🚀🚀മഞ്ജിമ തുടക്കവും ഒടുക്കവും – 4🚀🚀 2അടിപൊളി  

…….. നല്ല ഭാവി ഉള്ള ചെക്കൻ ആണ്, മലയാളി ആയി പോയത് കൊണ്ട് സഹിക്കുന്നില്ല. ഇപ്പോൾ ഇവന്റെ അവസ്ഥയിൽ എന്തെങ്കിലും റോൾ മാഡത്തിന് ഉണ്ടെങ്കിൽ പ്ലീസ് ഹെല്പ് ഹിം. ഹി ഈസ്‌ ഇൻ ട്രെബിൾ……….

…………അല്ലെങ്കിൽ അവന്റെ അമ്മയോട് എനിക്ക് എല്ലാം പറയേണ്ടി വരും. ഇവിടെ വന്നു താമസിക്കാറുണ്ട്. നല്ല ഭക്ഷണം ഉണ്ടാക്കി തരാറുണ്ട് ഞങ്ങൾക്ക്. ഒരു പാവം അമ്മ. മോൻ എന്ന് പറഞ്ഞാൽ ജീവൻ ആണ് അതിനു… അവരെ സങ്കടപ്പെടുത്താൻ മനസ് സമ്മതിക്കുന്നില്ല. അതുകൊണ്ടാണ് പിടിച്ചു നിന്നത്. ഇവനെ ഇവിടെ നശിച്ചു കാണാൻ താല്പര്യം ഇല്ലാത്തതു കൊണ്ടാണ് പറയുന്നത്. ബൈ………

ഫോൺ കട്ട്‌ ആയി……..

മഞ്ജിമ അന്തം വിട്ട് ഒന്നും മനസിലാകാതെ തൊട്ടടുത്തായി ഇരിക്കുന്ന ഫാത്തിമയെ നോക്കി.

തന്റെ മുഖത്തേക്ക് ഉത്തരം തേടിയുള്ള മഞ്ജിമയുടെ നോട്ടത്തിന് ഫാത്തിമക്ക് മറുപടി ഇല്ലായിരുന്നു…

 

രാവിലെ ബോധം വന്നു തന്റെ റൂമിലേക്ക്‌ പോകാൻ തുടങ്ങിയ അഭിയോട് നവീൻ ഉറക്ക പിച്ചിൽ പറഞ്ഞു : ഒരു മഞ്ജുമ്മ വിളിച്ചിരുന്നു ഇന്നലെ.. പറഞ്ഞില്ല, കേട്ടില്ല പറയരുത് പിന്നെ..

ഇത്രയും പറഞ്ഞു മൂടി പൊതച്ചു കിടന്നു നവീൻ…

അഭി സമയം പാഴാക്കിയില്ല, ഫോൺ എടുത്തു വിളിച്ചു മഞ്ജിമയുടെ നമ്പറിലേക്കു……

അഭി റിപ്ലേ അയക്കുന്നതിനു പകരം മഞ്ജിമയെ ഫോൺ വിളിച്ചു…

മഞ്ജിമ : ഹൈ ഡാ…

അഭി പൊട്ടി തെറിച്ചു : എവടെ ആയിരുന്നെടി ഫോൺ ഓഫ്‌ ചെയ്ത് വച്ച്…..

മഞ്ജിമ : തിരക്കുകൾ…

അഭി : എന്ത് തിരക്കുകൾ, ഒന്ന് പറയാലോ. അതിനും സമയം ഉണ്ടായില്ലേ നിനക്ക്.. ഒരു മെസ്സേജ് അയക്കാൻ ഇത്ര സമയം വേണോ…..

മഞ്ജിമ ശരിക്കും അത്ഭുതപ്പെട്ടു അഭിയുടെ ദേഷ്യത്തിലുള്ള ശബ്ദം കേട്ടിട്ട്..

മഞ്ജിമ : നീ ചൂടാവല്ലേ…

അഭി : ചൂടാവാതെ പിന്നെ. നിനക്ക് അറിയില്ല എത്ര ടെൻഷൻ അടിച്ചു എന്ന്. കൊച്ചിയിൽ നീ എവിടെയാ താമസിക്കുന്നത് എന്ന് എനിക്കറിയില്ല, അല്ലെങ്കിൽ ഞാൻ അങ്ങോട്ട് വന്നേനെ.

മഞ്ജിമ : ഞാൻ പറഞ്ഞല്ലോ തിരക്കായി പോയി എന്ന്.

അഭി : എന്ത് തിരക്ക്. എന്നോട് ദേഷ്യമോ വെറുപ്പോ ഉണ്ടെങ്കിൽ അത് പറ..

മഞ്ജിമ : എന്റെ അഭി, എനിക്ക് എന്തിനാ നിന്നോട് ദേഷ്യം.

അഭി : ഉറപ്പാണോ?..

മഞ്ജിമ : അതെ..

അഭി : എന്നാൽ എനിക്ക് നിന്നെ കാണണം. നമുക്ക് ഒരുമിച്ച് എന്റെ അമ്മയെ പോയി കാണാം. എനിക്ക് പറ്റും തോന്നുന്നില്ല നീയില്ലാതെ ജീവിക്കാൻ. എങ്ങിനെയെങ്കിലും ഞാൻ എന്റെ അമ്മയെ സമ്മതിപ്പിച്ചു കൊണ്ട്…..

മഞ്ജിമക്ക് തന്റെ കാതുകളെ വിശ്വസിക്കാൻ ആയില്ല. അഭി തന്നാണോ ഈ പറയുന്നത്. മഞ്ജിമ ഫോണിൽ അഭിയുടെ പേരും നമ്പറും ഒന്നുടെ നോക്കി.

മഞ്ജിമ വാക്കുകൾക്കായി പരതി.

അഭി : എന്താ പറയാത്തെ ഒന്നും. ഞാൻ നല്ലവണ്ണം ആലോചിച്ചു എടുത്ത തീരുമാനം ആണ്. എനിക്ക് അത്രക്കും ഇഷ്ടമാണ് നിന്നെ..

മഞ്ജിമ : അഭി,,,, ആദ്യം നീയൊന്നു കൂൾ ആവ്. ഞാൻ ആലോചിച്ചു പറയാം നിന്നോട്..

അഭി : ഇത്ര ആലോചിക്കാൻ ഉണ്ടോ. എന്നെ ഇഷ്ടം ആണ് എന്ന് വെറുതെ പറഞ്ഞതാ അല്ലെ..

മഞ്ജിമ : ഒന്ന് സമയം താടാ കൊന്താ….

അഭി : മ്മ്മ്…

മഞ്ജിമ : ആ പിന്നെ,, ഇനിയെങ്ങാനും കള്ള് കയ്യോണ്ട് തൊട്ടു എന്നറിഞ്ഞാൽ, ആലോചിക്കേണ്ട ആവശ്യം ഇല്ല എനിക്ക്. ഒന്നും…

അഭി : ഇല്ല, തൊടില്ല…

മഞ്ജിമ : സത്യം?..

അഭി : അമ്മ സത്യം…

എന്തെന്നോ ഇല്ലാത്ത സന്തോഷത്തിൽ മഞ്ജിമ തുള്ളി ചാടി. കിടക്കയിൽ നിന്നും നേരെ ഓടി ഫാത്തിമയുടെ റൂമിലേക്ക്‌.

ഫാത്തിമയുമായി ആലോചിച്ച ശേഷം അഭിക്കു ഫോൺ ചെയ്തു മഞ്ജിമ പറഞ്ഞു : അഭി കുറച്ച് ദിവസത്തെ സമയം താ എനിക്ക്. കുറച്ച് ജോലികൾ തീർക്കാൻ ഉണ്ട്. അത് കഴിഞ്ഞു നമുക്ക് അമ്മായിയെ കാണാം.

അഭി : ഉറപ്പാണോ?.

മഞ്ജിമ : എനിക്ക് ഒറ്റ വാക്കേ ഉള്ളു. അമ്മയെ കാണുമ്പോൾ മുട്ടിടിക്കാഞ്ഞാൽ മതി, അമ്മടെ പുന്നാര മോന്റെ.

അഭി : പേടി ഉണ്ട്, എന്നാലും ഞാൻ ഉറപ്പിച്ചാ നിൽക്കണെ. എനിക്ക് നീയില്ലാതെ പറ്റില്ല. എന്തിനും ഞാൻ റെഡി ആണ്.

മഞ്ജിമ : ഈ ആഴ്ച തിരക്കാവും. ഫോൺ വിളി ഒന്നും നടന്നു വരില്ല. അതിനു വെള്ളമടിക്കാൻ പോവരുത്. അടിച്ചാൽ എന്റെ സ്വഭാവം മാറും. നീ ഈ ഫോൺ ഇന്നലെ എടുത്ത ആ ഫ്രണ്ടിന് കൊടുത്തേ.