🚀🚀മഞ്ജിമ തുടക്കവും ഒടുക്കവും – 4🚀🚀 2അടിപൊളി  

അഭി ചോദിച്ചു : നമ്മൾ എങ്ങോട്ടാ, മഞ്ജു?..

മഞ്ജു : അഭി കൊച്ചിയിൽ വന്നിട്ടുണ്ടോ?.

അഭി : ഒരു പ്രാവശ്യം. നേവി ടെസ്റ്റ്‌ എഴുതാൻ.

മഞ്ജു : എന്നിട്ട്?.

അഭി : റിട്ടൻ പാസ്സായി. ഫിസിക്കൽ ടെസ്റ്റിൽ പോയി.

മഞ്ജിമക്ക് ചിരി വന്നു അത് കേട്ടിട്ട്, എങ്കിലും അടക്കി പിടിച്ചു ചോദിച്ചു : പിന്നെ ടെസ്റ്റ്‌ എഴുതിയില്ലേ?..

അഭി : അമ്മ വിട്ടില്ല പിന്നെ……

മഞ്ജിമക്ക് ചിരി അടക്കാൻ കഴിഞ്ഞില്ല. മഞ്ജിമയുടെ ചിരി കണ്ട് ഒന്നു ആലോചിച്ച ശേഷം അഭി പറഞ്ഞു : ആക്കിയത് ആണല്ലേ…

മഞ്ജിമ : എയ് അല്ല.

അഭി : ആവശ്യത്തിന് ആരോഗ്യം ഒക്കെ ഉണ്ട് ട്ടോ..

മഞ്ജിമ : ഓ ശരി…

മഞ്ജിമ മനസ്സിൽ പറഞ്ഞു ” നിന്റെ ആരോഗ്യം ഒക്കെ കാണിച്ചു താരാടാ, എന്ന് എത്തട്ടെ “.

അഭി : പറഞ്ഞില്ലല്ലോ എങ്ങോട്ടാ എന്ന്?.

മഞ്ജിമ : എന്റെ പൊന്നു അഭി, നീ ഇങ്ങനെ പേടിക്കാതെ. നിന്റെ കയ്യും കാലും വിറക്കുന്നുണ്ട് എന്ന് എനിക്കറിയാം.

അഭി ഒരു ഇളിഞ്ഞ ചിരി ചിരിച്ചു.

അഭിയെ കൂൾ ആക്കാൻ വേണ്ടി, ബാംഗ്ലൂർ ലൈഫും കാര്യങ്ങളും ചോദിച്ചു മഞ്ജിമ.

അഭി : നിന്നെ കണ്ടാൽ, ഏതു ആണും ഒന്നു നോക്കി പോവും ഇപ്പോൾ. നിനക്ക് ഇവിടെ കൊച്ചി വന്നിട്ട് ആരും വന്നില്ലേ പിറകെ.

മഞ്ജിമ ഓർമകൾ പുതുക്കി ഒന്നു ചെറുതായി മനസ്സിൽ. എന്നിട്ട് പറഞ്ഞു : ഇവിടെ സമയം എവടെ ടാ, ഒരിക്കൽ തകർന്ന ജീവിതം കെട്ടിപ്പൊക്കി കൊണ്ടിരിക്കാണ് ഇപ്പോൾ. അതിനിടക്ക് അതിനൊക്കെ സമയം എവടെ. നിനക്കറിഞ്ഞൂടെ ഞാൻ എപ്പോഴാ ഒന്നു ഫ്രീ ആകുന്നതു എന്ന്.

അഭി : മ്മ്മ്….

മഞ്ജിമ : നീ പറ, ബാംഗ്ലൂരിൽ ഉണ്ടായി കാണുമല്ലോ നിന്റെ പിറകിൽ കിളികൾ.

അഭി ചിരിച്ചു : ഉണ്ടായിരുന്നു. ഒക്കെ വേണ്ട വച്ചതല്ലേ.

മഞ്ജിമ : ആരൊക്കെയാ പറ…

അഭി : ഒരു വിൻസി, രാധിക, അലക്സാന്ദ്ര..

മഞ്ജിമ : അലക്സാന്ദ്ര??. വെറൈറ്റി പേര് ആണല്ലോ.

അഭി : ഗോവക്കാരി ആണ്. എന്തായാലും നിനക്ക് അറിഞ്ഞൂടെ എന്റെ അമ്മയെ. ഏതെങ്കിലും ഒരുത്തിയെ വിളിച്ചു കൊണ്ട് വന്നാൽ എന്താ ഉണ്ടാവുക എന്ന്.

മഞ്ജിമ ചിരിച്ചു. എന്നിട്ട് മനസ്സിൽ പറഞ്ഞു ” ഏതെങ്കിലും ഒരുത്തി അല്ലേ പ്രശ്നം. മഞ്ജിമ നിന്റെ അമ്മക്ക് ഏതേലും ഒരുത്തി അല്ലല്ലോ “.

പിന്നെയും ഓരോരോ കാര്യങ്ങൾ സംസാരിച്ചു കൊണ്ടിരുന്നു. തന്റെ കല്യാണ കാര്യം പുറത്തു വരാതിരിക്കാൻ അഭിയും, അഭിയോട് ചോദിക്കാതിരിക്കാൻ മഞ്ജിമയും പ്രത്യേകം ശ്രദ്ധിച്ചു.

യാത്ര തുടങ്ങി കുറെ ആയപ്പോൾ അഭി പറഞ്ഞു : ഇതു എവിടെക്കാ നമ്മൾ പോവുന്നെ. ഇന്ന് രാത്രിക്ക് മുന്നേ വീട്ടിൽ എത്താൻ ഉള്ളതാ…

മഞ്ജിമ : 20 മിനുട്ട് കൂടെ, അതൊക്കെ നമുക്ക് ശരിയാക്കാം.. നീ പേടിക്കാതെ.

മഞ്ജിമ മനസ്സിൽ ” പൊന്നു മോനെ, അഭി കുട്ടാ, അടുത്ത മൂന്നു ദിവസത്തിന് മോൻ എവിടെയും പോകാൻ പോവുന്നില്ല. ഈ എന്റെ കൂടെ, ഇവിടെ ഉണ്ടാവും നീ “..

വണ്ടിയുടെ യാത്ര അവസാനം ചെന്നു നിന്നത്, മഞ്ജിമ ആദ്യമായി സത്താറുമായി ചിലവിട്ട, പിന്നീടങ്ങോട്ടും എത്രയോ തവണ സത്താറുമായി രാത്രികൾ ചിലവഴിച്ച ഫൈവ് സ്റ്റാർ ഹോട്ടലിൽ ആയിരുന്നു.

ആദ്യമായി ഫാത്തിമയുടെ പിന്നാലെ മഞ്ജിമ എങ്ങിനെ നടന്നോ, അതിനേക്കാൾ പമ്മി, പമ്മി ആയിരുന്നു അഭിയുടെ നടപ്പ് മഞ്ജിമയുടെ പിന്നാലെ. ആരെങ്കിലും ശ്രദ്ധിക്കുന്നുണ്ടോ എന്നൊക്കെ നോക്കി.

മഞ്ജിമക്ക് പല തവണ തിരിഞ്ഞു നോക്കേണ്ടി വന്നു, അഭി കൂടെ തന്നെ ഇല്ലേ എന്ന്.

ക്ഷമ കെട്ട് മഞ്ജിമ പറഞ്ഞു : മര്യാദക്ക് ഒപ്പം നടന്നോ, അല്ലെങ്കിൽ ഞാൻ നിന്നെ എടുത്തോണ്ട് നടക്കും. അപ്പോൾ പിന്നെ എല്ലാവരും നോക്കും.

അഭി വേഗത കൂട്ടി മഞ്ജിമയുടെ കൂടെ തന്നെ നടന്നു, കാഴ്ചകൾ കണ്ട്.

ലിഫ്റ്റിൽ കയറിയപ്പോൾ അഭി ചോദിച്ചു : മഞ്ജു, ഇതെങ്ങോട്ടാ…

മഞ്ജിമ : ഇത്രയും ക്ഷമിച്ചില്ലേ, കുറച്ച് കൂടി ക്ഷമി.

മഞ്ജിമ ചിരിച്ചു കൊണ്ട് അഭിയുടെ അടുത്തേക്ക് ചേർന്ന് നിന്നു.

ലിഫ്റ്റിൽ നിന്നും ഇറങ്ങി, മഞ്ജിമയുടെ പിന്നാലെ, പ്രസിടെൻഷ്യൽ സൂട്ടിന്റെ ഉള്ളിലേക്ക് പ്രവേശിച്ച അഭി വാ പൊളിച്ചു നിന്നു പോയി, ആദ്യമായി മഞ്ജിമ വന്നപ്പോൾ ഉണ്ടായിരുന്ന അതെ എക്സ്പ്രഷൻ.