🚀🚀മഞ്ജിമ തുടക്കവും ഒടുക്കവും – 4🚀🚀അടിപൊളി  

ജലജയുടെ തോളിൽ വച്ചിരുന്ന മഞ്ജിമയുടെ മുഖം അഭിക്കു നേരെ ആയിരുന്നു. മഞ്ജിമ തന്റെ മുഖം അൽപ്പം ഉയർത്തി ഒന്നും ചെയ്യാൻ ആവാതെ, പറയാൻ ആവാതെ നിന്നിരുന്ന അഭിയെ നോക്കി.

അഭി കണ്ടത്, തന്നെ നോക്കി, പുഞ്ചിരിച്ചു കൊണ്ട് തന്റെ നേരെ ചുണ്ടുകൾ ചേർത്തു ഉമ്മ വയ്ക്കുന്ന പോലെ ആക്ഷൻ ഇട്ട്, ഒറ്റ കണ്ണ് അടിച്ചു കാണിച്ച മഞ്ജിമയെ ആണ്.

അഭി ഒന്നും മനസിലാവാതെ കണ്ണ് തുറിച്ചു പൊട്ടനെ പോലെ തന്നെ നിന്നു, മഞ്ജിമയുടെ നിഗൂഡമായ മുഖ ഭാവം നോക്കി കൊണ്ട്, മനസ്സിൽ ഒരുപാട്, ഒരുപാട് ചോദ്യങ്ങൾ നിറച്ച് വച്ച്.

……………………………………………………………… മഞ്ജിമ താഴെ ജലജയുടെ റൂമിൽ, സന്തോഷത്തോടെ ആശ്വസിച്ചു ഇരിക്കുമ്പോൾ, മുകളിൽ അഭിയുടെ റൂമിൽ ഒരു അന്തവും ഇല്ലാതിരിക്കുന്ന അഭിയെ തുടർച്ചയായി ശകാരിച്ചു കൊണ്ടിരിക്കുകയിരുന്നു ജലജ.

മഞ്ജിമയെ തന്റെ കൂടെ തന്നെ കിടത്തി ജലജ അന്ന് രാത്രി. ജലജയുടെ തേങ്ങൽ മഞ്ജിമ കേട്ടു.

മഞ്ജിമ ഒന്ന് ആലോചിച്ചു. അതിനു ശേഷം ജലജ കേൾക്കാൻ പറ്റുന്ന പോലെ തന്നെ കരയാൻ തുടങ്ങി മഞ്ജിമ..

മഞ്ജിമയുടെ കരച്ചിൽ കേട്ട ജലജ വേഗം തിരിഞ്ഞു കിടന്നു മഞ്ജിമയെ ഫേസ് ചെയ്തു.

ജലജ തന്റെ സങ്കടങ്ങൾ എല്ലാം മറന്നു മഞ്ജിമയോട് ചേർന്ന് പറഞ്ഞു : എന്തിനാ കരായണേ, ഞാൻ പറഞ്ഞില്ലേ, മോൾ ഒരു തെറ്റും ചെയ്തിട്ടില്ല. എല്ലാം എന്റെ തെണ്ടി ചെക്കൻ ആണ്.. ഞാൻ നന്നായി ആണ് അവനെ വളർത്തിയത് എന്ന് തെറ്റിദ്ധരിച്ചു.

മഞ്ജിമ : എനിക്കറിയാം അമ്മായിക്ക് എന്നെ ഇഷ്ടം ആയിട്ടില്ല എന്ന്.

മഞ്ജിമയുടെ കരച്ചിൽ കൂടി വന്നു. ഉടനെ മഞ്ജിമയുടെ നെറ്റിയിൽ മുത്തം കൊടുത്തു ജലജ. എന്നിട്ട് പറഞ്ഞു : ആര് പറഞ്ഞു മഞ്ജുനെ എനിക്ക് ഇഷ്ടം അല്ല എന്ന്. നീ ജനിച്ചു വീണപ്പോൾ മുതൽ ഞാൻ കാണുന്നത് അല്ലെ , നിന്നെ എടുത്തു വളർത്തിയതിൽ ഒരാൾ അല്ലെ ഞാൻ. എനിക്ക് നിന്നെ ഇഷ്ടമാവാതിരിക്കും എന്ന് തോന്നുന്നുണ്ടോ?..

മഞ്ജിമ : പിന്നെ എന്തിനാ ഇങ്ങനെ കരയണത്, ഞാനും കുട്ടികാലം മുതൽ കാണുന്നതല്ലേ അമ്മായിയെ, എന്റെ റോൾ മോഡൽ ആയിരുന്നു അമ്മായി എന്നും. ഞാൻ എന്തെങ്കിലും ആവാൻ ആഗ്രഹിച്ചിട്ടുണ്ടെങ്കിൽ അത് അമ്മായിയെ പോലെ ആവാൻ ആയിരുന്നു….

തന്നെ പുകഴ്ത്തി പറയുന്നത് കേട്ടു ജലജക്ക് ഉള്ളിൽ അഭിമാനം തോന്നി.

മഞ്ജിമ : അമ്മായി ഇനി കരയരുത്. കരഞ്ഞാൽ ഞാൻ എങ്ങോട്ടെങ്കിലും പോകും.

മഞ്ജിമയുടെ മുഖം തന്റെ കൈ വെള്ള കൊണ്ട് ഉയർത്തി തന്റെ മുഖത്തിന്‌ നേരെ വച്ചു ജലജ പറഞ്ഞു : ഇല്ല, കരയില്ല ഇനി. സംഭവിച്ചത്, സംഭവിച്ചു. നമുക്ക് നാളെ തന്നെ നിന്റെ വീട്ടിൽ പോവാം, ഉഷേച്ചിയെ ഞാൻ കണ്ട് സംസാരിക്കാം പേടിക്കണ്ട.

മഞ്ജിമ പെട്ടെന്ന് ചാടി എഴുന്നേറ്റു, അതുകണ്ടു കൂടെ ജലജയും. ജലജ അതിശയത്തോടെ : എന്തെ?..

മഞ്ജിമ : അഭി ഭക്ഷണം കഴിച്ചിട്ടില്ല…

ജലജയുടെ മുഖത്ത് പുഞ്ചിരി വിടർന്നു. തന്റെ മോനെ കുറിച്ചുള്ള മഞ്ജിമയുടെ ജിജ്ഞാസ കണ്ട് ജലജ പറഞ്ഞു : ഒരു ദിവസം പട്ടിണി കിടന്നു വിചാരിച് ഒന്നും സംഭവിക്കാൻ പോണില്ല.

താഴെ ജലജയുടെ റൂമിൽ, ജലജയും മഞ്ജിമയും തമ്മിൽ സംസാരിച്ചു മുന്നോട്ട് പോയികൊണ്ടിരിക്കുമ്പോൾ, മുകളിൽ അഭിയുടെ റൂമിൽ പ്രാന്തനെ പോലെ ഒരാൾ ഇരിക്കുന്നുണ്ടായിരുന്നു, വേറെ ആരുമല്ല അഭി തന്നെ.

അമ്മയെ എങ്ങനെ പറഞ്ഞ് സമ്മതിപ്പിക്കും എന്ന് ഓർത്തു കുറെ ദിവസമായി ടെൻഷൻ അടിച്ചു ഇരുന്നിരുന്ന അഭിക്കു, അഭി ഏറെ ആഗ്രഹിച്ച വാക്കുകൾ ആണ് അമ്മയിൽ നിന്നും കേട്ടത്. പക്ഷെ ബാക്കി……..ഒരു എത്തും പിടിയും കിട്ടിയില്ല അഭിക്ക്.

……………………………………………………….. തലേദിവസം

ഒരു ദിവസം മുൻപേ വന്ന്, മഞ്ജിമയുടെ വീട്ടിൽ നിന്നു ഫാത്തിമയും മഞ്ജിമയും. അവിടെ നിന്നും രാവിലെ ഇറങ്ങി അഭിയുടെ വീട്ടിലേക്കു. ഫാത്തിമ തന്റെ കാറിൽ അഭിയുടെ വീടിനു കുറച്ച് മാറി തന്റെ വണ്ടി നിർത്തി മഞ്ജിമക്ക് ഒരു ബെസ്റ്റ് ഓഫ് ലക്ക് പറഞ്ഞു ഫാത്തിമ. കൂടാതെ ചോദിച്ചു : ടെൻഷൻ ഉണ്ടോ ഡീ??.

മഞ്ജിമ : പിന്നെ, നല്ല രീതിക്കു ഉണ്ട്. അഭിനയിച്ചു ഫലിപ്പിക്കണ്ടേ ഓരോന്നും.

ഫാത്തിമ : ഓ പിന്നെ, അതൊക്കെ നിനക്ക് സിംപിൾ അല്ലെ..

മഞ്ജിമ : ആണ്, പക്ഷെ അമ്മായിയുടെ മുന്നിൽ,, എന്തോ…

ഫാത്തിമ : ഡോണ്ട് വറി,,, പോയി വാ, ഒരേ ഒരു വഴിയിൽ തുടങ്ങിയതല്ലേ നമ്മൾ, ഇപ്പോൾ മൂന്നു വഴികൾ ഉണ്ട് മുൻപിൽ. ചിൽ…

മഞ്ജിമ : പോയി വരാം എന്നാൽ…

ഫാത്തിമ : എങ്ങോട്ട് വരാൻ. അവിടെ തന്നെ നിന്ന്, കല്യാണം ഒക്കെ സെറ്റ് ആക്കിയ ശേഷമേ വരാവൂ തിരിച്ചു..

മഞ്ജിമ പുഞ്ചിരിച്ചു കൊണ്ട് : ശരി ഇത്ത എന്നാൽ..

കാർ ഇറങ്ങി അൻപത് മീറ്റർ നടന്നു മഞ്ജിമ. വെളുത്ത ലേറ്റസ്റ്റ് മോഡൽ ചുരിദാർ ധരിച്ചു, ആര് കണ്ടാലും ഒന്ന് നോക്കി പോവുന്ന രീതിയിൽ തന്നെ ആയിരുന്നു മഞ്ജിമ മേക്കപ്പ് ഇട്ടിരുന്നതും.

വാതിൽ തുറന്ന ശേഷം തന്റെ മുന്നിൽ നിൽക്കുന്ന ആളെ മനസിലാക്കി എടുക്കാൻ കുറച്ച് പാട് പെട്ടു ജലജ.

തുറന്ന വാ, കൈ കൊണ്ട് പൊത്തി മഞ്ജിമയെ അടി മുടി നോക്കി ജലജ പറഞ്ഞു : അയ്യോ, മഞ്ചൂ, നീ തന്നെ ആണോ ഇതു. ആളാകെ മാറി പോയല്ലോ. കണ്ടിട്ട് മനസ്ടിലാവുന്നേ ഇല്ല.

ചുണ്ടിൽ പുഞ്ചിരി വരുത്തി മഞ്ജിമ : അതെ അമ്മായി. ഞാൻ തന്നെ ആണ്..

” കേറി വാ ” എന്നും പറഞ്ഞു മഞ്ജിമയെ കൈ പിടിച്ചു കൊണ്ട് തന്റെ വീട്ടിനുള്ളിലേക്ക് കയറ്റി ഇരുത്തി ജലജ.

” ചായ, കാപ്പി അല്ലെങ്കിൽ ഇപ്പോൾ 11 ആയില്ലേ സമയം, ചോറാവം “… ജലജ തന്റെ ആദിത്യ മര്യാദ കാണിച്ചു..

മഞ്ജിമ : ഒന്നും വേണ്ട അമ്മായി….

ജലജ വീണ്ടും വീണ്ടും മഞ്ജിമയെ തന്നെ നോക്കി. അവസാനം അഭിയുടെ ഒപ്പം ഭർത്താവിന്റെ വീട്ടിൽ പോയപ്പോൾ കണ്ടതാണ് മഞ്ജുവിനെ. അന്ന് ആകെ കരുവാളിച്ചു ഇരുന്ന പെണ്ണാണ്. എന്നാൽ ഇന്ന് തന്റെ മുന്നിൽ വെളുത്തു തുടുത്തു മുടിയൊക്കെ ഫാഷൻ ചെയ്ത്, കുറച്ച് കളറിങ് ചെയ്ത് സൈസ് ആയി സുന്ദരി പെണ്ണ് ആയിരിക്കുന്നു…..

മഞ്ജിമ ഒന്നും പറയാതെ ഹാളിന്റെ അങ്ങും ഇങ്ങും നോക്കി..

ജലജ : എന്നിട്ട്, എന്താ വിശേഷിച്ചു.. ആദ്യമായി അല്ലെ ഇവിടെ, വീട്ടിൽ. എല്ലാർക്കും സുഖം തന്നെ അല്ലെ വീട്ടിൽ..

മഞ്ജിമ ഉത്തരം പറയാതെ താഴെ നിലത്തു നോക്കി അല്പ നേരം, പിന്നെ ഒരു കരച്ചിൽ ആയിരുന്നു.

ജലജ ആകെ അമ്പരന്നു. ആദ്യമായി വീട്ടിൽ വന്നു മഞ്ജുവിന്റെ ഒരു കാരണവും കൂടാതെ ഉള്ള കരച്ചിൽ കണ്ട്.

ജലജ വേഗം മഞ്ജിമയുടെ അടുത്തു പോയിരുന്നു. മഞ്ജിമയെ തന്റെ ദേഹത്ത് ചേർത്തു കൂട്ടി പിടിച്ചു ചോദിച്ചു : എന്താ ഉണ്ടായത് മഞ്ജു, പറ.. എന്താന്ന് വച്ചാൽ പറ.

മഞ്ജു ഉത്തരം ഒന്നും പറയാനാവാതെ കരച്ചിൽ തുടർന്നു.

ജലജ : എന്താന്ന് വച്ചാൽ കാര്യം പറ അമ്മായിയോട്.

മഞ്ജിമ കരഞ്ഞു കൊണ്ട് വിക്കി വിക്കി പറഞ്ഞു : ഞാൻ,, ഞാൻ,, അഭി,, ഗർഭിണി ആണ്….

+43

-2