണ്ട് അഭി പറഞ്ഞു : എന്നെ കുടുപ്പിച് വെള്ളം കുടിക്കുക ആണല്ലേ. അത് ശരിയല്ല.

മഞ്ജിമ : പിന്നെ ഒരിക്കൽ നോക്കാം.. നമുക്ക് ഒന്നിച്ചു…

അഭി : മഞ്ജുമാ, ഐ ആം ഹാപ്പി ഫോർ യൂ. കഷ്ടപ്പാടുകൾ ഒക്കെ തീർന്ന്, ഒരു നിലയിൽ എത്തിയല്ലോ. ഐ ആം സൊ ഹാപ്പി ഫോർ യൂ.

മഞ്ജിമ : എല്ലാം ലക്ക് അല്ലേടാ, നല്ല ബോസ് ആണ് എന്റെ. പേര് ഫാത്തിമ, ഫാത്തിമ ബീഗം..

അഭി കുഴഞ്ഞു തുടങ്ങി. അഭി : ഛേ, കണ്ടിരുന്നേൽ കെട്ടിപിടിച്ചു ഞാൻ താങ്ക്സ് പറഞ്ഞേനെ, എന്റെ മഞ്ചൂമക്ക് നല്ലൊരു ലൈഫ് കൊടുത്തതിനു..

” നീ വൈകാതെ നേരിൽ കാണും. അന്ന് കൊടുത്തോ ” മഞ്ജിമ മനസ്സിൽ പറഞ്ഞു.

അഭി പതിയെ എഴുന്നേറ്റ് ആടി, ആടി നടന്നു കിടക്കയിലേക്ക്. അഭിയുടെ നടപ്പും മുഖഭാവവും എല്ലാം കണ്ട് മഞ്ജിമക്ക് ചിരിയാണ് വന്നത്.

മഞ്ജിമ അഭിയെ ചേർത്തു പിടിച്ചു തന്റെ തോളിലൂടെ കൈ ഇടീപ്പിച്ചു നടത്തി ബെഡ് വരെ.

ബെഡ് കണ്ടതും അഭി പിന്നിലേക്ക് ചാരി വീണ് കൈ രണ്ടും അകത്തി വച്ചു കിടന്നു.

അഭിയുടെ വയറിനു ഇരു വശവും കാലു വച്ചു അഭിയുടെ വയറിനുമേൽ അധികം അമർത്താതെ മഞ്ജിമ തന്റെ മുഖം അഭിയുടെ മുഖത്തിന്‌ വരുന്ന പോലെ കിടന്നു.

അഭിയുടെ സ്വതസിദ്ധമായ പുഞ്ചിരി കണ്ട്, മഞ്ജിമക്ക് സഹിച്ചില്ല. മഞ്ജിമ അഭിയുടെ ചുണ്ടിൽ പതിയെ തന്റെ ചുണ്ട് കൊണ്ട് ഉമ്മ വച്ചു, അത് കൂടാതെ കവിളിൽ ഒരു കടിയും..

തന്റെ ചെക്കൻ നല്ല കിറുങ്ങി കിടക്കാണ് എന്ന് മഞ്ജിമക്ക് അറിയാം. എങ്കിലും അഭിയുടെ കണ്ണും മൂക്കും മുഖവും വളരെ നേരം ഇമ വെട്ടാതെ തന്നെ നോക്കി കിടന്നു മഞ്ജിമ. തന്റെ ഉള്ളിൽ പതിഞ്ഞ, തന്റെ സുന്ദര കുട്ടന്റെ മുഖം മതിവരുവോളം നോക്കി കൊണ്ട്..

കുറച്ച് കഴിഞ്ഞ് ആണ് മഞ്ജിമക്ക് കാറിൽ വച്ചു അഭിക്ക് പൂർത്തിയാക്കാൻ പറ്റാത്ത വാചകം ഓർമ വന്നത്. അഭി മറച്ചു വയ്ക്കുന്ന, ഓർക്കാൻ ഇഷ്ടപെടാത്ത ആ കാര്യം അറിയാൻ മഞ്ജിമക്ക് ആഗ്രഹം തോന്നി.

മഞ്ജിമ : അഭികുട്ടാ, ഡാ…

അഭി : എന്തോ?..

മഞ്ജിമ : മഞ്ചൂമാ വിളിയെടാ, ഇനി എന്നെ എങ്ങിനെ വിളിച്ചാൽ മതി നീ..

അഭി : എന്താ മഞ്ചൂമാ…

അഭിയുടെ ചുണ്ടുകൾ മഞ്ജിമ തന്റെ ചുണ്ടുകൾ കൊണ്ട് നുണഞ്ഞു…

മഞ്ജിമ : നീ പറഞ്ഞില്ലല്ലോ, എന്താ നിന്റെ അമ്മ നിന്നെ പുറത്തൊന്നും വിടാത്തത് എന്ന്..

അഭിയുടെ ചുണ്ടിലെ പുഞ്ചിരി മാഞ്ഞു. അഭി : അത്.. അത്.. പറയാൻ കൊള്ളില്ലെടി..

മഞ്ജിമ : നിനക്ക് എന്തും എന്നോട് പറഞ്ഞൂടെ, നിനക്ക് എന്നെ വിശ്വാസം ഇല്ലേ…

അഭി ചിന്തിച്ച ശേഷം : നീയെന്നെ വെറുക്കും ചിലപ്പോൾ അത് കേട്ടാൽ, അതുകൊണ്ടാണ്…

മഞ്ജിമയുടെ ഉള്ളിൽ ഒരു വിങ്ങൽ ഉണ്ടായി, അതെന്താ ഇത്രയ്ക്കും വലിയ കാര്യം എന്നറിയാൻ മനസ്സ് പിടഞ്ഞു..

മഞ്ജിമ : ഞാൻ എന്റെ അഭി കുട്ടനെ വെറുക്കുമോടാ?.. നിനക്ക് അങ്ങിനെ തോന്നുന്നുണ്ടോ??..

അഭി ചിന്തയിൽ ആണ്ടു.. എങ്ങിനെ തുടങ്ങണം, എന്ത് പറയണം എന്നറിയില്ലായിരുന്നു അഭിക്ക്..

അഭി എങ്ങിനെയോ തപ്പി തടഞ്ഞു തുടങ്ങി : പത്തു കഴിഞ്ഞാണ്, ഞാനും കൂട്ടുകാരനും കൂടെ

മഞ്ജിമ : കൂട്ടുകാരനും കൂടെ?..

അഭി കണ്ണടച്ചു, മഞ്ജിമയെ കെട്ടിപിടിച്ചു മുറുകെ, എന്നിട്ട് പറഞ്ഞു ഒപ്പിച്ചു : ഗേ സെക്സ്, അമ്മ കണ്ടു…

മഞ്ജിമ ശരിക്കും ഞെട്ടി. തന്റെ കാതുകളെ വിശ്വസിക്കാൻ ആയില്ല.

അഭി മഞ്ജിമയെ മുറുകെ കെട്ടിപിടിച്ചു, തന്നെ വിട്ടു പോവല്ലേ എന്നുള്ള അപേക്ഷ പോലെ..

മഞ്ജിമയിൽ നിന്നും മറുപടി വരാത്ത കാരണം അഭി പതിയെ കണ്ണുകൾ തുറന്നു, കണ്ടത് തന്റെ മുഖത്തേക്ക്,, ആക്കിയ നോട്ടവും ആയി ഉള്ള മഞ്ജിമയുടെ മുഖം ആണ്.

അഭി വേഗം കണ്ണടച്ചു, നല്ല നാണക്കേട് തോന്നി ഉള്ളിൽ. ഒന്നും പറയേണ്ടിയിരുന്നില്ല തോന്നി അഭിക്കു..

മഞ്ജിമയുടെ സ്വരം അഭി കാതുകളിൽ മന്ത്രിക്കുന്നത് കേട്ടു : സൊ, യൂ ആർ ഗേ?..

അഭി കണ്ണ് തുറന്നു കുറച്ച് ഉറക്കെ ആണ് പറഞ്ഞത് : ഞാൻ ഗേ ഒന്നുമല്ല, അന്ന് സംഭവിച്ചു പോയി…