🚀🚀മഞ്ജിമ തുടക്കവും ഒടുക്കവും – 4🚀🚀 2അടിപൊളി  

അഭി സന്തോഷത്തോടെ നടന്നു, കക്കൂസിൽ പോകാൻ നിൽക്കുന്ന നവീനെ തടഞ്ഞു നിർത്തി അഭി പറഞ്ഞു : മഞ്ജിമ ആണ്, നിന്നോട് സംസാരിക്കണം എന്ന്.

നവീൻ : ആര്?..

അഭി : മഞ്ജിമ, ഇന്നലെ നീ സംസാരിച്ചില്ലേ..

നവീൻ : പറയൂ…

മഞ്ജിമ : അഭിയുടെ അമ്മയെ വിളിച്ചു പറയാത്തതിൽ താങ്ക്സ് ഉണ്ട്. ഒരു ഹെല്പ് ചെയ്യണം. നവീന്റെ ഫോൺ ഉണ്ടോ കയ്യിൽ.

നവീൻ ഫോൺ എടുത്തു…

മഞ്ജിമ തന്റെ ഫോൺ നമ്പർ പറഞ്ഞു കൊടുത്തു നവീന്. എന്നിട്ട് പറഞ്ഞു : എന്റെ നമ്പർ ആണ്, പേര് മഞ്ജിമ, സേവ് ചെയ്യണം. അഭി എങ്ങാനും ഇനി കള്ള് തൊട്ടാൽ എന്നെ ഒന്ന് വിളിച്ചേക്കണം. പ്ലീസ്….

നവീൻ ചിരിച്ചു കൊണ്ട് : അത്രേ ഉള്ളൂ, അത് ഞാൻ ഏറ്റു. ഇവന്റെ വാള് കോരി ഞാൻ എന്തായാലും വട്ടായി ഇരിക്കാർന്നു.

അഭി ഫോണും കൊണ്ട് തന്റെ റൂമിൽ പോയി….

സുദേവ് : ആരാടാ?..

നവീൻ : മഞ്ജിമ, അവന്റെ പെണ്ണ് ആണ് തോന്നുന്നു.

സുദേവ് : ആാാ, അമ്മ പറഞ്ഞിരുന്നില്ലേ, കല്യാണം റെഡി ആയിട്ടുണ്ട് എന്ന്…

നവീൻ :മുട്ടീട്ട് വയ്യ,,..

നവീൻ കക്കൂസിലേക്ക് ഓടി…

കക്കൂസിൽ നിന്നും ഫോണും നോക്കി കണ്ണ് തുറിച്ചു വരുന്ന നവീനെ കണ്ട് സുദേവ് ചോദിച്ചു : എന്താടാ?..

നവീൻ ഫോണിൽ നോക്കി കൊണ്ട് തന്നെ സുദേവിന്റെ അടുത്തു ചെന്നു ഇരുന്നു. എന്നിട്ട് ഫോൺ സുദേവിനു കാണിച്ചു കൊടുത്തു..

മഞ്ജിമയുടെ സ്റ്റാറ്റസ് ഫോട്ടോസ് കണ്ട്, കണ്ണ് മഞ്ഞളിച്ചു അവർ പരസ്പരം മുഖത്ത് നോക്കി. നോട്ടത്തിനുള്ള അർത്ഥം രണ്ട് പേർക്കും അറിയാം എങ്കിലും ഒന്നും പറഞ്ഞില്ല പരസ്പരം.

………………………………………………………………..

 

ഇന്നലെ വൈകുന്നേരം ആണ് ഫോൺ വരുന്നത് അഭിക്കു, അമ്മ ജലജയുടെ.

” എത്രയും പെട്ടെന്ന് ഇവിടെ എത്തണം എങ്ങിനെ എന്നൊന്നും എനിക്കറിയണ്ട “,,,, ഫോൺ കട്ട്‌ ചെയ്തു ജലജ.

അഭിക്ക് ഒന്നും മനസിലായില്ല, ഫോൺ വിളിച്ചു അമ്മ എടുക്കുന്നുമില്ല. പെട്ടെന്ന് ലീവ് ചോദിച്ചാൽ ,,, അതും അഭിയുടെ പ്രൊമോഷൻ വന്നു നിൽക്കുന്ന സമയം. അഭിയേക്കാൾ എത്രയോ വർഷങ്ങൾ പണിയെടുത്ത സീനിയർസിനെ മറികടന്ന്, അധികം സർവീസ് ഇല്ലാത്ത അഭിക്കു പ്രൊമോഷൻ കിട്ടാൻ പോകുന്നത്. അതിന്റ ചൊരുക്ക് പലർക്കും ഉണ്ട് താനും.

അഭി പതിയെ മാനേജരുടെ കേബിന്റെ മുൻപിൽ എത്തി. മതന്റെ ഫ്ലോർ മാനേജർസുമായി മീറ്റിംഗിലായിരുന്നു,അൻപതു വയസ്സ് പ്രായം ഉള്ള ജിന്റോ ജേക്കബ് എന്ന സീനിയർ മാനേജർ.

അഭിയെ പുറത്തു ഗ്ലാസ്സിലൂടെ കണ്ടപ്പോൾ ഉള്ളിലേക്ക് വരാൻ അനുവാദം കൊടുത്തു ജിന്റോ.

ജിന്റോ : പറയൂ അഭി, എന്ത് വേണം?..

അഭി : സർ, എനിക്ക് നാട്ടിൽ പോണം അത്യാവശ്യമായി. ഇപ്പോൾ തന്നെ.

 

അഭിയുടെ ഗ്രൂപ്പ്‌ സീനിയർ മിനി കൂടെ ഉണ്ടായിരുന്നു മീറ്റിംഗിന്റെ കൂട്ടത്തിൽ.

 

മിനി : അഭി,,,, എന്നോടൊന്നും പറയാതെ നേരെ ഇവിടെ വന്നാണോ ലീവ് ചോദിക്കുന്നത്.

 

അഭി : മാം, വളരെ പെട്ടെന്ന് ആയിരുന്നു. ഐആം സോറി..

 

പൊതുവെ മുരടനും, സ്‌ട്രിക്‌ട്ടും ആയ ജിന്റോ, കുറച്ച് മയത്തിൽ സംസാരിക്കുക, ചിരിക്കുകയോ ചെയ്യുക കമ്പനിയിൽ അഭിയോട് മാത്രം ആണ്. അതുകൊണ്ട് തന്നെ കമ്പനിയിൽ പലർക്കും അസൂയ ഉണ്ടായിരുന്നു അഭിയോട്, കൂടെ അഭിയുടെ പ്രൊമോഷന് പ്രധാന കാരണവും ജിന്റോ ആയിരുന്നു. അഭി അതിനു മാത്രം എന്താണ് സ്പെഷ്യൽ ആയി ചെയ്തത് എന്ന് ആർക്കും ഒരു എത്തും പിടിയും കിട്ടിയില്ല. അഭി കൂട്ടത്തിൽ ഉള്ളത് കൊണ്ട് മിനിക്കും അതിന്റെതായ ഗുണങ്ങൾ ഉണ്ടായിരുന്നു.

ജിന്റോ അഭിയോട് ചോദിച്ചു : എന്ത് പറ്റി?.

അഭി : സത്യം പറഞ്ഞാൽ അറിയില്ല സർ ,, അമ്മയുടെ ഫോൺ വന്നു, വേഗം ചെല്ലാൻ പറഞ്ഞു. ഇപ്പോൾ വിളിച്ചു എടുക്കുന്നുമില്ല ഫോൺ.

ജിന്റോ : ഓകെ,, എങ്ങിനെ ആണ് പോകുന്നത്. ഓഫീസ് കാറിൽ ഡ്രോപ്പ് ചെയ്യാം എയർപോർട്ടിൽ.

അഭി : സർ, ഇപ്പോൾ ഫ്ലൈറ്റ് ഇല്ല. ബസ് ഉണ്ടാവും.

ജിന്റോ : ഓകെ…. യൂ ഗോ ദൻ,,, കാൾ മീ ഡയറക്റ്റ്ലി ഇൻകേസ് ഓഫ് എനി ഇഷ്യൂസ്…

അഭി : താങ്ക് യൂ സർ..

അഭി റൂം വിട്ടു പോയി. മിനിയടക്കം എല്ലാവരും അന്തം വിട്ടു, കല്യാണത്തിന് വരെ ഒരാഴ്ച ലീവ് കൊടുക്കുന്ന ജിന്റോയുടെ, അഭിയോടുള്ള പെരുമാറ്റം ആലോചിച്ചു…