🚀🚀മഞ്ജിമ തുടക്കവും ഒടുക്കവും – 4🚀🚀 2അടിപൊളി  

മഞ്ജിമ : നിന്റെ മഞ്ചൂമ്മ നോക്കാം നിന്നെ, അമ്മായി നോക്കിയ പോലെ. നിനക്കിഷ്ടാണോ?..

അഭി തന്റെ മനസ്സ് തുറന്നു, രണ്ട് ദിവസം കൊണ്ട് മഞ്ജിമ അത്രക്കും ആഴത്തിൽ അഭിയുടെ ഉള്ളിലും കയറിയിരുന്നു : ഒരുപാട് ഒരുപാട് ഇഷ്ടമാണ്. നിന്റെ കൂടെ ഇരിക്കാൻ, നടക്കാൻ, കിടക്കാൻ,, ഒരുപാട് ഇഷ്ടമാണ്. പക്ഷെ…

മഞ്ജിമ : മ്മ്, പറ…

അഭി : ഞാൻ ചെറ്റ ആണ്, എങ്കിലും ജീവിതത്തിൽ ഏറ്റവും കൂടുതൽ സ്നേഹിക്കുന്ന വ്യക്തി എന്റെ അമ്മ ആണ്. ആ അമ്മയാണ് എന്റെ പ്രശ്നം. എന്റെ അമ്മയെ വേദനിപ്പിക്കാൻ എന്നെ കൊണ്ട് പറ്റില്ല. അല്ലാതെ നിന്റെ മുൻകാല ജീവിതമോ, അപ്പുവോ ആരും എനിക്ക് പ്രശ്നം അല്ല…..

അഭി ഒരുപാട് കാട് കയറി ആണ് പറഞ്ഞത് എങ്കിലും, ഉള്ളിൽ നിന്നും ആയിരുന്നു അത്. മഞ്ജിമക്ക് ഒരുപാട് സന്തോഷം തോന്നി അഭിയുടെ വാക്കുകൾ കേട്ടിട്ട്. അവന്റെ ഉള്ളിൽ തന്നോട് സ്നേഹം ഉണ്ട് എന്ന് കേട്ടിട്ട്…

മഞ്ജിമ : അറിയാടാ, പാവം അല്ലെ നിന്റെ അമ്മ.

അഭി ചിരിച്ചു, പിന്നെ പൊട്ടി ചിരിയായി…

മഞ്ജിമക്ക് കാര്യം മനസ്സിലായില്ല.

അഭി : എന്നെ വേഗം കെട്ടിച്ചു വേണം, അമ്മക്ക് കെട്ടാൻ എന്ന് വച്ചിരിക്കാണ് അമ്മ.

മഞ്ജിമ ശരിക്കും അമ്പരന്നു അത് കേട്ടിട്ട്..

മഞ്ജിമയുടെ മുഖം നോക്കി അഭി പറഞ്ഞു : ജോർജ് സർ ആണ് ആൾ. വർഷങ്ങൾ ആയി അമ്മയുടെ പിന്നാലെ ആണ്. നോട് ഒൺലി സെക്സ്. മൂപ്പർക്ക് കൂട്ടായി ജീവിത കാലം മുഴുവൻ കൂട്ടിന് മൂപ്പർക്ക് വേണം അമ്മയെ.

മഞ്ജിമ കണ്ണ് തുറിച്ചു : ഒന്ന് പോടാ..

അഭി : കാര്യമായി പറഞ്ഞതാ, അമ്മയ്ക്കും ഒക്കെ ആണ്. പക്ഷെ വലിയ ഒരു ഇഷ്യൂ ഉള്ളത് ഞാൻ ആണ്, എന്റെ ഭാവി.

മഞ്ജിമ : നിന്റെ ഭാവിയും അതും തമ്മിൽ എന്ത് ബന്ധം?..

അഭി : നാട് മാറിയിട്ടൊന്നും ഇല്ല മോളെ, 45 വയസ്സിൽ ഒരു ക്രിസ്ത്യാനിയെ കെട്ടിയാൽ, നല്ല കുടുംബത്തിന്ന് തന്റെ പൊന്നുമോന് ആലോചന വരില്ല എന്നുള്ള ബോധം, അല്ലെങ്കിൽ പേടി.

മഞ്ജിമ ആലോചിച്ചു : ഓ, ഓ,, അങ്ങിനെ ഒരു സീൻ ഉണ്ടല്ലേ. അല്ല ഇതൊക്കെ നിനക്ക് എങ്ങിനെ അറിയാം.

അഭി മുഖം ചെരിച്ചു മഞ്ജിമയുടെ മുഖത്ത് നോക്കാതെ : അമ്മയുടെ ഫോണിൽ കാൾ റെക്കോർഡ് വഴി കേട്ടതാ പണ്ട്…

മഞ്ജിമ വാ പൊളിച്ചു അഭിയുടെ തലമുടി പിടിച്ചു വലിച്ചു ശക്തിയായി എന്നിട്ട് പറഞ്ഞു : തെണ്ടി…. ഒരു നാണവും ഇല്ലല്ലോ..

അഭി അലറി ” വേദനിക്കുന്നു, പിടി വിട്, പിടി വിട് “…

മഞ്ജിമ അഭിയുടെ മുഖത്ത് നോക്കി : നീ വെറും ചെറ്റ അല്ല, പരമ ചെറ്റ ആണ്..

അഭി മൂഞ്ചിയ ഇളി ഇളിച്ചു കാണിച്ചു…

മഞ്ജിമ : അപ്പോൾ അങ്ങിനെ ആണ് കാര്യങ്ങൾ… അമ്മായി ഇത്രക്കും വലിയ മുതൽ ആണ് എന്ന് സ്വപ്നത്തിൽ പോലും വിചാരിച്ചില്ല…

അഭി : മുതൽ ഒക്കെ ആണ്, എന്നാലും ഞാൻ എന്ന് പറഞ്ഞാൽ ജീവനാ. വേറെ എന്തും ഞാൻ കഴിഞ്ഞേ ഉള്ളു. അതുകൊണ്ടാ മഞ്ചൂമ്മ ഞാൻ….. എനിക്ക്….

മഞ്ജിമ മനസ്സിൽ ” നീ അതൊന്നും പേടിക്കണ്ട, നിനക്കല്ലേ വേദനിപ്പിക്കാൻ പറ്റാത്തത്, ഞാൻ വേദനിപ്പിച്ചോണ്ട് “..

മഞ്ജിമ : മ്മ്, മനസ്സിലായി. ഒറ്റ മോൻ, ആറ്റു നോറ്റു വളർത്തിയ മകൻ. ഒരുപാട് സ്വപ്‌നങ്ങൾ കണ്ടു വളർത്തിയ മകൻ. കെട്ടാൻ പോകുന്ന കുട്ടിയിൽ മുതൽ കല്യണം വരെ ആർഭാടമായി നടക്കുന്നത് സ്വപ്നം കണ്ടു കഴിയുന്ന അമ്മായി, ഒരു കുട്ടിയും ഭർത്താവിനെ ഉപേക്ഷിച്ചതുമായ പെണ്ണിനെ എങ്ങിനെ ഇഷ്ടപ്പെടാൻ, അല്ലെ….

അഭിക്കതിനു എന്ത് പറയണം എന്ന് അറിയില്ലായിരുന്നു…

മഞ്ജിമക്ക് ആരോടെന്നില്ലാത്ത ദേഷ്യവും തോന്നി മനസ്സിനുള്ളിൽ. അമ്മയെ പറഞ്ഞു സമ്മതിപ്പിച്ചു തന്നെ കെട്ടുന്നതിനു പകരം അവന്റെ ഒടുക്കത്തെ അമ്മ സ്നേഹം….

മനസ്സിൽ ചെറുതായി പ്രാകി അഭിയെ മഞ്ജിമ…..

മഞ്ജിമ പുറത്തേക്കു നോക്കി ഇരുന്നു, കടലമ്മയുടെ സുന്ദരമായ രാത്രി ദൃശ്യം നോക്കി… സമയം എത്ര ആയെന്നു ഒരുപിടിയുമില്ല, രാത്രി രണ്ട് മണി കഴിഞ്ഞു കാണണം ഏകദേശം . മഞ്ജിമക്ക് കണ്ണുകൾ അടഞ്ഞു വന്നു…..

അഭി എന്ന് വിളിക്കാൻ നോക്കിയപ്പോൾ ആണ് തന്റെ മടിയിൽ തല വെച്ച് കൊച്ചു കുഞ്ഞിനെ പോലെ കിടന്നുറങ്ങുന്ന അഭിയെ കണ്ടത്.